Ауыл старостаһының эшмәкәрлеге ниҙән ғибәрәт, уға ниндәй бурыс йөкмәтелгән? Ошондай һорауҙарҙың тыуыуы тәбиғи, сөнки был вазифа яңы булдырылды, һәм уны ауыл халҡы үҙҙәре менән йәнәш йәшәүселәр араһындағы әүҙемдәргә йөкмәтә. Икенсе төрлө әйткәндә, старосталар — урындағы үҙидараны тормошҡа ашырыуҙа туранан-тура ҡатнашыусылар. Иңдәренә алған яуаплылыҡтары ҙур — халыҡтың йәшәйешен еңеләйтеүҙә, уны борсоған мәсьәләләрҙе хәл итеүҙә булышлыҡ күрһәтәләр.
131-се Федераль закондың 33-сө статьяһында, дәүләт власы һәм урындағы үҙидара органдарының төп бурысы — старосталарға, тимәк, халыҡҡа урындағы мәсьәләләрҙе тормошҡа ашырыуҙа ярҙам итеү, тиелгән.
Ком: 0 // Уҡынылар: 1407 тапҡыр // Тотош уҡырға
Вашингтон менән Тегеран араһындағы мөнәсәбәттәр көндән-көн көсөргәнешле була бара. Кисә АҠШ Хәрби-диңгеҙ көстәренең ҡеүәтле һыу аҫты кәмәһе, эскадра карабы оҙатыуында Суец каналы аша үтеп, Ҡыҙыл диңгеҙгә сыҡҡан.
Карап Урта диңгеҙҙән күскән саҡта ҙур хәүефһеҙлек саралары күрелгән: Суец каналында паромдар туҡтатылған, хатта канал өҫтөндәге күперҙән автомобилдәргә үтеү тыйылған. Ярҙағы автомагистралдәрҙә лә хәрәкәт сикләнгән.
Ком: 0 // Уҡынылар: 1203 тапҡыр // Тотош уҡырға
Үҙәк хәрби округтың мәктәбендә 300-ҙән ашыу курсант аш-һыу әҙерләү серҙәренә төшөнә. Өс ай ярым ваҡыт эсендә улар “ашнаҡсы-икмәк бешереүсе” һөнәрен үҙләштерәсәк.
Улар 120 төрлө аш-һыу, шул иҫәптән һалдат бутҡаһын да бешерә белергә, ялан шарттарында икмәк һалырға тейеш.
Әйткәндәй, егеттәр был һөнәрҙе теләп һайлай, хәрби мәктәптә белем алырға теләүселәр бихисап.
Ком: 0 // Уҡынылар: 1084 тапҡыр // Тотош уҡырға
Стәрлетамаҡ ҡалаһында кешеләр күп йөрөгән урында полицияның стационар постары ҡуйылған.
Йыл аҙағында ҡалала шуларҙың алтауһы сафҡа индерелһә, ошо көндәрҙә тағы ла шул тиклем үк пост эшләй башлаған.
Стационар пост бүлеккә бармай ғына хәл-ваҡиғаның айышына төшөнөргә, тейешле документтар тултырырға мөмкинлек бирә. Поста телефон һәм радиобәйләнеш бар. Был яңылыҡ йәмәғәт урындарында тәртипте һәм тыныслыҡты һаҡлау йәһәтенән ҙур әһәмиәткә эйә.
Ком: 0 // Уҡынылар: 1040 тапҡыр // Тотош уҡырға
Минең олатайым Йәғәфәр Шәмиғолов оҫта бейеүсе булған. “Бөрйәндең сәхнәләрен дер һелкеткән ваҡыттар бар ине!” — тип хәтерләй ул. Мин дә бейергә яратам. Иң оҡшағандары — “Ете ҡыҙ” менән “Бөрйән ҡыҙҙары”. Беҙ уларҙы мәктәптә үткән байрамдарҙа башҡарабыҙ.
“Бейеүсе — ауыр һөнәр”, — ти әсәйем. Шулай ҙа мин ҡурҡмайым. Олатайым һымаҡ шәп бейеүсе буласаҡмын.
Ком: 0 // Уҡынылар: 1076 тапҡыр // Тотош уҡырға
Әбйәлил районы хакимиәтенең йәштәр бүлеге Студенттар аҙналығы үткәрә.
