Башҡортостан Дәүләт Йыйылышы — Ҡоролтайҙың 47-се ултырышында парламент Рәйесе Константин Толкачев "2011 йылда Башҡортостан Республикаһы ҡануниәте тураһында" тигән доклад менән сығыш яһаны.
— Дәүләт Йыйылышы — Ҡоролтайҙың эшмәкәрлеге 2011 йылда Рәсәй Президенты һәм Башҡортостан Президенты Мөрәжәғәтнамәләренә бәйле бурыстар, республикала Милләт-ара татыулыҡты нығытыу йылы сиктәрендә үткәрелгән саралар менән билдәләнде, — тине Константин Толкачев. — Парламенттың республика ҡануниәтен камиллаштырыу буйынса стратегик маҡсаттары, нигеҙҙә, үтәлде.
Ком: 0 // Уҡынылар: 1131 тапҡыр // Тотош уҡырға
Һәр һөнәри байрамда тармаҡтың йыл дауамында башҡарған эшенә йомғаҡ яһала. Таможня хеҙмәткәрҙәре өсөн дә шулай. Былтырҙан улар яңы шарттарҙа эшләй башланы. Был Рәсәй, Белоруссия һәм Ҡаҙағстан сиктәрендә таможня постарын алыуға бәйле. Ғөмүмән, әлеге мәлдә Рәсәйҙә таможня закондарын камиллаштырыу бара. Яңы Таможня кодексы үҙ көсөнә ингәнсе үк Башҡортостан таможняһы хеҙмәткәрҙәре бөтә терминалдарҙың да өҙөклөкһөҙ эшләүен тәьмин итеү өсөн ҙур көс һалды.
Былтыр барлыҡ постар аша 25705 декларацияланған тауар үткәрелгән. 2010 йыл менән сағыштырғанда, экспорт 5,5 процентҡа кәмегән, ә импорт 20 процент самаһына үҫкән.
Ком: 0 // Уҡынылар: 1308 тапҡыр // Тотош уҡырға
Нязепетровск ҡалаһында “Родные просторы. Тыуған яҡ” тигән гәзит сыға башланы.
Элек бында башҡортса бер ниндәй мәғлүмәт сараһы булмаған. Гәзит ҡаланың башҡорт зыялылары башланғысы менән донъя күрә — урындағы “Нязепетровск хәбәрҙәре” гәзите редакцияһына ярҙам һорап тап улар мөрәжәғәт иткән.
“Родные просторы. Тыуған яҡ” ай һайын дүрт битле булып донъя күрәсәк. Унда был төбәктә ғүмер итеүсе башҡорттарҙың мәҙәниәте, йолалары, бөгөнгө яҙмышы хаҡында мәғлүмәттәр баҫыласаҡ.
Ком: 0 // Уҡынылар: 1094 тапҡыр // Тотош уҡырға
Билдәле булыуынса, былтыр көҙ Силәбе башҡорттары ҡоролтайының башҡарма комитеты етәксеһе итеп Морис Йосопов һайланғайны. Ваҡыт — һынау, тигәндәй, ҡыҫҡа ғына осорҙа ул үҙен ышаныслы һәм оҫта етәксе итеп танытты, алдан билдәләнгән барлыҡ эштәрҙе тормошҡа ашырыуға өлгәште. Өлкә башҡорттары ҡоролтайының үткән йылға йомғаҡ яһау һәм киләһе осорға бурыстар билдәләү маҡсатындағы ултырышы яңы етәксе рәйеслегендә уҙҙы.
Силәбе ҡалаһының Шәйехзада Бабич исемендәге китапханаһына өлкәнең төрлө тарафтарынан башҡарма комитет ағзалары йыйылғайны. Ултырышта шулай уҡ Арғаяш районы хакимиәте башлығы Исрафил Вәлишин, Силәбе ҡалаһының Дуҫлыҡ йорто директоры Юлиә Лапидус ҡатнашты. Уҙған йылда башҡарылған эштәр тураһында доклад тыңланды. М.Х. Йосоповтың сығышында билдәләнеүенсә, айырыуса Арғаяш районында урындағы хакимиәт менән башҡорт ҡоролтайы араһында тығыҙ хеҙмәттәшлек булдырылған.
