“Айырылғанды — айыу, бүленгәнде бүре ашар”, “Күмәкләгән — яу ҡайтарған”, “Татыу аш татлы булыр” кеүек ҡанатлы һүҙҙәрҙе васыят итеп ҡалдырған ата-бабалар. Башҡорт халҡының ҡунаҡсыллығы, башҡа халыҡтарға ҡарата йылы мөнәсәбәте хаҡында ҙур-ҙур әҙиптәр, фекер эйәләре лә әйткән.
Башҡаларға булған ихтирамын һүҙ менән генә түгел, изге эше менән дә иҫбатлаған башҡорт. Рәсәйгә ябырылған дошмандарға ҡаршы яуға сапҡан, бәләгә тарығандарҙы иленә һыйындырған, ярҙам иткән...
Ошо изге тойғолар аңыбыҙға ғына түгел, ҡаныбыҙға ла һеңгәндер. Башҡортостан бөгөн дә татыулыҡ һәм берҙәмлек өлгөһө булып тора: йөҙҙән ашыу милләт иңде иңгә терәп донъя көтә беҙҙә. Әлбиттә, халыҡтар араһындағы татыулыҡ тигән гөлгә һыу һибеп тороу ҙа мотлаҡ. Быйылғы йылдың Милләт-ара татыулыҡты нығытыу йылы тип аталыуы ла юҡҡа түгел.
Ком: 0 // Уҡынылар: 1671 тапҡыр // Тотош уҡырға
Һәр дәүләттең, һәр йәмғиәттең ныҡлығы, камил үҫеше унда йәшәгән, уны тәшкил иткән халыҡтарҙың үҙ-ара мөнәсәбәтенә бәйле. Башҡортостан Республикаһында күпме дәүер нисәмә милләт дуҫ һәм татыу йәшәй, тимәк, беҙҙә был йәһәттән аҡыллы, дөрөҫ сәйәсәт алып барыла. Быйыл "Башҡортостан" гәзите биттәрендә Милләт-ара татыулыҡты нығытыу йылына арналған байтаҡ мәҡәлә донъя күрҙе. Декабрь башында ошо ваҡиға айҡанлы викторина ла ойошторолдо. Йыл тамамлана, шуға күрә әҙәби-интеллектуаль уйынға йомғаҡ яһар мәл етте.
Ком: 0 // Уҡынылар: 1245 тапҡыр // Тотош уҡырға
Балаһы — бала, сағаһы булмаһын...Киләсәк быуындың физик һәм психик яҡтан һау булып үҫеүе ата-әсәнең сәләмәтлегенә ныҡ бәйләнгән. Әйтәйек, таҙа-һау ғаиләлә, нигеҙҙә, сәләмәт балалар тыуа, улар физик яҡтан да, психик яҡтан да камиллашып үҫә. Яҡшы тәрбиә алған балаларҙың холҡо һәйбәт була. Был — хәҡиҡәт.

Яҡшыһы ла, яманы ла — ғаиләнән

Закон буйынса беҙҙә 18 йәштән иртә никахҡа инеү тыйыла. Бының биологик төшөнсәһе шул: 18 йәштә генә организм тулы өлгөрөү кимәленә етә. Ә элегерәк никахҡа ингән ата-әсәнән йышыраҡ етлекмәгән, ғәрип, физик яҡтан насар үҫешкән бала тыуа. Күбеһенсә улар аҡылға ла зәғиф була. Ата-әсәнең алкоголизмға бирелеүе уларҙың үҙ сәләмәтлеген генә ҡаҡшатмай, киләсәк быуындың һаулығына ла ҡурҡыныс һала.
Ком: 0 // Уҡынылар: 1422 тапҡыр // Тотош уҡырға
Күкрәк һөтөн имеҙеү малайҙарҙың интеллектын күтәрә, әммә ҡыҙҙарҙың аҡыл һәләтенә йоғонто яһамай икән. Австралия белгестәренең бер төркөмө ошондай һығымта яһаған.
