Көндәлектә — Президент имзаһы!17 декабрҙә “Комсомольская правда” гәзите республика уҡыусылары араһында иң өлгөлө көндәлек хужаларын билдәләне. Бындай ҙур баһаға лайыҡ булған балаларға Башҡортостан Президенты Рөстәм Хәмитов менән осрашыу бәхете тейҙе.
Конкурста ҡатнашыу өсөн редакцияға көндәлектең уҡытыусы имзаһы менән раҫланған күсермәһен ебәрергә кәрәк ине. Үҙен һынап ҡарарға теләүселәрҙең һаны 1200-гә еткән. Улар араһынан 30 баланы һайлап алыу, әлбиттә, бик еңелдән булмағандыр.
— Еңеүселәр иҫәбендә беҙҙән өс уҡыусы бар, — тине Баймаҡ районының Түбәнге Таһир мәктәбе директоры урынбаҫары Таңһылыу Мазһарова. — Балаларҙың көндәлектәрен таҙа тотоуында, тырышып белем алыуында үҙебеҙҙә йыл да ойошторолған “Йыл класы”, “Иң күп “бишле” алыусы” конкурстарының да роле ҙур.
Ком: 0 // Уҡынылар: 1034 тапҡыр // Тотош уҡырға
“Байыҡ”тар өҙә баҫтыАрыҫландай батырҙарҙың
Арҡаһынан ҡағығыҙ.
Ана шулай йырлап ҡаршылай Байыҡ сәсән француз яуынан еңеп ҡайтыусы башҡорт бөркөттәрен.
Киң таралған, хәрәкәтенән, ым-ишараһынан көс-ҡеүәт, шаянлыҡ һирпелгән “Байыҡ” бейеүен ул һалған тигән ҡараш йәшәй халыҡта. Башҡортостан юлдаш телевидениеһында ошо исемдәге бейеү конкурсы тарихи шәхескә хөрмәт, таланттарҙы табыу, үҫтереү ниәтенән барлыҡҡа килә. Президентыбыҙ Рөстәм Хәмитов Указы менән йыл һуҙымына дауам иткән көсөргәнешле конкурста иң-иңдәр “Нефтсе” мәҙәниәт һарайында үткән гала-концертта ҡатнашырға хоҡуҡ алды. Башҡортостан Хөкүмәте Премьер-министры урынбаҫары Салауат Сәғитовтың тәбрикләүенән һуң, сәхнәгә “байыҡ”тар сыҡты.
Ком: 0 // Уҡынылар: 1350 тапҡыр // Тотош уҡырға
Тыуған көнөң менән, "Салауат"!"Салауат Юлаев" хоккей клубы 50 йыллығын билдәләне. "Өфө – Арена"ла үткән тантанаға команданы тәбрикләргә бик күптәр килде. Улар араһында тәүге юлаевсылар, донъя кимәлендә танылған тәрбиәләнеүселәребеҙ, тоғро көйәрмәндәр һәм, әлбиттә, был юлда беренсе аҙымын яһаусы йәш хоккейсылар ҙа бар ине.
Ойоштороусылар байрамға килеүселәргә үҙенсәлекле бүләк тә әҙерләгән: һәр кем Гагарин һәм Рәсәй чемпионы кубоктарын яҡындан ҡарай һәм улар янында иҫтәлеккә фотоға төшә алды. 50 йыллыҡ данлы тарих менән боҙ һарайындағы күргәҙмәлә танышып булды. Йәш көйәрмәндәрҙең үҙҙәренең яратҡан командаһына арналған ижад емеше лә бик күптәрҙә ҡыҙыҡһыныу уятты.
Ком: 0 // Уҡынылар: 1234 тапҡыр // Тотош уҡырға
Яҡташыбыҙ – Япония премияһы лауреатыБашҡорт архитекторы Ришат Муллагилдин “AIDA AWARDS-2011” премияһы лауреаты исеменә лайыҡ булды.
