Беҙҙекеләр — Кремлдә27 ноябрҙә Мәскәүҙең Дәүләт Кремль һарайында “Сығышыбыҙ — Башҡортостандан” тигән мәҙәни сара үтте. Унда республикабыҙҙы атайсал тип иҫәпләгән яҡташтарыбыҙ йыйылды.
Башҡортостандың иң яҡшы коллективтары, башҡарыусылары һәм республиканан бүтән төбәктәргә йәки илдәргә китеп тә, үҙенең Тыуған иле менән бәйләнеште өҙмәгән Рәсәйҙең билдәле “йондоҙҙары” концерты исем туйының төп өлөшөнә әүерелде.
// Уҡынылар: 1558 тапҡыр // Тотош уҡырға
Көрәш көслө рух тәрбиәләй25 — 28 ноябрҙә Өфөнөң “Динамо” спорт комплексында VIII Бөтә Рәсәй Көрәш сәнғәте форумы үтте. Ярыш өсөн Башҡортостанды һайлауҙары осраҡлы түгел — беҙҙә көнсығыш көрәштең һәр төрөнә ҙур иғтибар бүленә.
2005 йылда ойошторолған Рәсәйҙең Көрәш сәнғәте союзы әле 50-нән ашыу федерацияны үҙ эсенә ала. Дөйөм алғанда, илдә көрәш төрҙәре менән 4,5 миллиондан ашыу кеше шөғөлләнә.
Союздың Башҡортостандағы филиалы (етәксеһе — Марат Мәһәҙиев) 2006 йылда булдырылды. Ошо уҡ йылда Башҡортостандың Көрәш сәнғәте союзы йәмәғәт ойошмаһы төҙөлдө, уның рәйесе итеп Александр Соснин тәғәйенләнде. Әле ул каратэның бер нисә стиле, айкидо, таэквондо, ушу, кикбоксинг, тай һәм француз боксы, капоэйра, ҡул һуғышы, комбат үҙ-үҙеңде яҡлау, көнсығыш көрәш төрҙәре буйынса 23 төбәк федерацияһын берләштерә.
Ком: 0 // Уҡынылар: 1453 тапҡыр // Тотош уҡырға
Уңыш сере — хеҙмәттәшлектәРәсәй Федерацияһы Федераль Йыйылышының Дәүләт Думаһы депутаттарын һайлауға әҙерлек тамамланыуға яҡынлаша. Республикабыҙҙа граждандарҙың һайлау хоҡуҡтарын үтәүгә контроллек итеү Башҡортостан Республикаһының Үҙәк һайлау комиссияһына йөкмәтелде.
Әңгәмәләшебеҙ — Башҡортостандың Үҙәк һайлау комиссияһы рәйесе урынбаҫары Наилә Фаяз ҡыҙы АЛТЫНОВА.
— Агитация кампанияһы бына-бына иң юғары нөктәһенә етәсәк. Рәйес урынбаҫары булараҡ, һеҙгә комиссия эшендәге иң мөһим йүнәлештәрҙең береһе — һайлауҙа ҡатнашҡан сәйәси партиялар менән эш итеү бурысы йөкмәтелгән.
— Рәсәйҙең ете сәйәси партияһының да Башҡортостан Республикаһында төбәк бүлексәһе бар. Партия вәкилдәре Башҡортостан Республикаһы Үҙәк һайлау комиссияһы менән күптән аралаша. Әйтергә кәрәк, һуңғы ваҡытта был аралашыу эшлеклерәк төҫ ала.
Ком: 0 // Уҡынылар: 1431 тапҡыр // Тотош уҡырға
Элек көнләшә инекСит илдәрҙә хаҡлы ялға сыҡҡан граждандарҙың, хатта 70 — 80 йәшлектәренең дә алыҫ ҡитғаларға сәфәр сығыуын, сәйәхәт ҡылыуын ишетеп, берсә һоҡлана, берсә ғәжәпләнә һәм хатта көнләшә лә инек. Аптырарлыҡ та ине шул: нисек аҡса туплайҙар ҙа төбәктәр буйлап гиҙерлек дәрт-дарманды ҡайҙан алалар? Ниһайәт, беҙҙең пенсионерҙарға ла бәхет йылмайҙы. Республикала хаҡлы ялдағыларҙың тормошон сағыулатыу, үҙҙәрен йәмғиәттән ситтә тоймаһын һәм уларға хәстәрлекте арттырыу маҡсатында ҡарар ителгәйне социаль туризмды ойоштороу. Әйткәндәй, был пилот проекты илдә тәүгеләрҙән булып Башҡортостанда тормошҡа ашырыла башланы.
