Мысыр бәҙүәндәре Синай ярымутрауындағы “Ҡояшлы һыу” курорт комплексын баҫып алған. Бәхеткә күрә, был көндө ял итеүселәр булмаған, хеҙмәткәрҙәрҙе иреккә ебәреү өсөн улар 660 мең доллар талап иткән.
Ҡоралланған бәҙүәндәр курортҡа йәкшәмбе көндө үк һөжүм иткән. Талаптары үтәлмәгән хәлдә, улар ял йортон емерәсәген белдерә. Әлегә хәл-ваҡиғалар үҙгәрешһеҙ ҡала.
Ком: 0 // Уҡынылар: 1308 тапҡыр // Тотош уҡырға
Силәбе өлкәһенең Арғаяш районында тыуып үҫкән башҡорт боксеры Хәбир Сөләймәнов Мексиканың Энсенада ҡалаһында, сираттағы рейтинг көрәшендә ҡатнашып, урындағы спортсы Роберто Лопесты еңде.
Хәбир Сөләймәнов әйтеүенсә, көрәшкә әҙерләнеүе бик ауыр булған, сөнки быға тиклем бер аҙ сирләп торған. Мексика халҡына башҡорт боксерының ҡыҙыу стиле оҡшаған. Киләһе көрәштәрен боксер февраль һәм мартта йәнә Мексикала үткәрәсәк.
Ком: 0 // Уҡынылар: 1237 тапҡыр // Тотош уҡырға
Мәскәүҙәге Домодедово аэропортындағы шартлауға бер йыл үтте. Был терактта 37 кеше һәләк булды, 173-ө төрлө тән йәрәхәттәре алғайны. Ошо көндәрҙә терактты ойошторған дүрт кешегә ғәйепләү ҡарары сығарылды.
Бомбаны 21 йәшлек Мөхәмәт Евлоев шартлатҡан. Уны әҙерләгән боевиктар лагеры былтыр мартта юҡ ителә. Террор акты “Имарат Кавказ” енәйәтсел төркөмө етәксеһе Доку Умаров етәкселегендәге 35 кеше ҡатнашлығында ойошторолған.
Ком: 0 // Уҡынылар: 1112 тапҡыр // Тотош уҡырға
Дүрт тапҡыр Гәлсәр глобус яулаған саңғысы, донъя чемпионы Александр Давыдович Башҡортостандың Бәләбәй ҡалаһында йәшәүгә таныҡлыҡ алған.
Александр Сочиҙа үтәсәк XI Паралимпия уйындарында Рәсәй командаһы составында ҡатнашырға теләк белдергән. Әлеге мәлдә спортсы Сочи ҡалаһында паралимпия командаһы составында әҙерлек күнекмәләрендә ҡатнаша.
Ком: 0 // Уҡынылар: 866 тапҡыр // Тотош уҡырға
Һунарсылар өсөн берҙәм федераль өлгөләге билеттарға күсеү мөһим ваҡиға булды. Бының өсөн республика ҡаҙнаһынан ике миллион һум аҡса бүленгән. Әлеге ваҡытта төбәк буйынса һигеҙ меңдән ашыу һунарсы билеты тапшырылған, улар тураһында мәғлүмәт дәүләт реестрына индерелгән.
Был төбәктәрҙәге һунарсыларҙың аныҡ иҫәбен алырға мөмкинлек бирәсәк. Билеттар бушлай бирелә. Иҫкеләре быйылғы йылдың 1 июленә тиклем ғәмәлдә буласаҡ.
Ком: 0 // Уҡынылар: 861 тапҡыр // Тотош уҡырға
Ҡалтасы районы хужалыҡтары яңы йылды тоҡомло мал һатып алыуҙан башланы.
“Восход”, “Урал”, “Яңы юл” хужалыҡтары, “Рассвет Ильича” яуаплылығы сикләнгән йәмғиәте тарафынан һуңғы ике айҙа ғына Удмуртиянан 300 баш ҡара-сыбар тоҡомло тана һатып алынған.
Ком: 0 // Уҡынылар: 1083 тапҡыр // Тотош уҡырға
“Оҙайлы эш стажына эйә хеҙмәт ветераны” исемен алыу өсөн республиканың социаль яҡлау органдарына 37 677 кеше мөрәжәғәт иткән.