Ком: 0 // Уҡынылар: 1417 тапҡыр // Тотош уҡырға
Перволоцк районында өс кенә башҡорт ауылы бар. Уларҙың барыһы ла Оло Соран йылғаһы буйында урынлашҡан. Иң үрҙә — Ҡотлөмбәт, 20 саҡрым түбәндәрәк — Ғабдрафиҡ, тағы ла аҫтараҡ — Ҡунаҡбай. Ауылдар бәләкәй: һәр ҡайһыһында 70 — 80 генә өй. Халыҡ уларҙан күпләп күсенеп, сит төбәктәрҙә, башҡа район һәм ауылдарҙа төпләнгән.
Һуңғы йылдарҙа балалар кәмегәнлектән, Ғабдрафиҡта мәктәп юҡ, балаларҙы урыҫ ауылына автобус менән йөрөтөп уҡыталар. Ҡунаҡбайҙа башланғыс мәктәп һаҡлана, өлкәнерәк йәштәге уҡыусылар белем алыуын Преторияла дауам итә. Ҡотлөмбәттә генә урта мәктәп бар. Уны 1991 йылда үҙебеҙ асҡайныҡ, эшләүенә инде — 20 йыл. Әммә, ҡыҙғанысҡа ҡаршы, ул да бөтөүгә табан бара. Заманында бында 180 — 200 бала белем алһа, хәҙер 40 уҡыусы ғына иҫәпләнә. Һуңғы йылдарҙа ата-әсәләрҙең күбеһе балаларын сит мәктәптәргә — Өфө, Күмертау, Ишембай, Ырымбур гимназия һәм лицейҙарына — бирә башланы. Сәбәбе нимәлә?
Ком: 0 // Уҡынылар: 1307 тапҡыр // Тотош уҡырға
Уҙған йыл аҙағында Таллинн ҡалаһындағы “Ағиҙел” башҡорт мәҙәни йәмғиәтенең йәш ағзалары, “Байыҡ” телевизион бейеү конкурсында ҡатнашыу уңайынан Башҡортостанға килеп, Өфө, Салауат ҡалаларында һәм Саҡмағош районында ҡунаҡта булғайны. Бер аҙҙан редакцияға йәмғиәт рәйесе Флүзә Хәйруллинанан хат килеп төштө.
“Ата-бабалар төйәгенән бай тәьҫораттар, күтәренке күңел менән ҡайттыҡ, – тип яҙа ул. – Башҡортостандағы бейеү байрамына төрлө республикаларҙан вәкилдәр килеүе, сәхнәнең гөрләп тороуы өсөн бер һөйөнһәк, милләттәштәребеҙ, туғандарыбыҙ менән аралашыу тағы ла мең шатлыҡ өҫтәне. Башҡорт бейеүе менән бер рәттән бүтән төркиҙәрҙең, Кавказ халыҡтарының сәнғәт ҡомартҡыларын күрергә насип булды”.
Ком: 0 // Уҡынылар: 1363 тапҡыр // Тотош уҡырға
Башҡортостандың ЮНЕСКО эштәре буйынса комитетының Балтик буйы төбәгендәге вәкиле Рина Хәмитова Эстонияның Палдиски ҡалаһында Ҡала Йыйылышы рәйесе Николай Пичугов менән эш осрашыуы үткәреп, хеҙмәттәшлекте дауам итеү мәсьәләләре хаҡында һөйләшкән. Мәғлүм булыуынса, был ҡала етәкселеге Рогервик зинданында һәләк булған башҡорт батыры Салауат Юлаев тураһындағы иҫтәлектәрҙе ҡәҙерләп һаҡлай.
