Поэма

"Ат биреп тор әле, ағай..."
Мохтажлыҡ ине атҡа.
Күпме тапҡыр мин ат һорап,
Йөрөнөм бала саҡта.
Ком: 0 // Уҡынылар: 1554 тапҡыр // Тотош уҡырға
Юлға сыҡтым.
Юл сатында яҙыу,
Икеләнеп ҡалдым
Шуға ла:
"Уңға китһәң —
Башһыҙ ҡаласаҡһың,
Һулға китһәң —
Атың юғала!"
Ком: 0 // Уҡынылар: 1044 тапҡыр // Тотош уҡырға
(шаярыу ҡатыш)

Әкиәтең хаҡлы һинең, урыҫ,
Бәхет юлдаш һәр саҡ
Дүрәккә:
Йоҡлап ятып,
Алтын һарай һала,
Батша ҡыҙын ала,
Кәрәкһә.
Ком: 0 // Уҡынылар: 1253 тапҡыр // Тотош уҡырға
Дуҫтар һорай:
"Хәлдәр нисек әле?"
Һәйбәт, тимен,
Һәйбәт әлегә.
Эстән генә рәхмәт әйтеп ҡуям,
Кергән өсөн
Минең хәлемә.
Ком: 0 // Уҡынылар: 1190 тапҡыр // Тотош уҡырға
Ер әйләнә тәгәрмәстәй,
Сейләнә
Күсәрҙәре.
Ғүмер — арба,
Ә секундтар —
Арбаның
Күсерҙәре.
Ком: 0 // Уҡынылар: 1149 тапҡыр // Тотош уҡырға
Минең хаҡта,
Көсөк кеүек,
Бер һүҙ сабып китте
Бер көн.
Ҡул һелтәнем:
Зыяны юҡ,
Өрә икән, әйҙә,
Өрһөн.
Ком: 0 // Уҡынылар: 1163 тапҡыр // Тотош уҡырға
Йырҙарымды
Шарап итеп,
Бокал итеп
Йөрәкте,
Кешелеккә
Тост әйтергә
Мине
Донъя өйрәтте.
Ком: 0 // Уҡынылар: 1035 тапҡыр // Тотош уҡырға
Диоген шәм тотоп
Йөрөр булған,
Көпә-көндөҙ
Кеше эҙләгән...
Шул ҡарт кеүек,
Йөрәгемде тотоп,
Алдарыңа барып
Теҙләнәм.
Ком: 0 // Уҡынылар: 1285 тапҡыр // Тотош уҡырға
Даны... орден булып ҡайттыОшо көндәрҙә Байғаҙы ауылында ғәҙәти булмаған сара үтте, сөнки уның геройы беҙҙең арала күптән юҡ инде. Миллионлаған ҡорбандар аша яуланған Еңеүгә 66 йыл үтеп китһә лә, уның шаңдауы бөгөн дә ишетелә.
Байғаҙынан һуғышҡа 62 ир-егет китеп, шуның 24-е яу яланында ятып ҡалған, ә 38-е төрлө тән яралары менән әйләнеп ҡайтып, ең һыҙғанып тыныс тормош төҙөүҙә ҡатнаша, ғаилә ҡороп, балалар үҫтерә. Һуғыштан әйләнеп ҡайтҡан һалдаттар араһында Ҡыҙыл Йондоҙ ордены һәм “Батырлыҡ өсөн” миҙалы менән наградланған өлкән сержант Дамулла Фазулла улы Баязитов та була. Хәйер, Дан ордены биреү тураһындағы бойороҡто ишетеп, уны ҡулына ала алмағанына ғүмере буйы әсенеп йәшәй ветеран. Бына ҡанлы һуғыш тамамланыуға 66 йылдан ашыу ваҡыт үткәс, ниһайәт, орден батырҙы эҙләп тапты.
Орденды тәүҙә ветерандың улы Марс Баязитов юллай башлай.
Ком: 0 // Уҡынылар: 1333 тапҡыр // Тотош уҡырға
Уйҙар, уйҙар...“Хәсрәт хәсрәткә оҡшамай, хәсрәт һауыттары бушамай”, — тигәндәй, донъя мәшәҡәттәрҙән, ҡайғы-михнәттәрҙән генә торған кеүектер. Мәҫәлән, үткән быуаттың 90-сы йылдарында илдәге ҡоролош үҙгәртелгәс, халыҡ шаңҡып ҡалды. Нисәмә йылдар хәсрәтте лә, шатлыҡты ла уртаҡлашып йәшәгән тотош бер ил тарҡалһын әле?! Ярай, Рәсәйҙең ҡайһы бер төбәктәрендәге кеүек колхоз һәм совхоздар шунда уҡ таратылманы. Күрәһең, халыҡҡа илдең ҡайҙа барасағын, алда нимә буласағын күҙаллау өсөн ваҡыт бирелде. Мөлкәт шәхси ҡулдарға күсә башлағас, элекке эш урындары юҡҡа сыҡты, кешегә йән аҫрау өсөн мөмкинлектәр кәмене.
Ком: 0 // Уҡынылар: 1249 тапҡыр // Тотош уҡырға
“Мин бәхетле” — “мон шудо”!Бөрө дәүләт педагогия институтын ҡыҙыл дипломға тамамлағас, Әзәлиә Мусинаны эшкә удмурт ауылы Касиярға ебәрәләр. Йәш белгес урындағы һигеҙ йыллыҡ мәктәптә урыҫ теле һәм әҙәбиәте дәрестәре бирә башлай. Әйҙә, берәй йыл уҡытайым да унан тыуған ауылыма ҡайтып китермен, тип уйлай ҡыҙ. Ә Яңы Таҙлар ана тегендә — һигеҙ километр алыҫлыҡта ғына ята.
