– 19 йәшлек эшҡыуар финанс ярҙамына (субсидияға) өмөт итә аламы?
– Программала кемделер йәшенә ҡарап сикләү ҡаралмаған, финанс ярҙамына шәхси эшҡыуар ҙа, юридик ойошмалар ҙа өмөт итә ала. Тик уларҙың бюджет һәм бюджеттан тыш фондтарға түләнмәгән һалымдары йәки башҡа төр бурыстары булмаҫҡа тейеш. Был 2007 йылдың 24 июлендә ҡабул ителгән "Рәсәй Федерацияһында бәләкәй һәм урта эшҡыуарлыҡты үҫтереү тураһында"ғы Федераль закон менән нығытылған.
Ком: 0 // Уҡынылар: 1947 тапҡыр // Тотош уҡырға
Һөйөнсө: быйыл тәүгегә ойошторолған конкурс киләһе 2012 йылда ла дауам итәсәк!
“Башҡорт эшҡыуарлығы” конкурсы тәүге көндәрҙән үк үҙенең йәшәүгә һәләтлелеген дәлилләне. Урындарҙан килгән мәҡәләләр ҙә, профессиональ журналистар яҙғандары ла көнүҙәклеге менән айырылып торҙо. Үҙ эшенә яңы тотоноусы йүнселдәр өсөн гәзит материалдары үҙенсәлекле әсбапҡа әйләнде. “Аналитика яҙығыҙ, башҡа төбәктәр менән сағыштырыу бирегеҙ, эшҡыуарҙың күңел торошон асығыҙ, ҡыйынлыҡтарҙы, стрестарҙы, психологик кәртәләрҙе еңергә өйрәтегеҙ, нисек эшләү ысулдарын күрһәтегеҙ, субсидия алыу алымдарын тәфсирләп ҡағыҙ битенә төшөрөгөҙ, техника һатыусылар менән бәйләнешкә инергә ярҙам итегеҙ”, – тигән теләкте район һәм ауылдарҙа булғанда гел ишетергә тура килде.
Ком: 0 // Уҡынылар: 1169 тапҡыр // Тотош уҡырға
Һуғыштан һуңғы осорҙа колхоздарға урманда ағас әҙерләү эше күп бирелә, сөнки илдәге емереклекте йүнәтеү, яңыһын төҙөү өсөн ағас бик күп кәрәк.
Үҙәге Иҫке Сибай ауылы булған Молотов исемендәге колхозда ла ағас әҙерләү өсөн бригада төҙөлә. Бригадиры итеп ауыл уҙамандарының береһе Мазһар олатай тәғәйенләнә. Ул, үҙ эшенә намыҫ менән ҡарап, һәр нәмәне еренә еткереп башҡарыусыларҙың береһе ине. Бер ҡышты, бригадаһына ете-һигеҙ кешене туплап, Бетерә тигән ауылға ағас ҡырҡырға китәләр. Тик фатир табыу үҙе бер бәлә була. Йәшәү урынын күмәкләп эҙләп табалар, уның хужаһы ире һуғышта һәләк булған тол ҡатын икән. Үҙе хәлле генә йәшәй. Кәүҙәгә лә ярайһы: таҙа, көс-дәрте ташып тора.
Ком: 0 // Уҡынылар: 1517 тапҡыр // Тотош уҡырға
Октябрьский ҡалаһы менән Өйәҙетамаҡ ауылы араһында ҡаланы һыу менән тәьмин итеү бүлексәһе эшләй. Уның айырым нөктәләре лә бар. Һәр береһендә дежурҙа торалар.
“А” нөктәһендәге дежур Ғәзинур “Б”-лағы Рәмилгә шылтырата. Шаярып:
— Ғәзинур, эскәнһең бит, әй, нишләп эш ваҡытында тәртип боҙаһың? — ти.
— Ә-ә... Еҫе ныҡ киләме?
Ком: 0 // Уҡынылар: 1371 тапҡыр // Тотош уҡырға
Уңған булһа хужа, юҡҡа сыға нужаБоголюбовка ауылына яҡынлашҡанда ҡыйыҡтары сағыу төҫтәге заманса материал менән ябылған, рәт-рәт булып теҙелгән биналар әллә ҡайҙан иғтибарҙы йәлеп итә. Йәйен тирә-яғы рауза сәскәләренә күмелә, семәрләп эшләнгән беседкаһы күптәрҙең яратҡан урынына әүерелә тиһәләр, һүҙҙең малсылыҡ фермаһы хаҡында барыуына күптәр ышанмаҫ. Инвесторҙар йәлеп итмәй генә, ғүмер баҡый ата-бабаларың иген иккән баҫыу-ҡырҙарҙа мул уңыш үҫтереүҙе, мал үрсетеүҙе дауам итергә уйлаусылар өсөн Бишбүләк районының “Уҫылы” яуаплылығы сикләнгән йәмғиәте — матур өлгө.
