4 ИЮНЯ
ПОНЕДЕЛЬНИК

ПЕРВЫЙ КАНАЛ

05.00 “Доброе утро”
09.00 Новости
09.05 “Контрольная закупка”
09.40 “Женский журнал”
09.50 “Жить здорово!”
10.55 “Модный приговор”
12.00 Новости
12.25 “Женский доктор”. Сериал
Ком: 0 // Уҡынылар: 963 тапҡыр // Тотош уҡырға
Дуҫлыҡ күпере31 майҙа Өфөгә рәсми делегация менән Сыуашстан башлығы Михаил Игнатьев килде. Аэропортта уны Башҡортостан Президенты Рөстәм Хәмитов ҡаршыланы.
Баш ҡалала делегация Башҡортостанда Сыуаш Республикаһы мәҙәниәте көндәрендә ҡатнашасаҡ. Сараға ярашлы сыуаш һынлы сәнғәт оҫталары әҫәрҙәре күргәҙмәһен асыу, республика сыуаштарының милли-мәҙәни берекмәләре әүҙемселәре менән осрашыу күҙаллана. Бынан тыш, ике етәксе осрашҡанда төбәктәр араһында дуҫлыҡ һәм хеҙмәттәшлек тураһындағы договорға ҡул ҡуйыласаҡ. Рөстәм Хәмитов менән Михаил Игнатьев “Нефтсе” мәҙәниәт һарайында байрамды асыу тантанаһында ҡатнашасаҡ.
Башҡортостанда Сыуаш Республикаһы мәҙәниәте көндәре сиктәрендә бик күп саралар үткәреү ҡаралған. М. Нестеров исемендәге башҡорт дәүләт художество музейында сыуаш рәссамдарының, скульпторҙарының күргәҙмәһе асылды.
Ком: 0 // Уҡынылар: 925 тапҡыр // Тотош уҡырға
Ғалимдар менән һөйләшеүҺуңғы арала фәнгә, ғилми йәмәғәтселеккә ҡарата республика етәкселегенең иғтибары бермә-бер артты. Башҡортостан Президенты Рөстәм Хәмитовтың ошо көндәрҙә Рәсәй Фәндәр академияһының Нефть химияһы һәм катализ институтына барыуы ла ошо хаҡта һөйләй.
Президент химия етештереүен республика сәнәғәтенең өҫтөнлөклө йүнәлеше тип белдерҙе. Институт директоры Усеин Джемилев Рөстәм Зәки улына институт буйлап экскурсия үткәрҙе, музей һәм лабораторияларҙы күрһәтте, ғалимдарҙың өр-яңы эшләнмәләре менән таныштырҙы. Улар араһында ил, донъя кимәлендә баһаланыр яңы эшләнмәләр ҙә бар ине. Президент бында күргәндәре менән ҡәнәғәт ҡалды. Аҙаҡ ул институт коллективы менән осрашып аралашты.
— Эреме ул, уртасамы, кесеме — бөгөн республика химия производствоһы юлында әүҙем үҫешә ала.
Ком: 0 // Уҡынылар: 743 тапҡыр // Тотош уҡырға
Бөйөк сәнғәткә һөйөү көслөӨфөлә Рудольф Нуриев исемендәге ХVIII Халыҡ-ара балет сәнғәте фестивале асылды. Бейеү байрамында ҡатнашыусыларҙы ҡотларға Башҡортостан Республикаһы Президенты Рөстәм Хәмитов килде.
Легендар яҡташыбыҙ Рудольф Нуриевтың яҡты иҫтәлегенә арналған фестивалдең абруйы юғары. Унда Рәсәйҙең танылған балет артистары ғына түгел, сит илдәрҙең дә сәхнә йондоҙҙары ҡатнаша. Германия, Австрия, Украина илдәренең балет театры солистарының быйылғы фестивалдә сығыш яһауы сараның юғары кимәлдә үтеүен раҫлай.
Традиция буйынса, фестиваль ҙур премьера менән башланып китте. Быйыл уны СССР-ҙың һәм Башҡортостандың халыҡ артисы, Социалистик Хеҙмәт Геройы Юрий Григорович сәхнәләштергән Адольф Адендың “Корсар” балеты асты.
Ком: 0 // Уҡынылар: 808 тапҡыр // Тотош уҡырға
Шатлыҡта ла, ҡайғыла ла...Башҡортостандың ЗАГС идаралығы хәбәр итеүенсә, былтыр 17 974 ғаилә тарҡалған. Һөйөү хистәрен һаҡлап ҡала алмағандарҙың яҙмышын башҡалар ҡабатламаһын тигән теләктән сығып, ҡайғыла ла, шатлыҡта ла бер-береһенән айырылмаған аҫыл парҙарҙың бәхетле тормошона байҡау яһаныҡ.

