Хәтер иҫкермәйӨфө халҡы, һәр йылдағыса, 9 май иртәһендә ғаиләләре менән Еңеү паркына йыйылып, Мәңгелек утҡа сәскә һалыу тантанаһын ҡарарға, һуғыш һәм тыл ветерандарын ҡотларға ашыҡты, яуҙа һәләк булғандарҙы иҫкә алды. Йолаға әүерелгән саранан күренеүенсә, миллионлаған кешене атҡан, аҫҡан, ҡол иткән, аслыҡ менән йонсотҡан, ҡатындарҙы — тол, балаларҙы етем ҡалдырған ҡәһәрле фашизмды атай-олатайҙарыбыҙ дөмөктөргән көн халыҡ хәтеренән юйылмай, уның шаңдауы быуындан быуынға күсә бара.
Паркка килеүселәр, Мәңгелек утҡа илтеүсе юлдың ике яғынан теҙелеп, Башҡортостан Президенты Рөстәм Хәмитовты, БР Дәүләт Йыйылышы — Ҡоролтай Рәйесе Константин Толкачевты һәм республика Хөкүмәте Премьер-министры Азамат Илембәтовты ҡаршы алды. Абруйлы ҡунаҡтар төрлө министрлыҡ, ведомство, йәмәғәт ойошмалары вәкилдәре һәм хөрмәтле ветерандар менән бергә парк буйлап уҙҙы.
Ком: 0 // Уҡынылар: 1220 тапҡыр // Тотош уҡырға
Ауыл онотолмаһынВаҡытлы матбуғатҡа яҙылыу барышында Саҡмағош районының Яңы Ҡалмаш ауылында йәшәүсе Сәйҙә Сәлиғәскәрова менән танышырға насип булды. Ул тормошон гәзит-журналһыҙ күҙ алдына килтерә алмай. Башҡортостанда башҡорт, татар телдәрендә сыҡҡан ваҡытлы матбуғатты әле булһа яратып уҡый. 60 йылға яҡын инде республика яңылыҡтары, илдә, донъяла барған хәл-ваҡиғалар менән “Башҡортостан” гәзите аша таныша.
Сәйҙә апай, 43 йыл ауыл мәктәбендә эшләп, хаҡлы ялға сыҡҡан. 84 йәшкә аяҡ баҫҡан элекке уҡытыусы бөгөн дә йәштәрсә дәрт менән ауылда ойошторолған төрлө байрам-кисәләрҙә, осрашыуҙарҙа ихласлыҡ күрһәтә, йыш ҡына үҙе лә сығыш яһай. Һайлауҙарҙа ла ҡатнашмай ҡалғаны юҡ, сөнки ил, республика киләсәге өсөн һәр саҡ янып йәшәй ул.
Ком: 0 // Уҡынылар: 1149 тапҡыр // Тотош уҡырға
Бейей-бейей донъя яуланыШәхеснамәһе
- 1942 йылдың 10 майында Баймаҡ районының Сыңғыҙ ауылында тыуған;
- Баймаҡ ҡалаһының 4-се башланғыс һәм 1-се урта мәктәптәрендә белем ала;
- 1960 — 1987 йылдарҙа Башҡортостан Республикаһының халыҡ бейеүҙәре ансамбле һәм филармонияһы солисы;
- улы Хәлил Әнүәр улы Ишбирҙин — Башҡортостандың атҡаҙанған артисы. Ейәндәре — Фәрхәт, Азамат, килене — Әлфиә, бүләсәре — Самира;
- яратҡан аштары: үҙе бешергәне, еләк-емеш, йәшелсә;
- кешеләрҙә яратҡан сифаттар: тоғролоҡ, яуаплылыҡ, изгелек;
Ком: 0 // Уҡынылар: 3068 тапҡыр // Тотош уҡырға
Йылы һүҙ йәнгә лә, тәнгә лә дауаХалыҡ араһында Өфө хеҙмәт медицинаһы һәм кеше экологияһы ғилми-тикшеренеү институты тураһында маҡтау һүҙҙәре генә ишетергә тура килә. Коллективтың эшмәкәрлеге хаҡындағы фекеремде гәзит аша еткерергә булдым, сөнки бында ысын мәғәнәһендә үҙенсәлекле күренешкә юлыҡтым.
Ғилми-тикшеренеү институтының ишеген асып ингән һәр кемде Миңленур Усманова яҡты йөҙ менән ҡаршылай. “Рәхим итегеҙ, балаҫҡа аяҡ кейемегеҙҙе һөртөп үтегеҙ, бинаны таҙа тотайыҡ. Рәхмәт һеҙгә”, — тип таҙалыҡҡа, матурлыҡҡа әйҙәй. Барыһы ла уның теләген үтәргә тырыша, сөнки талабы урынлы.
