Аҡыл, фекер сығанағыҺуңғы осорҙа “Башҡортостан” гәзитенең йөкмәткеһе яҡшырыуын, унда тәрән фекерле мәҡәләләр күбәйеүен, баҫманың йөҙө матурайыуын ҙур ҡәнәғәтләнеү менән ҡабул итәм. Гәзитебеҙгә — 95 йыл! Был бит оло бер кеше ғүмере. Әммә “Башҡортостан” гәзитенә ҡарата улай тип әйтеп булмай. Сөнки ул — мәңгелек баҫма! Иле, халҡы, милләте мәңгелек булған кеүек, “Башҡортостан” да был донъяға ғүмерлеккә килгән.
Шуныһы иҫ китмәле: ул Башҡорт Автономиялы Республикаһы төҙөлгәнсе үк сыға башлай. Зәки Вәлиди, Шәйехзада Бабич, Сәғит Мерәҫов кеүек күренекле шәхестәр башҡорт халҡының теләген үтәү заруриәтенән сығып ойоштора был изге ниәтле баҫманы.
Башҡортостанға автономия алып биреү, уның дәүләтселеген нығытыу өсөн көрәштә гәзит әйҙәүсе, ойоштороусы ролен үтәй, аҫыл, фәлсәфәүи фекер сығанағына әүерелә.
Ком: 0 // Уҡынылар: 1120 тапҡыр // Тотош уҡырға
Ҡиблаһы — ил, халыҡ яҙмышыБынан теүәл 95 йыл элек Ырымбурҙа "Башҡорт иттифаҡи бюроһының мөхбире" исемле гәзиттең тәүге һаны донъяға ауаз һала.
Был көн – 14 июнь – "Башҡортостан"ыбыҙҙың тыуған көнө генә түгел, ә тотош милли матбуғатҡа нигеҙ һалып, хәҙер республикабыҙҙа йыл да Матбуғат байрамы булараҡ билдәләнә.
Халҡыбыҙҙың баш осонда ҡылыс ялтлаған хәтәр мәлдәрҙә лә, хатта буталсыҡ юл сатында ҡалған сағында ла, ил өҫтөнә ҡайғы-хәсрәт ябырылғанда ла гәзит милләтебеҙҙең тоғро юлдашы булды. Эйе, гәзит ил, халыҡ ни кисерһә – шуны кисерҙе, ниндәй һынауҙарға дусар булһа – шуны бергә ашатлап үтте. Шулай ҙа "Башҡортостан" үҙенең асыл-маҡсатына хыянат итмәне: һәр дәүерҙә лә халҡыбыҙҙың йылъяҙмасыһы булды һәм әле лә ошо еңел булмаған бурысты артмаҡлауын дауам итә.
Ком: 0 // Уҡынылар: 952 тапҡыр // Тотош уҡырға
Беҙҙең өйҙөң йәмеГөлкәй Сәлмән ҡыҙы ҠУЖИНА:
— Мин “Башҡортостан”ды 1959 йылдан алдырып уҡыйым. Бәләкәйҙән уны күреп, ҡулыма алып үҫтем, сөнки ағайым уҡытыусы ине, өйҙә һәр саҡ матбуғат баҫмалары булды.
Гәзитте эшемдә лә файҙаландым. Уны уҡып, уҡытыусы үҙен дә камиллаштыра тип иҫәпләйем, сөнки һәр һанында ла баланың ҡарашын киңәйтергә, шәхес тәрбиәләргә булышлыҡ иткән мәғлүмәт була. Уларҙы дәрес үткәргәндә ҡуллана белергә генә кәрәк. Гәзит-журнал уҡымаған уҡытыусыларҙы һәм тәрбиәселәрҙе аңлап етмәйем. Үҙем әле лә өйөбөҙҙөң йәме, ҡото булған “Башҡортостан” гәзитенән айырылмайым.
