"Өфө" халыҡ-ара аэропортында белдереүҙәренсә, быйыл ойошма 1 687 700 кешене хеҙмәтләндергән. Үткән йылғы күрһәткес менән сағыштырғанда, был 10,8 процентҡа күберәк. Әйткәндәй, былтыр 1,5 миллионынсы пассажирҙы 29 декабрҙә билдәләгәндәр, ә быйыл ошондай сара 18 ноябрҙә үк үткән.
Һауа юлдарын һайлаусы кешеләр йылдан-йыл арта, бигерәк тә сит ил йүнәлештәрен үҙ итеүселәр күп – яҡташтарыбыҙ йылы яҡтарҙа ял итергә әүәҫ.
Ком: 0 // Уҡынылар: 1209 тапҡыр // Тотош уҡырға
Башҡортостандың ауыл-ҡалалары урамдарын яҡтыртыу буйынса эш 2015 йылға тиклем дауам итәсәк, был маҡсатҡа 1,7 миллиард һум аҡса бүленә.
Һүҙ Башҡортостан Торлаҡ-коммуналь хужалыҡ министрлығы эшләгән, быйылдан тормошҡа ашырыла башлаған "Башҡортостан Республикаһының тораҡ пункттарында тышҡы яҡтыртыу системаһын яңыртыу" программаһы хаҡында бара. Быйыл cарала 30 район, шулай уҡ Өфө, Ағиҙел, Күмертау, Октябрьский, Салауат, Сибай, Стәрлетамаҡ ҡалалары ҡатнашҡан, 190 миллион һум аҡса үҙләштерелгән.
Ком: 0 // Уҡынылар: 1190 тапҡыр // Тотош уҡырға
Әле республика мәктәптәрендә урыҫ милләтенән булмаған балаларҙың 71,5 проценты туған телен өйрәнә. Бындай күрһәткес Рәсәйҙең башҡа бер төбәгендә лә юҡ.
Башҡорт телен иһә, дәүләт теле булараҡ, 87 процент тирәһе бала үҙләштерә. Ыңғай һөҙөмтәләр менән бер рәттән проблемалар ҙа юҡ түгел. Заман туған телдәрҙе уҡытыу алымдарын үҙгәртеүҙе талап итә. Башҡортостан Хөкүмәте Премьер-министры урынбаҫары Салауат Сәғитов рәйеслегендә үткән “Башҡортостан телдәре тураһында” Законды тормошҡа ашырыу буйынса комиссия ултырышында тап ошо мәсьәләләр тикшерелде.
Ком: 0 // Уҡынылар: 1382 тапҡыр // Тотош уҡырға
Башҡортостан Хөкүмәтенең матбуғат хеҙмәте хәбәр итеүенсә, республика Хөкүмәтенең “Башҡортостан Республикаһының Инвестиция фонды тураһында”ғы ҡарарына ҡул ҡуйылды.
Фонд бюджет ассигнованиелары иҫәбенә ойошторола. Аҡса төбәк һәм төбәк-ара әһәмиәттәге проекттарҙы тормошҡа ашырыуға тотоноласаҡ. Өҫтөнлөклө инвестиция проекттарын ҡарау һәм уларға булышлыҡ итеү буйынса республика комиссияһы ошо проекттарҙы һайлап алыу менән шөғөлләнәсәк.
Проекттарҙы тормошҡа ашырыуға Башҡортостандың Иҡтисади үҫеш министрлығы контроллек итәсәк.
Ком: 0 // Уҡынылар: 1133 тапҡыр // Тотош уҡырға
Башҡортостан Президенты Рөстәм Хәмитов «Эксперт» журналындағы интервьюһында билдәләүенсә, төбәктә алып барылған асыҡлыҡ сәйәсәте республикалағы тормошто нисек бар, шулай күрергә, ҡарарҙар ҡабул иткәндә төрлө кешеләрҙең мәнфәғәттәрен күҙ уңында тоторға мөмкинлек бирә.
Республика башлығы Башҡортостандың Рәсәй иҡтисадын тотоп тороусы төбәктәрҙең береһе булыуын, әммә беҙҙә тормош сифатының тейешле кимәлгә етмәүен билдәләй. Президенттың фекеренсә, бының өсөн өҫтәмә һалым керемдәре кәрәк. Тимәк, яңы етештереү объекттары асыу, иҡтисадты яңыртыу, нефткә бәйлелекте кәметеү, инвесторҙарҙы арттырыу талап ителә.