Тикшеренеүселәр күкрәк һөтө имгән 2868 сабый миҫалындағы мәғлүмәтте өйрәнгән. Уларға 10 йәш тулғас, ғалимдар 1038 уҡыусының математика, уҡыу һәм матур яҙыу буйынса өлгәшен анализлаған.
Тикшереү һөҙөмтәләре буйынса, алты ай самаһы күкрәк һөтө имгән малайҙар әлеге фәндәр буйынса бындай туҡланыуҙан мәхрүм ителгән тиҫтерҙәренә ҡарағанда һәйбәтерәк өлгәш күрһәткән. Математика буйынса айырма 9, матур яҙыу буйынса — 7, уҡыу буйынса 6 процент тәшкил иткән.
Ком: 0 // Уҡынылар: 1162 тапҡыр // Тотош уҡырға
“Ҡатын-ҡыҙға һаҡсыл ҡараш, әсәлек тураһында хәстәрлек – һәр дәүләттең үҫешен һәм әхлаҡи кимәлен күрһәтеүсе бизмән”, – тигәйне Башҡортостандың Профсоюздар федерацияһы рәйесе Әмирхан Сәмерханов әсәләрҙең V Бөтә Рәсәй форумына арналған “түңәрәк өҫтәл”дә. Фекерҙе дауам итеп, шуны өҫтәге килә: ҡатын-ҡыҙ һау-сәләмәт булһа, иртәгәһенә ышаныс менән баҡһа, яҡлау тойһа, ул илдең ырыҫы ла арта. “Эшләүсе әсәләр өсөн иң яҡшы предприятие” республика конкурсы еңеүсеһе – Өфө ҡалаһының 17-cе балалар клиник дауаханаһы менән танышыу шуға инандырҙы. Коллективта күп балалы әсәләрҙең һаны алтмыштан ашҡан, араларында алтышар бала үҫтереүселәр бар.
Ком: 0 // Уҡынылар: 1109 тапҡыр // Тотош уҡырға
“Башҡортостан” гәзитен ғаиләбеҙ менән уҡыйбыҙ һәм көтөп алабыҙ. Уның мәғлүмәттәргә бай булыуы оҡшай.
Республика яңылыҡтарын һеҙҙең баҫма аша беләбеҙ. Йыл һайын дини календарь ебәреп ҡыуандырып тораһығыҙ.
Беҙгә бигерәк тә һуғыш ветерандары, уларҙың ғаиләләре һүрәтләнгән мәҡәләләр оҡшай, сөнки беҙ – һуғыш осоронда үҫкән балалар. Атайҙарыбыҙ яу ҡырында киләсәгебеҙ яҡты булһын өсөн баш һалды бит.
Ком: 0 // Уҡынылар: 1272 тапҡыр // Тотош уҡырға
Гәзит уҡыусыларҙан хоҡуҡи мәсьәләләр буйынса килгән һорауҙар артҡандан-арта. Уларға “Лига-М” юридик компанияһының директор урынбаҫары, хоҡуҡ белгесе Таһир Мансуров яуап бирә. Юрисҡа мөрәжәғәт итеү өсөн һорау@mail.ru электрон адресына хат яҙып ебәрергә йәки телефон аша редакцияның дәүләт һәм хоҡуҡ бүлегенә (272-35-20) шылтыратырға мөмкин.

Аҡса етмәү бурыстан ҡотҡармай

— Ҡатыным менән айырылыштыҡ. Ул хәҙер бик хәлле кешелә кейәүҙә. Ә минең эш хаҡым бәләкәй, шунан өҙөп, улым өсөн алимент та түләргә тейешмен. Ҡатынымдың матди хәле яҡшы булғас, әлеге бурыстан баш тарта аламмы?
