Бында эшләргә теләүселәр күпСит илдә прогрессив үҫешкән малсылығы булған дәүләтте алдынғы тип һанайҙар. Шул уҡ ваҡытта сусҡасылыҡ, малсылыҡ файҙаһыҙ тип әйтеүселәр ҙә юҡ түгел. Ә бына Дыуан районының "Уралтау" ауыл хужалығы предприятиеһы етәкселеге малсылыҡты отошло тармаҡҡа индерә. Бында әле ике меңгә яҡын баш һыйыр малы, 4500 сусҡа, 400-шәр һарыҡ һәм йылҡы бар.
Хужалыҡтың сусҡа комплексы алдынғы, юғары технологиялы предприятиеларҙан һанала. 57 кеше сусҡа үрсетеү һәм үҫтереү менән шөғөлләнә. Бер инәнән кәмендә 12-13 сусҡа балаһы алалар. Тәжрибәле оло мастерҙар менән бер рәттән әле генә уҡыу йортон тамамлаған йәш белгестәр ҙә бында тырышып эшләй. Мәҫәлән, Регина менән Йәмил Абдуллиндар Башҡортостан дәүләт аграр университетының зоотехния факультетын тамамлап, Дыуанға эшкә ҡайтҡан. Икәүһенә лә эш оҡшай, уларҙың торлаҡ мәсьәләһе лә тиҙҙән хәл ителәсәк.
Ком: 0 // Уҡынылар: 1169 тапҡыр // Тотош уҡырға
Ҡаймаҡтарын “һә” тигәнсе алып бөтәләрХәҙер ҡаймаҡ, ҡатыҡ кеүек ризыҡ эшләп сығарыу менән кемдәр генә һәм ҡайҙа ғына шөғөлләнмәй. Ләкин “Тәтешле май заводы” муниципаль унитар предприятиеһы етди конкуренция шарттарында ла юғалып ҡалмай, үҙ йүнәлешенән тайпылмай.
Бөгөн һатып алыусылар даирәһе шаҡтай ҙур һәм талапсан. Шуға ла сифатҡа айырыуса ныҡлы иғтибар бирелә. Май заводының үҙ лабораторияһы бар. Унда һөттөң таҙалығын, майлылығын ғына билдәләп ҡалмай, ә продукция эшләгәндә ҡулланыла торған өҫтәмәләрҙең сифатын да тикшерәләр, етештереү технологияһының теүәл һаҡланыуын күҙәтәләр. Һөт ризыҡтары һыуытҡыс камераларҙа туҡталып тормай, шунда уҡ ҡулланыусыларға оҙатыла. Өфө, Нефтекама, Яңауыл, Бөрө, Балтаста һәм башҡа урындарҙа завод продукцияһын “һә” тигәнсе алып бөтәләр.
Ком: 0 // Уҡынылар: 893 тапҡыр // Тотош уҡырға
Алтын — ерҙән, ғалим илдән сығаҺуғыштан һуңғы йылдарҙа яуҙан ҡайтҡан ағайҙарҙың бер нисә йыйылыр урыны булыр ине. Был урындар — ауылдың уңайлы берәй ҡалҡыу ере, бәләкәй генә магазин йәки клуб алды. Тәмәке төрөп көйрәтәләр, көндәлек эш хаҡында әңгәмәләшәләр, күргән-кисергән һуғыш мажараларын хәтерләүгә төшөп китәләр, үҙ-ара төрлө мәҙәктәр ҙә һөйләп алалар.
Беҙ — малайҙар — шул ағайҙар тирәһендә уралышабыҙ. Юҡ-юҡта, күҙ ташлап, беҙгә лә берәй һүҙ әйтеп ҡуялар. Шундай “йыйылыш”тарҙың береһендә, яныбыҙҙан үтеп барған ҡара ҡаҡса малайҙы күреп, яугир, һынамсыл ҡарашлы Сәйфетдин ағай:
— Күрерһегеҙ, ошо егеттән рәт сығасаҡ, ҙур кеше буласаҡ ул, — тип ҡуйҙы. Тиңдәштәренән берәү:
— Күрәҙәсе инде һин, бөтәһен дә алдан беләһең дә ҡуяһың, — тип мыҫҡыллы йылмайҙы.