Ком: 0 // Уҡынылар: 1132 тапҡыр // Тотош уҡырға
Башҡортостанда үткән быуаттың 60-сы йылдарында шиғриәткә табыныу йәшәгән. Етмешенсе йылдарҙа Өфөгә университетҡа уҡырға килгәс, шиғыр кисәләрендә залда ултырырға түгел, баҫып торорға урын юҡ икәнен күрҙем.
Туҡһанынсы йылдарҙа, СССР тигән илебеҙ тарҡалыу менән рухи иманыбыҙ ҙа ҡаҡшаны. Сит илдән, бигерәк тә Американан, ватыу-емереү, көсләү, һуғышыуҙы сағылдырған фильмдар, видеолар, йәнһүрәттәр килеп тулды. Улар халҡыбыҙға зыян килтереүен әле лә дауам итә.
Үҙгәртеп ҡороу башланғас, әлбиттә, телебеҙгә, динебеҙгә, рухыбыҙға табан йөҙ борҙоҡ, ләкин замана технологиялары үҫешеү менән йәштәрҙең, балаларҙың уҡыуға ихтыяжы шаҡтай кәмене. Улар күбеһенсә үҙҙәрен ҡыҙыҡһындырған һорауға яуаптарҙы Интернет селтәренән таба. Был, әлбиттә, һәйбәт, тик, әҙәбиәткә ҡағылғанда, еңел юл. Сөнки Интернеттан әҫәр менән танышыу китапты ҡулға тотоп уҡыуҙы алыштыра алмай.
Ком: 0 // Уҡынылар: 1706 тапҡыр // Тотош уҡырға
Милли әҙәбиәткә Рәсәйҙә урын бармы?Рәсәй Яҙыусылар союзы идараһы Мәскәүҙең Комсомол проспектындағы тарихи йортта урынлашҡан. Мөһабәт колонналары менән иғтибарҙы йәлеп итеп торған бинаға яҡынлашҡан һайын тулҡынланыуым арта төштө. Ә инде ҙур ишекте асып ингәндән һуң күңелемде моңһоулыҡ баїып алды. Ни тиһәң дә, бындағы һәр баїҡыс, һәр ишектең тотҡаһы Мостай Кәрим, Сыңғыҙ Айтматов, Рәсүл Ғамзатов, Давид Күгелтинов, Ҡайсын Кулиев, Александр Твардовский, Сергей Михалков кеүек баҡыйлыҡҡа күскән бөйөк шәхестәрҙең исемдәрен хәтерләтә ине. Ҡасандыр ошо йорт ялҡынлы шағирҙарҙың тауыштары менән тулған, фекер уртаҡлашыу урыны ла булған бит. Улар беҙҙең арала хәҙер юҡ инде. Илебеҙҙә әҙәбиәткә ҡараш та күптән башҡа. Көндөҙ сыра яндырып эҙләһәң дә, башҡорт йәиһә бүтән милли әҙәбиәт вәкиленең Мәскәүҙә урыҫтелендә баїылған китабын табырмын тип уйлама. Был нимәгә бәйле һуң? Танылған шағир, Федор Тютчев, Александр Прокофьев, Михаил Салтыков-Щедрин исемендәге әҙәби премиялар лауреаты, Рәсәй Яҙыусылар союзы рәйесе урынбаїары Геннадий ИВАНОВ менән әңгәмәбеҙҙә һүҙ ошо хаҡта.
Ком: 0 // Уҡынылар: 4109 тапҡыр // Тотош уҡырға
Кешеләр өсөн эшләйБашҡортостан Президенты Рөстәм Хәмитов өсөн әлеге йыл етди имтихан булды, тип әйтергә мөмкин. Был ил кимәлендәге мөһим сәйәси ваҡиғаларға ла, республика әһәмиәтендәге мәсьәләләргә лә бәйле. Шуныһы ҡыуаныслы: төбәк башлығы барлыҡ һынауҙарҙы ла уңышлы үтте.
