Һыуытмайыҡ араларҙыФинляндия делегацияһының республикаға сәфәре дауам итә. Кисә Конгресс-холда башҡорт-фин эш төркөмөнөң ултырышы булды. Һүҙ иҡтисади, фәнни һәм мәҙәни хеҙмәттәшлекте нығытыу тураһында барҙы.
Сит ил ҡунаҡтарын Башҡортостан Хөкүмәте Премьер-министры урынбаҫары — Хөкүмәт Аппараты етәксеһе Илшат Тажетдинов сәләмләне. Ул Башҡортостан менән Финляндия араһындағы бәйләнештең тарихы 1994 йылдан башланыуын хәтергә төшөрҙө, әлеге осрашыуҙың 15-се булыуын билдәләне.
— Ошо ваҡыт эсендә финдар үҙҙәрен эшлекле һәм ышаныслы партнер итеп күрһәтте. Беҙ машиналар эшләү, телекоммуникациялар, урман хужалығы, ауыл хужалығы комплексы, нефть һәм нефть химияһы буйынса, шулай уҡ башҡа бик күп өлкәләрҙә хеҙмәттәшлек итәбеҙ. Тик, ҡыҙғанысҡа ҡаршы, һуңғы йылдарҙа аралар бер ни тиклем алыҫайҙы, — тине ул.
Ком: 0 // Уҡынылар: 1114 тапҡыр // Тотош уҡырға
Йәмғиәт заводҡа әүерелмәксеШишмә районының "Агро-Альянс" яуаплылығы сикләнгән йәмғиәте эшсәндәренең кәйефе күтәренке, йыл ярымға етерлек мал аҙығы тупланған. Ихаталарға 6,5 мең тонна бесән, һалам ҡайтарылған, 900 тонна сенаж һәм силос һалынған.
Йәмғиәткә бер нисә йыл элек Башҡортостан дәүләт аграр университетын тамамлаған Руслан Хәмитов етәкселек итә. Әйткәндәй, уның атаһы Марат Хәмитов та ошо хужалыҡта оҙаҡ йылдар директор булып эшләгән, уны күптәр оҫта ойоштороусы, тәжрибәле рәйес итеп хәтерләй.
– Ауыл халҡының уңғанлығына һоҡланам, үҙ ихатаһында ла тырыша, хужалыҡта ла яҡшы һөҙөмтәләргә өлгәшә, – ти Руслан Марат улы. – Уҙып барған йылды яҡшы күрһәткестәр менән тамамлайбыҙ, киләһе йылда ла етештереү кимәлен төшөрмәҫбеҙ.
Ком: 0 // Уҡынылар: 1157 тапҡыр // Тотош уҡырға
Антти Пильстремға Өфө бик оҡшайБашҡортостанға килгән Финляндия делегацияһы “Өфө-Арена”ла милләттәштәре менән осрашты. Хоккей буйынса донъя чемпионы Антти Пильстрем әлеге мәлдә “Салауат Юлаев”тың һөжүмсеһе, ә Илари Някель – ҡапҡасылар тренеры.
Башҡортостанға эш сәфәре менән килгән Финляндияның Европа һәм тышҡы сауҙа эштәре буйынса министры Александер Стубб “Өфө-Арена”ны урап үтмәне. “Мин үҙем дә 16 йәшкә тиклем хоккей уйнаным, атайым да спорттың ошо өлкәһендә эшләй, бер мәл Финляндияның хоккей ассоциацияһының башҡарма директоры булды”, – тип белдерҙе ул.
Ҡунаҡтарҙы боҙ һарайы менән “Салауат Юлаев” хоккей клубының генераль директоры Рөстәм Ишалин таныштырҙы. Финляндия министры “Өфө-Арена”ны “бишле”гә баһаланы.