Май сүлмәге тышынан билдәле, тиҙәр. Ысынлап та, дауалау бинаһы бөхтәлеге менән килеүселәрҙең иғтибарын шунда уҡ йәлеп итә. Бында, әлбиттә, хужалыҡ эштәре етәксеһе Баязит Саҙиҡовтың да тырышлыҡ һалыуын күрмәү мөмкин түгел.
Ком: 0 // Уҡынылар: 1021 тапҡыр // Тотош уҡырға
Ғүмерҙең һәр миҙгеле ҡәҙерлеХалыҡ өсөн изгелектең баһаһы ҙур икәнен аңлап, йәшәүҙең асылын көнөм өсөн түгел, илем өсөн тип күргән, ғүмерен балаларға арнаған, хеҙмәттә, ижадта тир түгеп үткәргән һәр мәлдең алтынға тиңлеген бала саҡтан күңеленә һеңдереп, оло маҡсатын тормошҡа ашырған шәхестәр ихтирам тойғоһо уята. Нәзәкәтле, һәр эштә тәүәккәл, әүҙем, алсаҡ, эшлекле ханым, Шәһит Хоҙайбирҙин исемендәге 1-се башҡорт республика балалар йорто директоры Фәнисә БӘҘРЕТДИНОВА — тап шундайҙарҙың береһе.
Бала саҡтан кешеләргә һаулыҡ бүләк итергә теләгән ҡыҙға артист һөнәре лә яҡын була, һуңғараҡ уҡытыусы урынына ла үҙен ҡуйып ҡарай. Һәр хәлдә тәүге ике һөнәрҙең ҡайһыһын һайлаһа ла отолмаҫ ине, моғайын, сөнки сабырлыҡ, йыр-моң, сәнғәтте, шиғриәтте яратыу уға тәбиғәттән бирелгән, ғаилә мөхитендә нығынған. Яҙмыш ҡушыуы буйынсалыр инде, уға уҡытыусы-тәрбиәсе булырға яҙған.
Ком: 0 // Уҡынылар: 1246 тапҡыр // Тотош уҡырға
Октябрьский
Ҡалалағы байрам саралары 8 майҙа Зайыт, Нарыш, Мулла, Төрөкмән биҫтәләрендә яу ҡырында һәләк булғандар хөрмәтенә ҡуйылған һәйкәл һәм стелаларға сәскә һалыуҙан башланды, унда Еңеү һалдаттары ҡатнашлығында митингтар үтте.
9 Май иртәһендә октябрьскийҙар ҡаланың үҙәк майҙанына ағылды. Сафҡа баҫҡан ветерандарҙың ҡайнар хистәр диңгеҙендә йөҙгәнен, шатлыҡ һәм ғорурлыҡ кисергәнен тойорға була ине.
Митингта ҡатнашҡан ветерандар “Һалдат хәтере” мемориалына сәскә гөлләмәләре һалды, яу ҡырында һәләк булған яугирҙәрҙе бер минут тын ҡалып иҫкә алды. Артабан байрам саралары “Нефтсе” стадионында дауам итте.
Ком: 0 // Уҡынылар: 1217 тапҡыр // Тотош уҡырға
Кисә Башҡортостан Президенты Рөстәм Хәмитов Советтар Союзы Геройы С.И. Зорин исемендәге 1-се трамвай депоһында коляскалағы инвалидтар өсөн ҡала электр транспорты менән таныштырыу сараһында ҡатнашты.
Рөстәм Хәмитов депола эшләгән Бөйөк Ватан һуғышы ветерандарын һәм афған яугирҙәрен Еңеү көнө менән ҡотланы һәм бүләк тапшырҙы. Фронтовиктар Президенттан Өфөлә, шулай уҡ тотош Башҡортостанда трамвай-троллейбус транспортын үҫтереүҙе һораны.
— Был транспорт төрөн мотлаҡ үҫтерәсәкбеҙ, — тип яуапланы республика Президенты. — Әле ҡаланың төньяғы менән көньяғын тоташтырыу планын эшләйбеҙ. Бында ҙур тиҙлеккә эйә булған трамвай бәйләнешен файҙаланырбыҙ, моғайын.
