Онотолған байрамБәләкәй авиация үҙәгенең Кушнаренко районында урынлашҡан “Первушино” аэродромында“Асыҡ һауа” тип аталған ғаилә спорт һәм ял байрамы уҙҙы. Ул Халыҡ-ара балаларҙы яҡлау көнөнә арналды. Авиация-спорт байрамын асыу тантанаһында Башҡортостан Президенты Рөстәм Хәмитов ҡатнашты.
– Бөгөн беҙ һеҙҙең менән яңы йолаға – авиация байрамдарын үткәреүгә нигеҙ һалабыҙ. Ҡасандыр бындай саралар ғәҙәти ине, әле уларҙы ҡайтанан тергеҙәбеҙ. Башҡортостанда бәләкәй авиация үҫеш аласаҡ, шулай уҡ самолет, осоу аппараттары ла етештереләсәк, – тине республика етәксеһе, халыҡты байрам менән ҡотлап.
Ҙур сараны ойоштороусыларҙың береһе, Өфө авиация клубының директоры Сергей Миңлеғолов бындай фестивалдең “Первушино” аэродромында икенсегә үткәрелеүен билдәләне, тәүгеһе былтыр еңел авиация буйынса Рәсәй чемпионатына арналған.
Ком: 0 // Уҡынылар: 992 тапҡыр // Тотош уҡырға
Ҡамсыларға сәбәп юҡӨфө районының һабантуйына “Башҡортостан” гәзите вәкилдәрен тәүгә саҡырҙылар, шикелле. Баш ҡала менән сиктәш булһа ла, был биләмә һәр саҡ йәмәғәтселек иғтибарынан ситтә ҡалып килде, тигән һығымта менән бәхәсләшеүсе табылмаҫтыр. Журналистарҙы йырағыраҡ төбәктәр нығыраҡ тартыуы сәбәпсе инеме икән, әллә урындағы етәкселек асыҡлыҡҡа әҙер булманымы?..
Байрам ойошторолған Николаевка ауылына ҡарай юл тотҡанда күңелдә ҡапма-ҡаршылыҡлы уйҙар ҡайнаны. Тәү ҡарашҡа матур, бай район кеүек. Халҡы ла тырыш, ихлас, берҙәм, тиҙәр. Тик ниңәлер быларҙың барыһы ла матбуғатта күренеп бармай. Өфө районының барлығы тураһында республика халҡының күпселеге белмәй, тиһәләр ҙә, шикләнмәҫ инем. Шуныһы ла ғәжәп: тәнҡит был биләмәне бик һирәк ваҡытта урап үтә.
Һәр нәмәгә шик менән ҡарап киләм.
Ком: 0 // Уҡынылар: 909 тапҡыр // Тотош уҡырға
Өфөнөң йүкәләрһеҙ ҡалыуы ихтимал“Өфө йүкәләре, беҙҙең хаҡта ла әле
Япраҡ яра-яра һөйләрҙәр...”
Тиҫтәләрсә йылдар дауамында төрлө быуын йырсылары яратып башҡарған, ысын мәғәнәһендә халыҡ йырына әүерелгән әҫәр баш ҡаланың йәме булған йүкәләрҙе данлай. Ысынлап та, беҙҙең Өфөнөң “йәшел ҡала” тигән исеме булып, һәр урамды тиерлек күркәм аллеялар биҙәй ине...
Ләкин заман үҙгәрә, ҡала үҫә, яңы ҡарарҙар талап итә. Өфө урамдарын киңәйтеү ҙә – ошо иҫәптә. Ҡала властары фекеренсә, был эште йәшел аллеяларҙы юҡҡа сығармайынса башҡарыу мөмкин түгел. Баш ҡалабыҙ йылдан-йыл оло автомобиль тығынына әүерелә бара. Әммә етәкселәр был мәсьәләне хәл итеүҙең башҡа юлын әллә эҙләмәй, әллә бөтөнләй эҙләргә теләмәй.
Ком: 0 // Уҡынылар: 850 тапҡыр // Тотош уҡырға
“Иҫән-Тур” сәйәхәткә саҡыраҺуңғы ваҡытта республикала туризмды үҫтереү буйынса аныҡ саралар күрелә. Баймаҡ районының йөҙөк ҡашына әүерелгән Талҡаҫ күле лә ошо йәһәттән урындағы ҡаҙнаға өлөш индерә ала. Таҙа һәм терегөмөштәй саф Талҡаҫ күле кемдәрҙе генә үҙенә йәлеп итмәй ҙә кемдәр генә йәй көндәрендә күлдә ял итергә хыялланмай?!
