“Башҡортостанда иң яҡшы муниципаль берәмек” конкурсына йомғаҡ яһалды.
Башҡортостан Президенты Хакимиәте етәксеһе Владимир Балабанов, конкурста еңеүселәргә Рөстәм Хәмитовтың ҡотлауын еткереп, республикабыҙҙың беренселәрҙән булып урындағы үҙидаралыҡтың килемен арттырыу буйынса үҙгәрештәр индереү зарурлығын күтәреп сығыуы, бының киләсәктә иҡтисадты нығытыуҙа үҙ һөҙөмтәһен бирәсәге хаҡында һөйләне.
— Был конкурс республика өсөн мөһим ваҡиға булды, урындағы властың эшен йәнләндереүгә этәргес бирҙе, халыҡ менән тығыҙ аралашып йәшәү зарурлығын раҫланы, — тип билдәләне ул.
Ком: 1 // Уҡынылар: 579 тапҡыр // Тотош уҡырға
23 майҙа Брянск өлкәһендә Башҡортостан Президенты Рөстәм Хәмитов Рәсәй Хөкүмәте рәйесе Дмитрий Медведев үткәргән ит малсылығын үҫтереү мәсьәләләре буйынса кәңәшмәлә ҡатнашты.
Сарала, илдәге ит малсылығы ҙур агросәнәғәт холдингтарын ойоштороу юлынан барырға тейеш, тип билдәләнде. Дмитрий Медведев Хөкүмәттә малсылыҡ комплекстары төҙөүгә оҙайлы инвестиция кредиттары биреү буйынса (15 йылға тиклем) процент ставкаларын субсидиялау мәсьәләһенең, шулай уҡ ҙур малсылыҡ проекттарын инженерлыҡ инфраструктураһы менән тәьмин итеүгә сығымдың бер өлөшөн ҡаплау мөмкинлегенең ҡаралыуы хаҡында һөйләне.
Ком: 0 // Уҡынылар: 517 тапҡыр // Тотош уҡырға
Йәшәргә яраҡһыҙ. Тик быны танымайҙар
— Әсәйем — Бөйөк Ватан һуғышы ветеранының тол ҡатыны. Ул иҫке, 1800 йылда төҙөлгән, элек мәсет булған йортта йәшәй. Өй бик һалҡын, йылытыуы үтә ауыр. Хосусилаштырылмаған, майҙаны — 48 квадрат метр. Яңы торлаҡ алырға теләгәйнек, комиссия килеп тикшергәндән һуң, метраж етә, ә йорт ни бары 58 процентҡа иҫкергән, тинеләр. Әсәйемә — 82 йәш, уға был йортта йәшәүе ауыр. Юғары судҡа ла мөрәжәғәт итеп ҡараныҡ, башҡарма власть органдарына ла хат яҙҙыҡ, әммә ыңғай һөҙөмтә юҡ. Торлаҡты йәшәүгә яраҡһыҙ тип кем таный һәм ниндәй ҡанундарға таянырға мөмкин? Ошо турала аңлатып яҙһағыҙ ине.
Ком: 0 // Уҡынылар: 528 тапҡыр // Тотош уҡырға
90 йәште ҡыуыуыма ҡарамаҫтан, милли матбуғат баҫмаларының һәр береһен ҡалдырмай уҡып, телевидение-радио тапшырыуҙарын ҡарап-тыңлап барам.
Һуңғы ваҡытта милләтебеҙҙе, телебеҙҙе һаҡлау хаҡында күп сығыш яһала, өгөт-нәсихәт уҡыла, ҡыҙыу бәхәстәр булып ала. Әммә “эт өрә тора, бүре йөрөй бирә” тигәндәй, битарафлыҡты еңә алмайбыҙ. Телде һанға һуҡмағандарға сара күреү хаҡында закон булдырылыуы тураһында “Башҡортостан” гәзитендә яҙылып та сыҡҡайны. Ниңә хаталар һаман да дауам итә һуң?
Тағы ла бер проблема күңелде ҡыра: Хеҙмәт кодексы, әҙәби-юридик, дәүләт ҡоролошо хаҡында һәм башҡа рәсми китаптар ниңә һатыуҙа юҡ икән? Ҡайһы бер чиновниктарҙың, вазифалы кешеләрҙең телевидение аша: “Халыҡ закондарҙы белмәй”, — тип яу һалғанын ишеткән бар.
Ком: 0 // Уҡынылар: 895 тапҡыр // Тотош уҡырға
“Йәнсураны ҡайтарайыҡ!” — ти Ейәнсура районының Иҫәнғол ауылынан Хәмиҙулла Хәйруллин. Ҡаныбыҙға һеңгән “Ейәнсура” ысынында “Йәнсура” икән.