“Башҡортостан Республикаһында 2011 йылға социаль туризмды үҫтереү” программаһы апрелдә ҡабул ителде.
Ком: 0 // Уҡынылар: 1310 тапҡыр // Тотош уҡырға
26 ноябрҙә Башҡортостан Президенты Рөстәм Хәмитов “Әсә көнө” байрамы үткәрелгән Өфөнөң Химиктар мәҙәниәт һарайында булды. Унда күп балалы һәм инвалид бала тәрбиәләүсе ғаиләләр йыйылғайны. Әлеге сара Өфөлә “Берҙәм Рәсәй” көнөн үткәреү сиктәрендә ойошторолдо.
— Дәүләт әсәләргә ярҙам итеү мәсьәләһен тәүге урынға ҡуя, — тине республика башлығы. — Беҙ әлегә эште башлап ҡына торабыҙ, тәүге аҙымдарҙы яһайбыҙ. Мин, республика етәксеһе булараҡ, беҙҙең әсәләргә еңелерәк булһын өсөн торлаҡ менән дә, ер менән дә, һәр ғаиләлә булған башҡа бик күп мәсьәләләр буйынса ресурстарҙы нисек йүнәлтеү хаҡында йыш уйлайым. Беҙ әле үҙебеҙ теләгәнсә бай һәм уңышлы йәшәмәйбеҙ. Ләкин әсәләрһеҙ, ғаиләләрһеҙ, кешеләрһеҙ илдә бер нәмә лә эшләп булмаясағын аңлайбыҙ. Власть кешеләргә таянып ҡына эшләй ала, кешеләргә ярҙам итеп кенә эш итеүе мөмкин һәм эш итергә тейеш.
Ком: 0 // Уҡынылар: 1367 тапҡыр // Тотош уҡырға
Ҡыш – ҡырыҫ булһа ла, хозур миҙгел. Ергә ҡар ятыу менән күптәр Яңы йыл байрамын көтә. Өй түрендә – ҡупшы шыршы. Декабрь урталарынан шыршы баҙарҙары эшләй башлаясаҡ. Һәр кем үҙенә оҡшаған ҡупшыҡайҙы һайлап алыу мөмкинлегенә эйә. Ләкин арабыҙҙа тыйылған эшкә тотоноусылар – ағасҡа балта күтәреүселәр ҙә бар…
Шуға күрә декабрь урталарынан Көньяҡ Урал дәүләт тәбиғәт ҡурсаулығында “Шыршыҡай” операцияһы башлана. Ете урман хужалығының дәүләт инспекторҙары һәм ҡурсаулыҡтың оператив төркөмө ылыҫлы ағастарҙы законһыҙ ҡырҡыуҙан һаҡлаясаҡ, ауылдар, юл буйҙарына патрулгә сығасаҡ.
Ылыҫлы урмандарҙы юҡ итеү тәбиғәткә зыян килтерә.
Ком: 0 // Уҡынылар: 1463 тапҡыр // Тотош уҡырға
Быйылғы һайлауҙар һуңғы ун йыллыҡта иң ауырҙарҙың береһе булмаҡсы. Был хаҡта Башҡортостан Президенты Рөстәм Хәмитов “Берҙәм Рәсәй” партияһы ағзалары, Өфөнөң почетлы граждандары, ветерандар һәм баш ҡаланың йәмәғәт әүҙемселәре менән осрашҡан сағында белдерҙе.
Бөгөн партияға һәм дәүләтебеҙ етәкселәренә ҡаршы тыйылған юлдар менән көслө көрәш бара.
— Партияға үҙенең дөрөҫлөгөн һәм көсөн күрһәтер ваҡыт етте. Бөгөн, ун йыл элекке менән сағыштырғанда, хәлдәр бөтөнләй башҡа. Әммә халыҡтың ихтыяжы беҙҙең йүнәлештән алдараҡ бара, һәм был дәғүәселәргә тәнҡит өсөн урын ҡалдыра, — тине Рөстәм Хәмитов. — Шуға күрә хәҙер беҙ “Власть халыҡ өсөн” тигән лозунг буйынса эшләйбеҙ. Бары халыҡҡа таянып ҡына ыңғай һөҙөмтәләргә, алға китешкә өлгәшә аласаҡбыҙ.
// Уҡынылар: 1065 тапҡыр // Тотош уҡырға
2012 йылдың 4 мартында ил Президентын һайлау буласаҡ. “Берҙәм Рәсәй” сәйәси партияһы исеменән кандидат итеп Владимир Путин күрһәтелде. Был хаҡта уҙған ял көндәрендә Мәскәүҙә үткән партия съезының икенсе этабында билдәле булды.