Николай Пичугов Рина Хәмитованан милли геройыбыҙға, Салауат районының халҡына һәм тәбиғәтенә бағышланған яңы баҫмаларҙы ихлас ҡабул иткән. Уларҙы Палдискиҙағы Салауат Юлаев музейына Башҡортостандың ЮНЕСКО эштәре буйынса комитетының башҡарма директоры Өлфәт Йомағужин ебәргәйне.
Ком: 0 // Уҡынылар: 1072 тапҡыр // Тотош уҡырға
Әбүбәкер Усмановтың “Башҡортостандың үҙ ирке менән Рус дәүләтенә ҡушылыуы” китабында (Өфө, 1982) яҙылыуынса, ХVII быуатта уҡ башҡорттар һәр төрлө тауар менән уңышлы сауҙа иткән. Баҙарҙа башҡорт аттарына ихтыяж айырыуса ҙур булған, ти ғалим. Был хаҡта шундай миҫал да килтерә: 1661 йылдың 15 мартында сауҙа эше менән шөғөлләнеүсе Мәскәү кешеһе Ф. Антонов Тула заводсыһы П. Марселистан үтескә 100 һумлыҡ тимер-томор ала һәм уның өсөн “Өфөлә яҡшы аттар һәм нәҫел бейәләре һатып алырға, уларҙы шул уҡ йылда, ер ҡороғас, йәйге юл менән Мәскәүгә оҙатырға” һүҙ бирә.
Үрҙә аталған китапҡа нигеҙләнеп, ата-бабаларыбыҙға сауҙа эшенең ят булмағанлығын раҫлауҙы дауам итәбеҙ. ХVII быуаттағы документтар башҡорттарҙың урыҫтар һәм башҡа халыҡтар менән тығыҙ сауҙа мөнәсәбәттәре урынлаштырғанын раҫлай.
Ком: 0 // Уҡынылар: 1270 тапҡыр // Тотош уҡырға
Ҡазан ҡалаһында йәшәүсе яҡташыбыҙ, ғалим-яҙыусы Әмир Ғөбәй улы Мәхмүтовтан редакцияға хат килеп төштө. Ул Салауат батыр тураһында шиғыр яҙған икән. Батырыбыҙҙың яҡты һыны төрлө милләт кешеләренең күңелен рухландырып йәшәүе беҙгә ғорурлыҡ хисе генә өҫтәй.

Салауат

Бөйөктәрҙән-бөйөк Уралым
Тора томандарға уралып.
Ҡыйғыр бөркөт осҡан был урында
Торҙом әле бөгөн уйланып.
Ком: 0 // Уҡынылар: 1075 тапҡыр // Тотош уҡырға
Гәзит уҡыусыларҙан хоҡуҡи мәсьәләләр буйынса килгән һорауҙар артҡандан-арта. Уларға “Лига-М” юридик компанияһының директор урынбаҫары, хоҡуҡ белгесе Таһир Мансуров яуап бирә. Юрисҡа мөрәжәғәт итеү өсөн һорау@mail.ru электрон адресына хат яҙып ебәрергә йәки телефон аша редакцияның дәүләт һәм хоҡуҡ бүлегенә (272-35-20) шылтыратырға мөмкин.

Бәлиғ булғас, түләү туҡтатыла

— Ирем менән әллә ҡасан уҡ айырылыштыҡ. Ул — офицер, эш хаҡы яҡшы ғына. Улыбыҙ өсөн алиментты кисектермәй түләп килде. Оҙаҡламай малайға 18 йәш тула, әле ул юғары уҡыу йортонда белем ала. Улы студент булған осорҙа атаһы уға алимент түләргә тейешме?
