Ерҙе бер ҡат туйҙырһаң…Яҙғы ҡояш бар донъяны иркәләй. Бер көнө йылды туйҙырыр мәлдә һәр ауыл эшсәне ҡырҙан ҡайтып инмәй тиерлек. “ Яңауыл” МТС-ы” дәүләт унитар предприятиеһы директоры Салауат Сәхәби улы Ғиндуллинды ла баҫыуҙа тап иттек. Ул хужалыҡтағы сәсеүлектәрҙең торошон ҡараштырып сыҡҡандан һуң люцерна яланына килгәйне.
– Әлегә баҫыуҙар еүеш, күп йыллыҡ үләндәрҙе тырматабыҙ, – тип башланы һүҙен етәксе. “Беларусь” тракторы менән күп йыллыҡ үләнде тырматырға сыҡҡан Илдус Хәнипов менән Линар Шәйхуллинды маҡтап телгә алды ул.
– Егеттәр тырышып эшләй.
– Ужым нисек ҡышлаған һуң?
Ком: 0 // Уҡынылар: 1062 тапҡыр // Тотош уҡырға
Һөҙөмтәле осрашыуҙар көтәбеҙБашҡортостан Президенты Рөстәм Хәмитов Мәскәүгә эш сәфәре ҡылды. Хәтерегеҙгә төшөрәйек: илебеҙҙең баш ҡалаһында Башҡортостан көндәре асылды. Мәскәүҙәрҙе һәм ҡунаҡтарҙы бик күп осрашыу көтә. Улар башҡорт халҡының мәҙәниәте һәм тарихы, Башҡортостандың төрлө өлкәләге ҡаҙаныштары менән танышасаҡ.
Рәсәйҙең Сауҙа-сәнәғәт палатаһында республиканың сәнәғәт һәм инвестиция ҡеүәте, Башҡортостан ғалимдарының мөһим фәнни ҡаҙаныштары, шулай уҡ төбәгебеҙҙең һәм Мәскәүҙең туризм өлкәһендәге мөмкинлектәре менән таныштырыу сараһы булды. Башҡортостан менән Мәскәүҙең йәмәғәт ойошмалары, эшлекле даирәләре вәкилдәре ҡатнашлығында “түңәрәк өҫтәл” үтте. Унда төбәктәрҙә бәләкәй һәм урта эшҡыуарлыҡҡа ярҙам күрһәтеү мәсьәләләре, йәштәрҙе ошондай эшмәкәрлеккә йәлеп итеү алымдары, эшҡыуарлыҡты үҫтереүгә булышлыҡ иткән яңы проекттар тикшерелде.
Ком: 0 // Уҡынылар: 941 тапҡыр // Тотош уҡырға
Үҙгәрешһеҙ үҫеш булмайШаран районында хеҙмәткә яраҡлы халыҡтың 27 процентҡа яҡыны иҡтисадтың шәхси секторында эшләй
Тәжрибә күрһәтеүенсә, хәҙерге көндә бәләкәй эшҡыуарлыҡ өлкәһендә лә туранан-тура ҡулланыу баҙары өсөн эшләгән, етештереүҙе киңәйтеүгә үҙ инвестицияларын һалған, продукцияның сифатын тәүге урынға ҡуйған шәхси предприятиелар йылдам үҫеш ала. Ә социаль йүнәлеште һайлаған бизнес урындағы муниципаль власть һәм үҙидара органдары тарафынан һәр саҡ яҡлау таба.
Шаранда шәхси эшҡыуар Юрий Дәүләтов етәкләгән коллективты нәҡ шундай предприятиелар рәтенә индерергә мөмкин. Хәҙер уның бәләкәй икмәкханаһын районда белмәгән кеше юҡтыр. Технологияны яңыртып, ул етештереүсәнлекте һиҙелерлек күтәреүгә өлгәшкән.
