Кисә Башҡортостан Президенты Рөстәм Хәмитов “Бер үк ваҡытта ике һәм унан күберәк бала тыуған ғаиләләргә социаль ярҙамдың өҫтәмә саралары тураһында”ғы Указға ҡул ҡуйҙы.
Уға ярашлы 2012 йылдың 1 ғинуарынан бер үк ваҡытта ике (игеҙәк) һәм унан күберәк бала тыуған ғаиләләргә һәр сабыйға өс йәш тулғансы 500 һум күләмендә айлыҡ балалар пособиеһы түләнәсәк.
Ком: 0 // Уҡынылар: 896 тапҡыр // Тотош уҡырға
Бөгөн — Башҡортостан Конституцияһы көнө. Быйыл уның ҡабул ителеүенә 18 йыл тула.
Конституциябыҙ Башҡортостандың барлыҡ хоҡуҡ системаһы өсөн нигеҙ ташы булып тора. Ул ҡабул ителгәндән алып йәмғиәтебеҙҙәге демократик үҙгәрештәрҙе беркеткән, Федератив Рәсәй составында Башҡортостандың дәүләтселеген нығытҡан, төбәктә йәшәүсе кешеләрҙең хоҡуҡтарын һәм иркен яҡлаған төп көскә әйләнә.
Ком: 0 // Уҡынылар: 1405 тапҡыр // Тотош уҡырға
Алһыу ДАУЫТОВА, кесе ғилми хеҙмәткәр:
— Президенттың төбәктәргә власть вәкәләттәренең байтаҡ өлөшөн тапшырыу, бюджет сәйәсәтен үҙгәртеү тураһында фекерҙәре ваҡытлы һәм ғәҙел, тип иҫәпләйем. Дәүләт башлығы идараны саманан тыш үҙәкләштереүгә юл ҡуймаҫҡа саҡырҙы, был да дөрөҫ. Башҡортостан — үҙ-үҙен тәьмин итә алған төбәк, байлығыбыҙҙы урындағы халыҡ мәнфәғәтендә киңерәк файҙалана алһаҡ, яҡшы булыр ине.
Ком: 0 // Уҡынылар: 907 тапҡыр // Тотош уҡырға
Рәсәйҙәге ил башлыҡтары быға ҡәҙәр Федераль Йыйылышҡа традицион Мөрәжәғәтнамә менән төрлө ваҡыт — йә ағымдағы сәйәси хәлгә ҡарап, йәиһә үҙе шәхсән уңай тип тапҡан мәлдә, сығыш яһай килде. Вазифаһынан китәсәк Президент Дмитрий Медведевтың әлеге ғәҙәттән тайпылыуын һәм Мөрәжәғәтнамәне йәмәғәтселеккә еткереүҙе сәйәсәт һәм хужалыҡ йылы тамамланған саҡҡа тура килтереүен осраҡлы тип баһалап булмайҙыр. Әгәр ике ир-уҙаман юғарыла идара итеү теҙгене менән алмашырға ҡарар иткән һәм ошо маҡсат “Берҙәм Рәсәй” фирҡәһе йыйынында, ахыр килеп, Закондар сығарыу Палаталарында хупланған икән, тимәк, Дмитрий Анатольевичтың Президент сифатындағы сығышын хисап биреү тип тә, сәйәси васыят рәүешендә лә ҡабул итергә мөмкиндер.
Ком: 0 // Уҡынылар: 1024 тапҡыр // Тотош уҡырға
Башҡортостан Президенты Рөстәм Хәмитов Рәсәй Федерацияһы Президенты Дмитрий Медведевтың йыллыҡ Мөрәжәғәтнамәһендә Федерация субъекттары етәкселәрен төбәк халҡы тарафынан туранан-тура һайлауға күсеү зарурлығы хаҡында әйтелгән тәҡдимен хуплай.
Республика башлығының матбуғат хеҙмәте хәбәр итеүенсә, Рөстәм Хәмитов “кешеләр өсөн эшләү — властың бурысы, шуға күрә халыҡ ошо эште ышанып тапшырырлыҡ кешене үҙе һайларға тейеш” тигән фекерҙә.