Японияның күренекле архитекторы Такефуми Айда исемендәге премия һөнәри ҡаҙаныштары менән йәмғиәт үҫешенә ҙур өлөш индергән өсөн Сибаур технология институты тарафынан йыл һайын бирелә. Сибаур технология институтын Японияла ғына түгел, донъяның башҡа илдәрендә лә әһәмиәтле проекттарҙы ғәмәлгә ашырыусы, исемдәре киң билдәле инженерҙар, конструкторҙар һәм архитекторҙар тамамлаған. Ришат Муллагилдин – сит ил кешеләренән был япон премияһын яулаған тәүге лауреат.
Ком: 0 // Уҡынылар: 1123 тапҡыр // Тотош уҡырға
Биш уҙышсыбыҙ финалға сыҡтыҮткән ял көндәре баш ҡаланың спорт һөйөүселәре өсөн тамашаға бай булды. Мотоуҙыш буйынса Рәсәйҙең 52-се шәхси чемпионаты ярымфиналына ла халыҡ күпләп йыйылды. Был көндәрҙә ошондай уҡ ярымфиналдар Ҡурған өлкәһенең Шадринск, Свердловск өлкәһенең Каменск-Урал, Киров өлкәһенең Слободск ҡалаларында уҙҙы.
Дөйөм ярышта Рәсәйҙән 64 спортсы һынау тотто. Башҡортостандың данын Өфөнөң Ғ. Ҡадиров исемендәге Техник спорт төрҙәре үҙәге, Стәрлетамаҡ ҡалаһының — “Каустик”, Учалының — “Таусы” һәм Күмертауҙың “Сапсан” клубтарынан 15 уҙышсы яҡланы.
Өфөлә ярыштың тәүге көнө тыныс шарттарҙа үтте тиергә була.
Ком: 0 // Уҡынылар: 1096 тапҡыр // Тотош уҡырға
Беҙҙең старостаМәсетле районының Һөләймән ауылында тыуа Ризван Хажиев. Ауылында башланғыс белем ала, артабан Ләмәҙтамаҡта уҡый. Һуғыш йылдарында халыҡ күргәнде Хажиевтар ғаиләһе лә кисерә. Кесерткән, алабута, иген ҡырҙығы менән тамаҡ туйҙырған мәлдәр күп була. Аттестат алғас, ауыл егеттәре менән бер ҡор булып, Силәбе өлкәһенең Бакал ҡалаһына һөнәрселек училищеһына китә.
Паровоз машинисы ярҙамсыһы һөнәрен ала, урындағы гәзиткә мәҡәләләр яҙа, уның әүҙем хәбәрсеһенә әйләнә. Армия хеҙмәтендә лә Ризван ҡәләмен шымартыуға форсат таба. Хәрби гәзиттәрҙә тиҫтәләгән һүрәтләмә, репортаждары донъя күрә. Ҡайтҡас, райондың “Коммунист” гәзитендә эшләп ала.
Арыу ғына ер-һыу күреп, тормоштоң билдәле бер баҫҡыстарын үткән егеттең күңелендә эйәрле ат ятыр. Белемгә ынтыла Ризван. 1964 йылда Башҡорт дәүләт университетының филология факультетына һынау тота.
Ком: 0 // Уҡынылар: 1691 тапҡыр // Тотош уҡырға
Бергә йәшәргә өйрәнәйек“Асыҡ мөхит” программаһы бар. Ә үҙебеҙ инвалидтарға асыҡбыҙмы?
Әле республикала 315 меңдән ашыу инвалид йәшәй. Үкенескә ҡаршы, уларҙың 14,5 меңе — балалар. Араларында үҙаллы хәрәкәтләнә алмау сәбәпле, фатирҙарынан сыға алмай йәшәгәндәре лә, коляска менән йөрөү өсөн махсус юлдар булмау арҡаһында йәмғиәттән айырылып көн итергә мәжбүр булғандары ла байтаҡ. I группа инвалидтары — 7 процент, II группаға ҡарағандары 40 процент самаһы тәшкил итеүе генә лә мәсьәләнең ни тиклем етди булыуына инандыра.
Инвалидтарға башҡалар кеүек үк йәнле тормош менән йәшәү, хоҡуҡтарынан файҙаланыу һәм әүҙемлектәрен арттырыу өсөн нимәләр ҡамасаулай һуң? Улар осрашҡан ҡаршылыҡтар киләсәктә юҡҡа сығырмы, тейешле шарттар тыуҙырылырмы? Һорауҙар күп.