1950 йылда Ҡырмыҫҡалы районы Иҫке Шәрәй ауылының бер өйөр бала-сағаһы Ағиҙелдә коньки шыуа. Бер мәл, ҡапыл боҙ ярылып китеп, 15 йәшлек Вәдүт һалҡын йылғаға төшә. Барыһы ла ни эшләргә белмәй юғалып ҡалғанда, шул ауыл ҡыҙы Саҙиҡа үҫмерҙе һыуҙан алып сыға һәм яҡындағы өйгә алып китә. Ошо көндән алып улар айырылмаҫ дуҫтарға әүерелә. Өс йылдан йәштәр уртаҡ тормош ҡороп ебәрә.
Ком: 0 // Уҡынылар: 773 тапҡыр // Тотош уҡырға
Ҡунаҡты шулай ҡаршылайҙармы?!Башҡортостандың иң ҙур районы аша уҙған саҡта Торна менән Төлкө тураһындағы әкиәт иҫкә төштө. Төлкө һыйын — һай тәрилкәгә, Торна оҙон муйынлы көршәккә һалып, бер-береһен ас ҡайтарғанын ишеткәнегеҙ барҙыр. Беҙ ҙә, республикабыҙға туристар саҡырып, уларға тәбиғәт хозурлығын күрһәтергә вәғәҙә итеп, ҡайһы бер урындарҙа шул матурлыҡты сүп-сар менән "йәшерәбеҙ" түгелме?!
Республика етәкселеге туризмды үҫтереүгә, сит илдәрҙән сәйәхәтселәр йәлеп итеүгә ҙур иғтибар бүлә. Һуңғы йылдарҙа тармаҡты финанслау күләме 40 тапҡырға артҡан. Был хаҡта Башҡортостандың Эшҡыуарлыҡ һәм туризм буйынса дәүләт комитеты рәйесе Руслан Кинйәкәев апрелдә Өфөлә уҙған "Туризм. Спорт. Ял. Шифаханалар" XII төбәк-ара күргәҙмәһендә хәбәр иткәйне. Ыңғай һөҙөмтәләр байтаҡ.
Ком: 0 // Уҡынылар: 699 тапҡыр // Тотош уҡырға
Көтөүе бар, көтөүсеһе табылырмы?Хәҙер ауыл ерендә халыҡ малды күп аҫрай. Әлбиттә, был шөғөл хуплауға лайыҡ. Әммә яҙ етеп, ер йәшәрә башлау менән урындарҙа мал көтөү мәсьәләһе килеп тыуа. Элек бындай проблема булмай торғайны, сөнки һәр ауылдың үҙ көтөүсеһе булды. Таң менән тороп, оҙон сыбыртҡыһын шартлатып, эйәренең ситенә көнлөк ашар ризығын элгән һыбайлының малды ҡыуғанын һәр кем хәтерләйҙер әле. Тап уларҙың хеҙмәте арҡаһында һәүкәштәр ҙә, кәзә-һарыҡ та ҡараулы ине. Хәҙер иһә көтөүсе табып булмай. Барыһы ла эшле булып бөттөмө, әллә был һөнәр юҡҡа сыҡтымы?!
Миҙал ике яҡлы, тигәндәй, ысынлап та, бөгөн көтөүсе булыу еңелдән түгел. Иң мөһиме — ат кәрәк һәм һинең һыбай йөрөй белеүең мотлаҡ. Көтөүсе йәйәү булһа, күпме генә йөрөмәһен, барыбер малды тейешенсә ҡарай алмаясаҡ.
Ком: 1 // Уҡынылар: 1171 тапҡыр // Тотош уҡырға
Ҡурҡыуҙы бөтөрөүсе һандар"Балалар — йәмғиәтебеҙҙең яҡлауға мохтаж булған иң нескә урыны", — тигәйне Башҡортостанда Бала хоҡуҡтары буйынса вәкил Милана Скоробогатова "Башҡортостан" гәзитенә биргән бер әңгәмәһендә. Тормош тәжрибәһе лә, үҙ-үҙен яҡлау мөмкинлеге лә булмаған балалар, ысынлап та, өлкәндәрҙең ҡурсаланыуынан, урынлы кәңәшенән тыш нығынып китә алмай. Бөгөнгө йәш ватандаштарыбыҙ был йәһәттән бәхетлерәк, тиергә мөмкин. Улар, психологка бушлай шылтыратып, күңелен өйкәгән борсолоуын, тормоштағы ҡатмарлы хәлен һөйләй ала. Балалар һәм үҫмерҙәргә бәйле мәсьәләләр буйынса атай-әсәйҙәр, олатай-өләсәйҙәр ҙә мөрәжәғәт итергә мөмкин. Ғөмүмән, 8-800-2000-122 һандарын "01", "02", "03" һандары кеүек иҫтә тотоу олоһона ла, кесеһенә лә файҙалы.
