Тойғоларға бай ижадШағир Тойғондоң “Беҙҙе һөйөү йөрөтә” исемле шиғырында шундай юлдар бар:
Ҡоштар юлын беҙ ҙә күп
тапайбыҙ —
Күңел күтәрергә йыр етә.
Кешеләргә һөйөү йөрөткәнгә,
Шул һөйөү бит беҙҙе йөрөтә.
Кешеләргә һөйөү йөрөткән шағирҙың Зәки Вәлиди исемендәге милли китапханала үткән уҡыусылар менән осрашыуы ошо ҡанатлы һүҙҙәрҙең хаҡлығын тағы бер ҡат раҫланы. Сараға халыҡ байтаҡ килгәйне. Улар араһында республика ауылдары мәктәптәренең уҡытыусылары күпселекте тәшкил итте.
Ком: 0 // Уҡынылар: 1486 тапҡыр // Тотош уҡырға
Моң эйәһе дуҫтарын йыйҙыВахит Хызыров ижадын күптәр үҙ итә. Кемдәр генә уның моңло тауышын ишетеп һоҡланманы икән... Ошо көндәрҙә билдәле йырсының сираттағы өр-яңы тамашаһы булды. Башҡортостандың халыҡ артисы Вахит Хызыров менән әңгәмәбеҙҙә һүҙ ошо хаҡта һәм, ғөмүмән, сәхнәгә бәйле тормошо тураһында.
— Бала саҡта кем булырға хыяллана инегеҙ?
— Атайым Ғәлибай Мырҙабай улы — мал табибы, әсәйем Әҡлимә Ғәлиәхмәт ҡыҙы быҙау ҡараусы ине. Улар ғүмере буйы колхозда эшләне. Ауыл кешеһенең йортта ла, өйҙә лә мәшәҡәте күп. Нисек интеккәндәрен күреп, атай-әсәйемә ниндәй ҙә булһа ярҙамы тейер тип, тракторсыға уҡырға хыяллана инем. Әммә әсәйем миңә: “Улым, һин мотлаҡ икенсе һөнәр алырға тейешһең.
Ком: 0 // Уҡынылар: 1527 тапҡыр // Тотош уҡырға
Салауат ӘБҮЗӘР “Хыялдарҙың сиге булмай икән...”Ике йыл самаһы элек, “Башҡортостан” гәзитенең әҙәбиәт һәм мәҙәниәт бүлеге мөдире булып эшләп йөрөгән саҡта, крәҫтиән балаһы булыуымды иҫтәренә төшөрөпмө, миңә “Һәнәк” һабын тоттороп ҡуйҙылар. Аллаға шөкөр, сатира һәм юмор “баҫыуында” ла һынатманыҡ, шикелле, байтаҡ ҡына көлкө кәбәндәрен ҡойҙоҡ.
Донъя — ҡуласа, тиҙәр. Мин йәнә “Башҡортостан”да шул уҡ эште башҡарам.
Бөгөн һеҙгә, хөрмәтле дуҫтар, шиғри күстәнәсемдән ауыҙ иттермәксе булдым.
Ком: 3 // Уҡынылар: 2159 тапҡыр // Тотош уҡырға
Ауылда өй һалып сығыу өсөн дә, йорт-ҡураны рәткә килтергәндә лә ағас кәрәк. Әммә һуңғы осорҙа күп райондарҙа уның тейешле күләмдә бүленмәүенә зарланыусылар арта. Шуға ла Башҡортостандың урман хужалығы министры Рәжәп Нәбиуллин район башлыҡтарын халыҡҡа ағасты күберәк бүлеү юлдарын эҙләргә саҡырҙы.
Селектор кәңәшмәһендә халыҡты һәм эшҡыуарҙарҙы ағас менән тәьмин итеү, уны бүлеү тәртибе тураһында һүҙ барҙы. Мәҫәлән, Башҡортостан Хөкүмәте Премьер-министры Азамат Илембәтов халыҡҡа шәхси ҡулланыуға ағас биреүҙең яңы тәртибе раҫлаған.
Ком: 0 // Уҡынылар: 1438 тапҡыр // Тотош уҡырға
Уҡыусылар өсөн яңы автобустар

Йыл аҙағына тиклем республиканың ауыл мәктәптәре өсөн 66 миллион 670 мең һумға 66 автобус һатып алынасаҡ. Яңы транспорттың асҡыстары 47 район һәм ике ҡала вәкилдәренә тапшырыласаҡ. Был 155 ауылда йәшәүсе ике меңдән ашыу балаға уҡырға йөрөүҙе еңелләштерәсәк.