Иң күп мөрәжәғәт Өфөнөң Калинин, Октябрь, Совет райондарында, Стәрлетамаҡ һәм Нефтекама ҡалаларында теркәлгән.
Ком: 0 // Уҡынылар: 1014 тапҡыр // Тотош уҡырға
25 ғинуарҙа Башҡортостан Президенты Рөстәм Хәмитов Эш һәм мәшғүллек буйынса федераль хеҙмәт етәксеһе Юрий Герций менән осрашты. Унда республикала халыҡты эш менән тәьмин итеү, хеҙмәт ҡануниәте өлкәһендәге контроль-күҙәтеү вәкәләттәрен тормошҡа ашырыу мәсьәләләре тикшерелде.
Рөстәм Хәмитов билдәләүенсә, республикала мәшғүллек буйынса программалар уңышлы эшләй.
— Хеҙмәткә түләүҙә үҫеш бар, 2011 йыл йомғаҡтары буйынса уртаса эш хаҡы 13 процентҡа артҡан. Рәсәйҙәге уртаса кимәлдән ҡалышабыҙ, әммә беҙҙә халыҡтың 40 проценты ауылда йәшәй. Ундағы кешеләрҙең түбәнерәк эш хаҡы алыуы аңлашыла. Нефть сығарыусы төбәк булыуға ҡарамаҫтан, беҙҙә уртаса эш хаҡы — 18 мең һум самаһы, — тине республика Президенты.
Ком: 0 // Уҡынылар: 1149 тапҡыр // Тотош уҡырға
Башҡортостан Президенты Рөстәм Хәмитов “ОБОРОНПРОМ” берләштерелгән сәнәғәт корпорацияһының генераль директоры Андрей Реус менән осрашты.
Осрашыу барышында республика биләмәһендә эшләгән корпорация предприятиеларының, атап әйткәндә, Өфө моторҙар эшләү берекмәһе менән Күмертау авиация предприятиеһының үҫеш динамикаһы һәм киләсәге хаҡында һүҙ барҙы, уларҙың хеҙмәткәрҙәренә социаль ярҙам күрһәтеү мәсьәләләре тикшерелде.
Башҡортостан Республикаһы Президенты Рөстәм Хәмитовтың Указы менән машиналар эшләүҙе үҫтереүгә ҙур өлөш индергән һәм оҙаҡ йылдар намыҫлы эшләгән өсөн Андрей Реус Халыҡтар дуҫлығы ордены менән бүләкләнде.
Ком: 0 // Уҡынылар: 631 тапҡыр // Тотош уҡырға
Сегодня у нас в гостях успешный предприниматель, наш земляк Денис Радикович.
Создание и продвижение сайтов в Уфе - это сфера профессиональной деятельности, в которой он работает уже более восьми лет.
Мы пригласили его, чтобы поговорить о трудностях, которые ожидают начинающих бизнесменов в сети Интернет.
Скажите, Денис, сложно ли создать свой собственный сайт?
Вы знаете, создать сайт - это самое малое, что нужно для успешного бизнеса в сети Интернет. Гораздо важнее и труднее найти удачную идею, нишу, которая не занята конкурентами, чтобы предоставлять уникальные услуги и продавать товары, на которые спрос значительно превышает предложение.
Но в любом случае сайт нуждается в грамотном продвижении. Поскольку привлечь внимание посетителей к своему сайту не так просто, как может показаться.
В чем же заключается продвижение сайта?
// Уҡынылар: 1080 тапҡыр // Тотош уҡырға
Владимир ПУТИН: «Милли сәйәсәттә еңел ҡарарҙарға урын юҡ»Был аҙнала үҙәк матбуғатта Рәсәй Хөкүмәте Премьер-министры, ил Президенты вазифаһына кандидат Владимир Путиндың сираттағы программа мәҡәләһе донъя күрҙе. Ул ватандаштарыбыҙҙың күпселеген борсоған милли сәйәсәткә арнала.