Башҡортта йылға, тау, ҡәбилә-ырыу атамалары шул урында йәшәгән халыҡ телендә генә дөрөҫ әйтелгән. Байтаҡ һүҙ, исем, урыҫсаға күсеп, үҙенең төп мәғәнәһен юғалтҡан. Мәҫәлән, тыуған районым Балаҡатай урыҫса рәсми документтарҙа “Белокатай” булып йөрөй. Был мәсьәлә матбуғат баҫмаларында, халыҡ араһында ваҡыты-ваҡыты менән күтәрелеп ала ла, шуның менән вәссәләм — онотола.
“Бело” менән “бала” — икеһе ике төрлө мәғәнә. Тарихты һайыраҡ белгән ҡайһы берәү, райондың исемен “аҡ ҡатай” заты, “Аҡ урҙа” ханлығына бәйләй. Бындай зат бөтөнләй булмаған, ә “Аҡ урҙа” менән бер ниндәй ҙә уртаҡлығыбыҙ юҡ. Ҡатайҙар Бала һәм Оло Ҡатайға бүленгән.
Ком: 0 // Уҡынылар: 1097 тапҡыр // Тотош уҡырға
1991 йылда “Әй” шифаханаһында Әмирхан ағай Абыҙгилдин менән бергә ял иткәйнек. Уның бер фекере хәтеремдә ныҡ уйылып ҡалған.
Әмирхан ағайҙарҙың совхозында бер нисә милләт вәкиле эшләгән, аралашып йәшәгән. Башҡорт егеттәре, үҙ-ара әсә телендә һөйләшһә лә, урыҫса һүгенгән. “Тимәк, был йәмһеҙ холоҡҡа урыҫтарҙан өйрәнгәнбеҙ”, — тип һығымта яһағайны Әмирхан ағай.
Ниңәлер сит кешеләргә эйәрергә тырышабыҙ шул. Төрлө телдән ингән һүҙҙәрҙе лә шул көйөнсә ҡабул итәбеҙ. Мәҫәлән, әҙәбиәтебеҙ, киң мәғлүмәт саралары “сәскес” тип әллә күпме ҡабатлап торһа ла, “сеялка” тип һөйләйбеҙ, комбайнсының ярҙамсыһын “помощник” тип кенә ебәрәбеҙ. Игенселек башҡортта борон-борондан булған, урыҫ һүҙҙәренә өҫтөнлөк биреп, тарихыбыҙҙы һайыҡтырмайбыҙмы?
Ком: 0 // Уҡынылар: 858 тапҡыр // Тотош уҡырға
Башҡорт теленең тағы бер үҙенсәлеге бар: хәҙерге заман төшөнсәһен күп осраҡта ҡушма ҡылым бирә һәм уларға башҡорт теле бик бай. Мәҫәлән: магазинға барам — киләсәк заман, магазинға китеп барам, бара ятам — хәҙерге заман; эштән ҡайта — киләсәк заман, эштән ҡайтып килә, ҡайтып бара, ҡайтып килә ята — хәҙерге заман; һорауға кем яуап бирә? — киләсәк заман, һорауға яуап биреп тора — хәҙерге заман, сәй эсәм — киләсәк заман, сәй эсәм, эсеп ултырам — хәҙерге заман һәм башҡалар.
Был яҙғандар башҡорт телендә -саҡ/-сәк ялғауы ҡулланылырға тейеш түгел, тигәнде аңлатмай. Башҡорттарҙа был форма ниндәйҙер мәсьәлә бик ҡәтғи торғанда, бер нигә ҡарамай башҡарылырға тейешле эш булғанда, йә иһә ниҙеңдер ваҡыты аныҡ билдәле булмағанда ҡулланылған.
Ком: 1 // Уҡынылар: 1115 тапҡыр // Тотош уҡырға
Илем бар, илем бай,
Күңелем шатлана.
Гүзәллек һәр ерҙә,
Ай, Ҡояш батһа ла.

Яратам мин һине,
Илкәйем-бергенәм.
Сәскә ат, бай йәшә,
Ком: 0 // Уҡынылар: 1064 тапҡыр // Тотош уҡырға
Халыҡ-ара уҡыу көнө айҡанлы Силәбе ҡалаһындағы Ш. Бабич исемендәге китапхана хеҙмәткәрҙәре 156-сы балалар баҡсаһының өлкән һәм мәктәпкә әҙерлек төркөмдәрен башҡорт телендәге китаптар менән таныштырҙы. Бынан тыш, кескәйҙәр өсөн бай ғына байрам программаһы тәҡдим ителде.
