Милләт рухы — йырҙаНиндәй генә хәлдә лә ул башҡорт,
Йырҙан башҡа һис көн итмәгән.
Ат ҡайғыһы юҡ тип әйткәндә лә,
Йыр ҡайғыһы юҡ тип әйтмәгән...
Йыр һөйөүсе халҡыбыҙ хаҡында шулай тип яҙған күренекле замандашыбыҙ, Салауат Юлаев исемендәге дәүләт премияһы лауреаты, шағир Хәсән Назар. Эйе, йырһыҙ тормошобоҙҙоң йәме, ерҙең күркәмлеге юҡ һымаҡ. Унһыҙ йәшәү мөмкин түгел. Шуғалыр ҙа һәр кемебеҙҙең араһында йыр-моңға маһир кешеләр бар. Улар һөнәре буйынса артист та түгел, телевизорҙан да күренмәйҙәр. Бары тик яҡындарын, бик тә булмаһа, клубта сығыш яһап, ауылдаштарын һоҡландыралар.
Ком: 1 // Уҡынылар: 2389 тапҡыр // Тотош уҡырға
Сауҙа – тотороҡло

Башҡортостанда ағымдағы йылдың ун айында бүлеп һатылған тауарҙар әйләнеше 454 миллиард һум тәшкил иткән (былтырғы күрһәткестән 5,1 процентҡа күберәк).
Аҙыҡ-түлек һәм сәнәғәт тауарҙары яҡынса бер үк суммаға – 227-шәр миллиард һумлыҡ һатылған.
Белгестәр әйтеүенсә, республикала тауар запастары күләме тотороҡло, улар 53 — 55 көн сауҙа итеүгә етә.
Ком: 0 // Уҡынылар: 1551 тапҡыр // Тотош уҡырға
Республика Прокуратураһы Башҡортостан Президенты Хакимиәте Эштәр идаралығының “Матбуғат донъяһы” нәшриәтендә һөйләшеүҙәрҙе яҙыусы махсус саралар табылыу факты буйынса енәйәт эше ҡуҙғатыу тураһындағы ҡарарҙы законлы тип таныны. Күҙәтеү ведомствоһының матбуғат хеҙмәте ошо хаҡта хәбәр итте.
Нәшриәт хеҙмәткәрҙәре осраҡлы рәүештә үҙ офисында “билдәһеҙ” ҡулайламалар табып ала. Экспертиза асыҡлауынса, улар хеҙмәткәрҙәрҙең телефон аша һәм башҡа һөйләшеүҙәре тураһындағы мәғлүмәттәрҙе йәшерен тыңлауҙың техник саралары булып сыға.
“Телефон аша һөйләшеүҙәрҙе һәм башҡа хәбәрҙәрҙе тыңлау саралары хеҙмәткәрҙәрҙең ризалығынан тыш ҡуйылған.
Ком: 0 // Уҡынылар: 1444 тапҡыр // Тотош уҡырға
Һәр белгескә — 1 миллион һумТотош Рәсәйҙә, шул иҫәптән Башҡортостанда ла, ауыл ерендә медицина кадрҙарының етешмәүе — күптәнге киҫкен мәсьәлә. Сер түгел, уҡып бөткәндән һуң йәш белгестәр ауылға эшкә барырға атлығып тормай, нисек тә ҡалаларҙа төпләнергә ынтыла.
Һуңғы йылдарҙа район һәм ҡалаларҙа дауалау-иҫкәртеү учреждениеларын төҙөүгә иғтибар артыуы һәм уларҙың заманса ҡорамалдар менән йыһазландырылыуы ла аҡ халатлыларҙа ҡыҙыҡһыныу уята алмай. Кадрҙарға ҡытлыҡты түбәндәге миҫал да күҙ алдына баҫтырырға ярҙам итер, моғайын. Илдә табиптарҙың штат берәмеге 66 мең самаһы иҫәпләнһә лә, эшләгәндәренең һаны 41 меңләп кенә, улар араһында йәш белгестәр ни бары — 6,5 мең.