Ком: 0 // Уҡынылар: 1029 тапҡыр // Тотош уҡырға
Ғүмер юлдарын үткән саҡта кемдәрҙе генә осратмайһың да кемдәр менән генә аралашмайһың. Байтаҡ йылдар үткәс, бер миҙгелгә туҡтап, ғүмер ептәрен һүтә-һүтә хәтер һандығына күҙ һалһаң, үҙеңә бер асыш яһағандай булаһың.
Кемдәрҙелер бөтөнләй иҫләмәйһең, әйтерһең дә, донъя һеҙҙе бер ҡасан да осраштырмаған. Ҡайһыларының исем-шәрифе тел осонда ғына һымаҡ, әммә хәтерҙән юйылғандай, йөҙҙәре, буй-һындары күптән томан эсендәгеләй, айырырлыҡ, танырлыҡ түгел. Ә бына бер төркөм кешеләрҙең, һинең менән бер уй-ниәттә, бер үк рухи аҙыҡ менән йәшәгәндәрҙең генә, урыны башҡа — күңел түрендә. Изгелектәре, рухтары яҡты, сихри нур булып һине оҙата бара.
Ком: 0 // Уҡынылар: 858 тапҡыр // Тотош уҡырға
Ҡотлайбыҙ!Өфө ҡалаһында йәшәүсе ҡәҙерле әсәйебеҙ, өләсәйебеҙ Рәйсә Әхмәт ҡыҙы Абдуллинаны күркәм юбилейы менән ҡайнар ҡотлайбыҙ.
Ҡәҙерлебеҙ Хәйбулла районының Бүребай ҡасабаһында Көсөкбаевтар ғаиләһендә донъяға килә. Башҡорт дәүләт педагогия институтын тамамлай. Әле ул РФ Хөкүмәте эргәһендәге Финанс университетының Өфө филиалында инглиз теленән уҡыта. Уның фиҙаҡәр хеҙмәте “РФ мәғарифының почетлы хеҙмәткәре” исеме менән билдәләнде.
Ҡәҙерле атайыбыҙ Байрас Абдуллин менән татыу ғаиләлә бер ул һәм ике ҡыҙ үҫтерҙе улар. Атайыбыҙ Өфө юридик институтында хәрби тынлы оркестр ойошторҙо һәм етәкселек итте.
Ком: 0 // Уҡынылар: 953 тапҡыр // Тотош уҡырға
Башҡорт ҡатындарына хас тыйнаҡлығы, күңел сафлығы, буй-һынының зифалығы менән Рәшиҙә апай Туйсина башҡаларҙан айырылып тора. Юғары оҫталығы менән сәнғәтебеҙҙе бөтөн донъяға данлап сығарыусы бейеүсебеҙ бөгөнгө көндә лә үҙ эшен дауам итә.
Бынан 45 йылдар самаһы элек, үҫмер сағымда, инглиз телендә баҫылған башҡорт бейеүе тураһындағы китапты тәүгә ҡулыма алдым. “Заһиҙә” бейеүен башҡарыусы Рәшиҙә апайҙың фотоһүрәтен күреп хайран ҡалдым. Үҙебеҙҙең милли башҡорт кейемендәге һылыуҙың өлгәшкән уңышына ҡыуандым.
Ком: 0 // Уҡынылар: 881 тапҡыр // Тотош уҡырға
Башҡортостан Республикаһы буйынса Баш федераль инспектор Петр Капишников Еңеү байрамы алдынан һуғыш ветерандарының Республика клиник госпиталендә булды. Ул ауырыуҙарҙы дауалау шарттары менән танышты. Госпиталгә барыуҙың сәбәбе — ололарҙан килгән ялыуҙар.
Мәҫәлән, Рәсәй Президентының Башҡортостандағы ҡабул итеү бинаһында үткәрелгән сарала Бөйөк Ватан һуғышы ветераны, беренсе группа инвалиды Василий Кузьмич Днепровский ике ай буйы госпиталгә ята алмауына зарланды. Учреждениеның баш табибы Хәлил Мостафин әйтеүенсә, бындай осраҡтар һирәк булһа ла бар, ҡағиҙә булараҡ, уларҙың төп сәбәбе — документ тултырыуҙағы ҡыйынлыҡтар.
Ком: 0 // Уҡынылар: 647 тапҡыр // Тотош уҡырға
Пенсия фондының Башҡортостан буйынса бүлексәһе бөгөн 108 мең Бөйөк Ватан һуғышы ветеранын хеҙмәтләндерә. Шуларҙың 6,9 меңен инвалидтар һәм һуғышта ҡатнашыусылар тәшкил итһә, 100,6 меңе — тыл эшсәне, 212-һе — ҡамауҙа ҡалған Ленинградта йәшәгән кеше, ә 221-е — концлагерҙар тотҡоно.
