22 йәшенә тиклем Вадим Шәңгәрәев өмөт-хыялдар менән йәшәгән күңелсәк егет була. Туймазының 1-се мәктәп-гимназияһын тамамлағас, Ҡазан финанс-иҡтисад институтына уҡырға инә. Ҡайһы саҡта булып алған ауыртыу-һыҙланыуҙарға иғтибар итмәй. Үкенескә ҡаршы, уға “яман шеш” тигән ҡурҡыныс диагноз ҡуйыла.
Ҡазанда яһалған операция уңышһыҙ була. Әле Вадимды тағы ла бер операцияға әҙерләйҙәр, әммә хаҡы бик ҡиммәт — бер нисә миллион һум. Вадимдың ата-әсәһе — ябай хеҙмәткәрҙәр. Һатырлыҡ әйберҙәрен — фатир, машинаны — күптән һатҡандар, ләкин операцияға етерлек аҡса йыйылмаған.
Ком: 0 // Уҡынылар: 1022 тапҡыр // Тотош уҡырға
Һан артынан ҡыуғанда сифат аҡһамаһын ине
Шөкөр, йыл уңай килде: иген баҫыуҙары ла һөйөндөрҙө, еләк-емеш, йәшелсә лә уңды. Сейә һәм алма ағастары ботаҡтарының ҡайһы берҙәре, уңышын күтәрә алмайынса, бөгөлөп үк төштө. Ғөмүмән, ағастың емеше ни тиклем күп булһа, ул шул саҡлы ергә нығыраҡ эйелә, емешһеҙҙәре генә төҙ үҫә. Тормошта ла күп балалы ҡатындарҙың йәки ирҙәрҙең (ҡайһыһы нығыраҡ ҡайғырта инде) билдәре тиҙерәк бөгөлөүсән, сөнки улар һәр балаһының киләсәген ҡайғыртып йәшәй.
Беҙ үҫкәндә ишле ғаиләләр ғәҙәти хәл ине. Һәр өйҙә тиерлек кәмендә биш бала тәрбиәләнде. Ошо сама ул-ҡыҙҙары булған ҡатын-ҡыҙ 50 йәшендә хаҡлы ялға сыҡты. Мәҫәлән, үҫмер VIII йәки Х класты тамамлағас, тыуған йортонан сығып китә һәм ике-өс йылдан һуң ата-әсәһенә, туғандарына ярҙам итә лә башлай.
Ком: 0 // Уҡынылар: 948 тапҡыр // Тотош уҡырға
Ауыр хеҙмәт ул — белем биреүКисә республиканың тәрбиә һәм белем биреү өлкәһендә ҙур ҡаҙаныштарға өлгәшкән бер төркөм уҡытыусылары Яңы йыл байрамы алдынан Рәсәй Президентының матур бүләген — Рәхмәт хатын алып һөйөндө. Ил башлығының ҡотлау сәләмен Башҡортостандың мәғариф министры Әлфис Ғаязов тапшырҙы.
— Белем биреү — иң ауыр хеҙмәт, — тине Әлфис Суфиян улы. — Тормошта уҡытыусы һөнәренән дә изгерәк, абруйлыраҡ эш юҡтыр. Улар тәү сиратта бала күңеленә теләктәшлек һәм миһырбанлыҡ нигеҙҙәрен һала, йәмғиәтебеҙҙең интеллектуаль һәм әхлаҡи нигеҙен формалаштыра. Илдең дә киләсәге уҡытыусының яуаплылығына, фиҙакәр хеҙмәтенә бәйле. Шуға мәғариф өлкәһенең тотороҡло үҫешенә берәү ҙә битараф ҡалырға тейеш түгел. Әлбиттә, талаптар арта. Уҡытыусы бер туҡтауһыҙ үҫергә, камиллашырға, ә беҙ үҙ сиратыбыҙҙа быға булышлыҡ итергә тейеш.
Артабан мәғариф министры республиканың иң көслө уҡытыусыларын билдәләп үтте.
Ком: 0 // Уҡынылар: 1582 тапҡыр // Тотош уҡырға
Сәғиттәрҙән өлгө алайыҡ"Башҡортостан" гәзите — күптәнге дуҫыбыҙ. Унан айырылған юҡ", — тип ҡаршы алды беҙҙе Хәйбулла районының Сәғит мәктәбе директоры Гөлдәр Ҡәйепова. Ырымбур өлкәһе сигендә урынлашҡан белем усағы мәҙәни үҙәк булараҡ та хеҙмәт итә, сөнки ауылда клуб юҡ, шунлыҡтан барлыҡ саралар ҙа мәктәптә үтә. Икеләтә яуаплылыҡ тойоп эшләргә тура килә сәғиттәргә — мәғариф һәм мәҙәниәт тармағы ауылдың йөҙөн билдәләй, киләсәген юрай.