Ошо көндәрҙә 14 районға мәктәп автобусы ҡайтарылған. Әлеге ваҡытта республикала 1804 ауылдан 23 665 уҡыусы автобуста уҡырға йөрөй. Техниканы файҙаланыу ваҡыты – ете йыл, һәр береһе 22 уҡыусыға иҫәпләнгән.
Ком: 0 // Уҡынылар: 1909 тапҡыр // Тотош уҡырға
Башҡортостан Хөкүмәте умартасылыҡты һәм йылҡысылыҡты үҫтереүгә Башҡортостан Республикаһы ҡаҙнаһынан субсидиялар биреү тәртибен раҫланы, тип хәбәр итә республика Хөкүмәтенең матбуғат хеҙмәте.
Субсидиялар “2011—2013 йылдарҙа Башҡортостанда умартасылыҡты үҫтереү һәм бал етештереүҙе арттырыу”, “2011—2013 йылдарҙа Башҡортостанда йылҡысылыҡты үҫтереү һәм бейә һөтө (ҡымыҙ) етештереүҙе арттырыу” тигән айырым маҡсатлы тармаҡ программаларына ярашлы биреләсәк.
Ком: 0 // Уҡынылар: 1585 тапҡыр // Тотош уҡырға
“Башҡортостан” гәзитенең 12 май һанында Өфө ҡалаһында йәшәүсе Гөлнара һәм Александр Лабановтарҙың Башҡортостан Президенты Рөстәм Хәмитовтың блогына ярҙам һорап мөрәжәғәт итеүе хаҡында мәҡәлә донъя күргәйне. Эш шунда: быйыл яҙ ғаиләлә өс сабый донъяға килгән. Бер юлы өс бала тыуған осраҡта фатир биреүҙе күҙаллаған программа барлығын белеп, Лабановтар инстанциялар юлын тапай башлаған. Әйтеүҙәренсә, “барыһын да законлы юл менән, йәмәғәтселек иғтибарын йәлеп итмәйенсә генә башҡарырға” теләгәндәр, әммә бер ни ҙә килеп сыҡмаған.
Ком: 0 // Уҡынылар: 1073 тапҡыр // Тотош уҡырға
Башҡортостан Президенты Рөстәм Хәмитов республиканың “Система” компанияһына ингән яғыулыҡ-энергетика комплексы предприятиелары етәкселәре менән осрашыу үткәрҙе. Кәңәшмәлә “Башнефть” йәмғиәте вәкилдәре һәм уның бүлектәренең директорҙары ҡатнашты.
Осрашыуҙа 2011 йылда нефть сығарыу һәм эшкәртеү, нефть продукттары һатыу буйынса күрһәткестәр, киләсәктә предприятиеларҙы үҫтереү буйынса ниәттәр тикшерелде.
Ком: 0 // Уҡынылар: 1551 тапҡыр // Тотош уҡырға
112-се Башҡорт кавалерия дивизияһына — 70 йыл
Һин һыбайға, ҡамытҡа күндер әле, тип, Миңлеғәлегә тапшыра. Үтенесен үтәй, өйрәтеп бирә, ҡулынан килгәс ни. Шунан китә абруйы — тай үҫтергән кешеләр Стәрленән дә, Өфөнән дә килә тора.
Миңлеғәленең гармунға әүәҫлегенә лә Ғилметдин бай сәбәпсе булған. Уның өс малайы үҫә, бай уларға гармун алып бирә, ләкин малайҙарҙан фәтүә сыҡмай ҙа ҡуя. Аңлашыла ки, тыумыштан бирелмәгән оҫталыҡты таш ярып та сығарып булмай.
Ком: 0 // Уҡынылар: 1826 тапҡыр // Тотош уҡырға
Айыу, ҡойроғо өҙөлөп, теге ваҡытта солоҡто ташлап ҡасҡас, Кеше, солоҡтоң тағараларын ипләп, балауыҙҙарын рәтләп ҡуйып, эсен таҙартып, имгәнгән Бал ҡорттарын солоҡтоң эсенә сүпләп һалып, уның ҡапҡастарын япҡан, шунан ҡайтып киткән.
Ул ҡайтып киткәс, Бал ҡорттары аптырауҙа ҡалған.
Улар бер-береһенән һораған:
— Ни эшләп Кеше, Айыу һымаҡ, беҙ йыйған балды ашап бөтөрмәне икән?
Ком: 0 // Уҡынылар: 1790 тапҡыр // Тотош уҡырға
Мин тыуған ауылым Ҡаранйылғаның килеп сығышы, бында тыуып үҫкән арҙаҡлы шәхестәрҙең тормош юлы менән ҡыҙыҡһынам. Күптән түгел мәшһүр ғалим Жәлил Кейекбаевтың шәжәрәһен өйрәндем.