“Ветерандарға иғтибар һәм хәстәрлек күрһәтеү, уларҙы сифатлы хеҙмәтләндереү — беҙҙең мөҡәддәс бурысыбыҙ”, — ти Рәсәй Пенсия фонды идараһы ағзаһы, Башҡортостан буйынса идарасы Фоат Хантимеров.
Закондарға ярашлы, Бөйөк Ватан һуғышы инвалидтары һәм инвалидлыҡ төркөмөнә эйә һуғышта ҡатнашыусылар, ҡамауҙа ҡалған Ленинград халҡы, фронтта һәләк булғандарҙың тол ҡатындары (яңы никахҡа инмәгән осраҡта) ике пенсия алыуға хоҡуҡлы (хеҙмәт һәм дәүләт пенсия тәьмин итеүе буйынса).
Ком: 0 // Уҡынылар: 618 тапҡыр // Тотош уҡырға
Төрлө уйҙарға сумып, Үрген ауылына яҡынлашҡанымды һиҙмәй ҙә ҡалғанмын. Ҡаргисеүҙең был яғында бер өйөр ат, берәм-берәм һибелеп, тибендә йөрөй. Хатта ҡолондарына тиклем оҫтарып алған: алғы тояҡтары менән ҡарҙы сапсып асалар ҙа, муйындарын һуҙып, ҡар аҫтынан сыҡҡан ҡурпыны йомшаҡ ирендәре менән сүпләйҙәр.
“Ниңә үрә ҡатып ҡалдың, әллә ат күргәнең юҡмы” тигәндәй, өлкән аттарҙың береһе, шөғөлөнән туҡтап, миңә оҙаҡ итеп ҡарап торҙо ла, юлыңда бул тигән кеүек бышҡырып, ҡайтанан эшенә тотондо.
Ауыл халҡының ихласлығы — үҙе бер ғәжәп күренеш: тибендә йөрөгән аттарҙың кемдеке булыуын шул сәғәтендә үк белдем: Үргендең танылған комбайнсылар династияһының бер вәкиле — Әмир Зариповтыҡы икән.
Ком: 1 // Уҡынылар: 764 тапҡыр // Тотош уҡырға
Республиканың 49 район һәм ҡалаһынан 113 ауыл хужалығы предприятиеһы “500 ферма” программаһында ҡатнашырға теләк белдерҙе. Башҡортостан Ауыл хужалығы министрлығында уларҙы һайлап алыу буйынса комиссия эшләй, махсус бүлек асылды.
Программа республика Хөкүмәте тарафынан апрель аҙағында раҫланды. Уны тормошҡа ашырыу һөҙөмтәһендә кәмендә 500 ауыл хужалығы ойошмаһы үҫеш аласаҡ, ауылда социаль тотороҡлолоҡ тәьмин ителәсәк.
Ошо көндәрҙә “Һөт малсылығын үҫтереү һәм һөт етештереүҙе арттырыу, Башҡортостан Республикаһында 500 һөтсөлөк фермаһын яңыртыу” айырым маҡсатлы программаһын тормошҡа ашырыу буйынса кәңәшмәләр уҙғарыла. Шуларҙың береһе Стәрлетамаҡ районындағы Калинин исемендәге йәмғиәттә үтте.
Ком: 0 // Уҡынылар: 741 тапҡыр // Тотош уҡырға
Баҫыуҙарҙа бер башаҡ ҡалмаһын
Беҙ икенсе класҡа барасаҡ йәйҙә Сталинград һуғышы тураһында күп ишетергә тура килде. Фашистар Волганы кисеп сыға ҡалһа, беҙгә лә ҡул һонорлоҡ ҡына ара ҡаласаҡ, имеш.
Икмәк ҡәҙере ныҡ артты. Мәктәптә бер көн уҡыһаҡ, икенсе көн баҫыуға йүгерәбеҙ. Һәр бала ҡулында — киндер тоҡ. Ураҡ менән урылған арыш, бойҙай, тары башаҡтарын йыябыҙ. Һәр кем ярты тоҡ башаҡ йыйырға бурыслы. Бының өсөн сәғәттәр буйы йөрөргә тура килә. Йыйылған башаҡты уҡытыусыға күрһәтәһең, унан һуң колхоз келәтенә тапшыраһың. Ә ҡыш көнө йорттан йортҡа йөрөп, көл, тауыҡ тиҙәге йыябыҙ.
Ком: 1 // Уҡынылар: 835 тапҡыр // Тотош уҡырға
Артҡа 1 2 Алға
Бит башына