"Уңыш"та эштәр уңышлыГүзәл апай бөгөн фермаға ғәҙәттәгенән иртә йыйынды. Алмаҡайы ла һуңғы арала ауырыңҡырап тора, ветеринар врачҡа күрһәтергә ине. Ҡояшҡайының да елене еткән, кисә быҙаулаған Иркәһенә лә, Аҡсарлағына ла яҡшы тәрбиә кәрәк булыр. Әйтеүе генә анһат: бына 30 йылдан ашыу ферма эше, һыйыр-быҙауҙар тип көн дә эшкә ашыға ул.
– Һауынсы эшенең һис ауырлығын тоймайым, иртә менән һыйырҙар янына барыу миңә кинәнес кенә бирә, – ти "Уңыш" яуаплылығы сикләнгән йәмғиәтенең Усман һөтсөлөк фермаһы һауынсыһы Гүзәл Ғәлимова. – Мәктәпте тамамлағас та эшкә килгәйнем. Тәүҙә еңелдән булманы, әммә оло апайҙар миңә һәр саҡ таяныс булды. Эште, ниндәй булыуына ҡарамаҫтан, яратырға кәрәк, шул саҡта ғына хеҙмәтеңдән йәм табасаҡһың.
2001 йылда "Әсәлек даны" миҙалына лайыҡ булған Гүзәл Ғәлимова ошо уҡ хужалыҡта эшләгән ире менән биш ҡыҙ һәм ике малай тәрбиәләп үҫтергән. Яңыраҡ өлкән ҡыҙын кейәүгә биреп, матур туй яһағандар.
Ком: 0 // Уҡынылар: 1011 тапҡыр // Тотош уҡырға
Йыһан батырҙары — ӨфөләБынан 51 йыл элек Юрий Гагариндың кешелек донъяһында беренсе булып Йыһанға осоуы миллионлаған совет кешеһен ҡанатландырҙы. Ул саҡта һәр бала космонавт булырға хыялланғандыр, моғайын.
– Мин дә бәләкәй саҡта олатайым менән күк йөҙөн күҙәтергә ярата инем, Ер юлдашын, йондоҙҙарҙы эҙләнек. Үҫә төшкәс, Йыһан тураһындағы әҙәбиәтте йотлоғоп уҡыным. Әммә, йөрәкһенһәм дә, космонавт булырымды белмәнем, техник белем алырға теләнем, – тине Советтар Союзы Геройы, осоусы-космонавт, 60 йәшенә яҡынлашҡан Александр Баландин 12 апрелдә бер төркөм журналистар, мәктәп уҡыусылары менән Конгресс-холда уҙған осрашыуҙа.
Бауман исемендәге Мәскәү физика-техник институтын һайлап яңылышмай ул. Диплом алғас, йәш белгес йүнәлтмә буйынса Королевтың конструкторҙар бюроһына эләгә. Ике йылдан уны космонавтар отрядына тәҡдим итәләр. Тиҫтәләгән кандидат араһынан етәүҙе һайлап алалар. "Данлыҡлы етәү" тип йөрөтәләр уларҙы, сөнки барыһына ла Йыһанға осоу бәхете тейә.
Ком: 1 // Уҡынылар: 1008 тапҡыр // Тотош уҡырға
Ҡорһаҡ холҡон күрһәтте...— Эй, шул тиклем ҡурҡытты быйылғы ташҡын! Кем уйлаған тыйнаҡ ҡына селтерләп аҡҡан Ҡорһағыбыҙ ярҙарынан сығыр ҙа диңгеҙҙәй йәйелеп, ажғыр холҡон күрһәтер тип... Күперебеҙҙе ағыҙып алып китмәһә ярар ине, тип бик борсолдоҡ. Бер ни тиклем зыян күрһә лә, емерелмәне, шөкөр. Һыу эсендәге “утрау”ҙа ҡалған ағайымдарҙың ғаиләһе өсөн ныҡ ҡайғырҙыҡ, — тип кисерештәре менән уртаҡлашты эштән йүгерә-атлай ҡайтып барыусы Фәйрүзә Вәлиева.
Бәлә ҡыңғырау тағып килмәй. Яҙҙың бындай ғәҙәттән тыш “сюрприз”ын сураҡайҙар ҙа, иҙристәр ҙә һис көтмәгәйне шул. Быйылғы ҡыштың ҡары ла ҡалын булмағас, инеш кеүек кенә Ҡорһаҡтың бар кешене хәүефкә һалып, көслө ташҡын булып, йорт-ҡураларҙы, баҡсаларҙы, мөгәрәптәрҙе баҫырына кем ышанһын?
— 11 апрелдә көтмәгәндә ауылдарға һыу килде. Сураҡайҙы төн уртаһында, Иҙристе иртәнге сәғәт алты тирәһендә баҫты. Ыҫлаҡ һыуһаҡлағысындағы һыу кимәлен сәғәт һайын тикшереп торҙоҡ.