— Рәсәйгә аҡыллы һәм көслө етәксе кәрәк. Ул беҙҙең граждандарҙың хоҡуҡтарын яҡларға ғына түгел, бурыстары тураһында ла иҫтәренә төшөрөргә тейеш. Ундай кеше беҙҙә бар. Ул — Владимир Путин, — тине Рәсәйҙең халыҡ артисы, кинорежиссер Станислав Говорухин.
Владимир Путиндың кандидатураһын шулай уҡ Бөтә Рәсәй “Эшлекле Рәсәй” йәмәғәт ойошмаһы, Дөйөм Рәсәй Халыҡ фронты вәкилдәре, улар араһындағы күп балалы әсәләр, эшселәр һәм көс структуралары вәкилдәре хупланы.
// Уҡынылар: 1325 тапҡыр // Тотош уҡырға
Рәсәйҙең башҡа илдәр алдында абруйы нығынғандан-нығына. Хәҙер барыһы ла беҙҙең менән иҫәпләшергә мәжбүр. Илебеҙ үҙ баһаһын белеп кенә, һис ашыҡмай, ел-дауылға бирешмәй, ышаныслы алға барған карапты хәтерләтә. Шул уҡ ваҡытта ҡайһы бер дәүләттәрҙең хата аҙым яһап, терһәген тешләр хәлгә етеүе күҙәтелә.
Пакистан АҠШ менән үҙ-ара мөнәсәбәттәрен ҡырҡа үҙгәртмәксе: үҙ биләмәһендә урынлашҡан Америка авиабазаһын ситкә күсереүҙе талап итте һәм «тыныслыҡ урынлаштырыусылар»ға Афғанстанға көньяҡтан юлды ябыу менән янаны. Быға афған талиптарына ҡаршы хәрби операцияла ҡатнашыусы НАТО самолеттарының, яңылышып китеп, Пакистан армияһының һаҡ посын бомбаға тотоуы, һөҙөмтәлә 30 кешенең һәләк булыуы сәбәпсе. Ошондай уҡ хәл быйыл сентябрҙә лә булғайны: бомбаларҙың яҙа китеүе арҡаһында өс һалдатын юғалтҡас, Пакистан НАТО армияһын хеҙмәтләндереүсе йөк транспортының 70 проценты үткән «көньяҡ коридор»ҙы ике аҙнаға япты.
// Уҡынылар: 1257 тапҡыр // Тотош уҡырға
Һаулыҡ һаҡлау өлкәһен үҫтереү мәсьәләләре буйынса республика Советының күсмә ултырышы быйыл 25 ноябрҙә Малаяҙҙа үтте. Унда төньяҡ-көнсығыш төбәктәрҙең — Салауат, Балаҡатай, Дыуан, Мәсетле, Ҡыйғы райондары халҡының һаулығын һаҡлау мәсьәләләре ҡаралды.
Киңәйтелгән ултырышта Башҡортостан Президенты Рөстәм Хәмитов, Рәсәйҙең баш дәүләт санитар табибы Геннадий Онищенко, Рәсәй мотлаҡ медицина страховкалауы системаһын модернизациялау идаралығы етәксеһе Ольга Царева, Башҡортостан һаулыҡ һаҡлау министры Георгий Шебаев, ҡала, район хакимиәттәре башлыҡтары, уларҙың социаль мәсьәләләр буйынса урынбаҫарҙары, дауаханаларҙың баш табиптары, шифаханалар директорҙары ҡатнашты.
Төшкә тиклем Башҡортостан Президенты һәм Мәскәү ҡунаҡтары тулыһынса төҙөкләндерелгән Малаяҙ дауаханаһында булды, ҡала, район хакимиәттәре башлыҡтары Дыуан районын сәфәр тотоп, яңыртылған Мәсәғүт дауаханаһын ҡараны.
Ком: 0 // Уҡынылар: 1510 тапҡыр // Тотош уҡырға
Һуңғы осорҙа "Салауат Юлаев" хоккей клубы тураһындағы хәбәрҙәр спорт донъяһын түгел, ә фронт яңылыҡтарын хәтерләтә. Көйәрмәндәр араһында команданың киләсәгенә бәйле байтаҡ имеш-мимеш йөрөй, һәр кем был миҙгелдәге уңышһыҙлыҡтың сәбәбен үҙенсә аңлатырға тырыша. Әммә шуныһы бәхәсһеҙ: Континенталь хоккей лигаһы чемпионы насар уйнарға тейеш түгел. Ни тиһәң дә, "Салауат" өсөн Өфө генә түгел, ә тотош республика халҡы "ауырый".