Ком: 0 // Уҡынылар: 1084 тапҡыр // Тотош уҡырға
Ғүмерем буйы ҡулымдан ҡәләм төшмәһә лә, аҡ ҡағыҙ битенә тәүге тапҡыр ҡурғаштай ауыр һүҙҙәр төшөрөүем.
Ғәмәл дәфтәренең ҡара бите асылды: ғүмер йондоҙомдоң иң яҡтыһы булған ҡатыным, балаларыма йән биреп, уларҙы матур кешеләр итеп тәрбиәләп үҫтергән Фәһимәм, беҙҙе етем ҡалдырып, фани донъянан баҡыйлыҡҡа күсте.
Егерменсе быуаттың уртаһынан башланған тормош юлыбыҙҙың осо бер ваҡытта ла булмаҫ кеүек ине. Ул һуҡмаҡты беҙ бер-беребеҙгә ныҡлы таяныс булып, ғәжәп бер тырышлыҡ менән һәм ышаныслы рәүештә атлап үттек.
Ком: 0 // Уҡынылар: 949 тапҡыр // Тотош уҡырға
Булмышына тоғроУның бар булмышын баҫалҡылыҡ биҙәй. Айыҡ аҡыл, рух ҡөҙрәте, күңел йомартлығы менән һуғарылған баҫалҡылыҡ. Иң мөһиме — был хис уның үҙ булмышын ғына йылытып ҡалмай, балаларына, яҡындарына, хеҙмәттәштәренә, ауылдаштарына, райондаштарына һөйөү һәм хөрмәт ҡөҙрәте аша тарала...
Әңгәмәсем Нәсиә Йосопованы күптән беләм. Архангел яҡтарына юл төшкән һайын уның менән күрешмәй ҡайтҡаным юҡ. Бигерәк тә "Инйәр" район гәзитенең баш мөхәррире булып эшләгән йылдарында ярҙамы күп тейҙе — теге йәки был темаға мәғлүмәт һорап та, үҙебеҙ барып етергә форсат теймәгән ауылдарҙан мәҡәләләр әҙерләп ебәреүҙәрен юллап та йыш шылтырата торғайныҡ.
Ком: 0 // Уҡынылар: 1120 тапҡыр // Тотош уҡырға
“Беҙҙең һандуғас”Шаранда Андрей Соловьевты белмәгән кеше юҡтыр, моғайын. Район үҙәк дауаханаһында теш табибы булып эшләй ул.
Һәр кешегә яҡты сырайлы, яғымлы, ипле һүҙле егетте бөтәһе лә хөрмәт итә.
Буш ваҡыттарында Андрей район мәҙәниәт йортона ашыға. Сыуашса ла, татарса ла бик матур йырлай. Уны “Беҙҙең һандуғас” тип кенә йөрөтәбеҙ. Бер ваҡыт Стәрлебашта үткән йәштәр һабантуйында ошондай мәрәкә лә була. Андрей йырлай башлағас, бөтә халыҡ, был бит мутлаша, Айҙар Ғәлимовтың яҙмаһын ҡуйған да үҙе ауыҙын асып-ябып ҡына тора, ти.
Ком: 0 // Уҡынылар: 1089 тапҡыр // Тотош уҡырға
Күңеле хыялға бай инеФәүзиә апай Рәхимғолова хаҡындағы һүҙемде уның ике тиҫтәнән ашыу йылдар элек ижад ителгән “Үтенес” тип исемләнгән шиғырының тәүге һигеҙ юллығынан башлағы килә:
Килер бер мәл мәрхүм
булыр саҡ та —
Тәбиғәттә
ҡаты закон бар...
Атамағыҙ әммә,
мәрхүм, тиеп
Мине, дуҫтар, туған,
яҡындар.
Һыҙлаһа ла йөрәк,
әрнеһә лә,
Уҙған ғүмер кире ҡайтмай,
тип.
