Сыңлай әле миҙалдар…Көн болоҡһоу, ямғырлап тора, һалҡынса, әммә байрам сараһына ашығыусы ветерандар уны тоймай ҙа. Алты тиҫтә йылдан ашыу элек илебеҙ халҡы был көндө сарсап көтөп алған кеүек, беҙ ҙә яҡынлашып килгән һағышлы ла, шатлыҡлы ла Еңеү байрамын ҡаршылайбыҙ.
Конгресс-холда Еңеү көнөнә арналған тантаналы йыйылыш күтәренке рухта уҙҙы. Унда Башҡортостан Президенты Рөстәм Хәмитов, Дәүләт Йыйылышы — Ҡоролтай Рәйесе Константин Толкачев, Хөкүмәт Премьер-министры Азамат Илембәтов, Хөкүмәт ағзалары, депутаттар, һуғыш ветерандары, дәүләт, йәмәғәт эшмәкәрҙәре, дин әһелдәре, милли-мәҙәни ойошмалар етәкселәре ҡатнашыуы оло быуынға тәрән ихтирам күрһәтеү тип ҡабул ителде.
Ком: 0 // Уҡынылар: 744 тапҡыр // Тотош уҡырға
Иртә сәскән уңыр, бураҙнаһы тулырРеспублика баҫыуҙарында киләһе уңышҡа нигеҙ һалыу өсөн көрәш ҡыҙғандан-ҡыҙа. Ауыл эшсәндәре һабан эштәрен юғары агротехник кимәлдә һәм ваҡытында атҡарып сығыу теләге менән йәшәй. Күп кенә хужалыҡтар яҙғы культуралар менән бер рәттән шәкәр сөгөлдөрө, көнбағыш, ҡарабойҙай, картуф та сәсә. Техникаһын, орлоҡто, ашламаны хужаларса әҙерләгән, һәр участкала хеҙмәтте ентекле уйлап ойошторғандарға уңыш, әлбиттә, йылмаясаҡ.
Был матур көндәрҙә Мәләүез районы игенселәре лә бәрәкәтле ерҙең көсөн арттырыу хаҡында оло хәстәрлек менән йәшәй. "Иртә сәсһәң, уңырһың" тигән уй-теләк менән таң һарыһынан баҫыуға ашыға улар.
Ком: 0 // Уҡынылар: 1007 тапҡыр // Тотош уҡырға
Ғорурлыҡ тойғоһо ҡайғыларҙы баҫаБынан ике йыл элек Мусиндар ғаиләһенә ҙур бәлә килә: 17 йәшлек улдары Линар йылғала батып барыусы курсташын ҡотҡарған саҡта үҙе һәләк була. Кеше бәләһенә битараф ҡалмаған, ҡыҙҙы ҡотҡарыу өсөн ғүмерен аямаған егет батырлығы өсөн Рәсәй Президентының Указына ярашлы “Һәләкәткә осраусыларҙы ҡотҡарған өсөн” миҙалына лайыҡлы тип табыла. Кисә Линарҙың наградаһын ата-әсәһе Әсимә һәм Наил Мусиндар ҡабул итте.
— Улыбыҙҙы ярҙамсыл, ғәҙел итеп үҫтерҙек. Әгәр ул ғәмһеҙ бала булһа, башҡалар кеүек ситтә ҡалыр һәм ярҙамға ташланырға ашыҡмаҫ ине. Линарҙы юғалтыу — ғүмерлек ауыр яра, әммә ғорурлыҡ тойғоһо күңелде бер аҙ йыуатҡандай, — тине аҙаҡ Линарҙың әсәһе Әсимә Мусина.
Ошондай уҡ миҙалды Ҡәҙим Әхкәмов, Фәнил Ғәҙелшин, Александр Апкаликов һәм башҡалар ҙа алды.
