Бәйләмдәрҙә — йәйғор төҫөКейеҙ баҫыу, милли нағыштар менән йортто биҙәү — халҡыбыҙҙың боронғо шөғөлдәренең береһе. Йылдар үткән һайын уны үҙ итеүселәр һирәгәйә барыуға ҡарамаҫтан, күп ауылдарҙа әле лә ҡул эштәре менән шөғөлләнеүсе инәйҙәребеҙ байтаҡ. Шундайҙарҙың береһе – Хәйбулла районының Сәғит ауылында йәшәүсе Тәнзилә Шакирова.
Тәнзилә Дүртөйлө районында тыуып үҫкән. Хәйбулла тарафтарына яҙмыш ҡушыуы буйынса, дөрөҫөрәге, береһенән-береһе бәләкәй дүрт улын алып, иренән ҡасып китергә тура килә уға. Яңғыҙ ҡатын Мәмбәт ауылында төпләнә, улдарын бер үҙе үҫтерә. Күңелен баҫыу өсөнмө, әллә ҡышҡы оҙон төндәрҙе тиҙерәк үткәреү теләгенәнме, ҡулына бәйләм тота.
Ком: 0 // Уҡынылар: 755 тапҡыр // Тотош уҡырға
Нур эйәһе НурзиәХәтерләйем, 70-се йылдарҙа телевизор беҙҙең ауылда ике-өс йортта ғына була торғайны. Берәй спектакль йә кино була ҡалһа, ауылдың йәше-ҡарты шул телевизорлы йортҡа ағыла. Бигерәк тә Сибай башҡорт дәүләт драма театры ҡуйған спектаклдәрҙе ҡарарға килеүселәр күп була торғайны. Шул тиклем яраттыҡ сибайҙарҙың “уйынын”. Йә рәхәтләнеп көлдөрҙө, йә күҙҙәргә йәш төйөлдөрҙө улар.
Бына шул саҡта уҡ тамашасы һөйөүен яулап өлгөргән, хәҙер инде Башҡортостандың халыҡ артисы Нурзиә Әбдрәшитованы белмәгән, ул тыуҙырған образдарҙы хәтерләмәгән кеше юҡтыр, моғайын. Мәҫәлән, “Айһылыуҙың айлы кистәре”ндә — Хәнифә, “Ай тотолған төндә”лә — Тәңкәбикә, “Аҡҡош йыры”нда — Әлимә, “Бисәкәй”ҙә — Утлыбикә, “Аҡ ҡалфаҡ”та — Раушания... Иҫегеҙгә төштөмө?
Ком: 0 // Уҡынылар: 1942 тапҡыр // Тотош уҡырға
“Сағыл” камиллыҡҡа әйҙәйКиләсәккә ҙур маҡсаттар ҡуйып, уларға өлгәшеүгә, донъяны тағы ла матурыраҡ итеп ҡороуға, балаларына тәрбиә биреүгә көсөн, дәртен һалған Эльвира менән Айвар Миңлеғоловтарға һоҡланмаған кеше юҡтыр. Ғаилә Үрге Йәркәй ауылында йәшәй, икеһе лә район мәҙәниәт йортонда эшләй.
Серле ҡарашлы, һомғол буйлы Эльвира Миңлеғолова — Бишҡурай ауылынан. Уның ата-әсәһе Венера менән Марсель Ғилдановтар өлгөлө ғаилә һанала. Уларҙы эшһөйәр, уңған кешеләр булараҡ хөрмәт итәләр.
— Сәхнә юлын һайлауымда ғаиләбеҙҙең дә йоғонтоһо барҙыр тип уйлайым, сөнки атай-әсәйем халҡыбыҙ сәнғәтенә ғашиҡ кешеләр, элек үҙешмәкәр сәнғәт коллективтарында сығыш яһай торғайнылар. Мин дә бәләкәйҙән бейергә яраттым.
Ком: 0 // Уҡынылар: 761 тапҡыр // Тотош уҡырға
Балауыҙ бүлеп сығарыу һәм кәрәҙ төҙөү
Бал ҡорто ғаиләһенең көнитмеше балауыҙ кәрәҙенән ҡорттар тарафынан оя яһауҙан башлана, һәм бөтә ғүмере шуның менән тығыҙ бәйләнгән. Бал ҡортоноң балауыҙы уның эсендә урынлашҡан айырым биҙҙәр тарафынан бүлеп сығарыла.
Балауыҙ — ҡорт биҙҙәре бүлеп сығарған матдә — уларға төҙөлөш материалы булып хеҙмәт итә. Кәрәҙ төҙөү өсөн кәрәкле балауыҙҙы башлыса 12–18 көнлөк йәштәре бүлә, биҙҙәрҙең ныҡ үҫеше ҡорттоң шул ваҡытына тура килә. Яҙын һәм йәйен мул итеп туҡланған саҡта ҡорттарҙың эсендәге быуынсалар араһында аҫта балауыҙ бүлеүсе һигеҙ биҙ үҫешә. Балауыҙ биш мөйөшлө йоҡа ғына пластинкалар рәүешле итеп бүленә.