Ком: 0 // Уҡынылар: 1040 тапҡыр // Тотош уҡырға
Инвестиция — төбәк файҙаһынаТуймазы районында етештерелгән сәнәғәт продукцияһының 40 проценты бәләкәй һәм урта бизнес өлөшөнә тура килә
Яңы етештереү ҡеүәттәрен булдырырға теләгән инвесторҙар, ғәҙәттә, инфраструктураһы яҡшы үҫешкән, яҡында ғына тимер юлы йәки автомагистраль үткән төбәкте һайларға тырыша. Шул күҙлектән ҡарағанда, Туймазы районындағы Ҡандра ҡасабаһының географик урыны бик тә уңайлы. Элгәре бында “Башнефть” компанияһының быраулау эштәре идаралығы биләмәнең иҡтисади һулышын билдәләһә, хәҙер инде инвесторҙар сәнәғәттең башҡа тармаҡтарын үҫтереүгә лә үҙ капиталын һала.
Ком: 0 // Уҡынылар: 781 тапҡыр // Тотош уҡырға
Бизнес алға ҡарап йәшәргә тейешОктябрьский ҡалаһы бюджетының 31 процентын бәләкәй һәм урта эшҡыуарлыҡ субъекттары тулыландыра
Йүнсел кешегә лә старт майҙансығы кәрәк
Октябрьский ҡалаһында бәләкәй эшҡыуарлыҡ субъекттарына ярҙам күрһәтеү өсөн тейешле инфраструктура ла булдырылған. Был йәһәттән бер нисә йыл элек асылған бизнес-инкубаторҙың эш тәжрибәһе ҙур иғтибарға лайыҡ.
— Бер кемгә лә сер түгел: үҙ эшен асыусылар араһында сауҙа һәм алыш-биреш өлкәһен һайлаусылар күберәк. Ә бына йүнсел кешеләрҙе бизнестың перспективалы, әммә тәү башта әллә ни ҙур керем бирмәгән өлкәләренә нисек йәлеп итергә? — ти бизнес-үҙәк менән идара итеүсе компания директоры Руслан Мофаззалов.
Ком: 0 // Уҡынылар: 984 тапҡыр // Тотош уҡырға
Ышаныс күрһәтелдеАғиҙел ҡалаһы хакимиәте башлығы итеп конкурс һөҙөмтәһе буйынса Олег Крысин тәғәйенләнде.
Олег Анатольевич 1968 йылдың 4 июнендә Бәләбәй ҡалаһында тыуған. Урал политехник институтын тамамлай, армияла хеҙмәт итә. Хеҙмәт юлын Ҡарман ГРЭС-ында слесарь булып башлай, аҙаҡ шунда уҡ мастер, директор ярҙамсыһы, директор урынбаҫары вазифаларына тиклем күтәрелә. 2005 йылдан “БашРТС” яуаплылығы сикләнгән йәмғиәтенең “Нефтекама — Башҡортостан йылылыҡ таратыу селтәре” филиалы директоры булып эшләй.
Ком: 0 // Уҡынылар: 731 тапҡыр // Тотош уҡырға
Балалары — тормош гөлөҺарай тирәһендә уралған ирҙе әллә ҡайҙан шәйләп алғайным. Йорто Дауыт-Ҡайыптағы башҡа өйҙәрҙән айырылмаһа ла, ихата алдында торған “Газель” машинаһы үҙенә йәлеп итте. Ябай ауыл кешеһенең был тиклем “дөлдөл” алырлыҡ хәле булмаҫ. Себерҙә эшләгән берәйһелер, моғайын, тигән уй алып инде мине йортҡа.
— Белмәгән кешеләр һеҙҙең кеүек уйлай, — тине Хәбир көлөп. Өй хужаһының исеме шулай икән. — Юҡ, үҙем ауылда, Себерҙә эшләгән бажам бүләк иткәйне машинаны.
— Ана бит, кешенең бажаһы бажа кеүек...