Ком: 0 // Уҡынылар: 1796 тапҡыр // Тотош уҡырға
Салауат Сәғитов — Башҡортостан Хөкүмәте Премьер-министры урынбаҫары13 декабрҙә Башҡортостан Президенты Рөстәм Хәмитов үҙенең Указы менән Салауат Сәғитовты республика Хөкүмәте Премьер-министры урынбаҫары итеп тәғәйенләне, тип хәбәр итә Президенттың матбуғат хеҙмәте.
Салауат Тәлғәт улы Сәғитов 1977 йылдың 22 апрелендә Өфөлә тыуған. 1999 йылда Өфө дәүләт авиация техник университетын тамамлаған. Ошо уҡ йылда Өфө ҡалаһы хакимиәтендә төп белгес булып эшләй башлай. Төрлө йылдарҙа Өфө хакимиәтенең Мәҙәниәт идаралығы начальнигы урынбаҫары, Йәштәр сәйәсәте комитеты рәйесе вазифаһын башҡарыусы, унан һуң комитет рәйесе, республиканың Йәштәр сәйәсәте буйынса дәүләт комитеты рәйесе, Башҡортостан Республикаһының йәштәр сәйәсәте, спорт һәм туризм министры урынбаҫары була. 2010 йылдан — Өфө ҡалаһы ҡала округының Киров районы хакимиәте башлығы.
Ком: 0 // Уҡынылар: 1335 тапҡыр // Тотош уҡырға
Ауыл иҡтисадына бер ҡарашБашҡортостан дәүләт аграр университетының Көньяҡ Урал филиалы — республиканың көньяҡ-көнсығыш райондары өсөн ауыл хужалығы белгестәре әҙерләүсе берҙән-бер юғары уҡыу йорто. Уның етәкселегенең киләсәккә уй-хыялдары нисек, ниндәй мәсьәләләр борсой? Ошо һәм башҡа һорауҙар менән филиал директорының фән буйынса урынбаҫары, иҡтисад фәндәре докторы, профессор Әҙеһәм Әғзәм улы БАРЛЫБАЕВҠА мөрәжәғәт иттек.
— Филиал етенсе йыл эшләп килә. Ошо ваҡыт эсендә коллектив ниндәй уңыштарға өлгәште?
— Төбәктең иҡтисадында ауыл хужалығы ҙур урын биләй. Халыҡтың яртыһы тиерлек ауыл ерендә йәшәй, эшкә һәләтлеләрҙең өстән бер өлөшө ауыл хужалығында мәшғүл.
Ком: 0 // Уҡынылар: 1511 тапҡыр // Тотош уҡырға
Кеше һаулығын һәм тирә-яҡ мөхитте һаҡлап“Башнефть” акционерҙар нефть компанияһы” йәмғиәте нефть сығарыу буйынса Рәсәй Федерацияһының — ун, нефть продукттарын эшкәртеү буйынса биш иң ҙур предприятиеһы иҫәбенә инә. “Ҡара алтын” сығарыу темпын арттырыуға килгәндә, Башҡортостан компанияһы ил предприятиелары араһында 2009 йылдан алып беренсе урынды биләй.
Етештереү ҡеүәтен үҫтереү менән бер рәттән “Башнефть” АНК-һы йыл һайын тирә-яҡ мөхитте һаҡлауға ла ҙур иғтибар бүлә. Был әһәмиәтле эш биш йүнәлештә алып барыла: тирә-яҡ мөхитте һаҡлау; һыу ресурстарын бәрәкәтле тотоноу; тирә-яҡ мөхиттең бысраныуын даими күҙәтеү; ерҙе һәм урманды һаҡлау; хәүефле етештереү ҡалдыҡтарын юҡ итеү. Был маҡсатта уртаса 1,8 – 1,9 миллиард һум аҡса тотонола. Мәҫәлән, быйыл тәбиғәтте һаҡлау сараларына 1,96 миллиард һум йүнәлтелгән.
