“Балаларға хеҙмәт итәм!”Яңы тирткән бөрөгә һут, яҡтылыҡ биргән көләс яҙ, бәләкәс йөрәктәргә наҙ һәм ут һалған тылсым эйәһе, тура юлды күрһәтер маяҡ... Уҡытыусыларҙы ошондай төшөнсәләр менән юҡҡа ғына сағыштырманылар кисәге байрамда. Ысынлап та, “Башҡортостандың йыл уҡытыусыһы” бәйгеһендә йылдан-йыл көслөрәк, маһирыраҡ, эшен мөкиббән яратҡан, яңы быуын өсөн янып-көйөп хеҙмәт иткән һөнәр оҫталары майҙан тота.
Хәтерегеҙгә төшөрөп үтәйек: республиканың иң яҡшы педагогтарын асыҡлау, уларҙы үҫтереү, тәжрибәһен өйрәнеү ниәтендә үткәрелгән “Башҡортостандың йыл уҡытыусыһы” бәйгеһенең төп конкурсында быйыл 59 уҡытыусы һынау тотто. Конкурсанттарҙың араһында өс тиҫтә йылдан ашыу педагогик стажға, ҙур тәжрибәгә эйә уҡытыусылар ҙа, белем биреү өлкәһенә күптән түгел аяҡ баҫҡан һәм киләсәген шунда күргән тырыш, тәүәккәл йәштәр ҙә булды. Бер аҙналыҡ көсөргәнешле ярыш ике турҙа үтте. Яңы педагогик проектты яҡлау, дәрес биреп, уға анализ яһау, уҡыусылар һайлаған темаға класс сәғәте үткәреү буйынса һынауҙы уңышлы атҡарып сыҡҡан бәйгеселәр араһынан иң күп балл йыйған 15 уҡытыусы ғына икенсе турға дәғүә итте.
Ком: 1 // Уҡынылар: 997 тапҡыр // Тотош уҡырға
Һаҡ булығыҙ –  һыу килә!"Яҙ етәме-юҡмы?" – тип, бынан бер нисә көн элек кенә көйөп йөрөһәк тә, тәбиғәт ҡанундарына ҡаршы килеп булмай: һауа температураһы кинәт күтәрелде, ямғырҙар яуҙы һәм былай ҙа әллә ни ҡалын булмаған ҡар ҡатламы тиҙ генә иреп тә бөттө. Был күренештең иң хәүефле яғы шунда: йылғаларҙың кимәле артты, яҙғы ташҡын башланды.
Павловка һыу һаҡлағысында ул секундына 500 кубометрҙан ашыу тиҙлек менән тулһа, был контроль билдәнән артыҡ һәм яҙғы ташҡын рәсми рәүештә башланды тигән һүҙ. Дүшәмбе күрһәткес – 700 кубометрға, кисә 1200-гә еткән. Артыу динамикаһы ике аҙна самаһы һаҡланасаҡ, ти белгестәр.
Ташҡын ваҡытында республиканың иң ҙур һыу һаҡлағысында электр энергияһын генерациялау менән бергә, һыу туплау һәм Ҡариҙел йылғаһы кимәлен көйләү мәсьәләһен дә хәл итәләр. Ике гидроҡоролма эшләгәндә секундына 475 кубометр һыу ағыҙыла.
Ком: 0 // Уҡынылар: 848 тапҡыр // Тотош уҡырға
Хаҡтарҙы “ауыҙлыҡлау” мөмкинХалыҡты иң ныҡ борсоған мәсьәләләрҙең береһе — тауар һәм хеҙмәттәргә хаҡтың үҫеүе. “Газ, электр энергияһы һәм яғыулыҡтың ҡиммәтләнеүен көтәбеҙ, — тине Монополияға ҡаршы федераль хеҙмәттең Башҡортостан буйынса идаралығы етәксеһе Зөлфирә Аҡбашева һәм шунда уҡ республика халҡын тынысландырырға ашыҡты. — Хаҡтар кешене шаңҡытмаһын өсөн күп нәмә эшләнә”.
Билдәле булыуынса, ике йыл рәттән акциздар күтәрелде. Уларҙың артыуы арыу ғына шул — 30 процент самаһы. Шулай ҙа күп кенә тауар һәм хеҙмәттәргә хаҡтар үҙ кимәлендә ҡалды, хатта бер аҙ төштө. Сәбәбе — дәүләт контроленең көслө булыуы.
Бензин һәм башҡа яғыулыҡҡа хаҡ артыу мәсьәләһенә килгәндә, Рәсәйҙә 2007 йылдан алып 2011 йылғаса “ҡара алтын” — 2,2, нефть продукттары 1,4 тапҡырға ҡиммәтләнгән.