Ком: 0 // Уҡынылар: 984 тапҡыр // Тотош уҡырға
Мөхәррирҙәр менән көслөбөҙ“Башҡортостан”ға арҙаҡлы милләттәштәребеҙ, башҡорт милли хәрәкәте етәкселәре Әхмәтзәки Вәлиди менән Сәғит Мерәҫов нигеҙ һалған, атаҡлы ғалим Фәтхелҡадир Сөләймәнов үҙ өлөшөн индергән.
“Башҡортостан” һәр ваҡыт баш мөхәррирҙәре менән көслө булды. Унда төрлө йылдарҙа эшләгән абруйлы шәхестәр — большевиктар сәйәсәтен һәм совет идеяларын тормошҡа ашырыуға ғүмерен арнаған Бәхтегәрәй Шәфиев (1918), республикабыҙҙың ауыл хужалығын аяҡҡа баҫтырыуға, мәҙәниәтебеҙҙе үҫтереүгә, халыҡты сәйәси тәрбиәләүгә, аң-белем таратыуға көсөн йәлләмәгән Заһит Шәрҡи (1919 – 1921), матбуғат һүҙенең үтемлелеген көсәйтеү маҡсатында “Башҡортостан” гәзитен башҡорт телендә генә сығарыу бурысын ғәмәлгә ашырыуҙы тиҙләткән Дауыт Юлтый (1921 – 1924), гәзитте көндәлек баҫмаға әүерелдергән Төхфәт Йәнәби (1926 – 1937), баҫманы уҡымлыраҡ итеү өсөн күренекле яҙыусы һәм журналистарҙы редакция эшенә йәлеп итеп, үҙе аҙаҡ “халыҡ дошмандары”н яҡлауҙа ғәйепләнеп, 17 йыл ғүмерен Сталин лагерҙарында үткәргән Ҡасим Аҙнабаев (1937)
Ком: 0 // Уҡынылар: 903 тапҡыр // Тотош уҡырға
Хәҙер һоҡланам!Әсхәл Әхмәт-Хужа, шағир:
— Матбуғатҡа яҙылыу буйынса әбйәлилдәр һәр саҡ алда булды. Мин дә “Башҡортостан”ды үҫмер сағымдан уҡ даими алдырам һәм уҡып барам. Күҙ йүгертеп кенә сыҡмайым, энәһенән-ебенә тиклем уҡыйым. Гәзиттең биҙәлешенә, теленә, йөкмәткеһенә, мәҡәләләрҙең исеменә, рубрикаларына, фотоларға ҡағылышлы фекерҙәремде журналистарға еткерәм.
Өлкәндәрҙең һүҙенә ҡолаҡ һалыу, ижади эҙләнеү үҙ һөҙөмтәләрен бирә. Һуңғы бер нисә ай эсендә республикабыҙҙың төп башҡорт баҫмаһы күҙгә күренеп үҙгәрҙе, үҫте. Биҙәлеше, йөкмәткеһе матурланды, байыны. “Өлгөрбай яҙмалары”, “Хат юлға саҡыра” кеүек рубрикалар тергеҙелде, яңылары барлыҡҡа килде. Логотиптың аҫтында анонстың бирелеүе шәп булды. “Аҡмулла”, “Матур үтһен ялығыҙ” биттәрен халыҡ кинәнеп уҡый. Ҡыҫҡаһы шул: элек тәнҡитләнем, хәҙер һоҡланам!
