Виниса Фәттәхова һүҙҙәре Илгиз Закиров көйө

Күбәләкләп яуған ап-аҡ ҡарҙар
Килеп ҡуна битем остарына.
Күҙҙәремдә — ай һәм йондоҙ нуры,
Бөтөрөләм хистәр ҡосағында.

– Ғәйепләнеүсе, һеҙ табылдыҡтың аҡса янсығы икәнлеген ҡасан белдегеҙ һуң?
– 31 декабрь көнө.
– Ниңә табыу менән үк полицияға хәбәр итмәнегеҙ?
– Яңы йылда полицияла кем булһын инде?
– Ә иртәгәһенә?
– Ә икенсе көндө янсыҡта бер тин дә ҡалмағайны...

Байрамдар етеү менән яҡындарыбыҙға бүләк эҙләп магазиндарҙы ҡыҙыра башлайбыҙ. Бүләк биреү рәхәт, ә уны алыу тағы ла күңеллерәк. Шуға ла эҙләгәндә һәр кемдең зауығын белеү зарур. Әммә Аждаһа йылында ҡайһы бер бүләктәрҙән баш тартыу яҡшыраҡ икән.
Ут менән бәйле бүләктәр
Астрологтар Аждаһа йылында ут яндырыусы йә уның һүрәте төшөрөлгән әйберҙәр, сувенирҙар бүләк итеүҙән тыя. Мәҫәлән, ҡиммәтле ҡабыҙғыстарҙы, шәмдәрҙе шунда уҡ “ҡара исемлек”кә индереү хуп. Ут – Аждаһаның символы, шуға уның менән шаярмау яҡшыраҡ.
Бысаҡ, башҡа үткер һәм осло әйберҙәр

“Һылыуҡай” салаты

600-700 грамм бешкән тауыҡ ите, 5-6 бешкән йомортҡа, 2-3 баш һуған, ике тоҙло ҡыяр, өс тырнаҡ һарымһаҡ, самалап тоҙ, майонез, биҙәү өсөн помидор, петрушка алына.
Сөм тәрилкәнең төбөнә тәүҙә ваҡлап туралған тауыҡ ите, шунан ҡатлам менән ваҡлап туралған йомортҡа, һуған, тоҙло ҡыяр һалына. Ваҡ ҡырғыс аша үткәрелгән һарымһаҡты майонезға бутап, һәр ҡатламға яғырға кәрәк. Салаттың өҫтөн помидорҙан сәскә яһап биҙәйһең, ваҡлап туралған петрушка һибәһең.

Яңы йыл каникулында бер-береңә бүләк бирешеү күптән матур ғәҙәткә әйләнгән. Мысыр пирамидаларында “Яҡшы Яңы йыл теләйем!” тигән яҙыулы вазаларҙың табылыуы был һәйбәт йоланың элек-электән килеүен раҫлай. Римда иң яҡшы бүләк булып емеш-еләк һәм бал һаналған. Монголияла XVIII быуатта Яңы йылдың беренсе көнөндә императорға аҡ төҫтәге туҡыма һәм ҡиммәтле таш бүләк иткәндәр.
Һәр илдең дә үҙенсәлеге бар. Әйтәйек, Англияла Раштыуала ҡунаҡ үҙе менән бер киҫәк күмер ала – йәнәһе, был йортта ут бер ҡасан да һүнмәһен.