“Көньяҡ” совхозының бер бүлексәһе булған хужалыҡ тиҫтә йыл элек “Уҫылы” яуаплылығы сикләнгән йәмғиәте итеп ойошторолған, бар көс малсылыҡ менән игенселекте тергеҙеүгә йүнәлтелгән. Йылҡысылыҡҡа ла иғтибар һүрелмәгән.
Ком: 0 // Уҡынылар: 1613 тапҡыр // Тотош уҡырға
Бал ҡортолай, гүйә, үҙе ләЫсын ир-уҙаманы ниндәй сифаттарға эйә булырға тейеш? Көслө заттарға тыуған илебеҙҙең, республикабыҙҙың тоғро улы, милләтебеҙҙең биҙәге, ғаиләнең терәге, икенсе яртыһының ышаныслы таянысы, балаларының абруйлы атаһы булыу өсөн тағы нимәләр эшләргә кәрәк? Был һорауға бигерәк тә бөгөн — йәмғиәттә ирҙәрҙең роле бермә-бер түбән тәгәрәгән саҡта — яуап эҙләү урынлы булыр һымаҡ.
Һорау тәү ҡарашҡа ябай күренгән кеүек. Борондан килгән ғәҙәт буйынса, ирмен тигән ир кеше йорт төҙөргә, балалар үҫтерергә, ағас ултыртырға тейеш, тип яуап бирергә күнеккәнбеҙ. Мәгәр, төптәнерәк уйлап ҡараһаҡ, ай-һай, ҡатмарлы һорау был. Өй генә түгел, зиннәтле хан һарайҙары һалып ҡуйған, итәк тулы бала үҫтергән, бер төп имән менән генә сикләнмәй, тотош урман ултыртҡан замандаштарыбыҙ ҙа осрай хәҙер.
Ком: 0 // Уҡынылар: 1739 тапҡыр // Тотош уҡырға
Китап уҡыу – тормошто өйрәнеү улМине хәреф танырға өйрәткән туған мәктәбемдең бәләкәй генә уҡыу бүлмәһе ҡойто ғына күренә ине, ләкин уның тупһаһы аша атлап эскә үтеү менән үҙемде мөғжизәүи әкиәт иленә барып юлыҡҡандай хис итә торғайным. Бында китап тигән серле донъяның төрлө тарафтарына ҡыҙыҡлы сәфәр ойошторорға мөмкин: теләйһең икән, рәхәтләнеп гәзит-журнал аҡтараһың, берәү ҙә ҡамасауламай, мажаралы китаптар менән танышыу айырыуса рухи донъяңды байыта, төрлө һүрәт ҡарау ҙа күңелгә кинәнес бирә. Мөләйем китапханасы апай ҡунаҡсыл хужабикәләй ҡыҙ һәм малайҙарҙың һәр береһенән нимә алырға теләүебеҙҙе һорай, ярҙам итә. Уңда иһә иғтибарҙы тәү ҡараштан уҡ йәлеп итерлек һүрәтле китаптар ҡуйылыуын алдан белгәнгә күрә, шул яҡҡа ашығаһың.
Ком: 0 // Уҡынылар: 2735 тапҡыр // Тотош уҡырға
Урын да, мөнәсәбәт тә яңысаВосточный ауылындағы фельдшер-акушерлыҡ пункты мөдире Илзидә Хәсәнова һөйләшеүҙе һөйөнөсөн уртаҡлашыуҙан башланы. Ошо көндәрҙә генә өй туйлағандар, урта мәктәп бинаһынан пункт өсөн ҙур ғына майҙан бүленгән.
400 самаһы кешене хеҙмәтләндергән пункт быға тиклем ҡыҫынҡы, яраҡлаштырылған бинала урынлашҡан булған. Хәҙер үҙәктән йылытылған, процедуралар, табип ҡабул итеүе өсөн һәм башҡа ярҙамсы бүлмәләре булған иркен эш урыны өр-яңы ҡорамалдар менән дә йыһазландырылған.
— Медицина ярҙамы күрһәтеү өсөн мөмкинлектәрҙең артыуы, уңайлы шарттар тыуҙырылыуы мине генә түгел, ауылдаштарҙы ла ҡыуандыра, — тине 23 йыл халыҡ һаулығы һағында торған И. Хәсәнова.