Ком: 0 // Уҡынылар: 915 тапҡыр // Тотош уҡырға
Саман стеналарҙа ел уйнай...— Бына ошонда ғына булырға тейеш ине, ошонда ғына-а... Хәҙер, ағайҙар, хәҙер табам...
Табылманы. Иҫтәлекле таш табылманы. Ҡар тәрән булғанға табылманымы, әллә... Әллә, тим, беҙҙең күңел-хәтерҙе “көрт” баҫып киттеме? Белмәҫһең...
Иҫтәлекле таш ҡайҙа?
— Хәҙер табам, хәҙер... Ағайҙар, көтөп тороғоҙ.
Ғайса урынында тапанды, ҡаҙып ҡараны, икенсе ергә күсте, тағы көрәне. Юҡ, табылманы таш. Иҫке саман кирбестәренең ҡалдыҡтары ғына сыҡты... Мин дә бында гөрләп торған ауылды күрермен, кешеләре менән осрашырмын тип, әллә нисәмә йөҙ саҡрымдан килеп, Хәсәнде таба алманым. Тик ҡараштар ҡар аҫтынан һерәйгән өй урындары, саман стеналарға ғына барып бәрелде...
Ком: 0 // Уҡынылар: 1390 тапҡыр // Тотош уҡырға
Баймаҡ 75 йыллығына әҙерләнәБашҡортостан Хөкүмәте 2013 йылда Баймаҡ ҡалаһының 75 йыллығын байрам итеүгә әҙерләнеү һәм уны үткәреү буйынса саралар планын раҫланы.
Ул ҡаланың социаль-иҡтисади үҫешенә һәм халыҡтың йәшәү кимәлен күтәреүгә йүнәлтелә. Шулай уҡ Баймаҡ ҡорос ҡойоу-механика заводының 100 йыллығы ла билдәләнәсәк.
Ойоштороу комитетына республика Хөкүмәте Премьер-министры урынбаҫары — Хөкүмәт Аппараты етәксеһе Илшат Тажетдинов етәкселек итә.
Ком: 0 // Уҡынылар: 716 тапҡыр // Тотош уҡырға
Иҫке Күктау урамдары яңыра, яҡтыраРеспублика Президенты Мөрәжәғәтнамәһендә ауылдарҙы төҙөкләндереүгә ҡағылышлы бурыстар ҙа ҡуйылған. Юлдарҙы яҡшыртыу, урамдарға асфальт түшәү, ҡаты көнкүреш ҡалдыҡтары полигондарын төҙөкләндереү кәрәклеге хаҡында әйтелгән. Был маҡсаттарҙа былтыр республиканың һәр ауыл биләмәһенә тәүге тапҡыр 200 мең һум күләмендә аҡса бүленде. Бындай финанс ярҙамы быйыл да буласаҡ.
Ҡаҙна аҡсаһын ниндәй маҡсаттарҙа ҡулландығыҙ, тип Иҫке Күктау ауыл биләмәһе хакимиәте башлығы Наил Хөрмәтуллинға мөрәжәғәт иттек.
— Беҙҙең ауыл Советына Красный Октябрь, Ибраһим, Иҫке Күктау ауылдары инә. Биләмәлә 414 хужалыҡ иҫәпләнеп, уларҙа 1043 кеше йәшәй. Ҡаҙнанан бүленгән аҡса ауылдарҙы төҙөкләндерергә мөмкинлек бирә.
Ком: 0 // Уҡынылар: 790 тапҡыр // Тотош уҡырға
Сарсауыңды ҡандырыр, сирҙәрҙән арындырыр2002 йылдың йәйендә Рәсәйҙә генә түгел, Европа илдәрендә лә танылыу яулаған Өфө районының “Алексеевка” совхозына бер төркөм немец аграрийҙары килде. Беҙҙе, республика матбуғаты журналистарын, Өфө районы хакимиәтенә йыйҙылар һәм, тейешле күрһәтмә биреп, ҡунаҡтарҙы оҙатып йөрөргә ҡуштылар, нисегерәк яҙырға кәңәш бирҙеләр.
Был сәфәрҙә иң ҡыҙығы шул булды: төшкө ашҡа совхоздың ашханаһына алып килделәр ҙә ҡунаҡ залына саҡырҙылар. “Бына был ултырғыста Горбачев үҙе ултырып ашаны”, — тип маҡтанып та алды совхоз директоры Майстренко. Өҫтәл төрлө ризыҡҡа, эсемлеккә бай. Ситтәрәк ап-аҡ алъяпҡыс менән ҡапланған ағас мискәлә ҡымыҙ ҡуйылған, эргәһендә — ағас кәсәләр.
