Магазиндан сифатлы аҙыҡ-түлек һатып алғы килә. Теләктең һәр саҡ ысынбарлыҡ менән тап килмәгәнен, һатыусыларҙың яраҡһыҙ тауарын нисек тә булһа осорорға тырышҡанын яҡшы беләбеҙ. Отолмаҫ өсөн нимә эшләргә? Юл бер – әлбиттә, мәғлүмәтле булырға кәрәк.

Ҡара емеш һатып алабыҙ

Ул мотлаҡ ҡара төҫтә булырға тейеш. Күкһел икән, тимәк, емеште көкөрт газдары менән ҡорттарға ҡаршы эшкәрткәндәр тигән һүҙ. Газ иһә витаминдарҙы тарҡата. Әйткәндәй, файҙалы матдәләр һөйәкле емештә күберәк була. Көнөнә 5 — 7 ҡара емештән күберәкте ашарға ярамай, юғиһә артыҡ килограмдар йыйыуығыҙ ихтимал.
Ком: 0 // Уҡынылар: 1329 тапҡыр // Тотош уҡырға
1. Дуҫығыҙ һеҙгә һөйгәне менән араларҙы өҙөүе тураһында әйтһә:
а) "Нимә булды?", — тип шунда уҡ ҡыҙыҡһына башлайһығыҙ — 3;
б) ҡыҙыҡһынһағыҙ ҙа, әллә ни һиҙҙермәйһегеҙ — 0;
в) әгәр ҙә ул һөйләргә теләһә, тыңлайһығыҙ — 10.
2. Һеҙҙе ҡунаҡҡа саҡырҙылар, ти. Ризыҡтың береһе һеҙгә тәмһеҙ булып тойолһа:
а) һүҙһеҙ генә тәрилкәгеҙҙе ситкә этәһегеҙ — 0;
Ком: 0 // Уҡынылар: 1115 тапҡыр // Тотош уҡырға
Кешелә иң матур һыҙат ниндәй? Әҙәплелек! Борон-борондан үҙ-үҙеңде тота белеүгә ҙур иғтибар бирелгән. Мәҫәлән, грек философы Фалес: "Ҡарттарҙы ихтирам ит һәм ярҙам ҡулы һуҙыуҙан баш тартма. Зәғифтәрҙән көлмә", — тип яҙып ҡалдырған. Бөгөнгө һүҙебеҙҙе лә, уратып-суратып тормай, ҡыҙҙар этикетынан башларға булдыҡ. Ни тиһәләр ҙә, бөтә нәмә ҡатын-ҡыҙға бәйле — матурлыҡ, сафлыҡ, киләсәк, сәләмәт рух...
Психологтар фекеренсә, татыу ғаиләлә үҫкән ҡыҙ бала эшкә һәләтле, тыңлаусан һәм киләсәктә тормош көтөргә булдыҡлы, үҙ балаларына шәфҡәтле була. Ундайҙар "ярап торор әле" тип кейәүгә сыҡмай, ә ысын тормош ҡорорға, балалар үҫтерергә һәм яратҡан ирҙәре менән утҡа-һыуға инергә әҙер ҡатындарға әйләнә.
Ком: 0 // Уҡынылар: 1604 тапҡыр // Тотош уҡырға
Шулай итеп, һеҙ өлгөлө атай-әсәй булырға хыялланаһығыҙ. Хәйер, был йәһәттән тәүге аҙым яһалды тиергә мөмкин — ҡулығыҙҙа ысын китап, ә был үҙе үк балағыҙ хаҡында борсолоуығыҙға асыҡ дәлил. Түбәндәге яҙмаларым иһә ғәиләгеҙҙе бәхетлерәк, үҙегеҙҙе ышаныслыраҡ тойоуға ярҙам ғына итәсәк.
Дөрөҫ тәрбиә язалауға түгел, ә ваҡытында һәм урынлы әйтелгән өгөт-нәсихәткә, кәңәшкә ҡайтып ҡала. Яза биреү балала, киреһенсә, агрессия, ризаһыҙлыҡ тыуҙырыуы ихтимал. Уға ниндәйҙер ғәмәлдең ярамағанлығын төшөндөрөүҙән дә бигерәк, был ҡылығының эҙемтәләрен аңлатыу һөҙөмтәлерәк тәьҫир итәсәк. Хәйер, бер әхлаҡ ҡануны ла балағыҙҙы тулыһынса контролдә тоторға булышлыҡ итмәйәсәк. Ғөмүмән, атай-әсәй булыу — бик ауыр һәм яуаплы хеҙмәт.
