Быйылдан башлап "Ауыл табибы" проекты тормошҡа ашырыласағы тураһында хәбәр иткәйнек инде. Был сара республикабыҙҙағы медицина учреждениеларын тамамлаусылар араһында ҙур ҡыҙыҡһыныу тыуҙырҙы. "Башинформ" агентлығында ойошторолған матбуғат конференцияһында һаулыҡ һаҡлау министры Георгий Шебаев әйтеүенсә, 400-гә яҡын йәш белгес проектта ҡатнашырға теләк белдергән дә инде.
Башҡортостан "Ауыл табибы" проекты буйынса 550 миллион һум аҡса аласаҡ. Һөҙөмтәлә ике йыл эсендә барлығы 553 табип ауыл дауаханаларына һәм поликлиникаларына эшкә китә ала. Теләк белдергән йәш белгескә матди ярҙам сифатында федераль ҡаҙнанан 1 миллион һум аҡса биреләсәк. Шуға өҫтәп, республика бюджетынан да 100 мең һум бүленәсәк. Министр фекеренсә, был медицина университетын тамамлаусылар өсөн ҙур ярҙам буласаҡ.
Ком: 0 // Уҡынылар: 1096 тапҡыр // Тотош уҡырға
Апрелдә Санкт-Петербургтың тарихи үҙәге – Саперҙар тыҡрығында “Башҡортостан” сауҙа үҙәге асыласаҡ. Үҙәктең дөйөм майҙаны — 165 квадрат метр.
Бында Башҡортостан етештереүселәренең тауарҙары, төбәк шифаханаларына юлламалар һатыласаҡ. Шулай уҡ эшлекле даирәләргә осрашыу ойоштороу өсөн офис та ҡаралған. Санкт-Петербургта “Башҡортостан” сауҙа үҙәге асыу мәсьәләһе күптән күтәрелгән. Ул республика менән төньяҡ баш ҡала араһындағы дуҫлыҡ күперен нығытыуға булышлыҡ итер, эшҡыуарҙарға яңы мөмкинлектәр асыр, тип өмөтләнә “Башҡортостан” сауҙа үҙәгенең коммерция директоры Айрат Ғәниев.
Ком: 0 // Уҡынылар: 1265 тапҡыр // Тотош уҡырға
“Мин өҫтәмә түләү шарты менән фатирымды ҙурыраҡ майҙанлыға алмаштырҙым. Бындай осраҡта һалым ниндәй күләмдә тотоп ҡалына?”

— Рәсәйҙең Һалым кодексының 220-се статьяһына ярашлы, яңы төҙөлөшкә киткән йә һатып алынған йортҡа, фатирға, бүлмәгә тотонолған сығымдарҙың күләменә ҡарап, һалым түләүсегә мөлкәт һалымының күпмелер өлөшө кире ҡайтарыла. РФ Финанс министрлығының (2011 йылдың 19 авгусы) хатында аңлатылғанса, бындай хоҡуҡҡа эйә булыу өсөн һатып алыу хаҡында килешеү һәм милеккә хоҡуҡты раҫлаусы документтың булыуы – төп шарт.
Мәҫәлән, һеҙҙең фатир 200 мең һум тора, ти. Алмашыу килешеүенә ярашлы, һеҙ 500 мең һумлыҡ фатир алғанһығыҙ, йәғни, 300 мең һум айырманы түләгәнһегеҙ. Тап ошо сумманан һалым тотоп ҡалынырға тейеш, йәки килем һалымын кәметәләр, йәки документтар әҙерләнгәс, бюджеттан 39 мең һум (300 мең х 13 %) түләйәсәктәр.
Ком: 0 // Уҡынылар: 1134 тапҡыр // Тотош уҡырға
Күптән түгел мәғлүмәт агентлығы яңылыҡтарында бер хәбәр күреп ҡалдым: “Башҡортостанда ғинуарҙың тәүге көндәрендә тулайым һауым 33 299 тонна тәшкил иткән”. Был яңылыҡты әҙерләгән хәбәрсе һауымдың нисек үлсәнгәнен беләме-юҡмы — уныһы ҡараңғы. Һәр хәлдә, ул был һандарҙы һауанан алмағандыр. Әммә был хәбәр яуаптан күберәк һорауҙар ғына тыуҙыра.