Ком: 0 // Уҡынылар: 1019 тапҡыр // Тотош уҡырға
Олуғ ғалим, бөйөк шәхес Жәлил Ғиниәт улы Кейекбаевтың исемен Башҡорт дәүләт университетына биреү хаҡында йәмәғәтселек күптән һүҙ ҡуҙғатһа ла, ни өсөндөр был мөһим мәсьәләгә тейешле даирәләрҙә ҡолаҡ һалмайҙар.
Уйлаһаң, ысынлап та, ғәжәпләнергә урын бар. Жәлил Ғиниәт улының ижади хеҙмәте емештәре һәр тарафта ла һәйбәт билдәле. Уның яҙмалары әле лә студенттарҙың, уҡытыусыларҙың, белемгә ынтылыусыларҙың ҡулынан төшмәй. Ғилми хеҙмәттәренең исемен генә атағанда ла, ҡайһылай оло асыштар башҡарылғанын күреүе ҡыйын түгел. Ныҡышмалы эҙләнеүҙәр һөҙөмтәһендә ул “Башҡорт теленең фонетикаһы” (1958), “Башҡорт әҙәби теленең дөрөҫ әйтелеше” (1964), “Хәҙерге башҡорт теленең лексикаһы һәм фразеологияһы” (1966), “Хәҙерге башҡорт теле” (1966), “Урал-Алтай телдәренең тарихи грамматикаһы” (1996) кеүек монографиялар яҙҙы.
Ком: 0 // Уҡынылар: 1039 тапҡыр // Тотош уҡырға
Әгәр 2012 йылдың беренсе яртыһына “Башҡортостан” гәзитенә яҙылып өлгөрмәй ҡалһағыҙ, борсолмағыҙ. Һәр айҙың 20-һенә тиклем яҙылһағыҙ, гәзит һеҙгә киләһе айҙан килә башлар.
Кәңәшебеҙ шул: иң отошлоһо — өйөгөҙгә аҙнаһына биш мәртәбә килә торған гәзиткә яҙылыу. Бары шул саҡта ғына һеҙ уның һәр һанында донъя күргән бай йөкмәткеле, фәһемле һәм ҡыҙыҡлы мәҡәләләрҙе уҡый аласаҡһығыҙ.
Хаҡтар түбәндәгесә:
Ком: 0 // Уҡынылар: 1299 тапҡыр // Тотош уҡырға
Банк үҙ бурыстарын беләБашҡортостандың Милли банкында республикала банк секторының былтырғы эшмәкәрлеге, алда торған көнүҙәк мәсьәләләр хаҡында кәңәшмә булды. Федераль һәм төбәк кредит ойошмалары етәкселәре менән һөйләшеүҙә Башҡортостан Президенты Рөстәм Хәмитов ҡатнашты.
Былтыр урындағы банк секторы Рәсәй һәм Башҡортостан банк системаларының 2015 йылға тиклемге үҫеш стратегияһына ярашлы эш алып барған. Ыңғай һөҙөмтәләр байтаҡ. Мәҫәлән, халыҡ тарафынан кредиттарҙы ваҡытында түләмәү осраҡтары кәмегән. Шулай уҡ төбәктә банк бүлексәләре артҡан — көрсөккә тиклемге кимәлде үтеп, 1 382 берәмеккә еткән. Банк хеҙмәтен дистанцияла алып барыу технологияһын әүҙемләштереү буйынса ла ныҡлы эш алып барылған. Республика банк карталары, электрон терминалдар, банкоматтар һаны буйынса Волга буйы федераль округында алдынғы урында килә.
Шулай ҙа проблемалар етерлек. Улар кредит ойошмалары капиталы кимәленең түбәнлегенә, юғары процентҡа һәм бик үк асыҡ булмаған шарттарҙа бурыс биреүгә, закон ҡағиҙәләрен иҫәпкә алмайынса башҡарылған шикле операцияларға ҡайтып ҡала.