“Рәсәй Федерацияһы Президентының төбәк етәкселәрен туранан-тура һайлау тураһындағы башланғысын хуплайым, был — эш биреүсе менән хеҙмәткәр араһындағы ғәҙәти мөнәсәбәт. Тәүгеһе бер нисә дәғүәсе араһынан иң һәләтлеһен һайлап, эшкә яллай”, — тип билдәләне Рөстәм Хәмитов.
Ком: 0 // Уҡынылар: 774 тапҡыр // Тотош уҡырға
Эт менән бесәй ниңә дуҫ түгел?“Аманат” журналының сираттағы һаны тышлығы менән үк иғтибарҙы йәлеп итеп тора. “Салауат Юлаев” хоккей клубының уйынсыһы Александр Радулов фонында төшкән Тимур Тимербаев атлы малай маҡсатҡа ынтылыусан, сәмсел булыуы менән кумирынан һис ҡалышмай.
Ауыр йәрәхәт алғас, табиптар “үҙаллы атлап йөрөй алмаҫ был бала” тиһә лә, әллә күпме операция үткәргән малай һис төшөнкөлөккә бирелмәй: махсус күнегеүҙәр яһай, спорт менән дуҫлаша. Өсөнсө класта уҡыған Тимур хәҙер бокс менән шөғөлләнә, хоккей уйнай. Әлбиттә, һәйбәт уҡый.
Журналдағы мауыҡтырғыс хикәйә, әкиәт, шиғырҙар, тиҫтерҙәр ижады, Яңы йыл байрамы өсөн сценарий, Берҙәм дәүләт имтиханы буйынса һуңғы яңылыҡтар, ашарға бешереү серҙәре, башватҡыстар, конкурстар — барыһы ла мәктәп уҡыусыһы күңеленә хуш килер.
Ком: 0 // Уҡынылар: 1561 тапҡыр // Тотош уҡырға
Ашаған белмәй, тураған беләБайрам ҡаршылау, айырыуса Яңы йыл байрамын, һеҙҙең өсөн анһат түгеллеген аңлайбыҙ, хөрмәтле ҡатын-ҡыҙҙар. Һәр кемдең күңеленә хуш килерлек табын әҙерләү өсөн арымай-талмай йүгерергә, фантазияғыҙҙы эшкә егергә, әллә күпме аш-һыу әҙерләү рецебын күҙ уңынан үткәрергә тура килер. Шуны иҫәпкә алып, хужабикәләр ҡолағына ҡайһы бер аш-һыу әҙерләү серҙәрен төшөрмәксебеҙ.

***
Ҡулланыр алдынан ондо иләү яҡшы. Беренсенән, онға осраҡлы рәүештә килеп эләккән сит-ят ҡушымталарҙан ҡотолорһоғоҙ, икенсенән, иләнгән, кислород менән байыҡҡан ондан бешерелгән ризыҡ ҡабарынҡы, йомшаҡ, тәмле була.
Ком: 0 // Уҡынылар: 1203 тапҡыр // Тотош уҡырға
Аждаһа менән дуҫлашмай сара юҡҠуян йылы тарих биттәренә инеп йәшеренеүгә һанаулы ғына көндәр ҡалды. Алыҫта Аждаһа йылының ажғырып килеүе һиҙелгәндәй. Японияла һәм башҡа Көнсығыш илдәрендә ҡабул ителгән календарға ярашлы, 12 йыллыҡ йыл иҫәбе (мөсәл) йыл һайын ҡайһы ла булһа хайуан билдәһе менән үтә. Кеше яҙмышы ла үҙе тыуған йыл үҙенсәлектәре менән тығыҙ бәйле, ти боронғолар. Көнсығышта бындай календарь ҙур танылыу яуланы. Тыуған йылын, көнөн аныҡ белгәндәр йондоҙнамә ярҙамында үҙенә ярашлы тормош иптәшен һайлай, яңылыш аҙымдарҙан ҡурсалана ала.
2012 йыл беҙгә әкиәттәрҙән яҡшы таныш персонаж — Аждаһа билдәһе менән үтәсәк. Тышҡы ҡиәфәтенән уҫаллыҡ, ҡеүәт, көс, һығылмалылыҡ, ғәйрәт бөркөлөп торған хайуан менән нисек дуҫлашырға, йылды имен-аман үткәреү өсөн уның ниндәй ҡылыҡтарына күҙҙе йомоп, ҡайһыларына нығыраҡ иғтибар итергә? Әйҙәгеҙ, ошо йылда тыуған “аждаһа”ларҙың холоҡ-фиғеле, шөғөлдәре, йәшәү рәүеше менән танышайыҡ.
