Музейҙағы төн...Америка режиссеры Шон Левиҙың "Музейҙағы төн" фильмында төп герой музейға һаҡсы булып урынлаша. Төн етһә, унда төрлө хикмәтле хәлдәр башлана: әйберҙәр урынынан ҡуҙғала, экспонаттар "терелә"... Баш ҡалала үткән "Музейҙар төнө-2012" акцияһы ла өфөләргә ошо кинолағы ише тәьҫораттар бүләк итте — халыҡ таңға тиклем экспонаттар менән танышты, улар менән фотоға төштө, музей хеҙмәткәрҙәре әҙерләгән мауыҡтырғыс сараларҙа ҡатнашты. Төнгө музейҙарҙы Башҡортостан Президенты Рөстәм Хәмитов та ҡараны. Республика башлығы 112-се Башҡорт кавалерия дивизияһы музейында, Республика Хәрби Дан музейында, "Мираҫ" сәнғәт галереяһында, Мәжит Ғафуриҙың мемориаль йорт-музейында, М.В. Нестеров исемендәге художество музейында булды.
— Бөгөн илдә һәм бөтә донъяла "Музейҙар төнө" тип аталған ҡыҙыҡлы ваҡиға бара. Был көндөҙ ҙә, кисен дә, хатта төнөн дә донъяның барлыҡ музейҙары асыҡ тигән һүҙ.
Ком: 0 // Уҡынылар: 897 тапҡыр // Тотош уҡырға
1500 кеше — “тимер ат”та!Башҡортостан Президенты Рөстәм Хәмитов Халыҡ-ара велосипедсылар көнөндә ҡатнашты
Ярыш башланырға иртәрәк булһа ла, велосипедлы халыҡ Өфөнөң Ленин майҙанына иртүк йыйыла башланы. Араларында йәштәр, өлкәндәр, хатта биш-алты йәшлек балалар ҙа күренә. “1000 велосипедсы көнө” спорт байрамында ҡатнаша алыуға һәр кем ҡәнәғәт. Ана, Кәримовтар хатта ғаиләһе менән сыҡҡан: биш йәшлек улдары Айнурҙы велосипедтың артына ултыртып алғандар.
Ярышҡа йыйылыусыларҙы Башҡортостан Президенты Рөстәм Хәмитов тәбрикләне.
– Дуҫтар, барығыҙҙы ла байрам менән ҡотлайым. Беҙгә, йәғни сәләмәт тормош алып барған, физкультура менән шөғөлләнгән кешеләр өсөн, был ысын мәғәнәһендә байрам, – тине ул.
Ком: 0 // Уҡынылар: 599 тапҡыр // Тотош уҡырға
Әбйәлилдәр китап яҙҙыКисектерелеп килә торғас, ниһайәт, әбйәлилдәрҙең яҡташтар осрашыуы үтте. Баш ҡаланың Актер йортонда Өфөлә эшләгән-уҡыған һәммә халыҡ йыйылды. Зал туп-тулы ине. Шулай булмай, студенттар һаны ғына 600-ләп, ә бында тамыр нығытҡан әбйәлилдәрҙе һанап бөтөрлөк тә түгел бит.
Өфөлә яҡташтар ойошмаһының төҙөлөүенә инде 50 йылға яҡын ваҡыт уҙҙы. Уның яңы рәйесе Тәслимә Биктимер ҡыҙы Таһирова сәләмләү һүҙе менән сығыш яһаны. Артабан сәхнәгә йәш быуын күтәрелде. Әйткәндәй, Әбйәлил йәштәре ойошмаһының төҙөлөүенә лә 10 йыл булып киткән икән. Яҡын арала был юбилейҙы айырым билдәләргә хәл ителде.
Ғорурланырлыҡ эш бихисап. Шуларҙың береһен айырып әйтмәү хилаф булыр.
Ком: 0 // Уҡынылар: 647 тапҡыр // Тотош уҡырға
Үҫмер күңеленә нисек юл табырға?Мәктәптәрҙә психолог хеҙмәте үҫмерҙәрҙе ауырлыҡтар менән япа-яңғыҙ ҡалдырмау, теге йәки был хәл сәбәпле үкенесле аҙым яһауҙарына юл ҡуймау, ваҡытында күреп, ярҙам ҡулы һуҙыу маҡсатында булдырылғайны.