Ком: 0 // Уҡынылар: 1260 тапҡыр // Тотош уҡырға
Сағыу йондоҙҙарҙың береһеКешенең яҙмышы — үҙ ҡулында. Йондоҙҙай балҡытамы уны, заяға уҙғарамы — әҙәмдең үҙенән тора. Халҡыбыҙ алдында баһалап бөтөргөһөҙ хеҙмәт күрһәтеп, ижади ҡаҙаныштары менән барыһын хайран ҡалдырып, мәңге хәтерҙә уйылып ҡалғандар байтаҡ, шөкөр. Шундайҙарҙың береһе — БАССР-ҙың халыҡ, РСФСР-ҙың атҡаҙанған артисы
Бәҙәр Йосопова.
Һәр бер сәнғәт әһеленең тормош юлы ҡыҙыҡлы ла, мауыҡтырғыс һәм һоҡланғыс та. Бәҙәр Йосопова хаҡындағы гәзит материалдары, шәхси яҙмалар, фоторәсемдәр менән танышҡан саҡта уның кеше араһында ихтирамлы ҡатын-ҡыҙ, тамашасыһы өсөн сағыу йондоҙ, туғандарына иһә терәк-таяныс булыуын аңлайһың. Шулай уҡ оло быуын артистарының хөрмәтләп телгә алыуы уның хеҙмәтенең ҙур баһаһы хаҡында һөйләй.
Бәҙәр Йосопованың йәш сағы ҡыҙҙарҙың хоҡуҡтары сикләнгән осорға тап килеүгә ҡарамаҫтан, ул үҫмер саҡтан сәхнә тормошон юлдаш итеп һайлай. Башта тиңдәштәренең “сабата кейгән артистка” тип көлөүҙәренә, муллаларҙың тиргәүҙәренә иғтибар итмәй, сәхнә тормошонда ҡайнап йөрөһә, 1916 йылда Орск Йәштәр союзы эргәһендәге үҙешмәкәр театрында ул Люси псевдонимы менән беренсе спектаклдә ҡатнаша.
Ком: 0 // Уҡынылар: 1198 тапҡыр // Тотош уҡырға
Күңел һаман йәшБай тарихлы Юлдыбай ауылының ике меңгә яҡын халҡы араһында йөҙйәшәрҙәрҙе һанау өсөн бер ҡулдың бармаҡтары ла етә. Күптән түгел шуларҙың берәүһенә — Сәрбиямал Әбдрәхим ҡыҙына — 100 йәш тулды.
Сәрбиямал Һағынбаева — Баймаҡ районы ҡыҙы. Үҙ ғүмерендә күпте күргән, күпте кисергән инәй. Тормоштоң нужаһын байтаҡ татырға тура килә. Әсәһенең донъя ҡуйғанын аныҡ ҡына хәтерләмәй ҙә, ә атаһынан туғыҙ йәшендә ҡала. Ифрат ауыр, бола йылдарҙа етем балаға уҡыу тураһында хыялланырға ла тура килмәй.
— Мине бик ҡатмарлы һәм ҡытыршы тормош мәктәбе үҙе уҡытты. “Дәрестәр” йәште һораманы, ҡара таңдан башланып, көн һайын тиерлек ҡыҙыл эңергә тиклем һуҙыла торғайны, — тип хәтирәләрен уртаҡлаша ағинәй.
Әбделкәримдәге Ғәлиаслан олатаһы үҙҙәренә ала уны, әммә оҙаҡламай ул “кулак”тар исемлегенә эләгә. Ярай әле, йәйгеһен быҙау көтөп һәм бөтә йорт эштәрен башҡарып йөрөгән ҡыҙға “батрак” ярлығы тағып, тартып алынған мөлкәттән өлөш сығаралар.
Ком: 0 // Уҡынылар: 1240 тапҡыр // Тотош уҡырға
Артҡа 1 2 3 4 5 6 7 8 9 10 ... 32 Алға
Бит башына