Сәйәхәтселәр өсөн Рәжәп Әүәлбай ойошторған “Иҫән-Тур” туристик компанияһы иң ҡулайлыһы булмаҡсы. Талҡаҫ күленә яҡын урынлашҡан ауыл өйө, мунса, хатта тирмә һәр кемдең күңеленә һәм зауығына хуш килер тигән өмөттә Рәжәп Оморҙаҡ улы. Яҡын арала булдыҡлы эшҡыуар, тағы ла ер алып, этнографик ауыл төҙөргә хыяллана.
— Һәр кем ҡала тормошондағы ығы-зығынан арынып, тәбиғәт менән яҡындан аралашыу өсөн күңеле менән ял итергә килә, — ти әңгәмәсем.
Ком: 0 // Уҡынылар: 754 тапҡыр // Тотош уҡырға
Ҡалдырма, әсәй!– Уянығыҙ әле, килеп еттек... — күҙемде асһам, алдыбыҙҙа ҡара мыйыҡлы ағай баҫып тора. Мин ҡайҙа икән, тип аптырап киттем. Тирә-яғыма ҡарандым, бер ҙә таныш ергә оҡшамаған. Ә, беҙ бит автобусҡа ултырғайныҡ. — Был һуңғы туҡталыш, һеҙ ҡайҙа сығырға тейеш инегеҙ?
Ҡурҡып киттем. Әмилә лә уянды. Беҙҙең ауыл маршруттың уртаһында бит. Ә мыйыҡлы ағай, һуңғы туҡталыш, ти. Тимәк, ауылыбыҙҙы үтеп киткәнбеҙ?! Боҙланып бөткән тәҙрәне йылы усым менән иретеп ҡарайым. Тышта дөм-ҡараңғы... Йөрәк дөпөлдәй башланы.
— Ҡайһы ауылдан һеҙ? — тип һораны шофер.
— Сәлмәндән. — Йоҡоһонан уянған Әмилә яуап бирҙе.
Ком: 0 // Уҡынылар: 1069 тапҡыр // Тотош уҡырға
“Һәйбәт атайҙар тураһында яҙығыҙ!”Шәрипҡол урта мәктәбе ауылдың иң матур ерендә урынлашҡан. Бында бөтәһе 66 уҡыусы белем ала. Сығарылыш уҡыусыларының күпселеге уҡыу йорттарына инә.
— “Башҡортостан”ды яратып уҡыйбыҙ, эшебеҙҙә лә ҡулланабыҙ. Гәзиттә уҡымлы мәҡәләләр күп, ғибрәтле хәлдәр тураһында йыш яҙыла. Шулай уҡ юрист кәңәштәре лә фәһемле. Күп балалы ғаилә булараҡ, айырыуса кескәйҙәр өсөн сыҡҡан “Тубырсыҡ” махсус битен көтөп алабыҙ, — тип фекерҙәре менән уртаҡлашты директорҙың тәрбиә эштәре буйынса урынбаҫары Зәлифә Риян ҡыҙы Бәширова.
Осрашыу бик йәнле булды. Гәзит уҡыусыларыбыҙ: “Башҡортостан”да күберәк ауыл тормошо, йәштәр проблемаһы, өлгөлө атайҙар, ғөмүмән, ир-егеттәрҙең роле тураһындағы мәҡәләләр күберәк баҫылһын ине”, — тигән теләктәрен белдерҙе.
Ком: 0 // Уҡынылар: 1197 тапҡыр // Тотош уҡырға
Иң мөһиме — халыҡ һүҙеНефтекамала гәзит уҡыусылар менән осрашыу ниндәй тәьҫорат ҡалдырҙы?

Нефтекамала башҡорт, урыҫ, татар, мари һәм башҡа милләт вәкилдәре заманса рухи тормош менән йәшәй. Быға ҡала дәүләт филармонияһы, үҙешмәкәр сәнғәт төркөмдәре, башҡорт һәм татар халыҡ театры, мәҙәниәт үҙәгенең әүҙем ижади эшмәкәрлеге лә булышлыҡ итә. Икенсе төп рухи аҙыҡ — матбуғаттан да ситләшмәй төбәк халҡы. Әйтергә кәрәк, күп кеше, йылдан-йыл мәғәнәһеҙ “һары” матбуғаттан арына барып, республикабыҙҙың йөҙөн билдәләүсе гәзит-журналдарға яҙылыуҙы хуп күрә. Тиҫтә йыл элек төп баҫма — “Башҡортостан” гәзитен ҡалала ни бары 40 ғаилә генә алдырһа, бөгөн уның иҫәбе “Йома” һаны менән бергә меңдән ашып китте. Ҡалалағы тәүге башҡортса баҫма — “Нефтекама яңылыҡтары” ла (бөгөн — “Кама тулҡындары”) “Башҡортостан” гәзитенең ҡушымтаһы булараҡ танылыу алды.