Ошо сараға ярашлы, сессиянан һуң тыуған яғына ялға ҡайтҡан йәштәр өсөн Асҡар ауылында күңел асыу программаһы, дискотека ойошторолған.
Шулай уҡ “Йәштәр кубогы”на райондың йәштәр командалары араһында хоккей ярышы үткән, студенттар “күңелле старт” бәйгеһендә лә көс һынашасаҡ. 1 - 2 февралдә “Батыр” физкультура-һауыҡтырыу комплексында волейбол һәм баскетбол буйынса ярыштар ойоштороласаҡ. “Юғары уҡыу йортон тамамлағандан һуң үҙең теләгән эшкә нисек урынлашырға?” тигән темаға оҫталыҡ дәрестәре уҙғарылыуы ла йәштәргә файҙалы буласаҡ.
Ком: 0 // Уҡынылар: 1211 тапҡыр // Тотош уҡырға
Өфөлә дәүләт милкендә булмаған предприятиелар өсөн өсөнсө вакансиялар йәрминкәһе үтте, унда 600-гә яҡын кеше ҡатнашты.
Баш ҡаланың Халыҡты эш менән тәьмин итеү үҙәге белгестәре әйтеүенсә, сарала ике тиҫтә эш биреүсе ике йөҙҙән ашыу вакантлы урын тәҡдим иткән. Йәрминкәгә килгән 100 кеше эшкә саҡырылған. Киләһе йәрминкә 2 февралдә буласаҡ.
Ком: 0 // Уҡынылар: 1154 тапҡыр // Тотош уҡырға
Башҡортостанда бәләкәй һәм урта эшҡыуарлыҡ өлкәһендә 462,5 мең кеше мәшғүл.
Сауҙа өлкәһендә эшҡыуарлыҡ менән шөғөлләнеүселәр күпселекте тәшкил итә. Уларҙың 58 проценты күмәртәләп һәм ваҡлап һатыу итә, автотранспортты, мотоциклдарҙы, көнкүреш техникаһын һәм шәхси ҡулланылыштағы әйберҙәрҙе ремонтлай. Эшҡыуарҙарҙың 8 проценты ауыл хужалығында эшләй, 7 проценты эшкәртеү менән шөғөлләнә. Башҡортостанда урта һәм бәләкәй эшҡыуарлыҡ өлкәһе күрһәткән хеҙмәттәр һәм һатҡан тауарҙарҙан алынған табыш йылына уртаса 522,8 миллиард һум тәшкил итә.
Ком: 0 // Уҡынылар: 1332 тапҡыр // Тотош уҡырға
Башҡортостандың һайлау участкаларына ҡуйыласаҡ видеокамералар килтерелә башланы.
3 меңгә яҡын видеокүҙәтеү комплексы иң тәүҙә тикшереү үтәсәк, унан һуң, февраль башында, республиканың Үҙәк һайлау комиссияһы менән килешеү нигеҙендә уларҙы һайлау участкаларына ҡуя башлаясаҡтар. Рәсәй Президентын һайлау көнөнә тиклем республикабыҙҙың барлыҡ участкалары ла камералы буласаҡ. Дөйөм алғанда, Рәсәй буйынса 95 меңгә яҡын һайлау участкаһы видеокүҙәтеү ҡоролмаһы менән йыһазландырыласаҡ. Маҡсат – һайлауҙы ғәҙел, асыҡ итеп үткәреү.
Ком: 0 // Уҡынылар: 1201 тапҡыр // Тотош уҡырға
Хөрмәтле кескәй дуҫтарыбыҙ! “Минең сабыйым” фотобәйгеһенең йомғаҡтары менән таныштырып үтергә ваҡыт етте.
Донъя күргән фотоларҙың һәммәһе лә матур, үҙенсәлекле булды. Барығыҙға ла ҙур рәхмәт! Әммә ярыш еңеүсеһеҙ булмай. Һүрәттәрҙең сағыулығына, тексының йөкмәткеһенә ҡарап, урындарҙы түбәндәгесә билдәләнек:
I урын — Зилиә ҒАФАРОВА (Баймаҡ районы),
Ильяс ИСХАҠОВ менән Батырхан ҠАЛДАМАНОВ (Өфө ҡалаһы);
Ком: 0 // Уҡынылар: 999 тапҡыр // Тотош уҡырға
Артҡа 1 2 3 4 5 6 7 8 9 10 ... 48 Алға
Бит башына