Йыл дауамында Рәсәйҙең Дәүләт Думаһына депутаттар һайлау мәсьәләһе көн ҡаҙағынан төшмәне. Тауыш биреү һөҙөмтәләре халыҡтың илдә әле алып барылған дәүләт сәйәсәтенә ниндәй ҡарашта икәнлеген күрһәтә, шуға ла йәмғиәтте болғандырырға, властың эшмәкәрлегенә аяҡ салырға, ялған мәғлүмәт менән аңды бутарға маташыусылар ишәйеп китте. Ошондай шарттарҙа тотороҡлолоҡто һаҡлау етәкселек өсөн төп бурысҡа әйләнде. Башҡортостан Президенты, йылды милләт-ара татыулыҡты нығытыу мәсьәләләренә арнап, бик дөрөҫ эшләне: Рәсәйҙең төрлө төбәктәрендә неофашизм, ксенофобия кеүек күренештәр артҡанда, беҙҙең республика халҡы быуаттар дауамында һыналған дуҫлыҡҡа, берҙәмлеккә тоғро ҡалды.
Ком: 0 // Уҡынылар: 1198 тапҡыр // Тотош уҡырға
Һөт урғылды баш ҡалалаБашҡортостан Президенты Рөстәм Хәмитов башланғысы менән үткәрелгән байрамға Рәсәйҙең ауыл хужалығы министры Елена Скрынник, Рәсәйҙең баш дәүләт санитар врачы Геннадий Онищенконың килеүе уның әһәмиәтен тағы ла арттырҙы.
— Бөгөнгө фестиваль һөт ҡулланыусылар һәм уны етештереүселәр өсөн оло байрамға әүерелде, — тине Елена Скрынник. — Башҡортостан элек-электән һөт етештереүҙә алдынғы урынды биләй, халыҡтың ихтыяжын ҡәнәғәтләндерә. Төбәк һөт етештереүселәренә дәүләт ярҙамы буласаҡ. Артабан тармаҡты үҫтереү өсөн республикаға өҫтәмә рәүештә 300 миллион һум аҡса бүленәсәк.
Байрамда урғылған 10 метрлыҡ һөт фонтаны күптәрҙе таң ҡалдырҙы, ул республикабыҙҙың һөткә бай булыуын тағы бер тапҡыр иҫбатланы.
Ком: 1 // Уҡынылар: 997 тапҡыр // Тотош уҡырға
Әлшәй районы хакимиәте башлығы Дамир Мостафиндың йәштәрҙе сәләмәт тормошҡа ылыҡтырыу, төбәктә төрлө кимәлдәге ярыштар ойоштороу, һәләтлеләрҙе дәртләндереү буйынса башҡарған ҡолас еткеһеҙ эштәре хаҡында бер ни тиклем хәбәрҙар булһаҡ та, 53 йәшлек уҙамандың әле һаман конькиҙа оҫта шыуып, сәкәнде ҡулдан төшөрмәгәненә, спорт формаһын һаҡлауына нисек һоҡланмайһың!
Һүҙ ҙә юҡ, вазифалы етәксенең үҙе юл башлап, йәштәргә матур үрнәк булыуы — күптәр өсөн иң яҡшы маяҡ. Артыҡ һүҙ һөйләп, ноҡот уҡып тороу ҙа кәрәкмәй. Ауыл хужалығының төрлө тармағында, халыҡ тормошондағы бихисап эреле-ваҡлы мәсьәләләрҙе хәл итеүҙә бер команда булып эшләгән хакимиәт хеҙмәткәрҙәренең боҙ өҫтөндә лә ир-егеттәрсә берҙәмлек, ҡыйыулыҡ өлгөһө күрһәтеүе, һис шикһеҙ, маҡтауға лайыҡ. Спорт уйындарының һәммәһе лә, яҡшы кәйеф, сәләмәтлек бүләк итеүҙән тыш, кешегә йыйнаҡлыҡ, теүәллек, егәрлелек тәрбиәләүгә булышлыҡ итеүе сер түгел.
Ком: 0 // Уҡынылар: 1336 тапҡыр // Тотош уҡырға
— Әсәй, ҡара әле, Ҡыш бабай!
— Ана, тағы берәү, икәү, өсәү... Бигерәк күп тә баһа улар...
Кисә Өфө ҡала Советы янындағы Ленин майҙанына килгән бала-саға ауыҙынан ошоноң кеүек һүҙҙәр туҡтауһыҙ яңғыраны. Ысынлап та, күп ине ҡыш бабайҙар. Яндарында ҡарһылыуҙар, Яңы йылдың буласаҡ хужаһы аждаһалар һәм башҡа йәнлектәр ҙә бихисап булды. Ни хәл һуң был? Өлкәндәрҙең күбеһе аптыраһа ла, балалар өсөн бик тә тәбиғи хәл ине. Тәбиғи булмай ни — тиҙҙән Яңы йыл етә бит, ә Ҡыш бабайһыҙ ниндәй байрам булһын инде?!