Ком: 0 // Уҡынылар: 1299 тапҡыр // Тотош уҡырға
Халыҡ аҙыҡ-түлектең көнләп тигәндәй артыуын күреп-һиҙеп тора. Шулай ҙа Росстат мәғлүмәттәре бер аҙ тынысландырырлыҡ: 2011 йылдың декабрендә хаҡтар үҫеше Рәсәйҙә һуңғы 10 йылда иң түбәне булған.
Илдә ҡулланыусылар хаҡы индексы 100,4 процент тәшкил иткән. Билдәләүҙәренсә, был — 1991 йылдан алып иң түбән күрһәткес.
Үткән йәйҙең уңай килеүе, йәғни уңыш муллығы ҡыш уртаһында ла үҙен һиҙҙерә. Мәҫәлән, былтыр ошо осорҙа килограмы 40 — 50 һумдан да кәм булмаған бәрәңге, кишер, сөгөлдөр һәм һуғандың бер килограмы хаҡы әле — 11-12 һумдан алып 18 һумға тиклем. Һарымһаҡ та быйыл бик үк “ауыр” тартмай — килограмы 60 һум, йәшел шалҡан 25 һум торһа, кәбеҫтә — 10 — 13 һум. Райондарҙағы һәм яҡын-тирә ауылдарҙағы етештереүселәр баш ҡала баҙарында үҙ урынын ныҡлап алған. Хаҡтары ла йәлеп итерлек.
Ком: 0 // Уҡынылар: 1396 тапҡыр // Тотош уҡырға
Мәләүездә илһөйәрҙәр тәрбиәләнә

Район мәктәптәрендә һәм урта махсус уҡыу йорттарында белем алыусылар араһында “Мәләүез илһөйәрҙәре” ижади эштәр конкурсы башланды. Ул 23 февралгә тиклем дауам итәсәк.
Рухи һәм әхлаҡи ҡиммәттәрҙе пропагандалау, Бөйөк Ватан һуғышы геройҙары, ҡораллы бәрелештәрҙә һәм Чернобыль атом электр станцияһындағы һәләкәттең эҙемтәләрен бөтөрөүҙә ҡатнашыусылар өлгөһөндә балаларҙа Тыуған илгә һөйөү тәрбиәләү – конкурстың төп маҡсаты. Еңеүселәр һүрәт, архив фотоһы, ҡул эштәре, шиғыр, проза әҫәре номинацияларында билдәләнәсәк.
Ком: 0 // Уҡынылар: 1813 тапҡыр // Тотош уҡырға
Бисмилләһир-рахмәнир-рахим!
И, ғәзиз балалар! Ата-әсәләрегеҙ һеҙгә иң ауыр һәм мәшәҡәтле хеҙмәттәрҙе ҡылды һәм улар һеҙгә хеҙмәт итеүҙе дауам итешә, һәр ваҡыт һеҙҙең өсөн тырыша. Аллаһы Тәғәләгә ялбарып, һеҙҙең өсөн доғалар ҡылалар. Инде һеҙ ҙә уларҙың был яҡшылыҡтарын һәм хеҙмәттәрен камил ҡылып ҡайтарығыҙ, көсөгөҙҙән килгәнсә уларға ысын күңелдән хеҙмәт итегеҙ! Аллаһы Тәғәлә ата-әсәгә яҡшылыҡ ҡылырға ҡушты. Пәйғәмбәребеҙ Мөхәммәт ғәләйһиссәләм дә: "Ата-әсәләрен риза ҡылыусы балаларҙан Аллаһы Тәғәлә лә риза булыр", — тине.
Ком: 0 // Уҡынылар: 940 тапҡыр // Тотош уҡырға
Республиканың территориаль һайлау комиссияларында тауыш биреү өсөн иҫәптән төшөү таныҡлыҡтары тапшырыла башланы.
Башҡортостан Республикаһының Үҙәк һайлау комиссияһына ошондай 70 мең таныҡлыҡ килде. Улар Рәсәй Үҙәк һайлау комиссияһы тарафынан әҙерләнгән.