Билдәле булыуынса, “тулайым һауым” тигән төшөнсә ниндәйҙер арауыҡта һауылған тотош һөт күләмен аңлата — ай эсендә, йыл эсендә, мәҫәлән. Ә ғинуарҙың тәүге көндәрендә тигәндең башы ла, аҙағы ла юҡ. Ярай, тәүге ун көнө тип алайыҡ. Тик дөрөҫлөккә тап киләме был һан? Ҡыҙыҡ өсөн уны кеше башына бүлеп ҡарайыҡ. Тимәк, ғинуарҙың тәүге ун көнөндә беҙ, Башҡортостанда йәшәүсе һәр кеше — имсәк баланан алып йөҙйәшәр ҡартты ла ҡушып, һигеҙәр литр һөт эсеп бөткәнбеҙ булып сыға! Ә бит беҙҙә ҡышын ғына түгел, йәйен дә күпселек һөт ризыҡтарының ситтән килтерелеүен иҫәпкә алырға кәрәк. Яртылаш уҡ булһа ла, тағы ла һигеҙәр литр өҫтәргә кәрәк түгелме? Ун көн эсендә кеше 16 литр һөт эсеп бөтә аламы?
Ком: 0 // Уҡынылар: 1076 тапҡыр // Тотош уҡырға
Тормош байрам түгел шул, ғүмер баҫҡыстарында төрлө һикәлтә-ҡаршылыҡтар осрап ҡына тора. Хоҙай тарафынан бүләк ителгән һанаулы ғына ғүмер йылдарың матур, мәғәнәле, һөйөп-һөйөлөп, ҡәҙер-хөрмәттә генә үтһен ине лә бит. Тик... бөтәһе лә һин теләгәнсә генә булмай икән. Тәҡдиреңә ни яҙылған, шуны күрәһең. Әммә арабыҙҙа төрлө ҡаршылыҡтарҙы сабырлығы, күңел байлығы менән еңгәндәр ҙә бар.
Бер көн шулай апайым менән күрше Зәки олатайҙарға хәлдәрен белергә индек. Фәрзәнә инәй, әүәлгесә, өйҙөң түр башында бәйләм бәйләп ултыра. Уның йөҙөндәге моңһоулыҡ әкрен генә янған май шәм яҡтыһында ла сағылған төҫлө тойолдо. Өйҙә башҡа бер кем дә юҡ. Хәлен белешеп, тәмле итеп сәй эсеп алғас, сабыр йөрәкле әсә беҙгә үҙенең ауыр һәм ҡайғылы яҙмышы тураһында һөйләне.
Ком: 0 // Уҡынылар: 997 тапҡыр // Тотош уҡырға
Рәлис Ураҙғоловтың “Аслыҡ” романы тураһында бер кәлимә һүҙ
Илебеҙ һәм милләтебеҙ тарихында сағыу һәм фажиғәле ваҡиға булып уйылып ҡалған 1921 йылғы аслыҡ тураһында Рәлис Ураҙғоловтың романы минең күҙ алдында тыуҙы. Бынан егерме йылдар элек, уның менән Һамар өлкәһенә, Ырғыҙ һәм Кәрәлек буйындағы башҡорт ауылдарына барғанда, өлкән йәштәге кешеләрҙән, ул ваҡытта әле иҫән шаһиттарҙан, аслыҡ йылдары тураһында төпсөп һорашып, шул турала ҙур әҫәр яҙасағы тураһында өндәшкәйне.
Хәсән ауылында булып, романдағы Моратша байҙың прообразы, билдәле яҙыусы Һәҙиә Дәүләтшинаны тәрбиәләп үҫтергән һәм уның “Ырғыҙ” романында ла Ниязғол байҙың прообразы булған Янғол байҙың өйө урынында баҫып торғаныбыҙ хәтерҙә. Унан һуң ул архивтарҙа соҡсондо, гәзит-журналдарҙа аслыҡ һәм уға килтереүсе сәбәптәр тураһында мәҡәләләр серияһы ойошторҙо.