Ком: 0 // Уҡынылар: 1142 тапҡыр // Тотош уҡырға
Хөкүмәт башлығы йәш, әммә тәжрибәлеБыйыл Дәүләт Йыйылышы – Ҡоролтайҙың 38-се ултырышында депутаттар Башҡортостан Президенты Рөстәм Хәмитов тарафынан Хөкүмәт Премьер-министры вазифаһына тәҡдим ителгән кандидатура буйынса тауыш бирҙе. Һөҙөмтәлә республиканың юғары башҡарма дәүләт власы органына етәксе итеп Азамат Илембәтов тәғәйенләнде.
Шуныһын билдәләргә кәрәк: Башҡортостан Президенты вазифаһын ҡабул итеп алғандан һуң Рөстәм Хәмитов Хөкүмәт Рәйесенең вәкәләттәрен бер йылға яҡын үҙе үтәне. Быны киң мәғлүмәт саралары төрлөсә баһалап өлгөрҙө: берәүҙәр ике вазифаның берләштерелеүен күҙалланы, икенселәр яңы Президенттың урындағы кадрҙарға ышанмауын иҫбатларға тырышты, өсөнсөләр аныҡ исемдәрҙе атарға ла баҙнат итте. Нисек кенә булмаһын, юраусыларҙың барыһы ла хаталанды.
Ком: 0 // Уҡынылар: 1137 тапҡыр // Тотош уҡырға
Күп милләтле Башҡортостаныбыҙ һәр саҡ башҡа төбәктәргә төрлө халыҡ вәкилдәренең татыу йәшәү өлгөһө булды. Беҙҙә милләт-ара мөнәсәбәттәр өлкәһендә ҙур тәжрибә тупланған. Быны федераль кимәлдә лә юғары баһалайҙар. Республикала барлыҡ халыҡтарҙың мәнфәғәттәре тигеҙ ҡайғыртыла, барыһына ла йәшәү, үҫеү өсөн уңайлы шарттар тыуҙырылған.
Рәсми мәғлүмәттәр буйынса Башҡортостанда 120-нән ашыу милләт вәкиле дуҫлыҡта һәм татыулыҡта йәшәй. Республиканың Халыҡтар дуҫлығы йортонда 38 милли-мәҙәни, 14 тарихи-мәҙәни үҙәк эшләй.
Ком: 0 // Уҡынылар: 1665 тапҡыр // Тотош уҡырға
Февралдә Өфөлә Рәсәй Федерацияһы Дәүләт Советы Президиумының илдә милләт-ара татыулыҡты нығытыу буйынса сараларға арналған ултырышы үтте. Уға Президент Дмитрий Медведев рәйеслек итте.
Рәсәй Президенты Дмитрий Медведев:
“Милләт-ара берҙәмлеккә һәм тыныслыҡҡа булышлыҡ итеү һәр саҡ дәүләт хәстәре булды”.
Дәүләт башлығы дини ойошмаларҙың милләт-ара дуҫлыҡты нығытыуға ҙур өлөш индерә алыуын билдәләне.
“Иң тәүге сиратта был – толерантлыҡ тәрбиәләү. Ул мәктәптән һәм университеттан башланырға тейеш, сөнки тап уҡыу йылдарында кешенең аңында донъяға ҡараш нигеҙҙәре барлыҡҡа килә.
// Уҡынылар: 801 тапҡыр // Тотош уҡырға
Ауылдарҙа ҡарт-ҡоро ғына ҡала, йәштәр тыуған төйәгенән китеү яғын ҡарай, тип хәүефләнгән һәм зарланған мәлдә, райондарҙа яңы төҙөлөш майҙандары барлыҡҡа килеүенә бик ышанғы ла килмәй. Шулай ҙа һөйөндөрөрлөк яңылыҡтар бар. Мәҫәлән, Белорет районының Сермән ауылы хакимиәте ҡарарына ярашлы, ошо биләмәлә яңы ауылға нигеҙ һалынды. Уға Иҙел тигән матур исем дә ҡушылды. Исеме есеменә тап килеп тора — Ағиҙел йылғаһының һул яҡ ярында, шул төбәккә хас ғәжәйеп хозур тәбиғәтле ерҙә урынлашҡан ул.
Ком: 0 // Уҡынылар: 1078 тапҡыр // Тотош уҡырға
Артҡа 1 2 3 4 5 6 7 8 9 10 ... 55 Алға
Бит башына