Ком: 0 // Уҡынылар: 1987 тапҡыр // Тотош уҡырға
Тормош үҙе яңыса эшләргә өйрәтәРеспублика Президенты Рөстәм Хәмитов үҙенең Мөрәжәғәтнамәһендә билдәләүенсә, башҡарма власть халыҡ файҙаһына, кешеләрҙең тормош-көнкүрешен яҡшыртыуға хеҙмәт итергә тейеш. Был йәһәттән яңы закон нигеҙендә ярайһы уҡ киң мөмкинлектәргә эйә булған муниципалитеттарҙың әһәмиәте бермә-бер арта. Халыҡҡа яҡын торғаны өсөн дә үҙидара органдары урындағы хәлде яҡшы белә, көн үҙәгендәге мәсьәләләргә лә улар нығыраҡ үтеп инә.
Ҡандра ауыл Советы биләмәһе Туймазы районында ғына түгел, көнбайыш төбәктә лә иң ҙур муниципаль берәмектәрҙән һанала. Ул 15 меңгә яҡын кеше йәшәгән туғыҙ ауылды берләштерә.
Ком: 0 // Уҡынылар: 1393 тапҡыр // Тотош уҡырға
Ҡәләмдәштәр өлгө күрһәтәҠәләмдәштәребеҙ хаҡында яҙырға уйлағанда: “Атҡарған эштәре энәһенән-ебенә тиклем тигәндәй яҡшы таныш, кемдәрҙең күҙ нуры түгелеүенә, уҡыусыға барып еткәнсе гәзиттең нисәмә ҡул аша үтеүенә ҡәҙәр билдәле”, — тип үҙемде дәртләндергәндәй иткәйнем. Әммә ҡыҫҡа ғына мәҡәләлә ижад кешеләренең, коллегаларыбыҙҙың күркәм сифаттарын, геройҙарына йылы мөнәсәбәтен һәм һөнәри оҫталыҡтарын тулыһынса еткереү бик үк еңелдән түгел икән.
Һүҙем — “Бакалинские зори” (урыҫ телендә) — “Авыл таңнары” (татарса) һәм айына бер тапҡыр башҡортса нәшер ителеүсе “Мираҫ” гәзиттәре коллективы хаҡында.
Ком: 0 // Уҡынылар: 1520 тапҡыр // Тотош уҡырға
Беҙ — тормоштоң үгәй балаларыУҙып барған йылда түңәрәк бер дата кисерһәм дә, был яҙмалар — хәтирәләр түгел. Була ла алмайҙар, сөнки ниндәй ҙә булһа күләмле дөйөмләштереүгә дәғүә итмәйҙәр. Егерменсе быуаттың икенсе яртыһындағы бихисап ваҡиғалар шаһиты булһам да, йәмғиәттә ҙур урын тотмауым сәбәпле, хәл-ваҡиғаларҙы ситтән күҙәтеүсе генә булдым. Тик был хәлдең дә үҙ өҫтөнлөктәре бар. Ваҡиғаларҙа әүҙем ҡатнашыусы, ғәҙәттә, алдан билдәләнгән була. Әгәр кеше ваҡиғалар барышына йоғонто яһай ала икән, уларҙы баһалағанда рыяһыҙ булып ҡалыу бик ҡыйын.
Кеше ғүмере ҡыҫҡа ғына булһа ла, оҙаҡ уйнаусы пластинка ул. Йылдарҙы, айҙарҙы, көндәрҙе кирегә әйләндереп ҡарағанда, күпме ваҡиғалар, тәьҫораттар, кисерештәр хәтергә төшә!