Һайлау көнөндә үҙенең һайлау участкаһындағы тауыш биреү бинаһына килә алмаған һайлаусы ошондай таныҡлыҡ алыуға хоҡуҡлы. Был документты 2012 йылдың 12 февраленә тиклем территориаль һайлау комиссияһынан алырға мөмкин. 13 февралдән 3 мартҡа тиклем таныҡлыҡты участка комиссиялары ағзалары бирәсәк.
Ком: 0 // Уҡынылар: 887 тапҡыр // Тотош уҡырға
"Ижтимағи электрон гәзит" сайтында онлайн-конференциялар дауам итә. Ошо көндәрҙә уҡыусыларҙың һорауҙарына Башҡортостан Республикаһының Мәғариф өлкәһендә контроль һәм күҙәтеү идаралығы начальнигы Әлмира Ғәниева яуап бирҙе.
Хәтерегеҙгә төшөрәбеҙ: күҙәтеү һәм контроль идаралығы бынан бер нисә йыл элек уҡытыу сифатын яҡшыртыу, мәғарифтағы заманса хеҙмәттәрҙе файҙаланыуҙа ғәҙеллеккә өлгәшеү, белем һәм тәрбиә биреү өсөн уңайлы шарттар булдырыу, уҡыусылар һәм студенттарҙың хоҡуҡтарын яҡлау, ғәмәлдәге ҡануниәттең теүәл үтәлешен тәьмин итеү маҡсатында ойошторолғайны.
Ком: 0 // Уҡынылар: 1097 тапҡыр // Тотош уҡырға
Рәсәй Хөкүмәте Рәйесе Владимир Путиндың милли мәсьәләгә ҡағылышлы сығышына күп милләтле Башҡортостан халҡы битараф ҡалманы. Республиканың милли-мәҙәни үҙәктәре рәйестәре һәм ғалимдар менән үткәрелгән “түңәрәк өҫтәл”дә лә һүҙ ошо хаҡта барҙы.
— Владимир Владимировичтың милли мәсьәләнең киҫкен тороуын таныуы бик ҡыйыу аҙым булды, — тине “түңәрәк өҫтәл”де алып барыусы Рәсәй Фәндәр академияһы Өфө ғилми үҙәгенең Этнологик тикшеренеүҙәр институты директоры Айһылыу Юнысова. — Тимәк, ул был йәһәттән булған бар проблемаларҙы таный һәм хәл итергә ниәтләй.
Ком: 0 // Уҡынылар: 1244 тапҡыр // Тотош уҡырға
Февраль башында урындарҙа түбәндәге етәкселәр граждандарҙы ҡабул итә:
2 февралдә сәғәт 11-ҙән 15-кә тиклем Граждандар хәле акттарын теркәү идаралығының хоҡуҡи тәьминәт бүлеге начальнигы А.Е. Костарева Ағиҙел ҡалаһы хакимиәте бинаһында (Ағиҙел ҡалаһы, Сәскә бульвары, 2);
4 февралдә сәғәт 11-ҙән 12-гә тиклем мәҙәниәт министры урынбаҫары Р.Р. Алтынбаев Нуриман районы хакимиәте бинаһында (Красная Горка ауылы, Совет урамы, 64);
7 февралдә 15 сәғәт 30 минуттан 17 сәғәткә тиклем иҡтисади үҫеш министры Е.В. Маврин Нефтекама ҡалаһы хакимиәте бинаһында (Нефтекама ҡалаһы, Комсомол урамы, 25);
Ком: 0 // Уҡынылар: 954 тапҡыр // Тотош уҡырға
Алсаҡ, һүҙсән Оксана менән диңгеҙ буйында ял иткәндә танышҡайныҡ. Ул да, минең кеүек, Башҡортостандан булғас, тиҙ уртаҡ тел таптыҡ. Ялда ни, аралашырға ваҡыт етерлек.
Йәш кенә булыуына ҡарамаҫтан, Оксананың балалары үҫмер ҡорона ингән: кейәүгә иртә сыҡҡан икән. Иренең фотоһын да күрһәтте – һөймәлекле, күркәм генә. Элемтә ҡиммәт булыуға ҡарамаҫтан, йыш ҡына шылтыратып, хәл белешеп тора – ҡыҫҡаһы, ситтән ҡарағанда, татыу, мөхәббәтле ғаилә кеүек. Шулай ҙа мине Оксананың иренә бер аҙ дорфа мөнәсәбәте, уның менән теләр-теләмәҫ кенә һөйләшеүе һағайтты – әйтерһең дә, оло үпкәһе бар.