Ысынлап та, балалыҡтан сығып, үҫмерлек осорона күсеүсе малай һәм ҡыҙҙарҙың эске донъяһына нисек күҙ һалырға, ҡайһылай итеп унда "инеү" әмәлен табырға? Ғөмүмән, үҫмерҙәр менән нисек йылы мөнәсәбәт урынлаштырырға?
Үҫмер саҡ — балалыҡтан сығып өлгөрөү мәленә баҫыу осоро. Шулай уҡ социумға инеү ваҡыты ла. Ул 10-11 йәштән 14-15 йәшкәсә, ҡайһы бер осраҡта 17-гә тиклем дә дауам итә. Тап ошо арауыҡ үҫмер өсөн оҙайлы көрсөк һанала. Хатта уны бала тыуған мәл менән сағыштырырға ла мөмкин, сөнки сабый ҙа бит күҙ алдында бишкә төрләнә. Күсеү осоронда малай һәм ҡыҙҙарҙа физиологик йәһәттән дә, психик яҡтан да байтаҡ үҙгәреш күҙәтелә.
Ком: 0 // Уҡынылар: 914 тапҡыр // Тотош уҡырға
Иңендә — ил мәнфәғәтеҠарт кешенең үлемен тотош китапхананың юҡҡа сығыуына тиңләү, миңә ҡалһа, дөп-дөрөҫ. Төптән уйлап ҡараһаң, изге кеше әллә күпме ҡиммәтле мәғлүмәтте үҙе менән бергә ахирәткә алып китә. "Шул тиклем тәрән фекер эйәһе ине", – тиҙәр, "уҡымышлы зат" тигән һүҙбәйләнеш тә бар, ошо инсандарҙың әҙәм балаһының күңеленә яҡтылыҡ өләшеүе, изгелек нурҙары сәсеүе һәр кемгә аңлашыла.
Күгәрсен районында булғанда оҙатып йөрөүсенән Мәҡсүт ауылының арҙаҡлы шәхестәре тураһында һораштым, бик күптәрҙең исем-шәрифен атаны яңы танышым, шулар араһында Разия Ҡолшәрипованы айырыуса оло ихтирам менән телгә алды.
Әмәлгә ҡалғандай, һуңғараҡ Башҡортостандың халыҡ яҙыусыһы Зәйнәб Биишеваның "Үткәндәргә бер әйләнеп" тигән публицистик мәҡәләләр һәм иҫтәлектәрҙән торған йыйынтығын ҡараштырып ултырғанда, "Ҡыҙыл галстуклы кеше" исемле очеркка юлыҡтым.
Ком: 1 // Уҡынылар: 787 тапҡыр // Тотош уҡырға
Иң мөһиме – шарттар булдырылғанРеспубликала эшкәртеү сәнәғәте өсөн белгестәр әҙерләп сығарыусы уҡыу йорттары байтаҡ. Шулай ҙа улар араһында оҙаҡ йылдар үҙ абруйын юғалтмай эшләүселәр бармаҡ менән генә һанарлыҡ. Шуларҙың береһе – Салауат ҡалаһындағы 19-сы һөнәрселек училищеһы. Башҡа белем биреү усаҡтарынан айырмалы, бында башлыса “Газпром-Нефтехим-Салауат” асыҡ акционерҙар ойошмаһы өсөн белгестәр әҙерләйҙәр. Шуға ҡулына диплом алған студенттар өсөн эшкә урынлашыу еңел.
Уҡыу йортона 1952 йылда нигеҙ һалынған. Тәүге уҡыу йылында ике йөҙ студент белем алған. Ошо йылдар эсендә училищены 20 меңдән ашыу белгес тамамлаған. Быйыл 800 студент аппаратсы-оператор, технологик һурҙырғыстар һәм компрессорҙар машинисы, электр йыһаздарын ремонтлау һәм хеҙмәтләндереү буйынса электр монтеры, киң профилле станоксы, химик анализ лаборанты, ашнаҡсы, кондитер, слесарь һөнәрҙәрен үҙләштерә. Студенттарға белем алыу, ял итеү өсөн бөтөн шарттар булдырылған: бай матди-техник база тупланған, уҡытыусылар үҙ эшен яратып башҡара.
Ком: 0 // Уҡынылар: 905 тапҡыр // Тотош уҡырға
Өлгөргәнлеккә һынауБерҙәм дәүләт имтиханына әҙерһегеҙме?