Ком: 0 // Уҡынылар: 982 тапҡыр // Тотош уҡырға
Башҡортостан Республикаһы Президенты Указына ярашлы “Әсәлек даны” миҙалы менән бүләкләнделәр:

Архангел районы муниципаль районы буйынса
Басирова Индира Альберт ҡыҙы — хужабикә
Латипова Эльвира Әбделхәй ҡыҙы — хужабикә
Ком: 0 // Уҡынылар: 750 тапҡыр // Тотош уҡырға
Үткән быуаттың 60-сы йылдарында тормош иптәшем Әнүәр Солтанов менән беҙҙе Әбйәлилгә мәҙәниәтте үҫтерергә тип ебәргәйнеләр. Халыҡ бында бик талантлы, дәртле булғанлыҡтан, эште ойоштороп алып китеүе үтә ауыр булманы. Кешеләр үҙҙәре бейергә, йырларға ынтылып тора ине.
Районда художестволы үҙешмәкәрлек айырыуса 75-се йылдарҙа Бөйөк Еңеүҙең 30 йыллығына арналған смотр барышында бер баҫҡысҡа күтәрелде. Һәр ауыл Советы урындағы хужалыҡ менән берлектә концерт әҙерләп, бер-бер артлы район мәҙәниәт йортонда сығыш яһаны. Шул ваҡытта беҙҙе ике ауылдан торған бәләкәй генә Ҡырҙас ауыл Советы хайран ҡалдырҙы. Асҡарға йәштәр менән бергә 50 – 60-тағы апайҙар күп килде.
Ком: 0 // Уҡынылар: 708 тапҡыр // Тотош уҡырға
Рәсәйҙең халыҡ артисы һәм “Ғүмер бүләк ит” мәрхәмәтлелек фондын ойоштороусыларҙың береһе Сулпан Хаматова менән уның фекерҙәше, актриса Дина Корзунды Нобелдең тыныслыҡ премияһына тәҡдим итмәкселәр.
“Новая газета”ның мөхәррире Дмитрий Моратовтың башланғысын күптәр, шул иҫәптән СССР-ҙың элекке президенты, Нобелдең тыныслыҡ премияһы лауреаты Михаил Горбачев та хуплай. Тап уның Хаматова менән Корзунды абруйлы премияға тәҡдим итеү хоҡуғы бар.
Ком: 0 // Уҡынылар: 1166 тапҡыр // Тотош уҡырға
Үткән аҙнала Башҡортостандың Юғары суды Бәшир Плиевтың енәйәтсел төркөмөнә ҡарата хөкөм сығарҙы.
Енәйәтселәр 2010 йылдың мартында Октябрьский ҡалаһындағы аҙыҡ-түлек келәтенә талау ниәтендә һөжүм иткәндән һуң ҡулға алынғайны. Улар һаҡсы менән кассирҙы яралаған, хоҡуҡ һаҡлау хеҙмәткәрҙәренә ҡораллы ҡаршылыҡ күрһәткән. Ҡасып киткән Плиевты бер аҙнанан Силәбелә тотҡандар. Енәйәтсел төркөм ағзалары дүрт йылдан туғыҙ йылғаса иркенән мәхрүм ителде, етәкселәре алты йыл ғүмерен тимер рәшәткә артында үткәрергә тейеш.
Ком: 0 // Уҡынылар: 974 тапҡыр // Тотош уҡырға
Учалы районының Сәфәр ауылында, төбәктә икенсе булып, моделле китапхана асылды. Тәүгеһе былтырҙан Ахун ауылында уңышлы эшләй.
Учреждениеның китап фонды 17 мең дана тәшкил итә, унан тыш өс тиҫтәнән ашыу гәзит-журнал алдыралар. Бында яҡташтары, Советтар Союзы Геройы Хәкимйән Әхмәтғәлин тураһында күп мәғлүмәт тупланған. Халыҡ күпләп йөрөгән китапханаға ремонт эшләнгән, янғын хәүефһеҙлеге сигнализацияһы ҡуйылған, компьютерҙар һатып алынған. Заманса китапхана уҡырға яратыусыларға интернет селтәренә сығыу, электрон документтар менән танышыу мөмкинлеген бирә.
Ком: 0 // Уҡынылар: 1226 тапҡыр // Тотош уҡырға
Өфөлә Берҙәм дәүләт имтиханын алдан тапшырыу бара.
Унда 38 уҡыусы ҡатнаша: етәүһе – райондарҙан, ҡалғандары – Өфөнән.
Имтиханды алдан тапшырыуҙың сәбәптәре төрлө. Мәҫәлән, 25 үҫмер – спортсы, улар тиҙҙән күнекмә-бәйгеләргә юлланасаҡ. Ун бала һаулығына бәйле алдан һынау тоторға ниәтләгән, ике уҡыусы иһә сит илгә бөтөнләйгә күсеп китә, берәүһе сит тарафта белем аласаҡ.
Ком: 0 // Уҡынылар: 894 тапҡыр // Тотош уҡырға
Артҡа 1 ... 5 6 7 8 9 10 11 12 13 ... 48 Алға
Бит башына