Ком: 0 // Уҡынылар: 1100 тапҡыр // Тотош уҡырға
Яңы йыл һәм Христос раштыуаһы ишек ҡаҡһа ла, күп илдәрҙә байрам кәйефенең самалы булыуы тойола. Тотош донъяны ялмап килгән иҡтисади көрсөк йоғонтоһомо, әллә ахырызамандың яҡынлашыуын күрәҙәләү тыуҙырған шауҡыммы – үҙ-ара тартҡылашыу дауам итә.

Көнбайыш нимә көҫәй?

БМО-ның Именлек советында Рәсәй менән Көнсығыш араһында тағы ла ҡапма-ҡаршылыҡ барлыҡҡа килде: Сүриә буйынса резолюцияның беҙҙең тарафтан тәҡдим ителгән яңы проекты АҠШ менән Европа союзы илдәрен ҡәнәғәтләндермәй. Документта, атап әйткәндә, низағта ҡатнашыусыларҙың барыһынан да үҙ-ара көрәште кисекмәҫтән туҡтатыу талап ителә. Көнбайыштың фекеренсә, ҡан ҡойош өсөн урындағы етәкселек менән оппозиция бер үк кимәлдә яуаплы булырға тейеш түгел.
Ком: 0 // Уҡынылар: 1140 тапҡыр // Тотош уҡырға
Учалы ҡалаһында йәшәүсе 8 йәшлек малайҙың миҫалын күптәргә өлгө итеп ҡуйырлыҡ.
Эш шунда: өйҙә бер үҙе ҡалған бала (ата-әсәһе эш буйынса киткән, өләсәһе йомошо менән урамға сыҡҡан) йылытҡысты тоҡандырған, үҙе икенсе бүлмәгә инеп китап уҡырға ултырған. Бер аҙҙан фатир төтөн еҫенә тулған. Малай бер ҙә юғалып ҡалмаған: атаһына, ҡотҡарыу хеҙмәтенә шылтыратҡан. Белгестәр ҡушҡанса, ванна бүлмәһенә бикләнгән, тишектәрҙе ябып, иҙәнгә ятҡан. Иң мөһиме – дуҫтарын да онотмаған: төтөн араһынан йомран менән ҡомағын эҙләп алған, уларҙы таҫтамал менән япҡан. Ҡыуанысҡа күрә, ҡотҡарыусылар тиҙ арала килеп етеп, янғынды һүндергән, малайҙы дуҫтары менән бергә фатирҙан алып сыҡҡан.
Ком: 0 // Уҡынылар: 1225 тапҡыр // Тотош уҡырға
Яңы Хажи ауылында татар мәҙәниәте фестивале үтте.
Унда райондың фольклор коллективтары сығыш яһаны. Мәҙәниәт йорто фойеһында халыҡ оҫталары эштәренән һәм милли аҙыҡ-түлектән күргәҙмә ойошторолдо, йыр-моң яңғырап торҙо.
Ҡуян, Яңы Бөртөк ауылы үҙешмәкәрҙәренең сығышы айырыуса сағыу булды, Фәрзәнә Әсләмова, Замира Ғабдрахманова, Рәсим Сәйфүдияровтың моңло тауышы күптәргә оҡшаны.
Ком: 0 // Уҡынылар: 1280 тапҡыр // Тотош уҡырға
Район үҙәгендә макарон һәм ярма изделиелары етештереүсе яңы предприятие уңышлы эшләй.
Быға тиклем буш торған бинала заманса ремонт яһалған, Силәбе өлкәһенең Мейәс ҡалаһында етештерелгән ҡорамалдар ҡуйылған. Эш ике сменала бара, ғинуарҙан иһә тәүлек әйләнәһенә – дүрт сменала эшләргә ниәтләйҙәр.
Предприятиеның технологы – Оло Ҡасаҡ ауылы егете Дмитрий Нуретдинов. Башҡорт дәүләт аграр университетын тамамлағас, Екатеринбург ҡалаһында макарон изделиелары етештереүсе ҙур компанияла, Нефтекама икмәк комбинатында тәжрибә туплаған. Яңы предприятие етештергән тауар хаҡы һәм сифаты яғынан да халыҡты ҡәнәғәтләндерә.