Ком: 0 // Уҡынылар: 988 тапҡыр // Тотош уҡырға
Һүҙ — ветерандарғаНәҡиә Әйүп ҡыҙы РӘХМӘТУЛЛИНА:
— Беҙ эшләгән осорҙа гәзитте баҫырға әҙерләү еңел түгел ине, шулай ҙа мауыҡтырғыс хеҙмәт ялҡытманы. Ҡасан ҡайтырыбыҙҙы белмәй килә инек, сөнки Мәскәүҙән ебәрелгән оҙон-оҙон докладтарҙы, етәкселәрҙең телмәрен төндәр буйы көтөп ултыра торғайныҡ. Әммә ул саҡтарҙы һис тә ауыр осор тип хәтерләмәйем, әле булһа бергә эшләгән хеҙмәттәштәремде һағынып, матур хәтирәләр менән йәшәйем. Коллективыбыҙ тотороҡло, берҙәм ине, һүҙ оҫталарынан тупланғайны, шуға ла ҡытыршылыҡтар тыуғанда ла уйын-көлкөгә бороп, еңел генә үткәрә белделәр.
Бер мәл Хәйбулланан апайым ҡунаҡҡа килде, ә мин көнө-төнө тигәндәй эштә, уның менән һөйләшеп ултыра ла алмайым. Ул беҙҙең ярты төнгә ҡәҙәр гәзит сығарыуыбыҙға аптыраған, көндөҙ генә эшләһәләр етмәйме икән ни, тип ғәжәпләнгән.
Ком: 0 // Уҡынылар: 744 тапҡыр // Тотош уҡырға
Ҡоралды ҡәләмгә алмаштырҙыларАбдрахман Рәхмәтулла улы ЙОСОПОВ, Башҡортостандың атҡаҙанған мәҙәниәт хеҙмәткәре:
— Гәзит — күмәк хеҙмәт емеше. Юбилей уңайынан ҙур абруйлы ике үҙ хәбәрсебеҙ — Бөйөк Ватан һуғышы яугирҙәре Фәтих Комиссаров менән Мөхтәр Тимербулатов хаҡында бер нисә һүҙ әйтеү кәрәктер, тип иҫәпләйем.
Был фекерҙе, әгәр иҫән булған булһа, элекке баш мөхәрриребеҙ Абдулла Исмәғилев тә хуплар ине. Ул ошо хеҙмәткәрҙәрҙе баҫма эшенә мөкиббән бирелгәне өсөн дә ихтирам итте, хөрмәт күрһәтте. Үҙ сиратында, ҡоралды ҡәләмгә алмаштырған журналистар ҙа бурыслы ҡалмаҫҡа, һәр эште ваҡытында үтәргә тырышты.
Баш мөхәррир урынбаҫары булараҡ, миңә бер нисә бүлеккә һәм үҙ хәбәрселәргә етәкселек итеү бурысы йөкмәтелгәйне.
Ком: 0 // Уҡынылар: 831 тапҡыр // Тотош уҡырға
Республикабыҙҙағы милли матбуғатҡа нигеҙ һалған “Башҡортостан” гәзите оло юбилейын ҡаршылай. Ошо айҡанлы башҡорт журналистикаһы ветерандарын, редакцияның элекке һәм бөгөнгө хеҙмәткәрҙәрен, дуҫтарын ысын күңелдән тәбрикләйем.
“Башҡортостан” төбәк баҫмалары араһында һәр саҡ бай йөкмәткеле, абруйлыларҙың береһе булды. Уның республика мәҙәниәте үҫешенә индергән өлөшө баһалап бөткөһөҙ. Гел хәҡиҡәтте яҡлап сығыш яһаусы, йәмғиәттәге ихтыяждарҙы күҙ уңынан ысҡындырмаусы, тормошто көҙгөләй сағылдырыусы гәзиттең быуатҡа яҡын үткән юлы — республикабыҙҙың төрлө дәүерҙәге данлы һәм шанлы тарихының, үҫеш баҫҡыстарының сағыу кәүҙәләнеше ул.
Ком: 0 // Уҡынылар: 650 тапҡыр // Тотош уҡырға
Хәсән НАЗАР, Салауат Юлаев исемендәге дәүләт премияһы лауреаты

Үҫмер саҡтарымдан бөгөнгәсә
Һәр иртәлә һине көтөп алам.
Һин ҡәҙерле миңә — гүйә, әсәм,
Һин ҡәҙерле миңә — гүйә, балам.

