Икмәк валсығы алтын киҫәгенә бәрәбәр— Хужа булыу өсөн ерҙе лә, ошо ҡара, ауыр эште лә яратырға кәрәк. Беҙҙең район далалы зонала урынлашҡан, шуға күрә дым етешмәй. Ә агрономдың көсө шарттарҙы дөрөҫ баһалай белеүҙән тора. Сәсеүҙе үҙ ваҡытында башҡарған игенсе генә ота. — Ер эшкәртеү, сәсеү, уңыш алыу технологиялары нескәлектәрен яттан белгән райондың баш агрономы Рәфис Зариповтың яҙғы сәсеүгә әҙерлек тураһында талғын ғына телмәренә автомобиль геүләүе лә ҡушыла. Шәкәр заводының машина-трактор станцияһына китеп барыуыбыҙ.
Бөгөн райондағы крәҫтиән-фермер хужалыҡтары ассоциацияһының йыйылышында ла тап ошо көнүҙәк мәсьәлә — яҙғы сәсеүҙе ойоштороу ҡаралғанын, ауыл хужалығы тармағында эшләүселәрҙән тыш, игенселәрҙе субсидиялар менән тәьмин итеүсе банк хеҙмәткәрҙәре лә ҡатнашыуын, ойошманың яңы рәйесе итеп фермер Р. Хәкимовтың һайланғанын да әңгәмә барышында ишетеп белдек.
Ком: 0 // Уҡынылар: 1095 тапҡыр // Тотош уҡырға
Өмәлә эш ырамлыЯҙ донъяға яҡтылыҡ һәм яҡшы кәйеф, йылылыҡ һәм наҙ алып килһә лә, уның тағы бер үҙенсәлеге бар: ҡар ҡатламы әрселеп бөттөмө, ҡышҡы осорҙа тирә-йүндең ни тиклем бысранып өлгөргәнлеге күҙгә ташлана. Ошо йәһәттән яҙғы өмәләр ойоштороу һәм тирә-йүнде күмәкләп тәртипкә килтереү – күптән килгән күркәм йола. Был сарала республика халҡы йыл һайын әүҙем ҡатнаша.
Мәҫәлән, Белорет районында экологик айлыҡ 14 апрелдән 26 майғаса дауам итәсәк, ауылдарҙың урамдарын таҙартыу, йәшелләндереү һәм төҙөкләндереү эштәре башҡарыласаҡ. Белоретҡа – айырым иғтибар. Быйыл металлургтар ҡалаһының 250 йыллыҡ юбилейы билдәләнәсәк, шуға ла әҙерлек эштәре дәррәү бармаҡсы. Ҡала урамдары, парктары, аллеялары, майҙандары предприятие һәм ойошмаларға бүлеп бирелгән, һәр кем үҙ биләмәһендә тәртип урынлаштырырға бурыслы.
Ком: 0 // Уҡынылар: 814 тапҡыр // Тотош уҡырға
Ауыл кооперативын булдырыу — ҡулдан килерлек2011—2015 йылдарҙа Урал аръяғы райондарын социаль-иҡтисади яҡтан үҫтереү программаһына ярашлы, районда республика кимәлендәге күп кенә саралар уҙа. Үткән аҙнала ҡулланыусылар кооперацияһының ауыл хужалығы продукцияһын һатыуҙы үҫтереү һәм ауыл хужалығы ҡулланыусылар кооперативтарын ойоштороу мәсьәләһенә арналған республика семинар-кәңәшмәһе булды. Уны Башҡортостан Хөкүмәте Премьер-министры урынбаҫары, Хөкүмәт Аппараты етәксеһе Илшат Тажетдинов алып барҙы. Сарала шулай уҡ уның урынбаҫары Александр Гагин, республика ҡулланыусылар йәмғиәте советы рәйесе Мансур Абдуллин ҡатнашты.
Кәңәшмәлә ауыл ерлегендә етештерелгән продукцияны һатыуҙы заманға һәм бөгөнгө мөмкинлектәргә ярашлы ойоштороу, ауыл хужалығы продукцияһын, шулай уҡ икенсел сеймалды йыйыу, һатыу, эшкәртеү менән шөғөлләнгән ҡулланыусылар кооперативтарын булдырыу һәм уларға муниципалитеттарҙың ғына түгел, дәүләт ярҙамын да ойоштороу хаҡында һүҙ барҙы.