“О-о! Кумыс, башкирский кумыс!” — тип немец ҡунаҡтар мискә эргәһенә йыйылды һәм рәхәтләнеп һалҡын ҡымыҙ һемерҙе.
Ком: 0 // Уҡынылар: 2229 тапҡыр // Тотош уҡырға
Алтын ҡуллы ҒәлиШулай тип йөрөтәләр Ғәли Әхмәтшинды Ҡаранйылға ауылында. Ҡулынан килмәгән эше юҡ уның: санаһын да, даданын да эшләй, дуғаһын да бөгә. Йәнә бер яратҡан шөғөлө бар оҫтаның: ағастан бынамын тигән матур ултырғыстар үреү.
Уларҙы нисегерәк яһауы тураһында һорағас, Ғәли ағай былай тип һөйләне:
— Ултырғысты, ғәҙәттә, муйыл һәм йыла ағасынан бөгөп эшләйҙәр. Шулай уҡ уларҙың төҙөн, ботаҡһыҙын һайлау хәйерле. Оҙонлоғо метр ярымлыҡ ағас ботаҡтарын ҡырҡып алып ҡайтҡас, тәүҙә ҡабығын әрсергә кәрәк. Әҙерәк киптергәндән һуң уларҙы бөгә башлайһың. Сыбыҡтар формаға килтерелгәс, бер-береһенә беркетәһең. Бер ултырғысҡа 150 грамм самаһы 30-лы йәки 40-лы ҡаҙау ҡулланыла. Ултыра торған урынын йоҡа ғына йыла ағасы менән ҡаплайһың. Артабан әҙер ултырғысты төҫһөҙ лак менән буярға ғына ҡала.
Ком: 0 // Уҡынылар: 791 тапҡыр // Тотош уҡырға
Өфөлә — фестивальДирижер, педагог, Башҡортостандың халыҡ артисы, Рәсәйҙең һәм Башҡортостандың атҡаҙанған сәнғәт эшмәкәре Таһир Сәйфуллин башҡорт мәҙәниәте үҫешенә тос өлөш индергән.
Ул Волгоград өлкәһенең Фролово ауылында тыуған, әммә ғүмеренең байтаҡ ваҡытын республикабыҙҙа үткәрә.
Таһир Сәйфуллин 1969 йылда хор капеллаһын ойоштороу маҡсатында Өфөгә саҡырыла.
Башҡорт хор капеллаһының тәүге концерты 1970 йылдың 12 апрелендә үтә. Шуға ла был дата коллективтың тыуған көнө булып һанала. Концерт программаһына Г. Свиридовтың “Патетическая оратория”, Б. Кравченконың “Оды революции” әҫәрҙәренә, шулай уҡ башҡорт халыҡ йырҙарына эшкәртеүҙәр индерелгән.
Ком: 0 // Уҡынылар: 971 тапҡыр // Тотош уҡырға
Иң яҡшы сығарылыш студенты булыу еңелме?З. Биишева исемендәге Стәрлетамаҡ дәүләт педагогия академияһында “Иң яҡшы сығарылыш студенты” конкурсына йомғаҡ яһалды.
Ойоштороусылар әйтеүенсә, ярыш сығарылыш курс студенттарына эш табыуҙа тәүге аҙым булып тора. Сөнки конкурс шарттарына ярашлы, бәйгеселәр жюри ағзалары иғтибарына портфолио тәҡдим итергә тейеш. Бынан тыш, улар төрлө райондарҙан килгән мәғариф бүлектәре, мәктәп, ойошма вәкилдәре менән таныша, аралаша. Коллективта эшләй белеү һәләтеңде, үҙеңдең мөмкинлектәреңде күрһәтеү йәһәтенән дә конкурс йәш белгестәр өсөн ҡиммәтле.
Финалға 11 студент сыҡты. Тәүге турҙа улар үҙҙәре хаҡында, буласаҡ һөнәре тураһында бәйән итһә, ярыштың икенсе өлөшөндә конкурсанттар тормошта килеп тыуған төрлө хәл-ваҡиғанан сығыу юлдарын күрһәтте. Филология факультетының журналистика бүлеге студенты Наталья Мелконова конкурста еңеп сыҡты.
Ком: 0 // Уҡынылар: 1125 тапҡыр // Тотош уҡырға
Артҡа 1 2 3 Алға
Бит башына