Ком: 0 // Уҡынылар: 1354 тапҡыр // Тотош уҡырға
Башҡорттар тылсымлы ҡурайы аша ҡайғыһын да, шатлығын да еткергән, һағышын да таратҡан. Ҡурай моңонда халҡыбыҙҙың сал тарихы, ата-бабаларыбыҙҙың ҡарһүҙе, хис-тойғолары сағылыш тапҡан. Был мөғжизәле моң сығанағы, үҙенә генә хас сифаттарын юғалтмайынса, бөгөнгө көнгәсә һаҡланған.
Бөгөн Башҡорт дәүләт филармонияһында “Әйҙә, уйна, ҡурайсы!” исемле ҙур тамаша уҙа. Был күркәм сарала билдәле ҡурайсыларҙан алып йәштәргә тиклем ҡатнаша. Республикабыҙҙың билдәле ҡурайсыларын йыйған концерттың маҡсаты ниҙә? Ошо хаҡта режиссер Сәйҙә Ильясова һөйләй:
Ком: 0 // Уҡынылар: 1568 тапҡыр // Тотош уҡырға
Башҡортостан Хөкүмәте, Мәғариф һәм Мәҙәниәт министрлыҡтары республикабыҙҙан ситтә йәшәүсе милләттәштәребеҙҙе ярҙамынан ташламай: урындағы етәкселек менән төрлө кимәлдә килешеүҙәр төҙөй, дәреслектәр бүленә, беҙҙең концерт бригадалары гастролдәргә сыға.
Мәғлүм, ҡан-ҡәрҙәштәребеҙ үҙ асылына ҡайтырға тырыша, сөнки тамырҙарын һуғарыусы инештәренә һыуһаған. Был йәһәттән беҙҙән — ябай башҡортостандарҙан, зыялыларыбыҙҙан, яҙыусы, ғалимдарыбыҙҙан – ярҙам кәрәк. Бигерәк тә яңы күҙлектән яҙылған тарихи, әҙәби китаптар, шулай уҡ башҡортса аудио- һәм видеокассеталар, дисктар етешмәй.
Ком: 0 // Уҡынылар: 966 тапҡыр // Тотош уҡырға
Муамар Каддафиға тоғро ҡалған ҡораллы ғәскәр Ливияның Бани-Вәлид ҡалаһын баҫып алған.
Ҡаланың именлеген һаҡлаусы полиция хеҙмәткәрҙәре лагерын ҡамап, баш күтәреүселәр һөжүм башлаған. Бер нисә сәғәт барған алыштан һуң 100 мең кеше йәшәгән Бани-Вәлид баш күтәреүселәр ҡулына күскән.
Ком: 0 // Уҡынылар: 893 тапҡыр // Тотош уҡырға
Нефтакама ҡалаһының Кәсәү биҫтәһендәге шәхси йорттарҙың береһендә янғын сығыу һөҙөмтәһендә ир менән ҡатын, уларҙың дүрт йәшлек улы һәләк булған.
Ғаиләлә өлкән ҡыҙ – ун бер йәшлек Виктория ғына иҫән ҡалған. Был кисте ул туғандарына ҡунаҡҡа киткән. Төнгө сәғәт өстә сыҡҡан янғын тураһында һуң ғына хәбәр иткәндәр. Янғын һүндереүселәр килеп еткәндә, йортҡа яҡын барырлыҡ та булмай. Күршеләре һөйләүенсә, ғаилә өлгөлө, татыу йәшәгән. Янғын электр селтәренең төҙөк булмауынан сыҡҡан, тип фаразлай белгестәр.
Ком: 0 // Уҡынылар: 906 тапҡыр // Тотош уҡырға
Баш ҡалала Башҡортостан Эске эштәр министрлығының иҡтисади енәйәттәргә ҡаршы көрәш идаралығы хеҙмәткәрҙәре контрафактлы аудио- һәм видеопродукция һаҡланған ҙур сауҙа келәтен тапҡан.
