Ауылыбыҙ ап-аҡ булған,
Үтеп киткәс көслө буран.
Һырынтылар өйөп ҡуйған
Матур булһын өсөн урам.
Ком: 0 // Уҡынылар: 1027 тапҡыр // Тотош уҡырға
О внесении изменений в Закон Республики Башкортостан
«О бюджете Республики Башкортостан на 2014 год и на плановый период 2015 и 2016 годов»


Принят Государственным Собранием – Курултаем Республики Башкортостан 30 января 2014 года.

Статья 1

Внести в Закон Республики Башкортостан от 29 ноября 2013 года
№ 12-з «О бюджете Республики Башкортостан на 2014 год и на плановый период 2015 и 2016 годов» (Официальный интернет-портал правовой информации Республики Башкортостан (www.npa.bashkortostan.ru), 2013,
29 ноября) следующие изменения:
Ком: 0 // Уҡынылар: 702 тапҡыр // Тотош уҡырға
Ком: 0 // Уҡынылар: 2312 тапҡыр // Тотош уҡырға
Өфөнөң иң яҡшы уҡытыусыһы кем булыр?Һәр ярыш алға ынтылыш тыуҙыра. Быны республика педагогтары айырыуса ныҡлы аңлай — улар араһында үткәрелгән һөнәри конкурстар йылдан-йыл киңерәк майҙан яулай бара. Өфөлә тап ошондай сараларҙың береһе — “Баш ҡаланың йыл уҡытыусыһы” бәйгеһе башланды.
Бәйгене асыу тантанаһында шулай уҡ иң яҡшы башҡорт теле һәм әҙәбиәте, татар теле һәм әҙәбиәте, физкультура уҡытыусыларын билдәләйәсәк конкурстарға ла старт бирелде.
— “Баш ҡаланың йыл уҡытыусыһы” бәйгеһе быйыл күркәм байрамын — 15 йыллыҡ юбилейын билдәләй, — тине Өфө ҡалаһы хакимиәтенең мәғариф идаралығы етәксеһе Азамат Сәйфуллин. — Уның йылдан-йыл үҫешә, йөкмәткеһе байый барыуы — республика мәғарифының аныҡ маҡсаттар менән алға ынтылыуына дәлил. Беҙҙә һәләтле уҡытыусылар ифрат күп. Уларға үҙ эшендә камиллашыу өсөн барлыҡ шарттар ҙа булдырылған. Теләк, тырышлыҡ ҡына булһын.
Азамат Сәйет улы конкурста һынау тотасаҡ уҡытыусыларға ярыш сәме, уңыштар теләне.
Ком: 0 // Уҡынылар: 1556 тапҡыр // Тотош уҡырға
Ҡулдарының барҙыр тылсымы"Һеҙ Әмир Шакировты күрмәйенсә китмәгеҙ", – тинеләр миңә Учалы яҡтарында командировкала булғанда. Оҫта ҡуллы ағайҙы төбәктә белмәгән кеше юҡ.
Ысынлап та, тупһаны атлап инеү менән бында алтын ҡуллы уҙаман көн иткәнен төшөндөк: барлыҡ бүлмәләрҙең стеналарын ағастан эшләнгән йәнлек-ҡош һындары биҙәй, музейҙағы кеүек ҡарасҡылар ҙа бар. Бер бүлмәһендә – оҫтахана, бында махсус ҡорамалдар, эш материалдары тупланған.
Әмир ағайҙың ижад өлгөләренә һоҡланмау мөмкин түгел – бирһә бирә бит Хоҙай Тәғәлә һәләтте! Ә бит ул урындағы тау техникумын тамамлағандан һуң ғүмер буйы Учалы тау-байыҡтырыу комбинатында эшләгән. Бала саҡтан һүрәт төшөрөү, ағасты юнып һырлау ғәмәлдәре менән ҡыҙыҡһынһа ла, ижади хыялдарын тормошҡа ашырырға ваҡыты ла, мөмкинлеге лә булмаған.