"Ҡара октябрҙән" һуң команда уйынсылары араһында "таҙартыу"ҙар башланды. Иң тәүҙә легионерҙарға эләкте: клуб хужалары "Салауат"та чемпион исемен яулаған Якуб Клепиш менән Роберт Нильссондан баш тартты. Һуңынан баш тренер Сергей Михалев менән дә "хушлаштылар". Команданың "теҙгене" Венер Сафиндың ҡулына күсте. Беҙгә "Нефтехимик"ка юлланған Владимир Голубовичты, фин Раймо Сумманенды һәм башҡаларҙы баш тренер итеп "ҡоҙалап" ҡаранылар. Әммә клуб етәкселеге үҙебеҙҙең кадрға өҫтөнлөк бирҙе.
Ком: 0 // Уҡынылар: 1308 тапҡыр // Тотош уҡырға
"Яртың бармы?"Ҡырҡ йыл ситтә йөрөгәндән һуң, тыуған ауылымды бер күреп китәйем әле тип, ҡайтып киләм. Үҙгәргәндер инде. Ә минең күҙ алдымда элекке ауыл тора. Мал-тыуарын йыйғас, киске һалҡында Әхмәт бабай ҡапҡа төбөнә сығып ултырған да, уның янына Сәмиғулла бабай килеп Туҡайҙың: “Ә шулаймы? Аҡса барҙа барыһы ла дуҫ та, барыһы ла йәр. Аҡса еҫе сыҡмай торһа, барыһы ла яныңдан тайыр”, — кеүек һүҙҙәре менән телмәрен һөйләйҙер һымаҡ. Фәрхиямал әбей ҙә, әле булһа ауырыуҙар янына килеп, өшкөрөп-төкөрөп, матур-матур һүҙҙәр әйтеп, йыуатып йөрөйҙөр кеүек.
Беләм, уларҙың күптән йәндәре йәннәттә. Мин үҙем дә пенсиялағы олоғайған кеше...
Ком: 0 // Уҡынылар: 1370 тапҡыр // Тотош уҡырға
Өфөлә Ай тотолдоОшо ғәжәйеп күренеште ҡарарға халыҡ күп йыйылды. Көтөлмәгән хәл бит, был хаҡта хатта астрологтар ҙа иҫкәртеп өлгөрә алмай ҡалды, сөнки башҡа тарафтарҙың күгендә һин дә мин йөҙгән Ай нәҡ Өфөбөҙҙә килеп тотолһонсо әле! Ләкин шуныһы ҡыҙыҡ: Ай тотолоуҙан донъяны ҡараңғылыҡ баҫманы, киреһенсә, ғаләм яҡтырып киткәндәй тойолдо.
Ниндәй сәйер күренеш һуң ул, тип аптырайһығыҙмы? Улайһа, Мәжит Ғафури исемендәге Башҡорт дәүләт академия драма театрына барып ҡарағыҙ, үҙ күҙегеҙ менән күрерһегеҙ: Мостай Кәримдең “Ай тотолған төндә” трагедияһы буйынса театрҙың баш режиссеры Айрат Абушахманов ҡуйған спектакль бара унда.
Әлбиттә, был классик әҫәр күптән инде драматургиябыҙҙың алтын фондына инеп, республикабыҙ театрҙары сәхнәһенән төшкәне юҡ. Уны ҡасан һәм ниндәй режиссер ҡуйһа ла классик әҫәр һис әһәмиәтен юғалтмаҫ.
Ком: 0 // Уҡынылар: 1684 тапҡыр // Тотош уҡырға
Рәмиҙе сәхнәлә күреп...Рәми Ғариповтың исеме яңғырағанда һәр саҡ күңел тетрәп, йөрәк һыҙлап китә. Шағирҙың: “Йөрәгендә халҡы булмағандың кеше булырға ла хаҡы юҡ!” – тигән ялҡынлы юлдары һәр кемде, бигерәк тә йөрәгендә халҡы булғандарҙы тағы ла дөрләтеп ебәрә. Шуға ла Рәми Ғарипов исеме милләт тип янған ижад кешеләрен һәр саҡ уйға һала, уның аяныслы яҙмышы тотош халыҡ яҙмышы булараҡ иҫкәртеп, әленән-әле хәтерҙе уятып тора.
Ком: 0 // Уҡынылар: 1663 тапҡыр // Тотош уҡырға