Нефтекама ҡалаһының юғары лигала уйнаусы “Торос” хоккей командаһы, финалда Төмәндең “Рубин”ы менән бишенсе осрашыуҙа еңеү яулап, Рәсәйҙең юғары хоккей лигаһының кубогына лайыҡ булды.
“Торос” спортсылары уйындың тәүге минутынан уҡ һөжүмгә ташланды. Һөжүм итеүсе Максим Фролов “Рубин” һаҡсыларын оҫта урап үтеп, шайбаны ҡапҡаға табан елгәрҙе, ләкин ҡапҡасы Михаил Демидовты ота алманы. Беҙҙекеләр төмәндәргә ҡарағанда күпкә йылдамыраҡ уйнаһа ла, тәүге шайбаны “Рубин” һөжүмсеһе Ремир Хәйҙәров индерҙе.
Ком: 0 // Уҡынылар: 712 тапҡыр // Тотош уҡырға
7 майҙан илебеҙҙең иң юғары вазифаһына һайланған Владимир Путин Президент булараҡ эш башлаясаҡ. Ә ошо көндәрҙә ғәмәлдәге Президент Дмитрий Медведев, Дәүләт Советы ултырышында сығыш яһап, үҙенең дүрт йыллыҡ эшенә йомғаҡ яһаны һәм буласаҡ Хөкүмәттең өҫтөнлөклө йүнәлештәрен билдәләне.
Дмитрий Анатольевич телгә алған темалар араһында инфляция, фәҡирлек һәм эшһеҙлек менән көрәш иң мөһимдәре булды. Үҙенең төп бурысы тип Рәсәйҙә гражданлыҡ һәм иҡтисади азатлыҡты үҫтереүҙе күрә ул.
— Ярлылыҡ, иҡтисади артта ҡалғанлыҡ, коррупция, ғүмер оҙайлығының түбән булыуы — быларҙың барыһы ла азатлыҡтың дошмандары, — тине Дмитрий Медведев.
Ком: 0 // Уҡынылар: 677 тапҡыр // Тотош уҡырға
Еңеү алдынан ҙур бүләк
Йылайыр районында “Һуғыш һәм Ҡораллы Көстәр ветерандары тураһында”ғы Федераль законды тормошҡа ашырыу сиктәрендә 130 Бөйөк Ватан һуғышы ветераны торлаҡ сертификаты алды.
Улар араһында һуғышта ҡатнашҡан һәм инвалид 28 ветеран, мәрхүм ветерандарҙың 102 ғаилә ағзаһы бар. Ветерандар өсөн торлаҡтың дөйөм хаҡы 131 миллион һум тәшкил иткән. 2012 йылдың 1 апреленә ҡарата районда торлаҡ шарттарын яҡшыртыуға мохтаждар исемлегендә 31 кеше тора.
Ком: 0 // Уҡынылар: 1306 тапҡыр // Тотош уҡырға
Башҡортостан Президенты Рөстәм Хәмитов “Торос” хоккей клубы коллективын ҙур еңеүе менән ҡотланы. Унда былай тиелә:
“Ҡәҙерле дуҫтар!
Барлыҡ республика халҡы исеменән һеҙҙе оло еңеү менән ихлас ҡотлайым! Башҡортостан клубы тарихта тәүге тапҡыр юғары лига чемпионы булды.
Һөҙөмтәле уйынығыҙ менән республикабыҙҙағы хоккей һөйөүселәрҙе шатландырҙығыҙ. Төп командабыҙ “Салауат Юлаев”тың тәжрибәле уйынсылары ҡыуандыра алмаған миҙгелдә һеҙҙең еңеүегеҙ айырыуса мөһим. Легионерҙар түгел, ә нигеҙҙә Башҡортостан хоккей мәктәбендә тәрбиәләнгән уйынсылар ингән составта чемпион исемен яулауығыҙ бигерәк тә әһәмиәтле.
Ком: 0 // Уҡынылар: 695 тапҡыр // Тотош уҡырға
Рәсәй Федерацияһы Социаль страховка фондының Башҡортостан буйынса төбәк бүлексәһе идарасыһы Марат Мөьмин улы Латипов 27 апрелдә сәғәт 11-ҙән көндөҙгө 1-гә тиклем Стәрлебаш районы хакимиәте бинаһында (Стәрлебаш ауылы, К. Маркс урамы, 97), 15 сәғәт 30 минуттан 17 сәғәт 30 минутҡа тиклем Ауырғазы районы хакимиәте бинаһында (Талбазы ауылы, Ленин урамы, 88) граждандарҙы ҡабул итә.
Ком: 0 // Уҡынылар: 764 тапҡыр // Тотош уҡырға
Мәғариф өлкәһендә ниндәй генә үҙгәреш булмаһын, уҡытыусының белемле, мәҙәниәтле, рухлы, ә иң мөһиме — балаларҙы яратыуы төп шарт. Әммә һуңғы йылдарҙа, үҙәк телевидениела педагогтарға ҡара яғыусы тапшырыу күбәйгәнгәме, күп мәктәптә ялыу яҙыу “мода”һы күренгеләй башланы. Уҡытыусы тигән бөйөк исемде йөрөтөүселәрҙең үҙ-ара ыҙғышыуы күңелһеҙ, әлбиттә.