Ком: 0 // Уҡынылар: 894 тапҡыр // Тотош уҡырға
“Башҡортостан” — Баймаҡ районындаИлшат Ситдиҡов, район хакимиәте башлығы:
— Баймаҡ районы элек-электән ауыл хужалығы төбәге булараҡ дан тотто. Ләкин төрлө сәбәптәр арҡаһында агросәнәғәт үҙ позицияһын юғалтты, шуның өсөн бөгөн ул ауыр осор кисерә. Билдәле, хәҙерге шарттарҙа ауыл хужалығын яңы кимәлгә күтәреү еңел түгел. Әммә һуңғы ике йылда уны һаҙлыҡтан сығарыу маҡсатында район хакимиәте һәм республика Хөкүмәте тарафынан төрлө саралар күрелә. Шуныһы ҡыуаныслы: күптән түгел республика ҡаҙнаһынан яҙғы сәсеү эштәрен уңышлы атҡарып сығыу өсөн 51 миллион һум аҡса бүленде. Был финанс ярҙамы тулыһынса район иҡтисадының төп нигеҙен тәшкил иткән ауыл хужалығы тармағын үҫтереүгә йүнәлтеләсәк. Киләсәктә баймаҡтар райондың малсылыҡ һәм үҫемлекселектең данын ҡайтарыу, ғөмүмән, тармаҡты үҫтереү буйынса мөмкин булғандың барыһын да эшләйәсәк.
Ком: 1 // Уҡынылар: 1427 тапҡыр // Тотош уҡырға
Майҙа "майлап", көҙөн кинәнМай — баҡсасы өсөн тынғыһыҙ мәл. Тап ошо осорҙа үҫемлек менән әүҙем туҡланған ҡоротҡос бөжәктәргә ҡаршы көрәш башлана.
Айҙың тәүге көндәрендә апрелдә тамамлай алмаған үрсетмәлек сәсеү, ағас һәм ҡыуаҡтарҙы ашлау кеүек эш аҙағына еткерелә. Йәш үрсетмәлекте ултыртҡанда, уның аҫтына — ашлама, башҡа үҫентегә тиреҫ һалалар.
Ҡурай еләге ҡыуағының ике яғынан 30-ар сантиметр алыҫлыҡта бураҙналар ҡаҙып, эсенә ашлама һалып, ер менән күмеп ҡуйырға кәңәш ителә. Барлыҡ үҫентенең зыян күргән өлөшөн киҫеп алырға һәм яғырға кәрәк — ауырыу артабан таралмаҫ.
Алдан әйтеп үтеүебеҙсә, май — ҡоротҡос бөжәктәрҙең ҡоторған мәле.
Ком: 0 // Уҡынылар: 999 тапҡыр // Тотош уҡырға
Башҡортса матур итеп һөйләшәйек!“Тамыр” телеканалындағы “ӘЮЯ ҡаласығы”на “килеүселәр” артҡандан-арта. Хәрефте, өндө дөрөҫ әйтергә, башҡортса матур һөйләшергә өйрәтәләр унда.
— Тапшырыуҙы башлауыбыҙға йыл ярым, — ти сценарий авторы, мөхәррире, алып барыусыһы Гөлназ Ишемғолова. — Тәүҙә хәрефтәрҙе үттек, унан ижектәрҙе өйрәнеүгә күстек. Хәҙер матур-матур һөйләмдәр төҙөйбөҙ. Тапшырыуҙағы логопед күнегеүҙәре, ижектәрҙе дөрөҫ әйттереүгә, артикуляцияны яҡшыртыуға ҡоролған уйындар балаларға айырыуса оҡшай. Үҙ телебеҙҙә шундай матур итеп һөйләшкән бәләкәстәрҙе һөймәҫ ерҙән һөйгө килә! Уларҙы маҡтап, иркәләп кенә торабыҙ.
Ысынлап та, “Тамыр”ҙа үҙ эшен, кескәйҙәрҙе, туған телде ихлас яратҡан ижади кешеләр тупланғанын беләбеҙ.
Ком: 2 // Уҡынылар: 1522 тапҡыр // Тотош уҡырға
Алиһәләр айыТышта — яҙҙың иң йылы, гүзәл мәле. Тирә-йүн сәскәгә, хуш еҫкә күмелде.