Әзәлиә ауылдың тормошона, мәктәп эшенә бик тиҙ ҡушылып китә. Яғымлы, тырыш уҡытыусыны балалар ҙа, ауыл кешеләре лә ярата, үҙ итә. Уҡытыу, кластан тыш эштәр, йәмәғәт йомошо, төндәрен өҫтәл лампаһы яҡтыһында дәфтәр тикшереү... Шулай ҡырҡмаһа-ҡырҡ мәшәҡәткә күмелеп, ваҡыт үткәне һиҙелмәй ҙә ҡала.
Ком: 0 // Уҡынылар: 1344 тапҡыр // Тотош уҡырға
Алдан йөрөүсе НаҙгөлБашҡорт дәүләт университетына уҡырға ингәндә, хәрби хеҙмәттән йөрөп ҡайтҡайным инде. Бер ни тиклем әсе-сөсөһөн татыған кеше булараҡ күренергә тырышам. Йөрөй торғас, ике ҡыҙҙың үҙҙәрен өлкәндәрсәрәк тотоуына иғтибар иттем. Улар ҙа имтихан тапшырыусылар араһында тәжрибәлерәк булыуы менән айырылып тора.
Учалы ҡыҙы Гөлназға, Бөрйән ҡыҙы Наҙгөлгә (шул иҫәптән миңә лә) юғары уҡыу йортон тамамларға насип булды. Биш йыл белем алыу дәүерендә яҡындан таныштыҡ, айырылмаҫ дуҫтарға әйләндек. Хәҙер беҙ – һыналған ғаилә дуҫтары.
Ком: 0 // Уҡынылар: 1383 тапҡыр // Тотош уҡырға
Хәйбулла урыҫы башҡортса бешә генә!Ошондай лаҡап йөрөй Хәйбулла тарафтарында. Кем тураһында тиһегеҙме?! Башҡорттоң үҙен һатып ебәрерлек башҡортса бик таҙа һөйләшкән Эдуард Смирнов тураһында тап шулай тиҙәр бында.
Бөйөк Ватан һуғышы ветераны 1926 йылда Төркмәнстанда хәрби ҡаласыҡта тыуған. Атаһы вафат булғандан һуң, буйҙаҡ яугирҙәр йәрәбә һала: йәнәһе, командирҙарының ғаиләһе ҡарауһыҙ ҡалырға тейеш түгел, уның ҡатыны Вера Андреевна менән улы Эдуардты кемдер ҡатынлыҡҡа һәм уллыҡҡа алырға тейеш. Йәрәбә буйынса ул Хәйбулла егете Низам Бохарбаев өлөшөнә төшә. Шулай итеп, бәләкәй Эдуардты тормош елдәре далалы Хәйбулла тарафтарына илтә. Бала саҡтан башҡорттар араһында йәшәгән Эдуардҡа башҡортса һөйләшеп китеүе ҡыйын булмай, етмәһә, бер туған ҡустыһы Айрат та донъяға килә.
Ком: 0 // Уҡынылар: 1401 тапҡыр // Тотош уҡырға
Ҡылдан нескә дуҫлыҡ ебеБашҡа милләттәр менән татыу, килешеп йәшәү, дуҫлыҡ, туғанлыҡ төшөнсәһе һуңғы йылдарҙа артҡараҡ күсте. Тарһыныу, бер халыҡты икенсеһенән өҫтөн ҡуйырға тырышыу ҡайһы бер экстремистик, шовинистик ҡарашлы кешеләр тарафынан алға һөрөлә. Йөҙҙән ашыу телдә аралашҡан Рәсәйҙең теге йәки был мөйөшөндә әленән-әле тоҡанып торған, бихисап бәлә-ҡаза килтергән низағтары ла йәнгә әсенеү, шом, шик-шөбһә өҫтәй. Уҙған йылдың аҙағында Мәскәүҙең Манеж майҙанында булып уҙған ғауғалы, ҡорбанлы сыуалыш — юғарыла әйтеп үткәндәремә тағы ла бер миҫал. Ҡайҙа бара илебеҙ, был ҡурҡыныс тартҡылаштың нигеҙендә нимә ята, һыйышып, аралашып йәшәүгә нимә ҡамасаулай?
Ком: 0 // Уҡынылар: 1233 тапҡыр // Тотош уҡырға
Ағасҡа йән өрәРәмил Ғәлиевте белмәгән кеше һирәктер. Үҙен йөҙгә танымаһалар ҙа, Ҡырмыҫҡалы район үҙәгендәге майҙансыҡты биҙәгән айыу, кеш, терпе, ҡырмыҫҡа һындарын күреп һоҡланыусыларҙан: “Ибраһим ауылы оҫтаһы эшләгән”, — тигәндәрен йыш ишетергә тура килә.
Матурлыҡҡа ынтылыу, ошо гүзәллекте башҡаларға өләшеү теләге ҡандан, бала саҡтан килә. Рәмил дә бәләкәйҙән ҡылҡәләмен серле акварель буяуҙарына манып, ап-аҡ ҡағыҙға йәйғор нурҙарын төшөрөүҙән башлай. Ғөмүмән, йәйғорҙа сағылған ете төҫтән генә лә буяу гөлләмәләре барлыҡҡа килә, ә ошо ете төҫ башҡаларҙың нигеҙе булып тора. Әҙәм балаһы ҡулында улар йәнләнә, мөғжизә тыуҙыра.
— Ағастан һырлап яһау теләге уйламағанда булды, — тип һөйләй оҫта. — Уның үҙенсәлекле һырҙары, боролоштары буяу һымаҡ күңелде тартты.
Ком: 0 // Уҡынылар: 1079 тапҡыр // Тотош уҡырға
Артҡа 1 2 3 Алға
Бит башына