Ком: 0 // Уҡынылар: 1689 тапҡыр // Тотош уҡырға
Талмаҫ ике ҡанатымБашҡортостандың данын арттырыусылар араһында төрлө һөнәр эйәләренең күп булыуына аптырайһы түгел. Башҡорт дәүләт опера һәм балет театры солисы, Рәсәйҙең халыҡ артисы, Башҡортостандың халыҡ артисы, Салауат Юлаев исемендәге дәүләт премияһы лауреаты Салауат Асҡаров — шуға асыҡ миҫал. Шул уҡ ваҡытта яҡташыбыҙ республикабыҙҙың ғына түгел, тотош илебеҙ мәҙәниәте үҫешенә тос өлөш индерә. Салауат Әхмәт улы репертуарҙы һайлай белеү һәм даими байытып тороуҙың башҡарыусыға бөтә осраҡта ла уңыш килтереүен билдәләне. Танылған композитор Заһир Исмәғилевтең ижадына ла мөкиббән ғашиҡ. Ысынлап та, йырсының төрлө партияларҙы ҙур кинәнес менән башҡарыуына нисек һоҡланмайһың!
Ком: 0 // Уҡынылар: 1443 тапҡыр // Тотош уҡырға
Бында Аҡмулла рухы йәшәйҒөбәйҙулла солтан Жангиров 1881 йылдан генерал-майор, 1888 йылдан — генерал-лейтенант, 1894 йылдан — кавалерияның тулы генералы. Ул 1909 йылда Ҡырымда мәрхүм булып ҡалған.
Ҡаҙаҡ халҡының арҙаҡлы улы Ғөбәйҙулланың әсәһе — Башҡорт иленән. Уның байтаҡ туған-тыумасаһының Бәләбәй янындағы ауылдарҙа йәшәгәне билдәле.
Шағирҙың музейында әйберҙәр, ҡомартҡылар ике залға һәм вестибюлгә ҡуйылған. Беренсе залда — Туҡһанбай ауылы тарихына ҡағылышлы документтар, ХVII — ХIХ быуаттарҙа башҡорттарҙың көнкүрешен, йәшәйешен сағылдырған экспонаттар, ауылдарҙағы дин әһеле тормошон күҙалларға ярҙам итеүсе әйберҙәр. Икенсе залға Мифтахетдин Аҡмулланың биографияһын аныҡлаусы документтар, нәҫел шәжәрәһе, төрлө архивтарҙан табылған ҡулъяҙмалары, китаптары ҡуйылған.
Ком: 0 // Уҡынылар: 1705 тапҡыр // Тотош уҡырға
Кеше ғүмере — күҙ йомған араЙәшерәк саҡта яҡташтарыбыҙ, һабаҡташтарыбыҙ, дуҫ-иштәребеҙ менән аралашып йәшәнек. Үкенескә ҡаршы, шуларҙың береһе — Илйәс Йәмлих улы күптән түгел арабыҙҙан мәңгелеккә китте һәм Назар Нәжмиҙең “Бер күҙ асып йомған ара ғына беҙҙең бергә үткән был ғүмер” тигән шиғри юлдары иҫкә төштө. Ысынлап та, кеше ғүмере күҙ асып йомған ара ғына икән шул...
“Ир-егеттең аҫылы ил эшендә танылыр”, тигән халҡыбыҙ. Был һүҙҙәр, һис шикһеҙ, эшһөйәр, ғаиләһенә һәм туғандарына ҡарата хәстәрлекле, шәфҡәтле, асыҡ йөҙлө, тыныс холоҡло Илйәс ағайыбыҙ кеүектәргә ҡарата әйтелгәндер.
Ғүмер юлы, атҡарған эштәре хаҡында ҡыҫҡаса шуларҙы әйтергә була: ул 1928 йылдың 9 февралендә Хәйбулла районының Аҡъяр ауылында тыуған. Ете йәшендә атаһынан ҡала, һәм уны әсәһе Латифа тәрбиәләп үҫтерә, Аҡъяр урта мәктәбендә белем ала.
Ком: 0 // Уҡынылар: 1166 тапҡыр // Тотош уҡырға
Иң күп уҡыусы ғаиләКөйөргәҙе районының Яңы Мораптал ауылында йәшәүсе Мөлөковтарҙы матбуғат, китап ене ҡағылған ғаилә тиҙәр. Рухи байлыҡты өҫтөн күреүҙәренең сере нимәлә икән?