"1995 йыл ине. Хаҡлы ялға сыҡтым тип, буш ваҡыттың күплегенә шатланып йөрөгән осор. Күңелде бер уй борсой: ниңә ағастан болан һынын эшләп ҡарамаҫҡа?" – тип тәүге тапҡыр ныҡлап ошо шөғөлгә тотонған мәлен хәтерләй Әмир Сәлимйән улы.
Ком: 0 // Уҡынылар: 1541 тапҡыр // Тотош уҡырға
Балағыҙҙы маҡтауҙан ҡурҡмағыҙУл тыуҙырған образдарҙа тоғролоҡ, намыҫлылыҡ, рух ныҡлығы, әхлаҡлылыҡ кеүек мәңгелек төшөнсәләр берегә. Күңел бөтөнлөгөнән, эске тәрбиәнән киләлер ул. Ғөмүмән, тәрбиә, әҙәп хаҡында күп һөйләргә мөмкин, ләкин уның ташҡа баҫылған ҡағиҙәләре, яҙмыштар менән нығытылған ҡанундары юҡ. Ул — күңелебеҙҙә, булмышыбыҙҙа. Башҡортостандың һәм Рәсәйҙең халыҡ артисы, Салауат Юлаев исемендәге дәүләт премияһы лауреаты Хөрмәтулла ҮТӘШЕВ менән дә ошо хаҡта һөйләшәбеҙ.
— Хөрмәтулла Ғаззали улы, тәрбиә ғаиләнән башлана, тиҙәр. Һеҙ был фекер менән килешәһегеҙме?
— Әлбиттә, шулай. Халыҡ та бит: "Ояһында ни күрһә, осҡанында шул булыр", — тип, юҡҡа ғына әйтмәгән. Атай-әсәй абруйы бала өсөн айырыуса мөһим. Яҡындарының, туғандарының үҙ-үҙен тотошона, теге йәки был ваҡиғаға булған ҡарашына нигеҙләнеп, ул үҙе лә һиҙмәҫтән ошо мөхиткә яраҡлашырға тырыша. Был осраҡта хатта ябай ғына тойолған хуплау һүҙе лә сабыйҙың эске донъяһын үҙгәртеп ҡороуы ихтимал.
Ком: 0 // Уҡынылар: 1603 тапҡыр // Тотош уҡырға
"Салауат" оҫталыҡ дәресе үткәрҙе"Салауат Юлаев" яңы миҙгелдә лә Гагарин кубогына төп дәғүәсе булыуына көндән-көн нығыраҡ ышандыра. Тәүҙә Минскиҙың "Динамо"һын 8:4 иҫәбе менән ҡыйратып, һуғышырға яратҡан "Витязь" уйынсыларын 3:0 иҫәбе менән теҙ сүктереп, өфөләр көйәрмәндәренә сираттағы хоккей байрамын бүләк итте.
Ысынлап та, "Витязь" менән осрашыу, көйәрмәндәргә мауыҡтырғыс уйындан бигерәк, һуғыш майҙанын вәғәҙә иткәйне. Ни тиһәң дә, йыл башында был ике команда араһындағы уйындың нисек тамамланғанын күптәр хәтерләй. Ул мәлдән һуң ҡеүәтле Александр Свитов та бер аҙ "ял итеп" алғайны.
Әммә был юлы бөтәһе лә башҡасараҡ булды. Ике яҡ та мауыҡтырғыс, юғары тиҙлектәге уйын күрһәтте. Уйынсыларҙың бер-береһен түпәләүен күрергә килгән ҡайһы берәүҙәргә ысын хоккей ҡарарға тура килде.
Әйткәндәй, осрашыу һаҡсы Виталий Прошкин өсөн ил чемпионаттарында меңенсе ине. Ул уйында "ҡаҙнаһын" бер мәрәй менән тулыландырҙы.
Ком: 0 // Уҡынылар: 1154 тапҡыр // Тотош уҡырға
КүбәләкБер ваҡыт ҡорт йомғағында бәләкәй генә ек барлыҡҡа килә. Осраҡлы рәүештә эргәһенән үтеп барған үткенсе, ҡурсаҡ көбө эсенән күбәләктең яҡтылыҡҡа ынтылыуын ҡыҙыҡ күреп, оҙаҡ ҡына күҙәтеп тора. Байтаҡ ваҡыт үтә, бөжәк ғәмәлен тормошҡа ашырыуға бар тырышлығын һала, ләкин ек ҙураймай. Әҙәм балаһына күбәләк йәл булып китә. Шул саҡ ул бөжәккә ярҙам йөҙөнән бәкеһе менән йомғаҡтағы тишекте ҙурайтып ебәрә. Күбәләк атлығып яҡтылыҡҡа килеп сыға. Тик ул бик хәлһеҙ, көсһөҙ була, ҡанаттары ла үтә күренеп тора, саҡ хәрәкәт итә.