Жәлил Кейекбаев нәҫеленә минең тамырҙарым да барып тоташа. Кейекбайҙан — Йәноҙаҡ, Йәноҙаҡтан — Сөләймән, Сөләймәндән — Мырҙабай, Мырҙабайҙан — өләсәйем Ғәфифә, унан атайым Ғәли тыуған. Бөгөн ауылда Сибәғәтовтар, Кинйәбаевтар, Йәноҙаҡовтар, Йәрмиевтәр, Фәтҡоловтар, Сөләймәновтар — һәммәһе бер ырыу шәжәрәһен тәшкил итә.
Ком: 0 // Уҡынылар: 1583 тапҡыр // Тотош уҡырға
Хазинабыҙҙы һаҡлай алманыҡЛира Яҡшыбаеваның “Һынауҙарҙан туҡылған яҙмыш” исемле китабын уҡығандан һуң үҙемдең тәьҫораттарым менән уртаҡлашмаҡсы булдым.
Яҙыусы үҙенең китабында бәхет тигән төшөнсәнең нимәгә ҡайтып ҡалыуы тураһында тәрән фекер йөрөтә. Жәлил Кейекбаев, тормошондағы тауҙай кәртәләрҙе емереп, туған башҡорт телен фән кимәленә күтәргән, көрәш, ауырлыҡтар аша сынығып, үҙенең һәләте, аҡыллы, кешелекле, изгелекле булыуы менән бөтә донъя ғалимдары араһында абруй яулаған. Ул ниндәй генә ауырлыҡтар кисерһә лә, әйткән һүҙенә тоғро ҡала. Башҡорт телен фәнни йәһәттән өйрәнеп — кандидатлыҡ, фонетикаһын яҙып, докторлыҡ диссертацияһы яҡлай.
Ком: 0 // Уҡынылар: 1680 тапҡыр // Тотош уҡырға
Стәрлетамаҡта уҙған VI Кейекбай уҡыуҙары билдәле тюрколог, күренекле башҡорт яҙыусыһы Жәлил Кейекбаевтың тыуыуына 100 йыл тулыуға арналды.
Ғалимдар, уҡытыусылар, уҡыусылар, киң йәмәғәтселек араһында танылыу алған фәнни-ғәмәли конференцияны Башҡортостан Мәғариф министрлығы, Стәрлетамаҡ ҡалаһы хакимиәтенең мәғариф бүлеге, Зәйнәб Биишева исемендәге Стәрлетамаҡ дәүләт педагогия академияһы, Жәлил Кейекбаев исемендәге 3-сө гимназия ойошторҙо.
Ком: 0 // Уҡынылар: 1582 тапҡыр // Тотош уҡырға
ТултырмаТултырманы эре малдың йөрәгенән, үпкә-бауырынан яһайҙар. Тултырыу өсөн һыйыр эсәге яҡшы. Уны һалҡын һыуҙа яҡшылап йыуғандан һуң, бер башын еп менән ныҡ итеп бәйләйҙәр һәм икенсе яғын әйләндерәләр.
Үпкә-бауырҙың тамырҙарын алып турағыҙ. Ит турағыс аша һуған ҡушып үткәрегеҙ ҙә тоҙ, борос һалып, яҡшылап болғатығыҙ. Шулай уҡ бүрттерелгән дөгө ярмаһы ҡушып ебәргәндә лә була.
Әҙер эслекте осо еп менән бәйләнгән эсәктәргә бушағыраҡ итеп тултыралар, сөнки бешкәндә ул тарая һәм ярылыуы ихтимал. Икенсе осон да бәйләгәс, тултырманы ҡайнап торған һыуға һалалар. Өҫкә ҡалҡып сыҡҡас та, әйләндереп-әйләндереп, һытылмаһын өсөн 4-5 урындан нәҙек энә менән тишкеләйһең. Бер сәғәттә тултырма өлгөрә һәм уны табынға эҫе көйөнсә бирәләр.
Ком: 0 // Уҡынылар: 1144 тапҡыр // Тотош уҡырға
Эсәк-ҡарындан мантыЭсәк-ҡарынды 1-1,5 сәғәт бешереп алғас, ит турағыс аша үткәрегеҙ. Ваҡ ҡына итеп турап, картуф ҡушығыҙ. Тоҙ, борос, һуған өҫтәгеҙ.
Ҡамыр өсөн ике йомортҡа, он, самалап тоҙ кәрәк. Ҡамыр баҫып, йәйеп, манты эшләгеҙ. Бешеп сыҡҡас, табынға ҡаймаҡ йәки майонез менән бирелә.
Ком: 0 // Уҡынылар: 1174 тапҡыр // Тотош уҡырға
Артҡа 1 ... 6 7 8 9 10 11 12 13 14 ... 16 Алға
Бит башына