Илдар Юнир улы Ғафури районының Яугилде ауылы һылыуы Гөлзиә Фәтих ҡыҙы менән Стәрлетамаҡ дәүләт педагогия институтында уҡығанда таныша. 1990 йылда йәштәр ғаилә ҡора, бер йылдан мөхәббәт емештәре — Инзира тыуа. Гөлзиә 1992 йылда, ҡулына филолог дипломын алып, бер йәшлек ҡыҙы менән Көйөргәҙе районына юллана. Яңы Мораптал урта дөйөм белем биреү мәктәбендә эш башлай, балаларға башҡорт теле һәм әҙәбиәтенән белем бирә. Телгә, әҙәбиәткә, матбуғатҡа, мәҙәниәткә һөйөү тәрбиәләү шул йылдан алып бөгөнгәсә дауам итә.
Ком: 0 // Уҡынылар: 1116 тапҡыр // Тотош уҡырға
Сәсәндең теле уртаҡ...Быйылғы Халыҡ-ара Аҡмулла көндәренең Милләт-ара татыулыҡты нығытыу йылына арналыуы осраҡлы түгел. Шағир Мифтахетдин Аҡмулла татар, ҡаҙаҡ, төркмән, үзбәк, ҡарағалпаҡтар араһында ла киң билдәле шәхес булған, төрки халыҡтарҙың уртаҡ сәсәне иҫәпләнгән.
Ошо көндәрҙә Өфө ҡалаһының 9-сы урта мәктәбендә төрки халыҡтарының шиғриәт байрамы булды.
Милли кейемдәге мөләйем ҡыҙҙарҙың ҡунаҡтарҙы ишек төбөндә үк ҡаршы алып, түргә әйҙәүе һәм фойела китап сауҙаһының ойошторолоуы бында ҙур сараның уҙыуы тураһында һөйләй ине. 9-сы урта мәктәп директоры Радик Юлбаевтың һүҙҙәренә ҡарағанда, улар төрлө мәҙәни һәм әҙәби кисәләрҙе йыш үткәрә, әлеге сараға айырыуса ныҡ әҙерләнгәндәр.
Ком: 0 // Уҡынылар: 1471 тапҡыр // Тотош уҡырға
Яҙмыштарҙы йөрәк аша үткәрепҺәр кемдең үҙ яҙмышы, үҙ йыры, үҙ зары. Һәр замандың үҙ моңо, үҙ заңы. Шәфҡәтлелек ҡояшының нурҙары һүнеп, күңел тәҙрәләренең тоноҡланџан, туғанлыҡ ептәренең бына-бына өҙөлөр хәлгә еткән ваҡытында йәшәйбеҙ түгелме һуң?! Күптәр байлыҡҡа ынтыла, ә кемдәрҙер ҡояш яҡтылығын күрә алмайынса ыҙа сигә, икенселәр иһә аяғы менән изге ергә баїа алмайынса интегә...
Нисек кенә булмаһын, ошо ҡатмарлы донъяла ситтәрҙең ҡайғы-хәсрәтен үҙенеке кеүек ҡабул итеп, уларҙың тормошо менән йәшәүселәр ҙә бар әле. Геройҙары менән бергә ҡайғырған, донъяһын онотоп, улар менән бергә рәхәтләнеп аралашҡан, телевизор ҡараусыларҙы уйға һалған, тетрәндергән был ханымды кемдәр генә белмәй? Халыҡ һөйөүен яулаған “Райхан” телевизион тапшырыуына нигеҙ һалып, уны оҙаҡ йылдар дауамында алып барған, Башҡортостан Республикаһының атҡаҙанған матбуғат һәм киң мәғлүмәт хеҙмәткәре, шағирә Хәлисә Мөхәмәҙиева хаҡында әйтеүем.
Ком: 0 // Уҡынылар: 1157 тапҡыр // Тотош уҡырға
Артҡа 1 2 Алға
Бит башына