Ком: 0 // Уҡынылар: 1510 тапҡыр // Тотош уҡырға
Заманыбыҙҙың рухи балҡышыШулай тип яҙғайнылар бер саҡ уның тураһында. Әҙәби ижадты һәм ғилми эшмәкәрлекте уңышлы алып барған, шул уҡ ваҡытта өлгөлө педагог булараҡ оҙайлы йылдар дауамында университетта белем биргән шәхес хаҡында был һүҙҙәрҙе әйтеү урынлылыр. Ҡайҙан килә ул егәрлелек, тырышлыҡ һәм мәңгелек хеҙмәттәр ҡалдырыуға ынтылыу? Әйткәндәй, тәҡдим иткән әңгәмәбеҙҙең геройы — Табын ырыуы вәкиле. Башҡорт халҡына бихисап зыялы биргән ырыу ул. Башҡортостандың беренсе халыҡ шағиры Мәжит Ғафури, ғалим-мәғрифәтсе Мөхәммәтсәлим Өмөтбаев. Беҙҙең замандашыбыҙҙы ла шуларҙың рәтенә ҡуйыу хата булмаҫ. Фән, тормош асылдары, әҙәбиәт хаҡында табындарҙың дарманлы улы, танылған ғалим, яҙыусы Т
Ком: 0 // Уҡынылар: 1862 тапҡыр // Тотош уҡырға
Был парҙарҙың һәр береһенең бала сағы һуғыш һәм унан һуңғы ауыр йылдарға тура килгән, аслыҡ-яланғаслыҡты һәм ауыр хеҙмәт михнәтен бик иртә үҙ елкәһендә татыған. Шулай ҙа күңелдәре ҡатмаған, төшөнкөлөккә бирелмәй, яҡты киләсәккә ынтылып йәшәйҙәр.
Тормош юлын 50 йыл бергә үткән, ғүмер үренең етенсе тиҫтәһен артылған ғаилә парҙарына бағып, икенсе яртыларына ҡарата саф тойғоларының һүрелмәүенә, тәүге һөйөү хистәрен әлегәсә түкмәй-сәсмәй һаҡлауҙарына һоҡланмау мөмкин түгел. Мөхәббәт, ысынлап та, шулай мәңгелек буламы? Был һорауға һәр ҡайһыһының яуабы бер булды: “Әлбиттә, һаҡлағанда ул тойғо һүрелмәй”.
Ком: 0 // Уҡынылар: 1439 тапҡыр // Тотош уҡырға
Кемгәлер календарҙа “19 декабрь” тип билдәләнгән көн ҡәҙимге кеүек кенәлер. Минең өсөн улай түгел. Йылдың-йылы ул көндө мин күңелдән генә һыҙыҡ өҫтөнә алғандай итәм. Ни өсөн тигәндә, нәҡ шул көндө ер аяғы-ер башында ятҡан Фирғәнә үҙәнендәге бер бәләкәй генә стансала минең дуҫым, һабаҡташым, ҡалаҡташым һәм хеҙмәттәшем, яу ҡырында атакаға барған атаһы лейтенант Әбделғәлим Килмөхәмәтовҡа ишеттерергә теләгәндәй, яр һалып, донъяға килгән. Эйе, Үзбәкстанда тыуһа ла, үзбәк түгел, ә киләсәктә әҙип, сәсмәүер оҫтаһы, әҙәбиәтебеҙ ғилемен, республикабыҙҙа башлап профессиональ журналистар әҙерләргә тотонған үҙ уҙаманыбыҙ хаҡында һүҙ асыуым.
Ком: 0 // Уҡынылар: 1207 тапҡыр // Тотош уҡырға
Билдәле башҡорт боксеры, Силәбе өлкәһенең Арғаяш районы егете Хәбир Сөләймәнов Мексиканың Мехикали ҡалаһында үткән сираттағы көрәштә еңеү яулаған.
Был сара профессиональ боксерҙар өсөн һигеҙ раундтан торған рейтинг көрәше булған. Хәбир Сөләймәнов 54 килограмм ауырлыҡ категорияһында сығыш яһаған. Уға ҡаршы мексикан Хорхе Герреро көрәшкән. Еңеү өсөн Хәбиргә бер раунд кәрәк булған. Был ярыштан алда Хәбир Сөләймәнов АҠШ-та 12 рейтинг көрәшендә еңгән. Афарин, яҡташ!
Ком: 0 // Уҡынылар: 1000 тапҡыр // Тотош уҡырға
Артҡа 1 2 Алға
Бит башына