Башҡортостан Мәғариф министрлығының белем сифатын баһалау һәм Берҙәм дәүләт имтихан бүлеге начальнигы Зәки Дамир улы Мырҙағәлиндең эш телефонына тынғы юҡ: берәүһенә яуап биреп, трубканы һалып өлгөрөү менән йәнә шылтыратыу... Һәр һөйләшеүҙе диҡҡәт менән тыңлап, дәфтәреңә теркәп алып ултырһаң да гәзит өсөн мәҡәлә буласаҡ тигән һүҙ. Бөтә һорауҙар ҙа ғәм халыҡты борсоған быйылғы Берҙәм дәүләт имтихандары тураһында.
— Ҡыҙым быйыл Берҙәм дәүләт имтихандарын тапшырһа, былтырғы имтихан һөҙөмтәләре юҡҡа сыҡмаҫмы? — тип һорайҙар телефон сымының теге осонда.
— Юҡ, юғалмай. Имтихан һөҙөмтәләренең ҡайһыһы яҡшыраҡ, шуныһын һайлай алаһығыҙ, — тип йыуата әсәне Зәки Дамир улы.
— Улым имтихандарҙың береһен алыштырырға теләй. Һуңламаныҡмы икән? — тип хафалана икенсе бер әсәй.
Ком: 0 // Уҡынылар: 921 тапҡыр // Тотош уҡырға
Алға ҡарап йәшәйҙәрБыл көндәрҙә республикала нефть сығарыла башлауға 80 йыл тулыу айҡанлы ҙур байрам саралары үтә. Тантана ойошторолған ҡалалар араһында Нефтекама айырым урын алып тора. Был ҡалала компанияның бер нисә эре бүлексәһе нефтселәре — Арлан, Южарлан һәм Краснохолмск бүлексәләре ветерандары һәм бөгөнгө хеҙмәткәрҙәре байрамға йыйылды. “Ҡара алтын” табыусыларҙы ҡотлау өсөн “Башнефть” акционерҙар нефть компанияһы” асыҡ акционерҙар йәмғиәтенең юғары етәкселеге лә килде.
Нефтекамалағы тантаналар Ҡала мәҙәниәт һарайында ойошторолдо. Байрамда оҙаҡ йылдар нефть тармағында эшләп хаҡлы ялға китеүселәрҙең күпләп ҡатнашыуы шунда уҡ күҙгә ташлана ине. Эйе, был яҡтарҙа ветерандарға иғтибар һәм ихтирам ҙур. Улар тантананың уртаһында булды, хеҙмәттәре өсөн лайыҡлы хөрмәт күрҙе.
Ошо урында был төбәктә “ҡара алтын” табыла башлау тарихына ла күҙ һалып китәйек.
Ком: 0 // Уҡынылар: 879 тапҡыр // Тотош уҡырға
Быйыл 28 ғинуарҙа Приют ҡасабаһындағы күп фатирлы йорттарҙың береһендә көнкүреш газы шартлау һөҙөмтәһендә биш кешенең ғүмере өҙөлдө, 16 ғаилә ҡыйыҡһыҙ ҡалды. Уҙған шәмбелә Башҡортостан Президенты Рөстәм Хәмитов эш сәфәре менән Бәләбәй районына барҙы һәм ҡаза күреүселәр өсөн төҙөлгән өс ҡатлы йортто файҙаланыуға тапшырыу тантанаһында ҡатнашты.
Төҙөүселәр был торлаҡты бик ҡыҫҡа ваҡытта, йөҙ көн эсендә тиерлек, күтәреүгә өлгәште. Ул емерелгәненән әллә ни алыҫта урынлашмаған. Яңы йортто төҙөүгә республика ҡаҙнаһынан 32 миллион һум тирәһе аҡса бүленгән.
Рөстәм Хәмитов Приют ҡасабаһында ҡыйыҡһыҙ ҡалған ғаиләләрҙең барыһына ла яңы фатир асҡысы тапшырҙы.
Ком: 0 // Уҡынылар: 576 тапҡыр // Тотош уҡырға
24 майҙа Башҡортостан Республикаһы Дәүләт Йыйылышы — Ҡоролтай йортонда (Өфө ҡалаһы, Зәки Вәлиди урамы, 40) Башҡортостан Республикаһының дүртенсе саҡырылыш Дәүләт Йыйылышы — Ҡоролтайҙың илле икенсе ултырышы була.
Ултырыш иртәнге сәғәт 10-да, теркәү 9-ҙа башлана.
Ком: 0 // Уҡынылар: 675 тапҡыр // Тотош уҡырға
Артҡа 1 2 Алға
Бит башына