Ком: 0 // Уҡынылар: 1383 тапҡыр // Тотош уҡырға
Быуат сире янамаймы?Инсультты һуңғы осорҙа “быуат сире” тип атайҙар, сөнки донъяла үлем сәбәптәре араһында ул икенсе урынды биләй. Рәсәйҙә һәр 100 мең кешенең 390-ы инсульт кисерә, ауырыуҙарҙың 31 проценты башҡаларҙың ярҙамына мохтаж булып ҡала, биш проценты аяҡтан яҙа. “Ашығыс ярҙам” хеҙмәте белдереүенсә, Мәскәүҙә генә көнөнә ошо ауырыуға бәйле 70 – 100 осраҡ теркәлә. Йәшен кеүек көтмәгәндә аяҡтан йығыусы сирҙе ваҡытында иҫкәртергә мөмкин. Өфөләге 8-се дауахананың терапия бүлеге мөдире, медицина фәндәре кандидаты Лилиә ФӘЙЗУЛЛИНА инсульттан һаҡланыу буйынса кәңәштәре менән уртаҡлашты.
– Лилиә Әнүәр ҡыҙы, инсультты “мейегә һуғыу” тип тә атайҙар. Сирҙең сәбәбе нимә менән бәйле?
– Инсульт – ул мейеләге ҡан әйләнешенең боҙолоуы, йәғни ундағы ҡан тамырының өҙөлөүе, ҡыҫылыуы йәки тығылыуы. Сир ике төргә бүленә: геморрагик инсульт (мейегә ҡан һауыу) һәм ишемия инсульты (мейе инфаркты).
Ком: 0 // Уҡынылар: 1813 тапҡыр // Тотош уҡырға
Кисә Башҡортостан Президенты Рөстәм Хәмитов Ағиҙел һәм Нефтекама ҡалаларында булды.
Ағиҙел ҡалаһы халҡы менән осрашыуҙа ул Башҡортостандағы хәл, сәнәғәт, ауыл хужалығы, торлаҡ төҙөлөшө өлкәһендәге тотороҡло үҫеш, былтырҙан алып Башҡортостан етәкселегенең яңы сәйәсәтте тормошҡа ашырыуы, кешеләргә эшҡыуарлыҡ менән шөғөлләнеү, предприятиеларға үҫеү өсөн мөмкинлектәр артыуы хаҡында һөйләне.
— Бөгөн яңы предприятиелар, инвестициялар кәрәк, шуға күрә республика асыҡлыҡ сәйәсәтен иғлан итте, — тине Рөстәм Хәмитов.
Башҡортостан Президенты инвесторҙар өсөн һалым льготалары тураһындағы Указға ҡул ҡуйҙы. Был льготалар 2012 йылдың 1 ғинуарынан ғәмәлгә инәсәк, бер үк ваҡытта инвесторҙарҙың Башҡортостанға ҡыҙыҡһыныуы ла артасаҡ. Рөстәм Хәмитов билдәләүенсә, 2012 йылда республикала өс-дүрт яңы предприятие төҙөлә башлаясаҡ.
// Уҡынылар: 1505 тапҡыр // Тотош уҡырға
Эше юҡтың – ашы юҡ

Башҡортостандағы халыҡты эш менән тәьмин итеү үҙәктәренә ун ай эсендә 306 мең кеше мөрәжәғәт иткән, уларҙың 110 меңе эш эҙләүсе булараҡ рәсми теркәлгән.
Мәҫәлән, октябрҙә генә 29 мең кеше ярҙам һорап килгән. Уларҙың 10 меңе (35 процент) эш эҙләһә, 7 меңе (24 процент) һөнәрен үҙгәртергә ҡарар иткән.
Ком: 0 // Уҡынылар: 1615 тапҡыр // Тотош уҡырға
Өфөлә Башҡортостан Үҙәк һайлау комиссияһы етәкселеге, республиканың ҡала һәм район Советтары секретарҙары, территориаль һайлау комиссиялары рәйестәре, шулай уҡ республика буйынса Эске эштәр министрлығы, Рәсәй Ғәҙәттән тыш хәлдәр министрлығының Башҡортостан буйынса Баш идаралығы вәкилдәре Дәүләт Думаһына һайлауға әҙерлеккә бәйле мәсьәләләрҙе тикшерҙе.