Республикабыҙҙа 10 мең кешегә 38,5 табип тура килһә, ауылдарҙа был күрһәткес тағы ла түбәнерәк, йәғни 10 мең кешегә — 14 самаһы. Әле ауыл ерендәге һаулыҡ һаҡлау учреждениеларында юғары белемле 1280 белгес етешмәй. Йыл һайын уҡыу йорттарын тамамлаусыларҙың 300-ө райондарға ебәрелһә лә, улар социаль-көнкүреш мәсьәләләренең хәл ителмәүе, эш хаҡының түбән булыуы һәм артабан үҫеш өсөн мөмкинлектәрҙең сикләнеүе сәбәпле урындарҙа ерекмәй.
Ком: 0 // Уҡынылар: 1487 тапҡыр // Тотош уҡырға
– Өлгөрбай ағай, үҙегеҙ килеп сығып ҡалай йәтеш иттегеҙ әле!
Мәсетле районына килеп төшөү менән мине барса халыҡ уратып алды ла кем уҙарҙан үпкәләре тураһында һөйләй башланы.
– Беҙҙең яҡтарҙы оноттоғоҙ, хәлдәребеҙҙе белмәйһегеҙ, гәзиткә маҡтап яҙырҙай шәп кешеләребеҙ бар.
– “Ҡарағай” шифаханаһының директоры Розалия Солтанова үҙе генә ни тора!
– Шулай шул! Ҡыйыулығына шаҡ ҡатабыҙ. Әзмәүерҙәй ирҙәрең йөрьәт итмәҫ эштәргә тотоноуына иҫ-аҡылыбыҙ китә.
– Йомартлығын әйт әле!
– Ә үҙе шундай баҫалҡы, бер ҙә кәперәйеп, мин шуны эшләнем, быны эшләнем, тип һис һөйләнеп йөрөмәҫ.
Ваҡыт яғы бик тығыҙ булһа ла, киттем шифаханаға. Барайым, күрәйем.
Ком: 1 // Уҡынылар: 1635 тапҡыр // Тотош уҡырға
«Башҡортостан» гәзите оҡшай, ул йылдан-йыл үҙгәрә, камиллаша. Шулай ҙа бер-ике тәҡдимем бар.
Әле гәзиттең исеме ҡалын ҡара шрифт менән баҫыла. Әгәр ҙә асығыраҡ һәм нәҙегерәк хәрефтәр менән яҙһағыҙ, яҡшы булмаҫмы икән?
Йома һанының исемен әҙерәк ғәрәп хәрефтәренә оҡшатһағыҙ, тағы ла отошлораҡ булыр ине.
Киләһе йылда Ватан һуғышына 200 йыл тула. Был теманы яҡтыртҡанда балаларҙы ла онотмағыҙ. «Йәнтүрә хикәйәләре» кеүек хәтирәләр «Тубырсыҡ» ҡушымтаһында баҫылһын ине. Был бик тә фәһемле, ҡыҙыҡлы буласаҡ.
Ком: 0 // Уҡынылар: 1592 тапҡыр // Тотош уҡырға
Октябрь үҙенең моңһоу көндәре, ямғырҙары, «әбейҙәр сыуағы»ның ҡыҫҡа ғына булыуы менән күңелдәрҙә һаҡланып ҡалды. Ошондай үҙгәреүсән һауа торошо редакция почтаһына ла тәьҫир итмәй ҡалманы – уҡыусыларыбыҙҙан йәмғеһе 150 хат килде.
Киләһе йылдың тәүге яртыһына гәзит-журналдарға яҙылыу дауам итә. Шул уңайҙан «Башҡортостан» гәзитенең йөкмәткеһен байытыу, төрләндереү, уны тағы ла уҡымлыраҡ итеү хаҡында фекерҙәр, тәҡдимдәр яҙылған хаттар байтаҡ булды.
Ишембай районының Һайран ауылынан Ғәлимйән Яҡупов, «Башҡортостан» гәзитенә яҙылып, ундағы мәҡәләләрҙең береһен ҡалдырмайынса уҡып сығыуы тураһында яҙа. «Хат юлға саҡыра», «Өлгөрбай яҙмалары» рубрикаларының ҡабаттан донъя күрә башлауын хуплай ул.