Ком: 0 // Уҡынылар: 923 тапҡыр // Тотош уҡырға
Марс Юлдашев: “Ҡартлыҡ тураһында уйланырға ваҡыт юҡ”Хирург хеҙмәтен донъялағы башҡа бихисап һөнәрҙең береһе менән дә сағыштырып булмай. Нервы, аҡыл, физик көсөргәнеш талап иткән профессияны иң көслө, үҙ-үҙенә ышанған һәм эшенә ижади ҡараған шәхестәр генә үҙ итә торғандыр. Һәр хәлдә тормош тәжрибәһе шуны раҫлай.
Хирург һәр саҡ йәшәү менән үлемдең йөҙгә-йөҙ осрашҡан, еңешкән сигендә. Әгәр ҙә маһирлығың, белемең һәм энергияңды эшкә егеп, Аллаға табынғандай, ҙур өмөт, ышаныс бағлаған ауырыуҙы үлем тырнағынан ҡотҡарып ҡалаһың икән, бөгөн һинән дә бәхетлерәк, яҡшы кәйефле кеше юҡ... Хирург хеҙмәте, нисек кенә ауыр, ҡатмарлы булмаһын, ул ысын мәғәнәһендә ижади, илһамлы эш, сөнки бер-береһенә һыу тамсыһындай оҡшаған сир ҙә, бер-береһен ҡабатлаған операция ла юҡ, тип иҫәпләй профессор Марс Юлдашев.
Ком: 0 // Уҡынылар: 1000 тапҡыр // Тотош уҡырға
“Яратам мин илемде, матур башҡорт телемде!”“Миләшкәй” балалар баҡсаһы менән танышырға ингәс үк:
“...Яратам мин илемде,
Матур башҡорт телемде”, —
тигән йырҙы ишетеп, шунда уҡ тамаша залына йүнәлдек.
Сағыу милли кейемдәге бәләкәстәр ҡайһылай оҫта! Ансамблдә шөғөлләнгән “йондоҙсоҡ”тармы ни?!
“Миләшкәй”ҙәр йыр-бейеү менән генә хушһынмай, башҡорт халҡының музыка ҡоралдарын өйрәнә, боронғо тормош-көнкүрешенә күҙ һала. Милли бүлмәлә тирмә ҡоролған. Малайҙарҙы айырыуса һөйәүле торған ҡурай ҡыҙыҡһындыра. Бер аҙ ғына ҙураябыҙ ҙа уйнарға өйрәнәбеҙ, ти улар.
Тирмә эргәһендә шәжәрә ағасы үҫә. Бейек, “емеш”кә бай ул.
Ком: 0 // Уҡынылар: 2083 тапҡыр // Тотош уҡырға
Гәзит тәртипкә өйрәтә“Әсәм теле миңә — сәсән теле, —
Унан башҡа минең халҡым юҡ”, — тип яҙған бөйөк шағирыбыҙ Рәми Ғарипов. Ул телебеҙҙең һағында торған.
Минең дә телебеҙҙе, кешеләрҙе һаҡлағым килә. Берәү ҙә ауырымаһын, ҡайғырмаһын ине. “Бының өсөн бер-береңде ихтирам итергә, дуҫ булырға кәрәк”, — ти әсәйем менән атайым. Өйөбөҙгә килгән “Башҡортостан” гәзите лә татыулыҡҡа, әҙәплелеккә өйрәтә. Уны атайым, әсәйем, һеңлем — барыбыҙ ҙа көтөп алабыҙ, яратып уҡыйбыҙ. Тиңдәштәрем ижад иткән шиғырҙарҙы, хикәйәләрҙе ҡарап барам. Уларға бейеүсе, төҙөүсе, архитектор һәм башҡа һөнәрҙәр оҡшай икән. Ә минең полиция хеҙмәткәре булғым килә. Ул — көслө, ғәҙел, ярҙамсыл. Тәртип ярата. Кешеләрҙе көнө-төнө һаҡлай. Мин дә шундай булырмын. Берәүҙе лә рәнйеттермәм.
Ком: 0 // Уҡынылар: 1480 тапҡыр // Тотош уҡырға
Урмандың күҙ нурыОҙон моңһоу ҡыштан һуң һағынып көткән яҙ етте. Яландар асылды. Ер өҫтөнә ҡат-ҡат ябылған ҡар юрғандары көндән-көн әкрен генә ирене. Яҙҙың килгәнен ҡоштар ҙа иҫкәртеп торҙо. Урман, ҡояшҡа иркәләнеп, йоҡоһонан уянды.
Ер аҫтында йәшәгән умырзая сәскәһе һығыла-бөгөлә килеп сыҡты. Иркен тын алып, япраҡтарын асты, һынын турайтты. Был көндө ҡыш буйына көттө бит ул. Алтындай янған ҡояшты, мамыҡтай йөҙөп йөрөгән болоттарҙы, зәп-зәңгәр күкте күрергә хыяллана ине.