«Бөйөк күсенеү» һынауы

«Күп төрлө телдәрҙе, йолаларҙы, этностарҙы һәм мәҙәниәттәрҙе туплаған Рәсәйҙә милләт мәсьәләләре, һис арттырыуһыҙ әйткәндә, иң мөһим проблемаларҙың береһе булып тора, – ти Хөкүмәт башлығы. – Граждандар һәм милләттәр араһындағы татыулыҡтың илдең йәшәйеше өсөн төп шарт икәнлеген үҙендә яуаплылыҡ тойған һәр сәйәсмән, йәмәғәт эшмәкәре аңларға тейеш».
Владимир Владимирович проблемаға ҡарашын йыраҡтан – донъя күләмендәге хәлдәргә баһа биреүҙән – аңлата башлай. Уның билдәләүенсә, милләт-ара һәм дини низағтарҙың үҫеүен бөгөнгө ысынбарлыҡ тип танырға мәжбүрбеҙ. «Милләтселек, башҡа диндәргә ҡарата нәфрәт радикаль төркөмдәр һәм хәрәкәттәр өсөн идеологик нигеҙгә әйләнә. Улар дәүләттәрҙе емерә, йәмғиәтте тарҡата, – ти Премьер-министр. – Киң ҡоласлы миграция ағымы артабан да көсәйер, тип күҙалларға етди нигеҙ бар, уларҙы әле үк тотош ҡитғаларҙың ҡәҙимге тормошон һәм йөҙөн үҙгәртеүгә һәләтле «бөйөк күсенеү» тип атайҙар.
// Уҡынылар: 1288 тапҡыр // Тотош уҡырға
Хеҙмәтең баһаланһа, кәйеф тә көрЯвново ауыл хужалығы кооперативының баш зоотехнигы Валентина Федорова менән фермаға килеп еткәндә, көтөүселәр малдарҙы ялан кәртәгә сығарырға әҙерләнә ине. Симменталь һәм ҡара-сыбар тоҡомло малдар көр һәм таҙа. Ҡышлатыу бында һәйбәт бара. Ихатала тау-тау булып ятҡан төргәк-төргәк бесән, һалам эҫкерте бер-ике йылға етәсәк.
– Шөкөр, былтыр йылдың уңайлы килеүенән файҙаланып аҙыҡты етерлек әҙерләнек. Сенаж – биш, силос өс соҡорҙа һаҡлауҙа, – ти ферма мөдире Флүн Насибуллин. – Киләһе йылға ла артып ҡаласаҡ әле. Малдарҙың ауыҙынан өҙмәҫкә тырышабыҙ, фураж да күпләп бирелә.
Райондың һигеҙ ауылын берләштергән хужалыҡ малсылыҡ, баҫыусылыҡ менән шөғөлләнә. Хужалыҡ эшселәргә ҡытлыҡ кисермәй, оло йәштәгеләр менән бер рәттән йәштәр ҙә ауылда төпләнә. Өфө, Стәрлетамаҡ яҡын булһа ла, ауыл йәштәре ҡалаға китергә ашыҡмай, тырыш хеҙмәте менән йәмғиәттең данын йыраҡтарға тарата.
Ком: 0 // Уҡынылар: 1236 тапҡыр // Тотош уҡырға
Фельдшер, эшҡыуар, йырсы..."Раушан Исламов – Борайҙың булдыҡлы егеттәренең береһе, күптәргә өлгө булырлыҡ ир-азамат", – тигән һүҙҙәрҙе район хакимиәтендә лә, ябай кешеләрҙән дә ишеттек. "Егет кешегә етмеш төрлө һөнәр ҙә аҙ" тигән мәҡәл тап уның хаҡында төҫлө: Раушан район дауаханаһында фельдшер булып эшләй, заман талабына ауаздаш башланғыстан да баш тартмаған – эшҡыуарлыҡ менән шөғөлләнә. Өҫтәүенә күңел талабы буйынса сәхнәлә лә сығыш яһай – һәүәҫкәр йырсының моңло тауышы күптәрҙең күңеленә хуш килгән.