Ком: 0 // Уҡынылар: 1226 тапҡыр // Тотош уҡырға
Өс Ҡыҙыл Йондоҙло яугирҺалдат ордены һәм миҙалы — ҡан менән яуланған дан билдәһе ул. Башҡорттоң данлы улы — ике тапҡыр Советтар Союзы Геройы Муса Гәрәев 12 орденға лайыҡ була, шуларҙың өсөһө — Ҡыҙыл Йондоҙ ордены. Икенсе бер данлыҡлы яҡташыбыҙ, 16-сы гвардия башҡорт атлы дивизияһының Кусимов полкында эскадрон командиры булған Баймаҡ баһадиры Бәҙретдин Мәмбәтҡолов та өс Ҡыҙыл Йондоҙ ордены менән бүләкләнә. Уға Сибай ҡалаһында таҡтаташ ҡуйылды. Мин белгән өс Ҡыҙыл Йондоҙ ордены кавалерҙарының өсөнсөһө Ейәнсура егете Ғәлиулла Моратов булыр. Шуныһы үкенесле: уның исемен мәңгеләштереү буйынса бер ниндәй ҙә сара күрелгәне юҡ.
Еҙнәм Ғәлиулла Ғәлиарыҫлан улы 1916 йылдың 1 майында йәмле Оло Һүрәмде һыулаған Байдәүләт ауылында донъяға килә. Атаһы Ғәлиарыҫлан менән әсәһе Йомабикә үтә тыныс холоҡло, егәрле зат булып, үҙҙәре белгән күп шөғөлдө балаларына ла өйрәтергә тырыша.
Ком: 0 // Уҡынылар: 1082 тапҡыр // Тотош уҡырға
Күҙәтеүселәрҙең ғәҙел ҡарашыИл күләмендәге ҙур ваҡиға — Рәсәй Президентын һайлаған март айы ла артта ҡалды. Берәүҙәр өсөн ул тауыш биреү көнө менән генә сикләнгәндер, әммә һайлауҙы ойоштороусылар өсөн түгел. Бөгөн Башҡортостанда был йәһәттән планға ярашлы эш башҡарыла.
Үткән һайлауҙа Рәсәйҙә халыҡ-ара күҙәтеүселәр айырыуса күп булды. Хәтерегеҙгә төшөрәйек: Башҡортостанда Рәсәй Президентын һайлау барышында 17 халыҡ-ара күҙәтеүсе (Рәсәй буйынса — 700 самаһы) булды, шуларҙың унауһы — Европала именлек һәм хеҙмәттәшлек ойошмаһынан, алтауһы — БДБ илдәренән, берәүһе — “Берләшкән йәштәр Германияһы” йәмәғәт ойошмаһынан.
Хөкүмәткә ҡарамаған Рәсәй ойошмалары тәҡдиме буйынса илдең Үҙәк һайлау комиссияһы 21 дәүләтте сағылдырған 50 кешелек бойондороҡһоҙ халыҡ-ара күҙәтеүселәр төркөмөн аккредитацияланы.
Ком: 0 // Уҡынылар: 853 тапҡыр // Тотош уҡырға
Әсә. Педагог. ҒалимәОшо өс сифатты үҙенә туплаған, ғилем һәм мәғариф өлкәһендә ҙур уңыштарға өлгәшкән, Башҡорт дәүләт университеты Сибай институтының башҡорт филологияһы кафедраһы мөдире, профессор, Башҡортостан Республикаһының атҡаҙанған мәғариф хеҙмәткәре Ғәҙилә Мөҙәрис ҡыҙы Бүләкова менән фән, тормош, ғаилә бәхете, йәшәү мәғәнәһе хаҡында әңгәмә тәҡдим итәбеҙ.
— Ғәҙилә Мөҙәрис ҡыҙы, һеҙ йәмле Бөрйән районында уҡытыусылар ғаиләһендә тыуып үҫкәнһегеҙ. Фән донъяһына һеҙҙе нимә ылыҡтырҙы? Бала саҡ хыялымы, әллә ата-әсәйегеҙҙең теләгеме?
— Эйе, мин хозур тәбиғәтле Бөрйән районының Әбделмәмбәт ауылында донъяға килгәнмен. Барлыҡ тормошон уҡытыу-тәрбиә эшенә бағышлаған атай-әсәйем Рәхилә Ирназарова менән Мөҙәрис Ғәликәевтәрҙең ете балаһына ла мәктәп, дәрес, уҡыусы-уҡытыусы төшөнсәләре кескәй саҡтан таныш булды, сөнки һәр көн иртән барыһы ла белем усағына ашыға ине. Бала саҡта тиҫтерҙәрем менән һәр саҡ “мәктәп” төҙөп уйнағаным иҫемдә.