Ком: 0 // Уҡынылар: 1798 тапҡыр // Тотош уҡырға
Хеҙмәтенә күрә — хөрмәтеКисә республиканың ауыл хужалығы һәм эшкәртеү сәнәғәте хеҙмәткәрҙәре һөнәри байрамын билдәләне. Ошо айҡанлы Өфөлә тантаналы саралар үтте. Унда төрлө район-ҡалаларҙан хеҙмәт алдынғылары килгәйне.
Башҡортостан Президенты Рөстәм Хәмитов бер төркөм тармаҡ эшсәндәренә наградалар тапшырҙы.
— Бөгөн мөһим сараға — ауыл хужалығы хеҙмәткәрҙәрен бүләкләү тантанаһына йыйылдыҡ, — тине республика етәксеһе. — Барыбыҙ ҙа ҙур эш башҡарҙыҡ. Һөҙөмтәләр яҡшы. Иң мөһиме — ауыл хужалығындағы хәлде үҙгәрттек.
Ысынлап та, һөҙөмтәләр һәйбәт. Беҙ көйһөҙ һауа торошо, техника етешмәү, аҡса аҙлығына бәйле етди мәсьәләләрҙе хәл итә алдыҡ.
Мал ҡышлатыуҙың яҡшы үтеренә шикләнмәйбеҙ: аҙыҡ етерлек. Буралар иген менән тулы. Иртәгегә шундай ышаныс кешеләргә лә күсә. Әлбиттә, ауыл хужалығы тармағын яңыртыуҙы, үҫтереүҙе артабан да дауам итәсәкбеҙ. Беҙ яңғыҙ түгел.
Ком: 0 // Уҡынылар: 1757 тапҡыр // Тотош уҡырға
Республикала Рәсәй Федераль Йыйылышының Дәүләт Думаһына алтынсы саҡырылыш депутаттарын һайлауға әҙерлек әүҙем бара. Кисә Әхмәтзәки Вәлиди исемендәге милли китапханала асылған "Һайлауҙар тарихы — ил тарихы" күргәҙмәһе лә быға миҫал. Уны Башҡортостандың Үҙәк һайлау комиссияһы, республиканың Мәҙәниәт министрлығы, Башҡортостан Хөкүмәте ҡарамағындағы Архив эштәре буйынса идаралыҡ ойошторған.
Һайлаусылар араһында хоҡуҡи мәҙәниәт булдырыуҙы маҡсат итеп ҡуйған күргәҙмә китапхананың яңы ғына ремонтланған өсөнсө ҡатында бара. Стендтарҙа һирәк китаптар, текстар, манифестар, закондар ҡуйылған. Документтарҙың күбеһе XX быуат башында нәшер ителгән. Улар илдә Дәүләт Думаһының барлыҡҡа килеү осорон сағылдыра, Өфө губернаһының Дәүләт Думаһына һайлауҙар тураһындағы комиссияһы ултырыштары хаҡындағы мәғлүмәттәр ҙә ҙур ҡыҙыҡһыныу уята. Экспозицияла төрлө осорҙарҙы һүрәтләгән листовкалар, лозунгтар күп.
Ком: 0 // Уҡынылар: 1386 тапҡыр // Тотош уҡырға
Ошо көндәрҙә Мәскәүҙә Башҡортостан Республикаһының Рәсәй Президенты ҡарамағындағы Тулы хоҡуҡлы вәкиллегендә социаль туризм мәсьәләләре буйынса I Бөтә Рәсәй форумына әҙерлек һәм уны үткәреү буйынса ойоштороу комитетының ултырышы булды. Сараны 15 – 16 декабрҙә Өфөлә уҙғарыу күҙаллана.