Ком: 0 // Уҡынылар: 998 тапҡыр // Тотош уҡырға
Яҡташтарыбыҙ — Парижда1812 – 1814 йылғы Ватан һуғышына тиклем башҡорт халҡы, Рәсәй дәүләтенең һуғышсан ҡатламы исемлегенә индерелеү сәбәпле, был дәүерҙә бөтә төр яһаҡтарҙан азат ителә.
Һәр һуғышсы тәүлек эсендә әҙерләнеп, ҡылыс, ағас һаплы һөңгө, йәйә һәм уҡтар менән ҡоралланып, бер айлыҡ аҙыҡ-түлек алып, поход старшинаһы етәкселегендә, ике яҡшы аттың береһенә атланып, икенсеһен йәнәштән эйәртеп, билдәләнгән урынға килеп етергә тейеш булған.
Тарихтан билдәле булыуынса, 7-се кантон бүленешенән, хәҙерге Ғафури, Ишембай райондары биләмәһенән 1811 йылдың майында, Ишәй ауылы янында, Йомағолов тигән поручик тарафынан бер мең һыбайлы казактан торған резерв командаһы төҙөлә. Командаға, минең фараз буйынса, тыуған ауылым Яугилденән туғыҙ уҙаман эләгә.
Ком: 0 // Уҡынылар: 1358 тапҡыр // Тотош уҡырға
Масаҡ тауын артылғас...Ғүмереңдең дәртле яҙҙары, сыуаҡ йәйҙәре, алтын көҙҙәре, сал ҡыштары тураһында ғорурланып һөйләр хәтирәләрең булыуы — үҙе бер бәхеттер. Байғаҙы ауылында йәшәүсе Шаһимырҙан Рәхмәтуллиндың ундай шатлыҡтары, шөкөр, мул. Бар ғүмерен намыҫлы хеҙмәткә бағышлаған уҙаман, яҙмыш артыҡ иркәләмәһә лә, уның һынауҙарын лайыҡлы үтеп, бөгөн дә бына тигән итеп, балаларына, ейәндәренә терәк булып ғүмер итә.
Шаһимырҙан апаның (атай-әсәйҙән өлкән ир кешене бында шулай атайҙар) атаһы, колхоз рәйесе Аллабирҙе Рәхмәтуллин, 1942 йылда үҙе теләп фронтҡа юллана. Китә лә... тыуған яҡтарына юлы өҙөлә — 1943 йылдың аҙағында “ҡара ҡағыҙы” килә.
Ауыр һуғыш йылдарында барлыҡ балалар татыған етемлек, аслыҡ, юҡлыҡ һурпаһын һемереп, эштә бешегеп үҫкән Шаһимырҙан, ауылда IV класты тамамлағас, ике йыл Ҡыпсаҡ мәктәбендә белем ала.
Ком: 0 // Уҡынылар: 823 тапҡыр // Тотош уҡырға
Мохтаж булып йәшәмәйекДәртле, тырыш, әүҙем ханым Наилә Дамир ҡыҙы үҙенең бөтөн булмышын иң изге һөнәргә — уҡытыусылыҡҡа — арнаған, әммә тормошо мәғариф өлкәһе менән генә сикләнмәй, йәмәғәт эшмәкәрлеге, үҙешмәкәр сәхнә менән үрелеп бара.