Ком: 0 // Уҡынылар: 1062 тапҡыр // Тотош уҡырға
Ғүмерен халҡына арнаныМәғариф өлкәһендәге туҡтауһыҙ реформа-үҙгәрештәргә ҡарамайынса, һайлаған һөнәренә тоғро ҡалған байтаҡ уҡытыусыны беләм. Һәр хәлдә, ундайҙар һәр саҡ булды һәм киләсәктә лә буласаҡ. Педагогия хеҙмәте ветераны, РСФСР-ҙың халыҡ мәғарифы, Башҡортостандың мәғариф алдынғыһы Марат Хафизов — тап шундайҙарҙан.
Ул 1931 йылда Иглин районының Ташлыйылға ауылында тыуған. Атаһы Мөхәмәтйән олатай — был ерҙә яңы тормош ойоштороусыларҙың береһе. И. Насыриҙың “Көҙәй” романына ул үҙенең исем-шәрифе менән төп геройҙарҙың береһе булып ингән. Ҡаһарман коммунист оҙаҡ йыл колхоз рәйесе вазифаһын башҡара.
Уның улы Марат башҡалар кеүек үк ул осорҙоң ауырлыҡтарын үҙ иңендә татып үҫә. Бөйөк Ватан һуғышы арҡаһында 20 йәшендә генә урта мәктәпте тамамлаған егет Хәрби-Диңгеҙ училищеһына инергә хыяллана. Әммә Өфөнән ҡунаҡҡа ҡайтҡан Мәғрифә апаһының һүҙен йыҡмай.
Ком: 0 // Уҡынылар: 931 тапҡыр // Тотош уҡырға
Тамара ҒӘНИЕВА: “Сайҡалмаһын өсөн аңыбыҙ...”Имән ҡала
Академик Нияз Мәжитовҡа
I
Ниндәй елдәр килеп ҡағылмаһын,
Ниндәй генә үрттәр ҡапмаһын,
Башҡорт атлы ғәзиз ҡәлғәбеҙҙең
Яуҙар асалмаған ҡапҡаһын.

Башҡорт атлы беҙҙең ҡалабыҙҙан,
Өфө тауҙарының үренән,
Затлы тауар тулы һалда ағып,
Сауҙагәрҙәр сәфәр йөрөгән.
Ком: 0 // Уҡынылар: 1379 тапҡыр // Тотош уҡырға
Ябай ауыл ҡыҙымын. Бала сағымдан ауылымдың матурлығына, уның эшсән кешеләренә, арҙаҡлы шәхестәренә һоҡланып үҫтем. Туған мәктәбемдә яратҡан уҡытыусыларымдың һәр дәресен иғтибар менән тыңлап, уларҙың йөҙөнә ҡыҙыллыҡ килтермәҫкә тырыштым. Ышаныстарын да аҡланым, буғай: ҡулыма юғары уҡыу йорто дипломын тотоп, туған мәктәбемә эшкә ҡайттым. Ауылдаштарымдың дәртләнеп донъя көтөүенә, һәр ҡайһыһының эше булыуына, бер-береһен уҙҙырып, сәмләнеп яңы йорттар һалған сағына тура килдем...
Ауылдың гөрләп торған мәле. Кемдер, таң һарыһы менән тороп, тракторын ҡабыҙа, икенселәре һыбай мал ҡарарға китә, өсөнсөләре, саналарға тейәлеп, фермаға ашыға. Һәр кемдең — үҙ эше, һәр береһенең — үҙ мәшәҡәте. Мөрйәләрҙән иртәле-кисле төтөн сыға.
Ком: 1 // Уҡынылар: 1538 тапҡыр // Тотош уҡырға
Йылдың иң матур миҙгеленең бер көнөндә, тәбиғәт уянып, ҡояш нурҙары йылыһын өләшә башлағас, күңелдәргә шатлыҡ өрөүсе Науруз байрамы уҙғарыла. Көн менән төн тигеҙләшкән мәлдә үткәрелә торған байрамда күңелдән сыҡҡан барлыҡ изге теләктәр, киләсәккә маҡсаттар тормошҡа аша тигән ырым йәшәй. Шуға был көндө барлыҡ мосолман халҡы ашҡынып көтә. Быйыл да игендең уңыуын, йылдың имен килеүен теләргә йыйылды сираттағы Науруз байрамына баш ҡала халҡы һәм бихисап ҡунаҡтар.
— Бөгөн ата-бабаларыбыҙҙың йолаларын ихтирам итәбеҙ икән, тимәк, был күп нәмә тураһында һөйләй, — тине Башҡортостандың мәҙәниәт министры вазифаһын башҡарыусы Камилә Дәүләтова, ҡунаҡтарҙы тәбрикләп.
Ком: 0 // Уҡынылар: 1356 тапҡыр // Тотош уҡырға
Артҡа 1 2 3 Алға
Бит башына