Ком: 0 // Уҡынылар: 1444 тапҡыр // Тотош уҡырға
Француздарҙың боронғо китабынан- Шампан шарабын төштә күреү өндә ваҡытлыса ғына бәхет татыуҙы аңлата.
- Бер үҙең генә шарап тәмләп ултырғанды күреү — яҡындарыңда аңлау тапмау тигән һүҙ.
- Шампан шешәһен төшөрөп ватыу — һис көтөлмәгән ваҡиғаға тарыу.
- Төштә шыршы күреү мәңгелек төшөнсәләр һәм ҡиммәттәрҙе символлаштыра.
- Шыршылар араһында йөрөү — байлыҡ билдәһе. Әгәр ҙә тубырсыҡтарҙы һонолоп ала алһағыҙ, бигерәк тә яҡшы. Төшөгөҙҙөң өнгә әүерелеүе бик ихтимал.
Ком: 0 // Уҡынылар: 1211 тапҡыр // Тотош уҡырға
Тамғаң — ай, нәҫелең бай булһынГоризонталь буйынса: 2. Сигеү өсөн алтын, көмөш йәки бүтән йылтыр ҡушып эшләнгән еп. 4. Балта, бысаҡ үткерләй торған әйләнмәле ҡайраҡ. 5. Һауыттағы “йәшел йылан”. 8. Сыбар һабаҡлы, ваҡ ҡына йылтыр орлоҡло, тарбаҡ һабаҡлы сүп үләне. 10. Баш ҡалаһы Манама булған ғәрәп дәүләте. 11. Сәйәхәтсе Тур Хейердалдың кәмәһе. 12. Дүрт бармаҡ киңлегендәге үлсәү берәмеге. 14. Кәрлә жираф. 16. Һырғалаҡ йәки ерҙе тигеҙләү машинаһы. 19. Белем шишмәһе. 22. Өйгә ингәндә тороп ҡала, тышҡа сыҡҡанда тотоп ала. 23. Килендәр һыуға барғанда бик кәрәкле әйбер. 24. Ҡул һыртының кире яғы. 25. Бер ҡараһаң — икмәктәй, икенсе ҡараһаң — ураҡтай. 27. Китаптарҙы йыйыу һәм бүлеп таратыу эше менән шөғөлләнгән ойошма. 31. Африкала үҫкән ағас, емештәрен “маймыл икмәге” тип йөрөтәләр. 33. Кемгәлер бер нәмә эшләү өсөн бирелгән ризалыҡ. 36. Сәхнәне яҡтырта торған уттарҙы ҡаплап торған барьер. 37. “Баҡса”ла “йөҙгән” балыҡ. 39. Бер тармаҡтағы бер нисә предприятие берекмәһе. 41. Мәсеттә кем аҙан уҡый? 44. Ҡыйыуҙар ботона ҡыҫтырып, ҡурҡағыраҡтар етәкләп килтерә. 45. “Беткә үс итеп, тунды (...)ҡа яҡмайҙар”.
Ком: 0 // Уҡынылар: 1870 тапҡыр // Тотош уҡырға
Бер бокалда миллион күбекЯңы йылды шампан шарабынан тыш күҙ алдына килтереп булмай. Унда әллә күпме минераль матдә тупланған. Антиоксиданттар һәм биологик әүҙем матдәләргә бай эсемлектең бер йотомо күңелдә байрам тойғоһо тыуҙыра.
Шампанды табынға ҡуйыр алдынан 10–12 градусҡа тиклем боҙ һалынған биҙрә эсендә һыуытырға кәрәк. Күбекле эсемлекте ас ҡарынға эсергә ярамай, ти белгестәр.
Бер шешәлә 400 миллион самаһы күбек булырға тейеш, тип иҫәпләй шарап етештереүселәр.