Туризм буйынса федераль агентлыҡ, 2011 йылда “Рәсәй Федерацияһында эске һәм ситтән килгән туризмды үҫтереү (2011 – 2018 йылдар)” айырым маҡсатлы федераль программаһын тормошҡа ашырыуға ярашлы, Башҡортостан Президенты Рөстәм Хәмитовтың ҡарауына баш ҡалала ошондай форум үткәреү тәҡдимен индерҙе. Бөгөн Башҡортостан — был проект тормошҡа ашырылған берҙән-бер төбәк.
Туризм буйынса федераль агентлыҡ етәксеһе урынбаҫары Дмитрий Михеев билдәләүенсә, Башҡортостанда туризмды үҫтереү өсөн бөтә мөмкинлектәр бар. Ошондай тәжрибәне артабан да байытырға кәрәк.
Ком: 0 // Уҡынылар: 1308 тапҡыр // Тотош уҡырға
1991 йылда халыҡтың тир түгеп, тинләп тигәндәй йыйған аҡсаһы һаҡлыҡ банкында “янды”. Кире ҡайтарыласаҡ, тип вәғәҙә биреп, алдаштыра торғас, 20 йыл да үтеп китте. Хәҙер вклад хужаларына аҡсаларын биреү хаҡында берәү ҙә уйламай.
Минеңсә, банкта аҡсаһы “яныусыларҙың” вафат булып бөтөүен көтәләрҙер. 2004 йылда “тура бәйләнеш”тә ул саҡтағы Рәсәй Президентына ошо мәсьәлә буйынса биргән һорауыма ҡарата Башҡортостан Республикаһы Милли банкы һүҙ бутҡаһынан торған өс битлек яуап ебәргәйне. Унда фәҡәт компенсация тураһында ғына һүҙ бара, ә һаҡлыҡ кассаһына һалынған аҡса хаҡында — ләм-мим. Ғәмәлдә иһә мең һумға тиклем компенсация түләнде лә ҡалғаны — вәссәләм.
Ком: 0 // Уҡынылар: 1086 тапҡыр // Тотош уҡырға
Башҡортостан Республикаһы Дәүләт Йыйылышы — Ҡоролтайҙың ҡырҡ бишенсе ултырышы 30 ноябрҙә уҙғарыла. Республика парламенты Президиумының 22 ноябрҙәге ултырышында ошондай ҡарар ҡабул ителде.
Киләһе аҙнала “Башҡортостан Республикаһында халыҡҡа пассажирҙар автомобиль транспортында транспорт хеҙмәттәре күрһәтеүҙе ойоштороу тураһында”ғы Башҡортостан Республикаһы Законына үҙгәрештәр индереү хаҡында”ғы республика законы проекты беренсе уҡыуҙа ҡараласаҡ. Закон сығарыу башланғысы федераль ҡануниәттәге үҙгәрештәргә бәйле пассажирҙар ташыуға контроллек итеү йәһәтенән вәкәләттәрҙе көйләй.
Дәүләт Йыйылышы Рәйесе Константин Толкачевтың шәхси блогында ошо башланғыс әүҙем тикшерелә. Парламент башлығы яңы закондың ғәмәлдә нисек тормошҡа ашырыласағына аңлатма бирә.
Ком: 0 // Уҡынылар: 1362 тапҡыр // Тотош уҡырға
Үҙ йортоңда йәшәүгә ни етә?!Ҡандра-Ҡотой ауылы төҙөклөгө һәм күркәмлеге менән һәр саҡ күңелде үҙенә тартып тора. Күп кеше бында бөтә уңайлыҡтары булған заманса иркен, яҡты йорттарҙа йәшәй.
Һуңғы осорҙа ауылдың көнсығыш яғында тағы бер яңы урам ҡалҡып сыҡты. Канада технологияһы буйынса һалынған матур йорттарҙың асҡысын үҙ ҡулдарына алған бер нисә ғаилә өй туйын үткәрергә лә өлгөргән.