Наилә Буранғолова — Салауат районы ҡыҙы. Стәрлетамаҡ педагогия институтын тамамлағандан һуң, Илеш районында йүнәлтмә буйынса башланғыс класс балаларын уҡыта, шул саҡтан уҡ йәмәғәт тормошонда әүҙем ҡатнаша, концерттар, кисәләр ойоштора, уларҙы үҙе алып бара. Бейеү менән шөғөлләнгәнлектән, ул балалар өсөн түңәрәк тә асҡан.
Бынан 25 йыл самаһы элек Өфөнөң Дим районындағы Миңлеғәле Шайморатов исемендәге 104-се мәктәпкә килеп урынлаша. Унда беренсе тапҡыр башҡорт телен предмет булараҡ уҡыта башлай.
Ком: 0 // Уҡынылар: 836 тапҡыр // Тотош уҡырға
Һүрәттәрендә дәүер сағылаЯңыраҡ редакцияға СССР-ҙың халыҡ рәссамы Әхмәт Лотфуллиндың хәләл ефете шылтыратты.
— Ваҡытығыҙ булһа, беҙгә килеп китегеҙ әле, — тине Луиза Мөжәүир ҡыҙы. — Әхмәттең быға тиклем бер ҡайҙа ла күренмәгән хеҙмәте менән таныштырырға иҫәбем.
Ысынлап та, был картиналарҙы бер күргәҙмәлә лә, рәссамдың әҫәрҙәре каталогында ла күргән юҡ ине. Бына, исмаһам, хазина!
— Белорет металлургия комбинаты хаҡында картиналар серияһы әҙерләү маҡсатында ирем 1961 йылда дәррәү эшкә тотондо, — ти Луиза апай. — Комбинатҡа барып, ундағы хеҙмәткәрҙәр менән аралашып йөрөнө. Тик ниндәйҙер сәбәп арҡаһында ул эшен дауам итмәне. Бары биш әҫәр яҙыу менән сикләнде. Ул картиналар шул йылдан алып Әхмәттең оҫтаханаһында һаҡланды, вафат булғас, барлыҡ эштәрен фатирға ташып ҡуйҙыҡ.
Ком: 0 // Уҡынылар: 827 тапҡыр // Тотош уҡырға
Ирем уңған минең— Әле ярай, уң ҡулым — ирем бар. Тәүлегенә ике тапҡыр фермаға йүгереп, хужалыҡта бер нәмәгә лә өлгөрмәгән булыр инем. Һәр эштә булыша ул. Быйыл түтәлдәр яһап, йәшелсәләргә тиклем ултыртты, — тип иң элек тормош иптәше Азатты маҡтап алды Әлфирә әңгәмәбеҙ башында. Пар ҡанатлы булып йәшәү, ауыр ваҡыттарҙа бер-береңә ҡул һуҙыу, тормош йөгөн бергә тартыу, ни тиһәң дә, еңел шул.
Яңы Күктау ауылында ғүмер кисереүсе Әлфирә менән Азат Зиязетдиновтар, ысынлап та, һоҡланырлыҡ ғаилә. Яландай иркен йортто улар үҙ көстәре менән 2008 йылдың йәйендә төҙөп сыҡҡан. Өй заманса йыһазландырылған, таҙалыҡ-бөхтәлек шунда уҡ күҙгә ташлана, барыһы ла егәрле хужалар йәшәүенә ишара.
Ком: 0 // Уҡынылар: 1105 тапҡыр // Тотош уҡырға
Уға бөтә ғилем, аҡыл һыйғанТормошобоҙҙо китапһыҙ күҙ алдына килтереп булмай. Олатайҙарҙың быуаттар төпкөлөнән ҡағыҙға яҙып ҡалдырған мираҫы, васыяттары, ғалимдарҙың уй-фекерҙәре, шағирҙарҙың йөрәген ярып сыҡҡан юлдары тупланған уларҙа.