Әҙәм балаһы күбәләктән күҙен дә алмай. Ул бөжәктең тиҙҙән нығыныуына, ҡанаттарына көс ҡунып, осоп китеүенә ышана. Әммә өмөтө аҡланмай!
Күбәләк, хәлһеҙ кәүҙәһен, яҙылмаған ҡанаттарын һөйрәп, ғүмеренең һуңғы минуттарын ерҙә аунап үткәрә. Уға һауа киңлектәрен яуларға яҙмай...
Ком: 0 // Уҡынылар: 1381 тапҡыр // Тотош уҡырға
Битарафлыҡ өсөн — штрафТелевидение аша баланы киске сәғәт 10-дан һуң яңғыҙын урамға сығарыу тыйыла, тигән хәбәрҙе ишетеп ҡалдым. Бының өсөн күпмелер күләмдә штраф та ҡаралған, тиҙәр. Дөрөҫ хәбәрме?
Т. РӘХМӘТУЛЛИНА.
Нефтекама ҡалаһы.


— Ысынлап та, былтыр июль айында, Федераль законға ярашлы, балаларҙың һаулығын, уларға физик, интеллектуаль, психик һәм рухи яҡтан зыян килтереүҙе иҫкәртеү маҡсатында "Башҡортостан Республикаһында бала хоҡуҡтарының төп гарантиялары тураһында" Законға үҙгәрештәр индерелгәйне. Атап әйткәндә,18 йәше тулмаған балаларға, атай-әсәй ҡарауынан тыш, киске сәғәт 10-дан иртәнге 6-ға тиклем йәмәғәт урындарында йөрөү тыйыла.
Ком: 0 // Уҡынылар: 1115 тапҡыр // Тотош уҡырға
Колумб "күстәнәсе"XV быуат аҙағында атаҡлы Португалия сәйәхәтсеһе Христофор Колумб Америка ҡитғаһын аса. Был мөғжизәле ерҙән Колумб һәм уның диңгеҙселәре Европаға төрлө экзотик емештәр менән бергә тәмәке лә алып ҡайта. Шунан башлап Европала, аҙағыраҡ Азияла һәм башҡа ерҙәрҙә тәмәке тартыу ғәҙәте тарала.
Тәмәке тартыу — бик насар ғәҙәт. Ул кешенең һаулығын ҡаҡшата. Һуңғы йылдарҙа йөрәк-ҡан тамырҙары ауырыуҙары, үпкәнең яман шеше, бронхит, гастрит, ашҡаҙандың сей яраһы һәм башҡа ауырыуҙар йыш осрай. Улар кешегә оҙайлы ғазап килтерә, уның ғүмерен ҡыҫҡарта. Хатта үлемгә лә еткерә. Ғалимдарҙың тикшеренеүе шуны иҫбат итте: күп осраҡта һанап сыҡҡан ауырыуҙарҙың башланыу сәбәбе тәмәке тартыуға бәйле. Бынан тыш, тәмәкенең зарарлы тәьҫире арҡаһында ауыҙ тиресәһе боҙола, тештәр һарғая, улар серей башлай, иртәрәк төшә.
Ком: 0 // Уҡынылар: 1369 тапҡыр // Тотош уҡырға
Бергәләп баш ватайыҡГоризонталь буйынса. 5. ... Ҡудашева. 6. Ҡолаҡтың эстән эренләп шешеүе. 7. Тапалған иткә ярма, һарымһаҡ ҡушып ҡурған ашамлыҡ. 10. Билдәле бер нәҫел-ырыуҙың килеп сығышын, таралышын күрһәткән генеалогик яҙма. 11. Үтәлергә тейешле васыят. 12. Текә булып ҡолап төшкән бейек тау-таш. 15. Йылы кейем. 17. Эре йыртҡыс диңгеҙ балығы. 18. Төҙөлөш планы. 19. Ҡояш бата торған яҡ.