Һайлау кампанияһы тамамланыуға табан бара. Тауыш биреү көнө алдынан ойоштороусылар һайлау участкаларының әҙерлеген генә түгел, уларҙың һаҡланғанлығын, янғын хәүефһеҙлеге, автономлы электр резерв сығанаҡтары менән тәьмин итеү кимәлен, участкаларға илткән юл торошон да тикшерҙе. Кәңәшмәлә Башҡортостан буйынса Эске эштәр министрлығының йәмәғәт тәртибен һаҡлау полицияһы начальнигы урынбаҫары, полиция полковнигы Александр Попов һәм Рәсәй Ғәҙәттән тыш хәлдәр министрлығының республика буйынса Баш идаралығы начальнигы урынбаҫары Марат Латипов сығыш яһаны. Улар һайлау участкаларын тикшереү һөҙөмтәләре менән таныштырҙы.
Ком: 0 // Уҡынылар: 1363 тапҡыр // Тотош уҡырға
“Башҡортостан Республикаһында ҡулланыусылар кәрзине тураһында” һәм “Башҡортостан Республикаһында ҡулланыусылар кәрзинен һәм йәшәү минимумын билдәләү тәртибе тураһында” закондарына ярашлы, республика Хөкүмәте ҡарары менән йәшәү минимумы дәүмәле билдәләнде. 2011 йылдың III кварталында бер айға йән башына ул уртаса 5484 һум, эшкә яраҡлы халыҡ өсөн — 5861, пенсионерҙарға — 4471, балалар өсөн 5374 һум күләмендә билдәләнде.
Ком: 0 // Уҡынылар: 1039 тапҡыр // Тотош уҡырға
Республика Президенты Рөстәм Хәмитов Башҡортостандың эре предприятиелары етәкселәре менән осрашты. Кәңәшмәлә ҡатнашыусылар төбәктең 2011 йылдағы иҡтисади үҫешенә йомғаҡ яһаны һәм 2012 йылға көнүҙәк бурыстар билдәләне.
Республикала бизнес-мөхиттең үҙгәреүе хаҡында һөйләп, Президент йыйылыусыларҙың иғтибарын иң элек ҡануниәттең үҙгәрешенә йүнәлтте. Октябрь аҙағында Рөстәм Хәмитов инвесторҙарҙың табышына һәм мөлкәтенә ташламалы һалым һалыуҙы күҙ уңында тотҡан бер нисә законға ҡул ҡуйғайны.
— Бөтә яҡлап та республиканың ҡеүәте ғәйәт ҙур, — тип һыҙыҡ өҫтөнә алды Президент. — Беҙ инвесторҙарҙы ситтән дә йәлеп итәбеҙ. Һеҙҙең эшмәкәрлекте төрлө йәһәттән дәртләндереп, яңы предприятиелар, заводтар төҙөлөүен күрергә теләйбеҙ. Боҙ урынынан ҡуҙғалды, тип әйтергә була.
Ком: 0 // Уҡынылар: 1350 тапҡыр // Тотош уҡырға
Республикабыҙ Президенты Рөстәм Хәмитовтың блогына Башҡортостандың төрлө төбәгенән көн дә тиҫтәләрсә хат килә. Халыҡ ниндәй генә мәсьәләләр менән мөрәжәғәт итмәй. Иң мөһиме — хаттарҙың береһе лә иғтибарһыҙ ҡалмай.
Күптән түгел Бүздәк районынан Ирек Ғабдрахманов республика етәксеһе менән бәйләнешкә сыҡҡан. Алдан уҡ шуны әйтергә кәрәк — Ирек Мәғсүм улы Башҡортостандың (бәлки, Рәсәйҙең дә) иң ауыр кешеһе. Хатта яҙылыуынса, ирҙең ҡыш тышҡа сығырға ла кейеме юҡ икән. Сәбәбе шунда: Ирек Ғабдрахманов саманан тыш ауырлыҡ менән яфалана. Уға 120-се үлсәмдәге пальто кәрәк, тик магазиндарҙа бындай размерлы кейем-һалымды табыуы мөмкин түгел. "Беҙҙең илдә, шул иҫәптән республикала ла, тән ауырлығы менән яфаланған инвалидтар байтаҡ. Мәҫәлән, мин үҙем 120-се үлсәм өҫ кейемен, 68-се үлсәм баш кейемен бер ҡайҙан да таба алмайым. Заказ буйынса тектерәм тиһәң дә, ҙур мәшәҡәт.
Ком: 0 // Уҡынылар: 1209 тапҡыр // Тотош уҡырға
Артҡа 1 2 3 4 5 6 7 8 9 10 ... 16 Алға
Бит башына