Умырзая көндән-көн үҫеп, ап-аҡ нәфис сәскәгә әйләнде. Уға һоҡланыуҙан янында йөрөгән Ҡуңыҙҙың илағыһы килде хатта.
— Их, һин шул тиклем гүзәл, йомшаҡ, һиңә ҡыйып ҡарауы ла уңайһыҙ, — тип сәскәнең янында безелдәп йөрөнө.
Беренсе тапҡыр күк күкрәне. “Тәүге ямғыр! Ура!” — барлыҡ урман шатлыҡтан ҡысҡырғандай булды. Ер һыуһағайны бит. Уңыш вәғәҙә иткән байрам — ләйсән ямғыры! Оҙаҡ та тормай, ҡояш күренде, донъя хушланып, балҡып китте.
Ком: 0 // Уҡынылар: 1193 тапҡыр // Тотош уҡырға
“Тамыр” менән бергә үҫәбеҙ!Ҡәҙерле бәләкәстәр! Белеүегеҙсә, һеҙ яратҡан “Тамыр”ға 20 йыл тулды. Ҙур үҫте, эйе бит?
Ана, тәүге “Сәңгелдәк”тең хужалары нисек ҙурайған! “Тамыры — “Тамыр”ҙа” тигән тапшырыуҙы ҡарап, аптырағанһығыҙҙыр ҙа, ҡыуанғанһығыҙҙыр ҙа. Зөлхизә, Лиана, Шәүрә — хәҙер инде буй еткергән апайҙар. Ә Айгөл менән Флүзә әсәй ҙә икән. Малайҙар ҙа егет булған. Ильяс армияла хеҙмәт итә, ти. Тотош бер тарих!
Кемдәр генә тәбрикләмәй “Тамыр”ҙы тыуған көнө менән — “Карусель”, “Детский”, “Балапан”, төрлө төбәк каналдары, Рәсәйҙең билдәле сәнғәт, телевидение эшмәкәрҙәре. Был ҡотлауҙарҙы БЮТ, “Тамыр” каналдарында күрерһегеҙ.
17-18 апрелдә иһә Өфөнөң Конгресс-холл бинаһында ҙур байрам буласаҡ. Яратҡан телеканалыбыҙ тыуған көнөнә күп итеп ҡунаҡ саҡырған.
Ком: 0 // Уҡынылар: 1129 тапҡыр // Тотош уҡырға
Ҡотлайбыҙ!Ғафури районының Сәйетбаба ауылында йәшәүсе яратҡан уҡытыусыбыҙ Ғәлиә Хисаметдин ҡыҙы Лоҡманова оло байрамын – 55 йәшлек юбилейын билдәләй.
Ғәлиә Хисаметдин ҡыҙы Ҡаранйылға башланғыс мәктәбендә балаларға белем бирә. Инәйебеҙ кеүек ғәжәп ихлас, изге кеше ул уҡытыусыбыҙ. Дәрестәрҙе матур итеп аңлата, беҙгә белемдең кәрәклеген төшөндөрә. Шуға ла беҙ мәктәпкә ашҡынып киләбеҙ, яҡшы уҡырға тырышабыҙ.
Оло йөрәкле, талапсан уҡытыусыбыҙға иң изге теләктәребеҙҙе еткерәбеҙ. Киләсәктә һеҙгә ҡояш нурҙарындай аяҙ көндәр, яҡты иртәләр, иҫәнлек-һаулыҡ, оҙон ғүмер теләйбеҙ. Беҙ һеҙҙе бик яратабыҙ, ихтирам итәбеҙ.
Ком: 0 // Уҡынылар: 845 тапҡыр // Тотош уҡырға
Йәйге ял яҡынлашыу менән күпселек ата-әсәнең мәшәҡәте арта — һәр кем үҙ балаһының ҡала урамдарында түгел, ә тәбиғәт ҡосағында ял итеүен, һыу ҡойоноуын, шифаханала сәләмәтлеген нығытыуын теләй. Ғөмүмән, йәйге каникулды мөмкин тиклем файҙалы итеп уҙғарырға тырышалар.
Быйыл да ата-әсәгә был йәһәттән артыҡ борсолорға урын юҡ һымаҡ. Һәр хәлдә, республика Хөкүмәте йортонда Балаларҙың, үҫмерҙәрҙең, йәштәрҙең ялын һәм мәшғүллеген тәьмин итеү, һаулығын нығытыу буйынса ведомство-ара республика комиссияһы ултырышында яңғыраған мәғлүмәттәр шуны раҫлай.
Быйыл республикала 298,4 мең үҫмерҙе ял иттереү һәм һауыҡтырыу күҙҙә тотола. Был — мәктәп йәшендәгеләрҙең дөйөм һанының 74 проценты.
Ком: 0 // Уҡынылар: 859 тапҡыр // Тотош уҡырға
Артҡа 1 2 3 Алға
Бит башына