Ком: 0 // Уҡынылар: 1190 тапҡыр // Тотош уҡырға
Уфтанма, уфтанма...Бала саҡта Яңы йыл байрамын ҡаршылау, мөғжизә көтөү мәлдәре, һөйләп аңлата алмаҫлыҡ һөйөнөстәр, бүләктәр, рәхәтлек тойғолары иҫтә, һаман да иҫтә. Ә хәҙер, өлкәнәйә төшөп, әкиәттәргә ышанмай башлағас, шау-шыулы байрам да беҙҙе артыҡ ҡыҙыҡһындырмай, киреһенсә, күңелдәрҙе һиллек, донъя именлеге, тыныс тормош нығыраҡ тартҡандай.
Бәлки, Яңы йылды кеше йәшәмәгән ниндәйҙер бер утрауҙа, кокостар, маймылдар компанияһында үткәреү юҡһыныу, күңелһеҙләнеү тойғоларын еңергә ярҙам итер ине. Американдар юҡҡа ғына был хәлде байрам алдынан була торған “ауырыу билдәһе” тип атамайҙыр.
Белгестәр әйтеүенсә, Яңы йыл байрамын көткәндә бойоғор, төшөнкөлөккә бирелер, моңһоуланыр өсөн сәбәптәр быуа быуырлыҡ. Мәҫәлән, йыл аҙағында үткәнгә ҡараш ташлап, уңыш һәм уңышһыҙлыҡтарҙы барлай торған мәл етә.
Ком: 0 // Уҡынылар: 1143 тапҡыр // Тотош уҡырға
Борон, Яңы йыл 1 сентябрҙән башлана, тип иҫәпләнгән. Ошо хаҡтағы ҡарарҙы 1492 йылда кенәз Иван III раҫлаған.
Был көндө тантаналы итеү өсөн батша Кремлгә килер булған, һәм унан һәр ябай кеше хәйер һорай алған.
1699 йылда Рәсәй батшаһы Петр I тәүге тапҡыр Европала сәйәхәттә булып ҡайтҡан. Шул сәфәренән һуң ул Яңы йылды 1 сентябрҙә түгел, ә 1699 йылдың 31 декабренән 1 ғинуарға ҡараған төндә ҡаршыларға фарман биргән.
Ком: 0 // Уҡынылар: 947 тапҡыр // Тотош уҡырға
Телеңде йоторлоҡ!“Арҡайым” салаты

Был тәмле салат ҡатлы итеп әҙерләнә. Һәр ҡатына майонез яғыла.
Һай тәрилкәгә иң тәүҙә бер банка маринадланған бәшмәктәрҙе ваҡ ҡына итеп турап теҙеп сығырға кәрәк. Икенсе ҡатына туралған ике баш һуған, өсөнсөһөнә — ҡырылған йәки туралған өс картуф, дүртенсеһенә — ваҡ итеп туралған ыҫланған бер тауыҡ бото, бишенсеһенә — ҡырылған дүрт йомортҡа, алтынсыһына — 150 грамм ҡырылған голланд сыры, етенсеһенә төйөлгән грек сәтләүеге һалына.
Шулай итеп, салат әҙер. Ашығыҙ тәмле булһын тиергә генә ҡала.
Ком: 0 // Уҡынылар: 1236 тапҡыр // Тотош уҡырға
Шыршыһыҙ байрам байраммы ни ул... Хәҙер уның ниндәйе генә юҡ! Ҡайһыһын һайларға?
ЗӘҢГӘР ШЫРШЫ — үҙе матур, үҙе нәзәкәтле, ҡупшы... Өҫтәүенә ул оҙаҡ ваҡыт энәләрен ҡоймай, өйөгөҙҙө йәмләйәсәк.
ЯҺАЛМА ШЫРШЫның төрҙәре күп. Энәләре ҡойолмай, һынмай. Йәшел төҫтәгенән башҡа көмөш, алтын төҫөндәге ялтырауыҡлылары ла бар. Пластмассанан яһалған шыршыны бер нисә йыл буйы файҙаланыу мөмкинлеген дә иҫәпкә алһаң, яһалма ҡупшыҡайҙың өҫтөнлөгө бәхәсһеҙ.
Ком: 0 // Уҡынылар: 1092 тапҡыр // Тотош уҡырға
Артҡа 1 ... 6 7 8 9 10 11 12 13 14 ... 55 Алға
Бит башына