Рим легендаларынан күренеүенсә, майҙың исеме Зевстың ҡыҙы Майя хөрмәтенә аталған. Ул — уңдырышлылыҡ алиһәһе. Тимәк, майҙа мөһим эш башларға, никахҡа инергә, туй үткәрергә ярамай тигән ырымдарға башкөллө ышанырға кәрәкмәй, ти белгестәр. Борондан килгән был инаныуҙар бөтмәҫ-төкәнмәҫ мәшәҡәттән килеп сыҡҡан, сөнки ата-баба баҡсала, баҫыуҙа эш ҡыйрап ятҡанда байрам итеүҙе өнәмәгән тигән фекерҙә улар. Ни тиһәң дә, беҙҙә туй аҙнаға ҡәҙәр һуҙылған — бер көнө йылды туйҙырыр мәлдә нисек йырлап-бейеп йөрөргә мөмкин?
Майя шулай уҡ ҡатын-ҡыҙҙы ҡурсалаған, һоҡландырыу алиһәһе булған.
Ком: 0 // Уҡынылар: 729 тапҡыр // Тотош уҡырға
Йондоҙҙарға ҡарағанда, аҙнаның тәүге яртыһы уңышлы булмаҡсы. Яңы уй-ниәттәр менән янырһығыҙ, әүҙем булыуығыҙ арҡаһында барлыҡ пландарығыҙҙы ла тормошҡа ашыра алырһығыҙ. Иң мөһиме – ҡабаланмаҫҡа, һәр аҙымды алдан үлсәп эш итергә генә кәрәк. Ниндәйҙер яңы проектҡа тотонаһығыҙ икән, уны үҙаллы атҡарырға әҙерләнегеҙ. Бары тик шул саҡта ғына аҙағы уңышлы булыр. Уй-фекерегеҙҙе әйтергә ҡурҡмағыҙ. Ҡыйыулыҡ һәм асыҡ булыуығыҙҙы баһаларҙар. Аҙна уртаһында кем менәндер һүҙгә килеүҙән һаҡ булығыҙ, үҙегеҙгә оҡшамаған кешеләр менән аралашмаҫҡа тырышығыҙ. Һөйләшкән ваҡытта әңгәмәсегә баҫым яһамағыҙ. Ошо арала насар уйҙарға бирелмәгеҙ, уларҙың тормошҡа ашыуы ихтимал. Аҙнаның икенсе яртыһы ла ыңғай хәл-ваҡиғаларға бай булыр. Үҙегеҙҙең баһағыҙҙы белегеҙ. Уңышҡа өлгәшер өсөн башҡарған эшегеҙгә мөмкин тиклем күберәк кеше йәлеп итегеҙ. Дүшәмбе көнө мөһим эштәргә төштән һуң тотонһағыҙ, улар ыңғай барыр.
Ком: 0 // Уҡынылар: 671 тапҡыр // Тотош уҡырға
Бер быяланың ике сифаты
— Ниңә аҡсаһы күп кеше үҙенең эргәһендәгеләргә иғтибар итмәй? — тип һораған бер егет аҡһаҡалдан.
— Тәҙрәгә ҡара әле. Унда нимә күрәһең?
— Эскәмйәлә бер ҡарт ултыра, теге яҡтараҡ — сабыйын күтәргән әсәй...
— Ә хәҙер көҙгөгә баҡ. Унда нимә сағыла?
— Үҙем.
Ком: 0 // Уҡынылар: 712 тапҡыр // Тотош уҡырға
Уран Кинйәбулатов һүҙҙәре Роза Сәхәүетдинова көйө

Ниңә икән һинең исемеңде
Ҡушам һаман моңло йырҙарға?
Мөхәббәтем, бәхеткәйем минең
Тулып ағырмы икән ярҙарға?
Ком: 0 // Уҡынылар: 1123 тапҡыр // Тотош уҡырға
Артҡа 1 2 Алға
Бит башына