Вертикаль буйынса. 1. Фәнил Әсәновтың повесы. 2. Гәзит жанры. 3. Кәмәнең һыҙлыҡ сүбәге өҫтөнән ҡағылған буй ҡалай. 4. Эре ҡайышҡаҡ ағас. 8. Йәйрәп ятҡан киң дала. 9. Әлшәй районындағы ауыл. 13. Тартыр өсөн тығыҙ итеп уралған тәмәке япрағы. 14. Кәрәкле мәғлүмәт алыу өсөн төҙөлгән һораулыҡ ҡағыҙы. 15. Мәңге йәшел көньяҡ ағасы. 16. Гимнастик снаряд.
Ком: 0 // Уҡынылар: 1269 тапҡыр // Тотош уҡырға
Тал сыбығылай нескәАҠШ-та йәшәүсе 70 йәшлек пенсионер Кэти Юнг донъяла иң нескә ҡатын-ҡыҙ тип иҫәпләнә: уның биле – 38,1 сантиметр самаһы.
Ҡатын 28 йәшкә тиклем ике бала тапҡан, унан һуң корсет кейә башлаған. Буй-һынды һомғолландырыусы был ҡулайламаны ул тәүлегенә ярты сәғәткә генә сисә.
Ком: 0 // Уҡынылар: 1289 тапҡыр // Тотош уҡырға
Мандарин һатам тиһәң...Сит ил автомобилен маҡта ла үҙебеҙҙекендә йөрө!
Ни тиһәң дә, ул йомоштарҙы йомошларға, хужалыҡ эштәрен башҡарырға ярҙам итә, ныҡлы, етеҙ. Миҫал өсөн, баҙарға мандарин алып барып һатырға мөмкин. Кавказ республикаларының береһендә йәшәгән кешеләр шулай эшләй ҙә "Жигули" ға, мәҫәлән, 700 килограмм татлы емеш һыя.
Ком: 0 // Уҡынылар: 1216 тапҡыр // Тотош уҡырға
1971 йылда геологтар Төркмәнстан ҡомлоҡтарының береһендә газ скважинаһы ҡаҙыған. Ҡыҙғанысҡа ҡаршы, улар ер аҫтындағы бушлыҡҡа юлыҡҡан.
Һөҙөмтәлә ҡоролмалар, эшселәре менән бергә, ҡапыл хасил булған соҡорға ҡолаған. Соҡорҙоң да ниндәйе бит әле: диаметры – 60, тәрәнлеге – 20 метр! Әммә хәл-ваҡиға бының менән генә тамамланмай. Убылған ер тишегенән тәбиғи газ сыға башлаған. Тирә-йүнде насар еҫ менән ағыуламаҫ өсөн эшселәр уны тиҙ генә яндырырға ниәтләгән... һәм соҡор төбөнә ут ташлаған. Ер аҫтында газ запасының ҙур икәнлеген генә иҫәпкә алмағандар шул: бына инде дүрт тиҫтә йылдан ашыу бушлыҡ яна ла яна, миллиардлаған кубометр тәбиғи яғыулыҡ әрәм була. Әммә уны туҡтатырлыҡ әмәл юҡ. Кешеләр был урынды "Тамуҡ ишеге" тип атай.
Ком: 0 // Уҡынылар: 1076 тапҡыр // Тотош уҡырға
Булғас, шундай булһын!Герцог кеүек мөһабәт кәүҙәле хайуанды башҡа осратмаҫһың – ул донъялағы иң ҙур ат тип иҫәпләнә.
Бейеклеге – 2 метрҙан ашыу. Герцог көнөнә 9 килограмм аҙыҡ ашай, 90 литр һыу эсә. Шулай уҡ уны 2 литр үлән сәйе менән һыйлайҙар.
Ком: 0 // Уҡынылар: 997 тапҡыр // Тотош уҡырға
Артҡа 1 2 3 4 5 6 7 8 9 10 ... 32 Алға
Бит башына