Ком: 0 // Уҡынылар: 1125 тапҡыр // Тотош уҡырға
Вәт, исмаһам, йәйен!Хәйбулла районының Таштуғай ауылынан Хаммат Усманов ауырлығы 64 килограмм, оҙонлоғо 2 метр ярымлыҡ йәйен тотҡан!
Хаммат бала саҡтан балыҡсылыҡты үҙ итә. Шулай ҙа әлегә тиклем бындай табышҡа юлыҡҡаны булмаған.
– Ҙур йәйендәрҙе күргәнем бар ине. Тик ҡасандыр үҙем ошондай балыҡ аулармын тип хыялланмағайным да. Йәйенде апрель башында Ерекле һыу һаҡлағысына Таналыҡ йылғаһы ҡойған урында тоттоҡ. Дүрт кеше инек. Ауға ҙур балыҡ эләккәнен шунда уҡ һиҙҙек. Уны яйлап ҡына ярға һөйрәп сығарҙыҡ. Табышты дүрт өлөшкә бүлдек. Ите ифрат тәмле булды, – тип һөйләне балыҡсы.
Хамматтың ике улы үҫеп килә. Өлкәне Кинйә гел атаһы менән һыу буйына йөрөй икән. Киләсәктә лә ҡармағығыҙға эре-эре балыҡтар эләкһен!
Ком: 0 // Уҡынылар: 917 тапҡыр // Тотош уҡырға
Тау “хужалары”Ейәнсура районының Хәсән тауы аша үтеүселәр һыуырҙарға (сурок) күптән күнгән — иртә яҙҙан ҡара көҙгә тиклем байбаҡтар (икенсе исеме шулай) — юлаусыларҙың алмаштырғыһыҙ юлдашы. Тик уларға яҡын килермен тимә, йәһәт кенә өңдәренә инеп юғалыу яғын ҡарайҙар.
Йәнлектәр донъяһының был әүҙем вәкиленең оҙонлоғо — 58 – 62 см, ҡойроҡ оҙонлоғо — 12 – 18 см, ауырлығы 8 —12 килограмм тәшкил итә. Улар, ғәҙәттә, көтөү бик үк тапамаған, һөрөлмәгән, тупраҡ ҡатламы йомшаҡ булған, аҡбурлы йәки эзбизлы тау битләүҙәрен үҙ итә. Кимереүселәр эшмәкәрлеге һөҙөмтәһендә тупраҡ яҡшыра, азот һәм минераль ашламалар менән байытыла. Ҡышҡылыҡҡа өңдө йәнлектәр 2 – 4 метр тәрәнлектә ҡаҙа һәм унда ғаиләһе (12 – 15 баш) менән йоҡларға ята. Өңөнә барып етеү өсөн ер аҫтынан 30 – 40 метр самаһындағы лабиринтты үтергә кәрәк.
Ком: 0 // Уҡынылар: 960 тапҡыр // Тотош уҡырға
Тәбиғәт ҡомартҡыһы аяныслы хәлдәЙылдан-йыл ҡайҙа етте шунда барлыҡҡа килгән сүп-сар өйөмдәренә ҡаршы көрәш ҡырҡыулаша бара. Ҡайһы бер кешеләр көнкүреш ҡалдыҡтарын махсус ҡыйлыҡҡа алып барыу урынына, уны юл буйына, урман ситенә йә башҡа ергә ҡалдырып китеүҙе яҙыҡ тип иҫәпләмәй. Был өйөмдәрҙең тәбиғәткә, йәмғиәткә килтергән зыяны тураһында улар уйлап та бирмәй шикелле.
Өфө районының Горново ауылы эргәһендәге тәбиғәт ҡомартҡыһы ошондай сүп-сар өйөмө арҡаһында аяныслы хәлдә ҡалыуы тураһында ишеткәс, юлға сыҡтыҡ. Был ауыл эргәһендә “Ағиҙел” баҡса кооперативы башлана, өс меңдән ашыу баҡса өйө бар. Улар бик матур урында, тау башында урынлашҡан. Аҫта бормаланып Ағиҙел йылғаһы аға. Бында төрлө дәүерҙәргә ҡараған ер аҫты ҡатламдарының бөтөн донъяға билдәле асыҡ киҫелеше бар. Әлеге ҡая Башҡортостандың тәбиғәт ҡомартҡылары исемлегенә ингән, ләкин баҡсасыларҙың хаяһыҙлығы арҡаһында бөгөн уға юҡҡа сығыу ҡурҡынысы янай.