Мине Хәбир бүлдерҙе:
— Юҡ, минең бажа шәп кеше ул.
Ком: 0 // Уҡынылар: 1060 тапҡыр // Тотош уҡырға
Көрәш беҙҙе тәрбиәләйБөтә донъя башҡорттары ҡоролтайы башҡарма комитеты иғлан иткән акция Яңауыл ҡалаһында тамамланды.
– О-о-о, келәмдәрҙең күплеге!
– Барыһы ла балаларғамы икән?
– Рәсәйҙең Дәүләт Думаһы депутаты Марсель Йосоповтың бүләге ул.
Был көндө Яңауыл район мәҙәниәт йорто алдында тауҙай өйөлгән көрәш келәмдәренә иғтибар итмәгән кеше булмағандыр. Бығаса ҡалала келәм таратҡанды хәтерләмәй улар. Был юлы спорт йыһазы Асҡын, Балтас, Борай, Илеш, Краснокама, Саҡмағош, Бөрө, Бәләбәй, Шаран, Яңауыл, Йәрмәкәй, Дүртөйлө, Ҡалтасы, Тәтешле райондарының 17 мәктәбенә һәм Өфөнөң өс үҫмерҙәр клубына тапшырылды.
Ком: 0 // Уҡынылар: 929 тапҡыр // Тотош уҡырға
Киләсәктә була торған төшөнсә телдә ҡайһылай бирелә?Был мәсьәләгә лә ата-бабабыҙ яуаплы ҡараған, киләсәктә була торған хәлде телдә бирер юлдарҙы күрһәткән, шул уҡ ваҡытта уйлап эш итер ерен дә ҡалдырған. Артабан берәмтекләп ҡарайыҡ, сөнки яҙғанда ла, һөйләгәндә лә иң күп хата киләсәк заман төшөнсәһен биргәндә яһала.
Билдәле булыуынса, киләсәк заман һөйләү мәленән һуң булған эште, ваҡиғаны, хәл-торошто белдерә. Башҡорт теленең үҙенсәлеген күрһәткән ғәжәп бер форма бар, ул — хәҙерге заман күрһәткесе һаналған -а/-ә, -й ялғауы. Был ялғау хәҙерге, киләсәк, хатта үткән заманды ла белдерә ала, сөнки беҙ һөйләгәндә, яҙғанда ҡайһылыр бер ваҡытты күҙ уңында тотабыҙ.
Ком: 4 // Уҡынылар: 1485 тапҡыр // Тотош уҡырға
Бөгөн торлаҡ-коммуналь хужалыҡ – иң ҡатмарлы тармаҡтарҙың береһе. Ундағы проблемалар күптәрҙең үҙәгенә үткән инде. Ниндәй юлдар менән хәл итергә уларҙы — ошо турала баш ватыусылар байтаҡ. Һис шикһеҙ, шуның иң һөҙөмтәлеһе – был йүнәлештә ҡануниәтте камиллаштырыу. Ул өҙлөкһөҙ эшләгәндә генә, тармаҡтағы мәсьәләләргә нөктә ҡуйыу мөмкин буласаҡ.
“Торлаҡ һәм коммуналь хеҙмәттәр күрһәтеүҙә граждандарҙың хоҡуғын яҡлауҙы тәьмин итеү тураһында”ғы Башҡортостан Республикаһы законы проектын тикшереү һәм уға тәҡдимдәр әҙерләү буйынса үткән “түңәрәк өҫтәл” дә ошоно маҡсат итеп ҡуйғайны. Унда ҡатнашыусыларҙың һәр береһе проект буйынса фекере менән уртаҡлашты һәм был тармаҡтағы көнүҙәк мәсьәләләрҙең ҡатмарлы булыуын аңғартты.
Ком: 0 // Уҡынылар: 736 тапҡыр // Тотош уҡырға
Артҡа 1 2 3 4 5 6 7 8 9 10 ... 48 Алға
Бит башына