— Беҙҙең районда хәҙер аҙ ҡатлы торлаҡ төҙөлөшөнә өҫтөнлөк бирелә, — тип һөйләй Ҡандра ауылы хакимиәте башлығы Айрат Сафиуллин. — Был йорттар “2012 йылғаса ауылды социаль үҫтереү” федераль программаһы сиктәрендә төҙөлдө. Төбәктәге ауыл хужалығы предприятиелары белгестәргә, йәш кадрҙарға ҡытлыҡ кисерә. Ҡандра-Ҡотойҙа был мәсьәләне хәл итеүҙең үҙенсәлекле һәм отошло юлын таптылар: К. Фәрхетдинов исемендәге кооператив (районда иҡтисади яҡтан көслө хужалыҡтарҙан һанала), халыҡ менән кәңәшләшеп, йәштәргә эшлекле ярҙам ҡулы һуҙырға, дәүләт субсидияһын юллау, тәүге иғәнәне индереү кеүек мәшәҡәтле эштәрҙе үҙ иңенә алырға теләк белдерҙе.
Ком: 0 // Уҡынылар: 1169 тапҡыр // Тотош уҡырға
Үҙ эшеңде ойоштороуҙы нимәнән башларға һәм буласаҡ пенсия күләмен нисек арттырырға? Йыйған аҡсаны ҡайҙа һаҡлау хәүефһеҙ һәм Интернет-магазиндан әйбер һатып алыуҙың ҡурҡынысы юҡмы? Ошо һәм башҡа бихисап һорауҙарға яуапты хәҙер бер урындан табырға була. Йәштәр финанс үҙәгенең Интернеттағы сайты (адресы: www.mfc-ufa.ru) һәр кемгә ярҙамға киләсәк.

Иҡтисад белеме биреүсе сайт

Ул илдә йәштәр өсөн булдырылған тәүге финанс үҙәге булып танылды һәм сентябрҙән эш башланы. Үҙенең уҡытыу программаһы бар, Интернеттағы сайт ошо йәһәттән эште дауам итә.
– Виртуаль киңлек иң тәүҙә бөтә мәғлүмәтте бер урындан табыу мөмкинлеге менән отошло. Бында финанс өлкәһендәге яңылыҡтар, төрлө конкурстар һәм олимпиадалар, башҡа ошондай сайттарға тоҫҡамалар табырға була, – ти үҙәктең етәксеһе Айрат Бакаев.
Ком: 0 // Уҡынылар: 1113 тапҡыр // Тотош уҡырға
Төбәк даны халыҡҡа бәйлеОлпат тауҙар, зәңгәр күлдәр иле Әбйәлилдә уңған, тырыш халыҡ йәшәй. Төрлө яҡлап үҫешкән, бай тарихлы төбәктәрҙең береһе ул. Хозур тәбиғәте, ҡабатланмаҫ шәхестәре, дәртле һәм сәмле халҡы менән дан тотҡан әбйәлилдәрҙең бөгөнгөһө ниндәй? Районда ниндәй тармаҡтар айырыуса уңышлы үҫешә? Киләсәккә ниндәй уй-хыялдар менән яна урындағы етәкселәр? Ошо һәм башҡа һорауҙарға яуап алыу маҡсатында район хакимиәте башлығы Рим СЫҢҒЫҘОВҠА мөрәжәғәт иттек.
— Рим Һатыбал улы, Әбйәлил ауыл хужалығы районы булғас, һүҙебеҙҙе ошо өлкәнән башлайыҡ. Быйылғы уңышты түкмәй-сәсмәй йыйып ала алдығыҙмы, ураҡ һөҙөмтәләре ҡәнәғәтләндерәме, ғөмүмән, игенселәрҙең кәйефе нисек?
— Ниһайәт, быйылғы йыл ауыл хужалығы эшсәндәре өсөн яҡшы булды. Йыл да ҡабатланып килгән аяуһыҙ ҡоролоҡтан һуң күпселек предприятиелар тамам йонсоғайны. Ваҡытында яуған ямғырҙар хәлде бер аҙ яҡшыртты, хужалыҡтар мал аҙығын етерлек кимәлдә әҙерләне. Район буйынса шартлы һәр баш малға 34 центнер аҙыҡ берәмеге тупланған.
Ком: 0 // Уҡынылар: 1998 тапҡыр // Тотош уҡырға
Артҡа 1 2 Алға
Бит башына