Китапхана мөдире Көнһылыу Әйүпова балаларҙы барлыҡ бүлексәләр буйлап алып йөрөнө. Тәү сиратта былтыр асылған балалар әҙәбиәте бүлексәһе күрһәтелде. Матур, сағыу тышлы баҫмаларҙы ҡулына тотоп ҡарағас, буласаҡ уҡыусыларҙың йөҙөнә нур өҫтәлгәндәй тойолдо.
Артабан улар милли мәҙәниәтте һәм көнкүреште һынландырған музейға инде, ундағы тирмәләргә күҙ һалды, башҡорт кейемдәрен кейеп ҡараны.
Ком: 0 // Уҡынылар: 768 тапҡыр // Тотош уҡырға
Өлкә башҡорттары ҡоролтайы һәм Копейск ҡалаһының тыуған яҡты өйрәнеү музейы тарафынан ойошторолған Башҡорт мәҙәниәте көндәре бик күп кешегә милли мәҙәниәтебеҙ, тарихыбыҙ менән танышыу мөмкинлеге бирҙе. Музейҙа ҡуйылған күргәҙмәне бер аҙна эсендә 750-нән ашыу кеше ҡараны. Уларҙы боронғо башҡорт кейемдәре һәм көнкүреш әйберҙәре генә түгел, әҙәбиәт һәм сәнғәт өлгөләре лә ҡыҙыҡһындырҙы.
Өлкә ҡоролтайының башҡарма комитеты ағзаһы Наил Шәйҙуллин, проектты ойоштороусыларҙы Башҡорт мәҙәниәте көндәренең уңышлы үтеүе менән ҡотлап, музей хеҙмәткәрҙәренә төбәк башҡорттарының ижтимағи берекмәһе етәксеһе Морис Йосопов исеменән рәхмәт һүҙҙәре еткерҙе, артабанғы эштәрендә уңыштар теләне.
Ком: 0 // Уҡынылар: 788 тапҡыр // Тотош уҡырға
Орск ҡалаһында Башҡорт мәҙәниәте көнөн ойоштороусылар байрамда шул тиклем күп кеше ҡатнашырын көтмәгәйне, сөнки май – халыҡтың баҡса эштәре менән мәшғүл сағы. Ғәҙәттә Фәйзи Ғәскәров исемендәге дәүләт академия халыҡ бейеүҙәре ансамбле кеүек билдәле коллективтарҙың, ил кимәлендә танылған йырсыларҙың концерттарында ғына тамаша залы әлеге һымаҡ шығырым тулы була.
Миңә, ҡала телевидениеһында эшләү дәүерендә төрлө форум, йыйындарҙы йыш күргән кешегә, Башҡорт мәҙәниәте көнө һис тә ҡәҙимге саралай тойолманы, киреһенсә, йәмғиәттә уға ихтыяждың ҙур икәнлегенә иғтибар иттем. Йыйылыусыларҙың барыһының да йөҙөндә ысын байрам кәйефе сағылды. Ырымбур ҡалаһынан, Ҡыуандыҡ, Новотроицк, Гай райондарынан, Башҡортостандың беҙгә сиктәш ауылдарынан да ҡунаҡтар күп килгәйне.
Ком: 0 // Уҡынылар: 778 тапҡыр // Тотош уҡырға
Эстонияла йыл һайын Палдиски ҡалаһы көнөнә тура килтереп башҡорт һабантуйы ойошторола. Быйыл ул, «Балтик буйы йәштәре һабантуйы» тип исемләнеп, 14 июлдә үтәсәк. Байрамға Латвиянан, Финляндиянан, Башҡортостандан ҡунаҡтар саҡырылған. Быйыл мартта Эстония башҡорттарының «Ағиҙел» мәҙәни ойошмаһы менән Башҡортостандың ЮНЕСКО эштәре буйынса комитеты етәкселәре беҙҙәге һабантуйға республиканан башҡорт сәхнә оҫталарын саҡырыу тураһында килешкәйне.
Бынан тыш, яҙ һәм көҙ һайын урындағы ваҡ милләттәр ассоциацияһы тарафынан милли-мәҙәни ойошмалар вәкилдәре өсөн Эстония буйлап экскурсия уҙғарыла. Яңыраҡ бындағы башҡорттар «Ағиҙел» ойошмаһының ярҙамы менән Палдискиға сәфәр ҡылды.