Ком: 0 // Уҡынылар: 991 тапҡыр // Тотош уҡырға
Бәләкәстәрҙең йылы мөхитеҺәр ғаиләнең иң оло шатлығы — көтөп алынған бала. Һәр әсә лә ҡарынындағы сабыйының һау-сәләмәт, дүрт һаны теүәл булып тыуыуын теләй. Тик ни хәл итәһең, донъяға ауаз һалған сабыйҙар араһында мөмкинлектәре сикләнгәндәре лә осрай. Ҡайһы бер балалар, имен тыуып та, бәлә-ҡаза йәки башҡа сәбәптәр арҡаһында инвалид булып ҡала. Улар айырыуса ҙур иғтибарға, йылы ҡарашҡа, ярҙамға һәм аңлауға мохтаж.
Ошондай ауыр хәлдә ҡалған ғаиләләргә ярҙам итеү маҡсатында 2002 йылда Үрге Тәтешле ауылында мөмкинлектәре сикләнгән балаларҙы һәм үҫмерҙәрҙе реабилитациялау бүлексәһе асыла. Тиҫтә йыл эсендә ул 3424 инвалид баланы ҡабул иткән. Бүлексәгә Асҡын районынан да киләләр.
Бөгөн Тәтешле төбәгендә — 79, Асҡында 73 инвалид бала йәшәй.
Ком: 0 // Уҡынылар: 1069 тапҡыр // Тотош уҡырға
Ҡалдырма, әсәй!“Башҡортостан” гәзитенең 22, 27, 28, 29 март һандарында Айгиз Баймөхәмәтовтың “Ҡалдырма, әсәй!” тигән повесынан өҙөктәр баҫылғайны. Әҫәрҙе уҡыусылар йылы ҡабул итте, авторға теләктәрен, рәхмәт һүҙҙәрен еткергән бик күп хат килде редакцияға. Шуларҙың бер нисәһен телгә алып үтәйек. Мәҫәлән, Зәлифә Кашапова бына нимә тип яҙа: “Айгиз, һеҙ бик оҫта хикәйәсе булып сыҡтығыҙ. Ҙур рәхмәт! Мине, оҙаҡ йылдар балалар менән эшләгән педагог булараҡ та, ике ул үҫтереп, өс ейәне булған әсә булараҡ та, етем бала тормошон, уның аһ-зарын сағылдырған был әҫәрең бик тулҡынландырҙы. Киләсәктә етемдәр һаны кәмеһен, тәрбиәселәр, уҡытыусылар уларға ҡарата яғымлы, иғтибарлы булһын ине, тигән теләк уята әҫәрең”.
Венера исемле ҡыҙ йөрәгенән сыҡҡан һүҙҙәрҙе теркәгән: “Күп ғаиләләрҙең ысынбарлығы яҙылған.
Ком: 2 // Уҡынылар: 1604 тапҡыр // Тотош уҡырға
[/right]Башҡаса отолмамЯратҡан баҫмабыҙҙы күптән алдырам. Көнө-төнө баҫыуҙа эшләгән игенсе атайым да элекке “Совет Башҡортостаны”на мотлаҡ яҙыла ине. Ваҡыт үтеү менән, төп баҫмабыҙ үҙенең әһәмиәтен юғалтманы. Йәмғиәтебеҙҙәге көнүҙәк проблемаларҙы ярып һала. Үткән йылда, төрлө сәбәптәргә һылтанып, бары “Йома”ға ғына яҙылғайным, отолоуымды тиҙ аңланым. Берәй әҙәби әҫәр сыға башлаһа, инде кинәнеп уҡырға тотонам да дауамын күрергә насип булмай, сөнки ул киләһе һанда сыға. Аҙнаһына биш тапҡыр сыҡҡанын алдырмағас, ҡайһы саҡ ҡыҙыҡлы мәҡәләләрҙең йә әҫәрҙәрҙең бары киҫәген генә уҡып сығам. “Былай булмай, иптәштәр!” — тинем дә, 2012 йылдың тәүге яртыһына төп индекс буйынса яҙылдым. Шулай итеп, хатамды төҙәттем — күңелем дә тыныс. Бүтәндәргә лә “Башҡортостан”дың аҙнаһына биш тапҡыр сыҡҡанына яҙылырға кәңәш итер инем, сөнки уның һәр һаны уҡымлы ла, файҙалы ла.