Китап яратҡан, уның әһәмиәтен балаһына төшөндөрә алған ғаиләлә бала уҡымышлы, тәртипле, үҙаллы булып үҫә. «Бөтә ғүмереңде сарыф ит һин китапҡа, бөтә тормош, бөтә аҡыл китапта» тигән һүҙҙәрҙе юҡҡа ғына әйтмәгән бер яҙыусы. Бөтә Рәсәй китапханалар көнө уңайынан Башҡортостан Мәҙәниәт министрлығы үткәргән сарала китапханасыларҙың хеҙмәте юғары баһаланды.
— Халыҡтың үҙаңын үҫтереүҙәге эшегеҙ баһалап бөткөһөҙ. Әҙәбиәтебеҙ аша тыуған илгә һөйөү уятаһығыҙ, тарихи ҡомартҡыларҙы халыҡҡа еткерәһегеҙ. Серле, мөғжизәле китап донъяһын яҡтыртҡанығыҙ өсөн ҙур рәхмәт, – тине Башҡортостан Республикаһының мәҙәниәт министры вазифаһын башҡарыусы Камилә Дәүләтова һәм был өлкәлә оҙаҡ йылдар эшләгән бер төркөм китапханасыға Почет грамотаһы тапшырҙы.
Ком: 0 // Уҡынылар: 1151 тапҡыр // Тотош уҡырға
Өфөнөң “Нефтсе “мәҙәниәт һарайында Белоретҡа нигеҙ һалыныуҙың 250 йыллығына арналған байрам концерты үтте. Сарала “Өфөлә Белорет көнө”нә ярашлы шул төбәктә тыуып үҫкән сәнғәт эшмәкәрҙәре һәм ижады данлы металлургтар ҡалаһы менән бәйле артистар ҡатнашты.
Концерт башланыр алдынан абруйлы ҡунаҡтар республиканың Дәүләт Йыйылышы — Ҡоролтай Рәйесе Константин Толкачев етәкселегендә мәҙәниәт усағының беренсе ҡатында йәйелдерелгән “Белорет: кисә, бөгөн, иртәгә…” күргәҙмәһе экспонаттары менән танышты.
Республика Хөкүмәте Премьер-министры урынбаҫары, торлаҡ-коммуналь хужалыҡ министры Сергей Афонин Башҡортостан Президенты һәм Хөкүмәте исеменән ҡотлау һүҙҙәре еткерҙе.
Ком: 0 // Уҡынылар: 853 тапҡыр // Тотош уҡырға
“Көньяҡ Урал-2012 төбәк-ара инвестицион форумына әҙерлек" тип аталған матбуғат конференцияһында һүҙ ошо төбәктең проблемалары, киләсәге хаҡында барҙы. Уны Башҡортостан Республикаһы Хөкүмәте Премьер-министры урынбаҫары, Башҡортостан Республикаһы Хөкүмәте Аппараты етәксеһе Илшат Тажетдинов алып барҙы. Форум 8 — 9 июндә Сибайҙа үтәcәк.
"Көньяҡ Урал райондарының 2011-2015 йылдарҙа иҡтисади үҫешенең урта сроклы комплекслы программаһы"на ярашлы Сибай ҡалаһы, Әбйәлил, Баймаҡ, Ейәнсура, Йылайыр, Учалы һәм Хәйбулла райондарында тау сәнәғәте, ауыл хужалығы, ағас эшкәртеү, машиналар эшләү, транспорт инфраструктураһы, туризмды үҫтереү һәм тирә-яҡ мөхитте һаҡлау иң әһәмиәтле тармаҡтарҙан һанала.
Ком: 0 // Уҡынылар: 745 тапҡыр // Тотош уҡырға
Республиканың хеҙмәт һәм халыҡты социаль яҡлау министры Ленара Иванова, Башҡортостанда Кеше хоҡуҡтары буйынса вәкил Рим Ҡәйүмов һәм төбәктең баш медик-санитар экспертиза бюроһы етәксеһе урынбаҫары Роза Баҡыева Федоровка районына эш сәфәре барышында халыҡты шәхси мәсьәләләр буйынса ҡабул итте. Осрашыуға төрлө ауылдарҙан 26 кеше килде.