Ком: 0 // Уҡынылар: 1399 тапҡыр // Тотош уҡырға
Бер кем һине миндәй яратмаҫ,
Бер кем һиңә миндәй йән атмаҫ.

Ҡушымта:
Яратмаҫ, йән атмаҫ,
Өҙөлөп-өҙөлөп теләһә лә,
Йәндәр атып һис ярата алмаҫ.
Ком: 0 // Уҡынылар: 1486 тапҡыр // Тотош уҡырға
“Юҡҡа ғына хәтерләмәй Рәсәй...”Любезники-любизар,
Маладис, маладис!
Ҡурайҙа башҡарылған “Любизар” һәм Ватан һуғышына арналған башҡа йырҙар кисә республиканың Хәрби дан музейын яңғыратты. Унда Рәсәйҙең 1812 йылғы Ватан һуғышында еңеүенә 200 йыл тулыуға арналған “Юҡҡа ғына хәтерләмәй Рәсәй...” күргәҙмәһе асылды.
Музейға килеп инеү менән шул тарихи осорҙағы хәрбиҙәрсә кейенгән кешеләр осраны. Улар араһында “башҡорттар” ҙа, “урыҫтар” ҙа бар ине. Башҡорт хәрби кейемдәрен — “Төньяҡ амурҙары”, ә урыҫтарҙыҡын “Өфө пехота полкы” клубтары ағзалары күрһәтте.
Музейҙың икенсе ҡатында урынлашҡан экспозиция өс өлөштән тора. Тәүгеһендә — график эштәр һәм гравюраларҙың фотокүсермәләре. XIX быуат башындағы билдәле һәм билдәһеҙ авторҙарҙың эштәрендә башҡорт хәрбиҙәре һүрәтләнгән, улар музейҙарҙа һәм республика архивтарында һаҡланған. Икенсе өлөшөндә — хәҙерге ваҡытта үткәрелеп торған хәрби-тарихи реконструкцияларҙа ҡатнашыусыларҙың фотоһүрәттәре. Ә өсөнсөһөндә республиканың хәрби-тарихи клубтарында файҙаланылған атрибуттар, тарихи костюмдар ҡуйылған.
Ком: 0 // Уҡынылар: 1910 тапҡыр // Тотош уҡырға
Бәхтегәрәй Шәфиев — беренсе мөхәррир(Тыуыуына 115 йыл тулыуға ҡарата)
Был шәхес тураһында заманында күп яҙылды. Рамазан Ҡузыевтың махсус китабы ла бар, ләкин Бәхтегәрәй ғәмәлдә гел бер яҡлы яҡтыртылды: ялҡынлы революционер-большевик, халыҡ бәхете хаҡына йәнен аямай көрәшеүсе, фәҡәт дөрөҫ юлдан барыусы. Баррикаданың теге яғындағы Зәки Вәлиди һәм уның көрәштәштәре иһә — халыҡҡа ҡаршы эш итеүсе яуыз дошмандар.
Беҙҙеңсә, ысынбарлыҡ бик ҡатмарлы. Шәхестәр ҙә билдәле бер программаға ҡоролған робот түгел. Кем ул Бәхтегәрәй Шәфиев? Тарихҡа бәләкәй генә байҡау яһайыҡ.
Большевиктар Петербургта власты үҙ ҡулына төшөрөүгә күп тә үтмәй, Башҡортостанда милли азатлыҡ хәрәкәтенең башында торған Мәркәз шураһы иҫке стиль менән 15 ноябрҙә (28 ноябрь) Башҡортостан мөхтәриәтен иғлан итеү тураһында ҡарар сығара, ул иртәгеһенә 2-се фарман менән ғәмәлгә ашырыла ла башлай. Өсөнсө башҡорт ҡоролтайы (Ырымбур, 1917 йылдың 8–20 декабре) мөхтәриәтте раҫлай.
Ком: 0 // Уҡынылар: 1410 тапҡыр // Тотош уҡырға
Артҡа 1 2 3 4 5 6 7 8 9 10 ... 32 Алға
Бит башына