Ком: 0 // Уҡынылар: 656 тапҡыр // Тотош уҡырға
Йырҙан яралған хистәрЙырға һалып хат ебәрәм,
Хәтирәм,
Йыр һөйөүсе дуҫтарымдың
артынан.
Бик йыраҡ-йыраҡ ерҙәрҙән,
Ут эсендәге илдәрҙән —
Өҙөлөп сәләм һиңә Мәһәҙейҙән.
Үлһәм дә еңелмәм,
Миндә ике йән:
Береһе — йөрәгем,
береһе — һөйгәнем,
Ул һин, Хәтирәм.
Ком: 0 // Уҡынылар: 571 тапҡыр // Тотош уҡырға
Матбуғат йорто алдында башҡорттоң оло шәхесенә — Шәһит Хоҙайбирҙинға бюст ҡуйылған. Ихтирам билдәһе ул. Әммә... Ысын күңелдән ихтирам итәбеҙме? Һәйкәл алтаҡтаһыҙ тора бит. Ниндәйҙер осло нәмә менән шәхестең исем-шәрифе сыймаҡланған, ләкин ул яҙыу күренмәй ҙә!
Шәһит Хоҙайбирҙин исемендәге премияға конкурстар үткәрелә. Лайыҡлылар премияны алһын. Әммә шөһрәтле шәхестең һәйкәле исемһеҙ торғанын нисек күрмәйҙәр икән? Нисек эстәре бошмай? Көн һайын матбуғат хеҙмәткәрҙәре ошо һәйкәл янынан үтә: эшкә килә, ҡайта.
Исем-шәрифен алтын менән яҙырлыҡ шәхескә һәйкәл ҡасанғаса шулай торор икән?
Ком: 0 // Уҡынылар: 945 тапҡыр // Тотош уҡырға
Ҡаңлы – данлы ырыу

Боронғо башҡорт ырыуҙарының береһе – ҡаңлылар 5 июндә М. Кәрим исемендәге Милли йәштәр театрында үҙҙәренең II йыйынын уҙғара.
Сарала Бүздәк, Бәләбәй, Дәүләкән, Туймазы, Дүртөйлө, Кушнаренко, Благовар, Борай, Мишкә райондарында, Нефтекама, Өфө ҡалаларында йәшәүсе ырыуҙаштар ҡатнаша. Йыйында Ҡаңлы ырыуының тарихын өйрәнеү, боронғо ғөрөф-ғәҙәттәрҙе тергеҙеү һәм һаҡлау, ырыуҙаштарҙың рухи берҙәмлеген нығытыу кеүек мөһим мәсьәләләр ҡараласаҡ. Йыйын көндөҙгө 11-ҙә башлана.
Ком: 0 // Уҡынылар: 1132 тапҡыр // Тотош уҡырға
Исмәғил Аҡъюловтың “Башҡортостан” гәзитенең 18 ғинуар һанында баҫылған “Ни өсөн Үрген йоҡлай?” тигән мәҡәләһенә яуап яҙырға булдым.
Ейәнсура районындағы Үрген — иң ҙур башҡорт ауылдарының береһе. Бында 300 тирәһе йортта 1300 кеше йәшәй. Ысынлап та, “Заветы Ильича” колхозы тарҡалды, таҡта бысыу цехы, тимерлек бөттө. Малсылыҡ тармағының бер тимере лә, кирбесе лә ҡалманы тиерлек — шуныһы күңелде өшөтә. Күптәр эшен юғалтты, әммә һыр бирмәй үргендәр, үҙ йүнен күрер өсөн ни генә атҡарырға тырышмайҙар. Хәҙер күбеһе эшҡыуарлыҡҡа тотондо. Кемдер күпләп ҡош-ҡорт аҫрап һата, ҡайһы берҙәре малсылыҡ, игенселек, ҡортсолоҡ, сауҙа менән шөғөлләнә.
Ком: 0 // Уҡынылар: 634 тапҡыр // Тотош уҡырға
Артҡа 1 2 3 Алға
Бит башына