Күптән түгел “Башҡортостан” гәзите редакцияһына Әбйәлил районындағы Сиҙәм мәктәбенең урыҫ теле һәм әҙәбиәте уҡытыусыһы М. Мусинанан хат килеп төштө. Педагог үҙ яҙмаһында мәктәп директорының сәғәтте аҙ биреүе (ете сәғәт), үҙен кәмһетеүе тураһында белдерә.
Ком: 0 // Уҡынылар: 1116 тапҡыр // Тотош уҡырға
“Һамар — Өфө — Силәбе” автомобиль юлдары идараһы һәм подряд ойошмаларының эшмәкәрлеген яҡтыртыу буйынса иң яҡшы материалдарға ижади конкурс иғлан ителде. Һөнәри журналистар һәм штаттан тыш хәбәрселәрҙең юл тармағында алып барылған мөһим эштәр, яңылыҡтар хаҡындағы яҙмаларына абруйлы жюри баһа бирәсәк.
Конкурсҡа гәзит һәм журналдарҙа баҫылған материалдар, телесюжеттар, радиопрограммалар, Интернет селтәрендә донъя күргән яҙмалар ҡабул ителә. Журналистар бәйгеһе хаҡында тулыраҡ мәғлүмәт ud-ufa.ru сайтында урынлаштырылған.
Ком: 0 // Уҡынылар: 723 тапҡыр // Тотош уҡырға
Өфөлә “Берҙәм Рәсәй” партияһының төбәк сәйәси советы ултырышы булды. Унда марттағы һайлау йомғаҡтары һәм партияның сираттан тыш съезына әҙерлек мәсьәләләре тикшерелде.
Төбәк сәйәси советы “Берҙәм Рәсәй” Рәйесе Владимир Путиндың Дмитрий Медведевты партия етәксеһе итеп һайлау тураһындағы башланғысын хупланы. Өҫтәүенә яңы Президент уны Премьер-министр итеп тәғәйенләргә ниәтләй.
— Дәүләт Думаһында күпселекте тәшкил иткән партияға ил Хөкүмәте Рәйесенең етәкселек итеүе һөҙөмтәлелеген күрһәтте, — тине ултырышта Башҡортостан Республикаһы Дәүләт Йыйылышы — Ҡоролтай Рәйесе, партияның төбәк сәйәси советы секретары Константин Толкачев.
Ком: 0 // Уҡынылар: 830 тапҡыр // Тотош уҡырға
“Башҡортостан” гәзитендә ғалимдарыбыҙ Миңһылыу Усманова менән Әхмәр Аҙнабаевтың “асыҡ дәрес” үткәрә башлауы эшмәкәрлегемдә ҙур ярҙам булды.
Мин башҡорт теле һәм әҙәбиәтенән бишенсе йыл уҡытам. Педагогия университетынан һуң мәктәпкә эшкә килгәс, ҡайһы бер дәреслектәрҙең, методик әсбаптарҙың белемемә тап килмәүен асыҡланым. Бының тәүге сәбәбе, әлбиттә, китаптарҙың иҫкелегендә. Шулай уҡ авторҙар ҙа төрлө. Пунктуация, орфография ҡағиҙәләрен уҡыусыға нисек итеп аңлатырға? Үҙемдең белгәнем буйынсамы, әллә иҫке дәреслектәнме?
Ком: 0 // Уҡынылар: 799 тапҡыр // Тотош уҡырға
“Бәрәңгене ҡайтарырға ине” тигән мәҡәләмә (2012 йыл, 21 февраль) яуап итеп, Сибай ҡалаһынан Фәрит Әхмәров “Һеҙҙә — “бәрәңге”, беҙҙә “картуф” булһын” (2012 йыл, 16 март) тигән яҙмаһы менән сығыш яһаны. Яҙғандарыма өҫтәмә аңлатма бирергә ҡарар иттем.
Фәрит Әхмәровтың һүҙҙәре менән тулыһынса килешәм. Һәр кешенең ата-бабаһы тарафынан быуаттар буйы һаҡланып килгән телендә һөйләшергә хоҡуғы бар. Бындай диалект һүҙҙәрен әҙәби әҫәрҙәрҙә лә йыш осратырға тура килә. Әйткәндәй, беҙҙең яҡташыбыҙ, күренекле ғалим, филология фәндәре докторы, профессор Тимерғәле Килмөхәмәтов үҙ ижадында ауылдаштарының үҙенсәлекле һөйләшен оҫта файҙалана.
Ком: 0 // Уҡынылар: 1033 тапҡыр // Тотош уҡырға
Артҡа 1 2 3 4 5 6 7 8 9 10 ... 48 Алға
Бит башына