Ком: 0 // Уҡынылар: 1143 тапҡыр // Тотош уҡырға
Йәйҙең йәмен ебәрмәйек!Йәмле йәйҙең ҡәҙерен беләйек, йәмәғәт! Көндәлек мәшәҡәттәр мәңге бөтмәйәсәк, эш кәмемәйәсәк – шул ығы-зығы араһында ял итергә, күңел күтәренкелеге кисерергә ваҡыт табығыҙ, сәйәхәт итегеҙ, дуҫтар! "Артыҡ аҡса барҙыр шул", – тиер бәғзеләр. Булмаһа ни? Бөтәһе лә диңгеҙ ярына китеп бөтһә, ҡомло ярҙа урын етмәҫ... Башҡортостаныбыҙ – ғәжәйеп күркәм төбәк, уның гүзәллеген күрергә, тулы һыулы йылға-күлдәре буйында, еләҫ урмандары араһында ял итергә, мәғрур тауҙарын үрләргә теләүселәр бихисап. Ә беҙ ошонда йәшәп тә йәнтөйәкте иңләргә йөрьәт итмәйбеҙ. Форсаттан файҙаланып, республиканың киң танылған хозур урындарын барлап сығырға булдыҡ – бәлки, кемдәлер дәрт-дарман уяныр, яҡындарын автомобилгә ултыртып, ял итергә юлланыр.
Ком: 0 // Уҡынылар: 1859 тапҡыр // Тотош уҡырға
Һуңғы ваҡытта башҡорт телен дәүләт теле булараҡ уҡытыу мәсьәләһенә бәйле йәмәғәтселектә, айырыуса Интернет селтәрендә әленән-әле һүҙ ҡуҙғатыла килеүе күҙәтелә. Был хаҡта ҡайһы саҡ ҡапма-ҡаршы фекерҙәр әйтелә, ул айырым берәүҙәрҙең үҙ-ара һүҙ көрәштереүенә лә тартып китә. Ғөмүмән, был мәсьәлә бөгөн генә килеп тыуған проблема түгел. Ул үҙенең башын совет власы осороноң тәүге йылдарынан ала һәм йәш автономиялы республиканың көндәлек тормошонда ябай уҡ булмаған мәсьәләләрҙең береһе булып сыҡты.
Ком: 0 // Уҡынылар: 1016 тапҡыр // Тотош уҡырға
Өфө ҡалаһының насар ишетеүсе балалар өсөн тәғәйенләнгән 30-сы мәктәп-интернатында үҙ эшен яратып башҡарған уҡытыусылар эшләй. Уларҙың береһе — сурдопедагог Зәйтүнә Вәлиева. Бер үк ваҡытта директорҙың фән һәм уҡытыу эштәре буйынса урынбаҫары бурысын да атҡарыусы уҡытыусы 40 йылдан ашыу хеҙмәт стажына эйә.
Зәйтүнә Вәлиева Дәүләкән районының Ҡаҙырғол ауылында тыуып үҫә. Бала саҡтан педагог булырға хыялланған ҡыҙ Салауат педагогия училищеһын тамамлағас, бер нисә йыл үҙ районында уҡыта. Унан, юғары белем алыу ниәтендә, Стәрлетамаҡ дәүләт педагогия институтына (хәҙер академия) һынауҙар тапшыра. Уҡыу йортон ситтән тороп тамамлағас, Өфөгә юллана.
Ком: 0 // Уҡынылар: 538 тапҡыр // Тотош уҡырға
Стәрлетамаҡ дәүләт башҡорт драма театры 21-се миҙгелен Баязит Бикбайҙың “Ҡоҙаса” комедияһы менән тамамланы.

...Утыҙынсы йылдар. Колхозлаштырыу осоро. Ауылда бер төркөм йәштәр бәхетле коммунизм, яҡты һәм тулы хоҡуҡлы киләсәк төҙөйбөҙ тип дыу килә. Әммә иҫке тормош күренештәре лә юҡҡа сығып бөтмәгән икән. Мәҫәлән, 60-тан уҙған Яҡуп (Башҡортостандың атҡаҙанған артисы Илһам Рәхимов) ҡатыны Мәхмүзәнән (Башҡортостандың халыҡ артисткаһы Ниса Бакирова) йәшереп кенә яңы кәләш алырға йөрөй. Һай, татлыға үрелә ҡартлас — йәп-йәш, һылыу ҡоҙасаһы Назаға (Резеда Әмәкәсова) өйләнмәксе. Ҡоҙа менән ҡоҙаса мөхәббәткә юл аса, тиген. Туҡта, асмай торһондар әле...
Ком: 0 // Уҡынылар: 877 тапҡыр // Тотош уҡырға
Дан йырлайыҡ

Азатлыҡты даулап яуға сапҡан
Батыр уландары халҡымдың,
Быуындарҙан быуындарға күскән
Осҡондары һүнмәҫ ялҡындың.

Ошо ялҡын бөтмәҫ илһам биргән,
Уландарын күмгән дан менән,
Ком: 0 // Уҡынылар: 670 тапҡыр // Тотош уҡырға
Артҡа 1 2 Алға
Бит башына