Социаль торлаҡ программаһына инеү, өй һатып алыу йәки төҙөү өсөн субсидиялар тураһында һорауҙар күп ине. Оҙаҡ йылдар һауынсы булып эшләгән, күп бала тәрбиәләгән бер ҡатын “Әсәлек даны” миҙалын юллау мәсьәләһе буйынса мөрәжәғәт итте.
Ком: 0 // Уҡынылар: 731 тапҡыр // Тотош уҡырға
Быйыл 800 километрҙан ашыу автомобиль юлы, дөйөм оҙонлоғо 680 метр булған күперҙәр төҙөкләндереләсәк, 43 километрлыҡ яңы юл файҙаланыуға тапшырыласаҡ.
Башҡортостан Хөкүмәтендә үткән оператив кәңәшмәлә Башҡортостан Республикаһының Транспорт һәм юл хужалығы буйынса дәүләт комитеты рәйесе Ильяс Мөниров ошо хаҡта хәбәр итте.
— Әле 45 мең квадрат метр майҙанға һалҡын асфальт-бетон ҡатнашма, 288 мең квадрат метрға эҫе асфальт түшәлгән, — тине ул. — Төбәк һәм муниципаль-ара әһәмиәттәге юлдарҙа ремонт үткәрелде, урындағыларында был эш 1 июнгә тамамланасаҡ.
Ком: 0 // Уҡынылар: 633 тапҡыр // Тотош уҡырға
Кисә сәнәғәт округтары, бәләкәй һәм урта эшҡыуарлыҡ өлкәһендә хеҙмәттәшлек буйынса Рәсәй-Италия эш төркөмөнөң XX ултырышында ҡатнашасаҡ ҡунаҡтар Өфөгә килде.
1 июнгә ҡәҙәр дауам итәсәк был сарала пленар ултырыштан тыш “түңәрәк өҫтәл”дәр, ике яҡлы хеҙмәттәшлек буйынса Италия һәм Рәсәй эшҡыуарҙарының осрашыуҙары көтөлә. Атап әйткәндә, энергия һаҡлаусы технологиялар, төҙөлөш һәм экотехнологиялар, ағас эшкәртеү, мебель етештереү, дизайн һәм архитектура, медицина, фармацевтика һәм башҡа өлкәлә фәһемле һөйләшеүҙәр буласаҡ. Сарала шулай уҡ Башҡортостандың Сауҙа-сәнәғәт палатаһы ҡанаты аҫтында Эшлекле бәйләнештәр биржаһы ойоштороласаҡ.
Ком: 0 // Уҡынылар: 644 тапҡыр // Тотош уҡырға
Эйе, ҡыҫҡа ваҡытлы эш түгел. Ә күпме ваҡыт кәрәк коррупцияны еңер өсөн? Йөҙ йылмы? Меңме? Әллә Рәсәй шарттарында уға ҡаршы көрәш ахырзаманға хәтле барырмы? Башҡортостан түрәләре араһында коррупция нисек үҫешкән? Ҡайһы тармаҡтарҙа күберәк ришүәт алалар? Нисә коррупционер тотолдо һәм хөкөм ителде? Кемдәр улар? Көрәш ысынлап та барамы, әллә власть һүҙ бутҡаһы бешереүҙән ары китмәйме?
Башҡортостан прокуроры Сергей Хуртиндың матбуғат конференцияһы алдынан ошондай һорауҙар үҙенән-үҙе тыуҙы. Бүтән төрлөләре лә күп ине, сөнки коррупция – шундай киң таралған күренеш һәм бындай конференцияларҙы көн һайын үткәреп торһаң да һорау менән яуаптарҙың осона ла сығып булмаҫтыр.
Ком: 0 // Уҡынылар: 997 тапҡыр // Тотош уҡырға
Артҡа 1 2 Алға
Бит башына