Күмәртәләп һатыусы сауҙа бинаһы Октябрь проспектында урынлашҡан. 10 меңдән ашыу дискты эксперт-криминалистарға тикшереү өсөн тапшырғандар. Әгәр ҙә уларҙа контрафакт билдәләре табылһа, келәт хужаһы оҙайлы ваҡытҡа иркенән мәхрүм ителәсәк.
Ком: 0 // Уҡынылар: 988 тапҡыр // Тотош уҡырға
Баймаҡ районында Бөйөк Ватан һуғышы яугирҙәренең тол ҡатындары ярҙамһыҙ ҡалмай.
Баймаҡ ҡалаһынан Миңлеямал Иҫәндәүләтова, Зөләйха Сәлихова менән Аҡморон ауылынан Фәрхиямал Рыҫҡужинаға район хакимиәте башлығы Илшат Ситдиҡов торлаҡҡа сертификат тапшырҙы. Әлеге ваҡытта район буйынса 362 кеше йәшәү шарттарын яҡшыртҡан. Ветерандарҙың күбеһе ҡалалағы “Баймаҡ” ПМК-һы төҙөгән күп ҡатлы яңы йортҡа күскән. Әле сертификат алыусылар ҙа фатирҙы тап ошонан һайламаҡсы.
Ком: 0 // Уҡынылар: 879 тапҡыр // Тотош уҡырға
Баш ҡалала юл хәрәкәте ҡағиҙәләрен боҙоу осраҡтарын теркәүсе автоматлаштырылған үҙәк эшләй башлаған. Бында ҡала юлдарында ҡуйылған видеокамераларҙан килгән мәғлүмәт эшкәртелә. Әлеге комплекстар 2008 йылдан бирле файҙаланыла һәм, статистика мәғлүмәттәре күрһәтеүенсә, был урындарҙа ҡағиҙә боҙоуҙар кәмей.
Тәүлек эсендә бер автоматик теркәү комплексы 150-нән 800-гә тиклем ҡағиҙә боҙоу осрағын асыҡлай. Водителдәр тейешле тиҙлекте, ғәҙәттә, 10-20 километрға арттырыусан. Былтыр юл хәрәкәте ҡағиҙәләрен үтәмәүселәргә йәмғеһе 34 миллион һумлыҡ штраф һалынған.
Ком: 0 // Уҡынылар: 986 тапҡыр // Тотош уҡырға
Республикала киләһе бер нисә йыл эсендә ГЛОНАСС технологияларын файҙаланыуға индереүгә 1,5 миллиард һум аҡса йүнәлтеләсәк. Ошо хаҡта республика Хөкүмәтендә 2012 – 2015 йылдарға маҡсатлы программа раҫланды.
Уға ярашлы, пассажирҙар, йөк ташыу һәм ауыл хужалығы транспортының 80 проценты, шулай уҡ полиция, Ғәҙәттән тыш хәлдәр министрлығы, “ашығыс ярҙам” кеүек хеҙмәттәрҙең махсус транспорты ГЛОНАСС системаһы менән йыһазландырыласаҡ.
Ком: 0 // Уҡынылар: 1086 тапҡыр // Тотош уҡырға
Торлаҡ-коммуналь хужалыҡҡа ҡарата ҡәнәғәтһеҙлек иң көнүҙәк мәсьәләләрҙең береһе булыуҙан туҡтамай.
Туҡтамаясаҡ та, әгәр хәл тамырынан үҙгәртелмәһә һәм был эштә республика етәкселеге ҡатнашмаһа. Әлбиттә, власть әһелдәре ситтән генә күҙәтә тип әйтергә теләмәйем, хәлде ыңғай яҡҡа үҙгәртеү өсөн күп көс һалына, тик торлаҡ-коммуналь хужалыҡты реформалауҙы күҙәтеүсе эш төркөмө ултырышында сығыш яһаған республика Хөкүмәте Премьер-министры урынбаҫары, торлаҡ-коммуналь хужалыҡ министры Сергей Афониндың билдәләүенсә, комплекслы саралар күрмәйенсә тороп, эштең яҡшырыуына өмөт аҙ.
Ком: 0 // Уҡынылар: 726 тапҡыр // Тотош уҡырға
Артҡа 1 ... 5 6 7 8 9 10 11 12 13 ... 32 Алға
Бит башына