Уҡыусың да булдым, ижадсың да,
Үтеп ингәнһең һин яҙмышыма.
Ком: 0 // Уҡынылар: 883 тапҡыр // Тотош уҡырға
(“Башҡортостан”дың 1936 йылғы һандарынан)
Орденлы Сәйетов иптәштең телеграммаһы
ВКП(б) Өлкә комитеты.
Быкин һәм Иҫәнсурин иптәштәргә.
“Мин урожай алдынғыларының 1-се бөтә союз кәңәшмәһендә һөйөклө даһый Иосиф Виссарионович Сталин иптәшкә, 1936-сы йылғы сезонда үҙемдең ЧТЗ тракторында 3 мең гектар ер һөрөргө һүҙ биргәйнем.
Быкин һәм Иҫәнсурин иптәштәр, мин үҙемдең биргән һүҙем үтәлеүе тураһында һеҙгә хәбәр итеү шатлығына ирешеү менән бәхетлемен. Мин 5-се октябргә үҙемдең ярҙамсым Исламов Нурый иптәш менән 3032 гектар ер һөрҙөм.
Ком: 0 // Уҡынылар: 749 тапҡыр // Тотош уҡырға
— Беҙҙең мәсьәләне шулай тиҙ хәл иткән осрашыуҙың булғаны юҡ ине әле.
— Эйе, беҙҙә спортҡа иғтибар иң юғары кимәлдә һәм ҡарарҙар ҙа шунда уҡ ҡабул ителә.
Республика йортоноң лифтында ошондай һөйләшеүгә шаһит булдым. Бөтә донъя уйындары халыҡ-ара ассоциацияһы президенты Рон Фроелих менән Рәсәйҙең Милли һәм Олимпияға ҡарамаған спорт төрҙәре буйынса комитеты вәкилдәренең аралашыуы ине был.
Уға тиклем Рон Фроелих әфәнде менән Башҡортостан Президенты Рөстәм Хәмитов рәсми эш осрашыуы үткәрҙе. Һүҙ 2021 йылда Өфөлә Милли һәм Олимпияға ҡарамаған спорт төрҙәре буйынса Бөтә донъя уйындарын үткәреү мөмкинлеге хаҡында барҙы.
Ком: 0 // Уҡынылар: 574 тапҡыр // Тотош уҡырға
Республика баҫмаһында төрлө дәүерҙә төпкә егелеп эшләгән, ҙур абруй яулаған ҡәләмдәштәребеҙҙең, ижадташтарыбыҙҙың, алда әйтелгәнсә, һәр береһенең исем-шәрифен атап сығыу мөмкин түгел. Үкенескә ҡаршы, ваҡыт аяуһыҙ, күптәре фани донъянан баҡыйлыҡҡа күсте. Уларға инде хәҙер ҡәҙер түгел, хәтерләүебеҙ генә кәрәк.
Бөйөк Ватан һуғышында ҡатнашҡан һәм хаҡлы ялға сыҡҡанға ҡәҙәр “Башҡортостан”да эшләгән бер төркөм абруйлы хеҙмәткәрҙәрҙән үҙ хәбәрсе Мөхтәр Тимербулатов, фотохәбәрсе Анатолий Виноградов, Файыҡ Мөхәмәтйәнов, Мирза Мостафин, Дәүләткирәй Мәһәҙиев, Зиннәт Ишмаев, Хөршиҙә Хәйерова, Фәтих Комиссаров, Аҡмал Саптаров, Абдрахман Баязитов һәм башҡалар рухы алдында баш эйәбеҙ. Һуғыш ветеранымын тип күкрәк ҡаҡманылар, ҡайҙа ла һалдат булып ҡала белделәр.