Раушанды район мәҙәниәт һарайында тап иттек, ул Ауыл хужалығы хеҙмәткәрҙәре көнөнә ҡарата әҙерләнгән ҙур концертта ҡатнаша икән. Фойела репетиция үткәреүсе үҫмерҙәр күҙгә ташланды. Уларҙың осҡон сәсрәтеп бейеүенә һоҡланыуымды йәшерә алмайынса:
– Былар баш ҡала оҫталарынан һис кәм түгел дәһә! – тиеүемә мәҙәниәт йорто хеҙмәткәре "Эдельвейс" эстрада бейеүҙәре ансамбленең республикала ғына түгел, Бөтә Рәсәй конкурстарында ла уңышлы сығыш яһауын, төркөмгә йәш, һәләтле белгестәр – Маргарита Ғәндәлипова менән Радик Бакиров етәкселек итеүен еткерҙе. Борайҙа һәләтле йәштәр күп!
Ком: 0 // Уҡынылар: 1457 тапҡыр // Тотош уҡырға
Киләсәге тыуыр таң төҫлөБашҡортостандың атҡаҙанған артисы, Стәрлетамаҡ башҡорт дәүләт театрының баш режиссеры Азат Йыһаншин журналистарҙы өнәп етмәй тигәндәрен ишетә биреп ҡуйғайным. Шулай ҙа ниндәйҙер эске тойомлау сәхнәлә үҙенең ҡыйыу аҙымдары, новаторлығы менән Башҡортостан, Рәсәй тамашасыларының ғына түгел, сит ил театр һөйөүселәренең дә ихтирамын яулай алған профессионал менән уртаҡ тел таба алырыбыҙға ишаралаған һымаҡ булды.
— Театр, сәнғәт, ғөмүмән, ижад тураһында һүҙ алып барғанда ошо юҫыҡта саҡ ҡына аңлаған кешеләр менән әңгәмәләшеү минең өсөн ҡыҙыҡлы, — тип башланы Азат Нәзир улы, минең ниндәй маҡсат менән йөрьәт итеп уға мөрәжәғәт итеүемдең сәбәбен асыҡлағас. — Юғиһә ҡайһы бер журналистар интервью алыу маҡсаты менән килә лә, ниндәй йүнәлештә һүҙ йөрөтөргә кәрәклеген аңламай, күҙгә ҡарап тик ултыра. Ысынлап әйтәм, был минең өсөн ҡыҙыҡ түгел. Унан һуң, бушҡа ваҡыт үткәреп ултырыу ҙа минең пландарыма инмәй.
Ком: 0 // Уҡынылар: 1637 тапҡыр // Тотош уҡырға
Яҙмышы мең балҡышлыБер нәмә лә мәңгелек түгел. Ошо һүҙҙәрҙе инҡар итеп, мәңгелек ҡосағына һыйынған төшөнсәләргә миҫал килтермәксемен. Донъя, кешелек, изгелек, хис-тойғолар, Йыһан һәм тағы байтаҡ нәмәләр мәңгелек түгелме ни? Был исемлеккә хәтер төшөнсәһен дә өҫтәр инем. Юғиһә арабыҙҙан киткәндәрҙең әле һаман халыҡ телендә, хәтерендә йәшәүен нисек аңлатырға? Уларҙың яҡты иҫтәлеге мәңгелек даръяһына тоташып, бөгөнгәсә күңелдәрҙе нурлай бит.
Үҙенең ҡабатланмаҫ яҙмышы, сәхнә тормошонда иҫ киткес ролдәр тыуҙырыуы менән замандаштары араһында оло танылыу яулаған, шуның менән үҙенә үҙе һәйкәл ҡойған олуғ шәхес — БАССР-ҙың халыҡ артисы Тәлиғә Бикташеваның тыуыуына 100 йыл тулып үтте.
Тәлиғә Миңлевәли ҡыҙы 1911 йылдың 28 июлендә Өфө губернаһының Өфө өйәҙе Арыҫлан ауылында (хәҙерге Шишмә районы) тыуған. 1932 йылда сәнғәт техникумын тамамлай. 1930 йылдан ғүмеренең аҙағына тиклем М. Ғафури исемендәге Башҡорт дәүләт академия драма театрында уйнай.
Ком: 0 // Уҡынылар: 1173 тапҡыр // Тотош уҡырға
Артҡа 1 ... 4 5 6 7 8 9 10 11 12 ... 32 Алға
Бит башына