Сәғиттәрҙең Хәйбулла районы мәктәптәре араһында иң тәүгеләрҙән булып "Барлыҡ коллектив менән — "Башҡортостан"ға!" акцияһына ҡушылыуы юҡҡа түгел. Бында берҙәм, татыу коллектив тупланған. Үҙ эшен төплө белгән уҡытыусылар йәш быуынды тәрбиәләүҙә ваҡытлы матбуғатты урынлы ҡуллана, унда баҫылған мәҡәләләрҙе дәрестәрҙә файҙалана. Ата-әсәләр йыйылыштары булһынмы, ауыл халҡы менән осрашыуҙар тиһеңме, бар сараларҙа ла "Башҡортостан" — уларҙың төп таянысы, фекерҙәше һәм кәңәшсеһе.
Ком: 0 // Уҡынылар: 1010 тапҡыр // Тотош уҡырға
“Наза” дуҫтарын йыяИх, ошо йәштәрҙең дәртлелеге. Аҙна аҙағы, эш көнөнән һуң эңер төшөүгә ҡарамаҫтан, рәхәтләнеп күңел асырға әллә ҡайҙан көс-дәрт, ваҡыт табалар. “Өфө уттары” күңел асыу комплексында үткән “Наза” башҡорт дискотекаһына йыйылыусыларҙы күргәс, башҡа шундай уйҙар килде.
“Ҡурай” каналы ойошторған был дискотека матур йолаға әйләнеп бара. Йыл да декабрҙең аҙағында йыя улар тамашасыһын. “Өфө уттары”ндағы Колизео залында алма төшөрлөк тә урын юҡ ине. Ә ниндәй артистар килә бит әле тамаша күрһәтергә?! Был юлы ла республикала билдәле, йәштәр араһында киң танылыу яулаған йырсылар Сәғиҙулла Баййегет, Рөстәм Ғиззәтуллин, Венер Камалов, Гөлдәр Ишҡыуатова, Нәркәс Сиражетдинова, Айрат Мусин, Илнур Юламанов, Заһит Ҡунафин, Радик Юлъяҡшин, Тимур Зиндан, Руслан Ниғмәтов һәм башҡалар тамашасының күңелен асты.
Ком: 0 // Уҡынылар: 1386 тапҡыр // Тотош уҡырға
Театр — уның булмышыСәхнәлә — “Минең ғаиләм” (авторы — Т. Дәүләтбирҙина, режиссеры — А. Абушахманов) спектакле. Тамашасы мөхәббәт темаһын ярата. Аяныслымы ул, күңеллеме, бәхетлеме, әллә киреһенсәме — быныһы мөһим дә түгел кеүек. Был спектаклдә лә ике йәш кеше араһындағы матур, ләкин һынауҙар аша үтергә тейешле һөйөү тарихы һүрәтләнә.
Һүҙем Башҡортостандың халыҡ артисткаһы Шәүрә Дилмөхәмәтова тураһында. Ул — Әнисә менән Ишмулла Дилмөхәмәтовтарҙың ҡыҙы.
— Атайым гастролгә йыш йөрөнө, шуғалыр ҙа өйҙә булған ваҡыттары бала сағымдың матур иҫтәлеге булып күңел түрендә һаҡланып ҡалған, — тип һөйләй Шәүрә апай. — Ул нисектер ауыҙын асмай ғына төрлө йәнлектәр, ел-дауыл тауыштары сығара, ә мин иҫем китеп тыңлайым. Үҙемде әкиәт донъяһындағылай хис итәм. Ғөмүмән, атайым кескәйҙәрҙе яратты. Өйгә дуҫтары балалары менән килһә, улар менән сәғәттәр буйы уйнай торғайны. Күрәһең, ғаилә тормошон танһыҡлауы ла үҙенекен иткәндер. Һәр саҡ юлда үткән артист тормошо еңелдән түгел бит.
Ком: 0 // Уҡынылар: 1481 тапҡыр // Тотош уҡырға
Бел ҡанунын ата-бабаларҙың, иманыңды ҡуйма ҡоротоп!..Һатма ереңде!

Эй, ырыуҙашым,
Һатма ереңде!
Һатһаң ереңде —
Алыпһатарҙар
Тунар тиреңде!

Эй, яҡташ, белеш,
Һатма ереңде!
Һатһаң ереңде —
Яҡтың тигән һүҙ
Яҡты көнөңдө!