Ком: 0 // Уҡынылар: 597 тапҡыр // Тотош уҡырға
Хәбәр итеүебеҙсә, “Башҡортостан” гәзите редакцияһы Рәсәй Пенсия фондының идара ағзаһы, Башҡортостан буйынса идарасыһы Фоат Ғәләүетдин улы ХАНТИМЕРОВ менән туранан-тура һөйләшеү ойоштора.
“Тура бәйләнеш” 15 июндә көндөҙгө сәғәт 11-ҙән 12-гә тиклем эшләйәсәк. 8 (347) 272-75-30, 272-05-43 телефондарына шылтыратыуҙар көтәбеҙ. 272-35-01 телефоны буйынса һорауҙарығыҙҙы алдан уҡ еткерә алаһығыҙ. Уңайлы аралашыу мөмкинлеген ҡулдан ысҡындырмағыҙ!
Ком: 0 // Уҡынылар: 518 тапҡыр // Тотош уҡырға
12 июнь төнөндә Өфө бик оҙаҡ йоҡламаны. Айырыуса ҡаланың үҙәгендә, Октябрь проспектында, йәшәүселәргә йоҡо тәтемәне. Быйыл байрамдар айҡанлы өфөләргә һәм баш ҡала ҡунаҡтарына ял итеү, күңел асыу өсөн бай программа һәм күркәм салют тәҡдим ителде.
Ҡала һәм Рәсәй көндәренең иң сағыу ваҡиғаһы һәр йылдағыса Ленин майҙанындағы салют булды. Кискә ҡарай халыҡ шул яҡҡа табан ыңғайланы. Әйтергә кәрәк, ҡала властары кешеләргә уңайлы булһын өсөн ныҡ тырышҡайны: сәғәт киске туғыҙҙарҙа уҡ проспект автомобилдәр өсөн ябылды. Төркөм-төркөм булып китеп барыусыларҙың һөйләшеүенә ҡарағанда, бындай Өфө һәр кемгә лә бик оҡшай.
Ком: 0 // Уҡынылар: 518 тапҡыр // Тотош уҡырға
Ҡулына ҡәләм алып, гәзит-журналға теге йәки был яңылыҡ, хәбәрнамә йәки һүрәтләмә яҙыусыларҙы, ғәҙәттә, башҡалар яҙыу-һыҙыуға оҫта тип иҫәпләүсән. Әммә һүҙгә маһирлыҡта ғынамы икән әүҙемлектең хикмәте? Уларҙы берләштергән төп сифат, моғайын, битараф булмау, ҡәләм көсө менән тормошобоҙҙо йәмләү өсөн ынтылыштыр.
Даими яҙышып тороусыларҙы, ныҡлы бәйләнеш булдырыусыларҙы элек-электән матбуғат дуҫтары, кәңәшселәребеҙ һәм таяныстарыбыҙ тип атайбыҙ. Мәҫәлән, оҙаҡ йылдар ҡулдарынан ҡәләмен төшөрмәгән бер төркөм штаттан тыш хәбәрселәр һәм әүҙем авторҙарыбыҙ Азамат Тажетдинов, Ғариф Ғабдрахманов, Ҡазыйхан Һаҙыев, Нурулла Миһранов, Салауат Мөхәмәтшин, Фәрит Рәмов, Мәргән Мырҙабәков, Солтан Ғәлиев, Ҡамса Мортазин, Вараҡа Ғәләүетдинова, Рамазан Ҡотошов, Венер Сәхәүетдинов, Зәйнулла Айытҡолов, Дауыт Амангилдин, Рәшит Үтәев, Зөһрә Ҡотлогилдина, Лира Фәйзуллина, Лира Яҡшыбаева, Илдар Ғәбитов, Булат Аҡманов, Ирек Аҡманов, Рауил Насибуллин һәм башҡа бик күптәрҙең исемдәрен оло рәхмәт тойғоһо менән телгә алабыҙ.
Ком: 0 // Уҡынылар: 642 тапҡыр // Тотош уҡырға
Артҡа 1 2 Алға
Бит башына