Ком: 0 // Уҡынылар: 687 тапҡыр // Тотош уҡырға
Һеҙҙең менән бәйләнеш — беҙҙең йәшәйеш шартыГәзитте профессионалдар эшләргә тейеш тиһәләр ҙә, бер генә баҫма ла үҙ уҡыусыларынан килгән хат-хәбәрһеҙ йәшәй алмай. Һәр килгән затҡа беҙ, редакция хеҙмәткәрҙәре, ҡыҙыҡһыныу менән бағабыҙ: ниндәй яңылыҡ бар, гәзиткә яҙырға мәжбүр иткән ниндәй проблема борсой уны, нимәләр эшләргә йәки үҙгәртергә тәҡдим итә... Һәр хатта — тормош һулышы. Урындағы хәл-ваҡиғаларҙы ла ошо хат авторы, һис һүҙһеҙ, Өфөлә ултырған журналистан яҡшыраҡ белә. Редакциянан теләгән көндә теләгән йүнәлештә сығып китеү форсаты ла юҡ шул.
Сәйәси тормошта, иҡтисади шөғөлдә, үҙ хоҡуҡтарын даулауҙа халыҡ әүҙемме? Беҙгә ҡалһа, күпселек кеше: “Юҡ, әүҙем түгел әле...”— тип яуап бирәсәк. Ә нимә көтәбеҙ? Һеҙҙең хаттар, гәзиттең Интернеттағы сайтына яҙған аңлатмалар һәм тәҡдимдәр, гәзит һәм журналдарҙы алдырып уҡып барыу әүҙемлеккә ынтылыш бар икәнен дәлилләй, был ынтылыштың көсәйәсәгенә өмөт уята.
Ком: 0 // Уҡынылар: 1444 тапҡыр // Тотош уҡырға
Һәммәһен дә ҡыйратып...Һуңғы биш йылда өсөнсө "алтын" яуланылар
Рәсәйҙең хоккей буйынса йыйылма командаһы, ниһайәт, тағы ла чемпион! Быйыл беренселекте яулағандан һуң беҙҙең хоккейсыларҙың көсөнә шикләнеүселәр ҡалмағандыр. Вячеслав Быков урынына былтыр баш тренер итеп тәғәйенләнгән Зиннәтулла Биләлетдинов та көйәрмәндәрҙең өмөтөн аҡланы: команда чемпионат дауамында бер генә еңелеү ҙә кисермәне!
Быйылғы донъя чемпионаты бер юлы Финляндияла һәм Швецияла үтте. Унда ҡатнашҡан һәр команда тик маҡтау һүҙҙәренә генә лайыҡ. Бигерәк тә Швеция, Финляндия, Чехия, АҠШ командалары үҙҙәренең иң көслө уйынсыларын туплағайны. Рәсәй ҙә ҡалышманы: NHL "йондоҙҙары" Евгений Малкин, Павел Дацюк, Александр Семин, Евгений Варламов, Николай Кулеминдың исемдәре генә ни тора!
Ком: 0 // Уҡынылар: 724 тапҡыр // Тотош уҡырға
Үткәндәргә юл юҡ...-Тып-тып, тып-тып... — көноҙоно күңелле йырҙарын һуҙған ямғыр тамсылары кискә әллә ҡырыҫлана төшкән, әллә ер өҫтөн ҡосоп алған ҡуйы ҡараңғылыҡҡа үс итә — бер иш ноталарға һалған күңелһеҙ йырҙары менән күңелдә ҡайнашҡан ауыр уйҙарҙы торған һайын ҡуйырта төшәләр. Етмәһә, асыҡ тәҙрә аша бүлмәгә оялмай-нитмәй бәреп ингән киске һауа һыуыҡ тыны менән тәнде ҡурыуына ҡәнәғәтләнмәйенсә, йөрәккә тиклем үтеп инә. Ошондай шыҡһыҙ ҡараңғы төндә торған һайын туңа барған күңелгә һүлпән булһа ла яҡты нурҙары менән йылылыҡ һәм өмөт бирерлек күктә йымылдаған бер йондоҙ булһа ине лә бит! Юҡ шул...
— Тып, тып, тып-тып...
Әллә инде ямғыр тамсылары һүнеп барған ялҡын-өмөттәремде бөтөнләй үлтерергә теләмәй: һис кенә лә мейемде ойотоп бейеүҙәренән туҡтарға уйламай.
Ком: 0 // Уҡынылар: 1344 тапҡыр // Тотош уҡырға
Артҡа 1 ... 4 5 6 7 8 9 10 11 12 ... 32 Алға
Бит башына