Ком: 0 // Уҡынылар: 1260 тапҡыр // Тотош уҡырға
Учалы төбәгенең рухи хазинаһы хаҡындаКүптән түгел Учалы районы хакимиәте менән “Учалы тау-байыҡтырыу комбинаты” асыҡ акционерҙар йәмғиәтенең матди ярҙамында күренекле шағир, яҙыусы Мәүлит Ямалетдиндең “Учалы төбәгенең рухи мәҙәниәте” исемле ҙур күләмле китабы донъя күрҙе.
Китаптың авторы үҙе үк тарихсы, этнограф, телсе һәм әҙәбиәтсе булараҡ билдәле. Бай тормош тәжрибәһен һәм ғилми эҙләнеүҙәрен файҙаланып, ул халҡыбыҙҙың матди һәм рухи хазиналарын бик етди тикшергән, уй-фекерҙәрен уҡыусыға еңел, аңлайышлы итеп еткерә алған. Әҫәрҙә ата-бабаларыбыҙҙың боронғо дәүерҙәренән алып бөгөнгәсә үткән юлы күрһәтелә: Иҙел Болғары (Х б.), Алтын, Нуғай урҙалары (ХIII — ХIV бб.), Себер, Ҡазан, Әстрхан ханлыҡтары (ХV б.) һәм Рәсәйгә ҡушылғандан һуңғы (ХVI б.) замандарҙағы башҡорттарҙың аусылыҡ, солоҡсолоҡ, балыҡсылыҡ, йылҡысылыҡ, игенселек кәсептәре менән шөғөлө, емеш-еләк һәм төрлө үҫемлектәр менән туҡланыуы, һауыт-һаба, кейем-һалымы, торлаҡтары, өй эсендәге йыһаздары. Халҡыбыҙҙың рухи мәҙәниәтенә, бөтөн донъяға танылыу яулаған һоҡланғыс ижад өлгөләренә, ХIV — ХVI быуаттарҙа йәшәгән Һабыра, Асан Ҡайғы, Ҡаҙтуған, Шалғыҙ йырауҙар, Ҡобағыш, Ҡарас, Ерәнсә, Байыҡ, Ғәбит, Мәхмүт, Буранбай сәсәндәрҙең ижадына һәм башҡорт халыҡ йырҙарына объектив байҡау яһала.
Ком: 0 // Уҡынылар: 1960 тапҡыр // Тотош уҡырға
Башҡортостанда иғлан ителгән Милләт-ара татыулыҡты нығытыу йылы тамамланып килә. Уға йомғаҡ яһау өсөн ошо мәсьәләләр менән ҡайнап йөрөүсе кешеләргә мөрәжәғәт итеп, уларҙан: “Йыл ҡуйылған маҡсаттарға өлгәштеме?” — тип һораныҡ.
Вельмир АҘНАЕВ, республиканың Халыҡтар дуҫлығы йорто директоры:
— Иң башта шуны билдәләп үткем килә: республикабыҙҙа милләт-ара мәсьәлә буйынса бер ҡасан да ыҙғыш сыҡҡаны юҡ. Минеңсә, был урындағы халыҡтың милләт-ара мәсьәләләрҙә һәр ваҡыт һиҙгер, сабыр булыуына, киң күңеллелегенә бәйле.
Ә йылды иғлан итеүгә һәм уның йомғаҡтарына килгәндә, бик ҡәнәғәтбеҙ. Февралдә республикала йәшәүсе барлыҡ милләт вәкилдәре Дуҫлыҡ меморандумына ҡул ҡуйҙы. Халыҡтар дуҫлығы йортоноң 14 филиалы, 38 милли-мәҙәни үҙәге бар. Уларға быйыл тәү сиратта матди ярҙам күрһәтелде.
Ком: 0 // Уҡынылар: 1605 тапҡыр // Тотош уҡырға
Бынан ике йыл элек "Аҡһаҡ ҡола" клубында пиротехник шоу үткәргән "Пиро-Цвет" компанияһы байрам кисәләре ойоштороуға заказдар ҡабул итә, имеш.
Быйыл фирма Пермь крайының бер нисә ҡалаһында салют ойоштормаҡсы. Әйткәндәй, ошо уҡ кешеләр 2005 йылда Березники ҡалаһы көнөндә пиротехник шоу үткәргән, бер снаряд халыҡтың өҫтөндә тиерлек шартлаған, биш кеше төрлө тән йәрәхәттәре алған. Ауыр операциялар кисергән кешеләр ниндәйҙер ғиллә менән (төп сәбәбе – аҡса булманымы икән?) фирманы ғәфү иткән, суд эше үҙ-ара килешеү менән тамамланған.
Ком: 0 // Уҡынылар: 1194 тапҡыр // Тотош уҡырға
Артҡа 1 ... 3 4 5 6 7 8 9 10 11 ... 82 Алға
Бит башына