Ком: 0 // Уҡынылар: 1320 тапҡыр // Тотош уҡырға
Район етәкселеге һәм “Хәйбулла тау компанияһы” асыҡ акционерҙар йәмғиәте башланғысы менән төбәктә йәшәүсе 48 Бөйөк Ватан һуғышы ветеранына Яңы йыл бүләктәре тапшырылды.
– Хоҙай Тәғәлә оҙон ғүмер насип иткән, – ти 88 йәшен билдәләгән Ҡасим Таулыҡаев. – Замандарҙың төрлөһөн күрҙек, ауырлыҡтар кисерҙек, бирешмәнек. Шөкөр, хәҙер тормош етеш: эш тә, аш та бар. Дәүләткә беҙҙе хәстәрләгән өсөн бик рәхмәтлемен – Яңы йылды өр-яңы, яҡты, йылы фатирҙа ҡаршы аласаҡмын.
Ком: 0 // Уҡынылар: 1974 тапҡыр // Тотош уҡырға
Райондың Туҡан ауылында йәшәүсе Вадим Ҡотлобирҙин исемле эшҡыуарҙы барыһы ла белә. Ул етештергән тауарҙың сифатын халыҡ тиҙ арала баһалап өлгөрҙө.
Бынан ике йыл элек Вадим Башҡортостан дәүләт аграр университетын тамамлаған. Ҡалала ҡалъя әҙерләп ҡуймағандар тип, тыуған яғына ҡайтырға, үҙ эшен асырға ниәтләгән. Уның предприятиеһы ит ярымфабрикаттары етештереү менән шөғөлләнә. Тирә-яҡ ауылдарҙа сеймалдың етерлек булыуын иҫәпкә алғанда, бизнес көйлө генә бара.
Ком: 0 // Уҡынылар: 1544 тапҡыр // Тотош уҡырға
Иҫке Собханғол ауылында үҙенсәлекле сара – атайҙар конференцияһы ойошторолдо. Уны район үҙәгендәге урта мәктәп коллективы һәм уҡыусылары әҙерләгән.
Сараның маҡсаты – атайҙарҙың абруйын күтәреү, уларға ҡарата хөрмәт тойғоһон тәрбиәләү, уларҙың ғаилә, йәмғиәт именлеге өсөн яуаплылығын арттырыу.
Мәктәп директоры Гәрәй Йомағолов һәм уҡытыусылар сығыш яһағандан һуң, ирҙәр тәрбиәүи мәсьәләләр тураһында әңгәмә ҡорҙо, йәнле һөйләшеү барышында аныҡ миҫалдар килтерелде, төрлө фекерҙәр яңғыраны. Сараның аҙағында балалар ҡәҙерле кешеләре өсөн әҙерләгән тамаша күрһәтте.
Ком: 0 // Уҡынылар: 1563 тапҡыр // Тотош уҡырға
Яңы йыл алдынан районда төрлө саралар үтте.
“Балаға бәхет бүләк ит” акцияһы мөмкинлектәре сикләнгән сабыйҙарға ярҙам күрһәтеү маҡсатынан ойошторолдо. Унда Ҡырмыҫҡалы юл ремонтлау-төҙөү идаралығы, “Йәшлек” физкультура-һауыҡтырыу комплексы, райпо, ветеринар станция, ауыл биләмәләре Советтары һәм башҡа ойошмалар ҡатнашты. Район мәҙәниәт һарайында үткән тантаналы кисәлә балаларға бүләк тапшырҙылар.
Ә Боҙаяҙ ауылында “Кемгә 30 тулған...” тип аталған шоу-кисә булды. Ауыл халҡы төрлө бәйгеләрҙә, уйындарҙа ихлас ҡатнашты, ретро-дискотекала күңел асты.
Ком: 0 // Уҡынылар: 1379 тапҡыр // Тотош уҡырға
Артҡа 1 2 3 4 5 6 7 8 9 10 ... 55 Алға
Бит башына