Эшкә теләк, дәрт булғандаРайонда “йәшел ураҡ” башланып, ошо көндәрҙә М. Гәрәев исемендәге кооператив уңғандары ла бесәнгә төштө.
— Мал аҙығы әҙерләүгә быйыл да иғтибар көслө. Өҫтәүенә һауа шарттары ыңғай килеп тора. Шулай ҙа бесәнде күберәк туплау хәйерле. Бөгөнгә уны 350 тонна әҙерләнек. Йәлеп ителгән барлыҡ техника көйлө эшләй. Коллективҡа килгәндә, һәр кем үҙ эшенә яуаплы ҡарай, — ти кооператив рәйесе Әнис Ғарипов.
Ул айырыуса Флүр Фәйзуллин, Альберт Дийәров, Рәмил Латипов, Зәбир Мусин, шоферҙар Николай Маркелов, Рәмис Ситдиҡов, Артур Азизов, Рауил Хәмиҙуллиндарҙың тырышлығын билдәләне. Егеттәрҙең барыһы ла тәжрибәле, техника боҙола ҡалһа, үҙ ҡулдары менән “һә” тигәнсе көйләп, йүнәтеп тә ебәрәләр.
— Көндөң бер минутын да бушҡа сарыф итмәйбеҙ, бындай ҡыҙыу осорҙа ваҡыт алтынға тиң, — ти Флүр Фәйзуллин.
Ком: 0 // Уҡынылар: 837 тапҡыр // Тотош уҡырға
Берсә һайрай йөрәк, берсә һыҡрайИләҫ-миләҫ күңел менән йөрөгән, асманда йондоҙҙарҙың барлығын әле генә абайлаған кеше түгелмен. Ғүмер эңере ҡараңғыға күсергә торғанда, һәр таңдың атыуына ҡыуанып ҡына йәшәргә ине лә, сөнки һинең яныу-көйөүҙәрең генә өшәнес көндәрҙе йылыта, ҡара ниәттәрҙе ағарта алмаҫ. Әллә ниндәй, күңелгә һис тыныслыҡ бирмәҫ заман килде. Әлбиттә, илебеҙҙә байтаҡтан бирле халыҡтың күпселеге һыныҡ икмәккә тилмермәй. Ейер ризыҡ, яурынға һалыр кейем бар, ер яуын алып торған ҡиммәтле автомашиналар...
Алыҫта күкрәп, кемдеңдер йәнен ҡыйған йәшен беҙҙең күктә өнһөҙ ялағай ише ялт-йолт итә лә юғала. Яуын килтермәҫ һаҙағай-ялағайҙарҙың файҙаһы ла, зыяны ла булмай. Бары офоҡта балҡып һүнгән уттар, нимәнелер хәтерләткәндәй, йөрәккә шом һала. Олоғайғас, һиҙгер барометр бурысын үҙенә алған йөрәк күҙҙе лә йомдормай, выжданға ла серем итергә ирек бирмәй.
Ком: 0 // Уҡынылар: 592 тапҡыр // Тотош уҡырға
Барыһы ла Еңеү өсөн!Бөйөк Ватан һуғышы йылдарындағы Башҡортостан халҡының ҡаһарманлығын баһалап бөткөһөҙ. Фронтта аҫыл ир-егеттәр ҡулына ҡорал алып алға барһа, тылдағы ҡатын-ҡыҙ һәм үҫмерҙәр станок артына баҫып ошо ҡоралдарҙы яһаны. “Барыһы ла Еңеү өсөн!” тигән лозунг аҫтында улар ал-ял белмәй эшләне. Дәһшәтле осорҙа СССР-ҙың төрлө төбәктәренән завод-фабрикалар Башҡортостанға күсерелде, ә инде халыҡ, ни тиклем ауыр булыуға ҡарамаҫтан, ул эште көйләп, мөһим деталдәр сығарҙы. Минең кандидатлыҡ диссертациям ошо һуғыш осоронда Башҡортостандың кесе ҡалаларының торошона бәйле. Мәскәүҙең Үҙәк архивының документтарына таянып өйрәнелгән мәғлүмәттәрҙе тәҡдим итмәксемен.
1941 йылдың икенсе яртыһында Дәүләт оборона комитеты ҡарары менән СССР-ҙың көнсығыш райондарына 10 миллиондан ашыу кеше оҙатылған, 1 523 эре сәнәғәт предприятиеһы күсереп төҙөлгән (Уралға — 667, Көнсығыш Себергә — 78, Волга буйына — 226).
Ком: 0 // Уҡынылар: 725 тапҡыр // Тотош уҡырға
Бесәй ҡарғышы— Ә һин бесәй ҡарғышына ышанаһыңмы? — тип һорап ҡуйҙы көтмәгәндә күптәнге танышым Руфина.
— Кит инде, — тим. — Әлеге заманда бесәй халҡынан да ҡурҡып йәшәгән кеше бармы?
— Ә юлыңды ҡара бесәй киҫеп үтһә нишләйһең, шикләнәһең бит, әйт? — тип һаман үҙенекен тылҡый әхирәтем.
Быныһы менән килешмәйенсә булмай: юлыбыҙ ҡара бесәй менән киҫешкәндә, башҡа яҡҡараҡ боролоп киткән саҡтар ҙа булғылай, йәшермәйем. Бүтән кешеләрҙең дә был осраҡта йә төймәгә тотоноуын, йә кепкаларын әйләндереп кейеүен, һул яурыны аша төкөрөнөп китеүен күреп тә аптырайым. Ҡайһы берәүҙәр хатта ҡара бесәй киҫеп киткән һыҙыҡҡа еткәнсе, аҙымдарын әкренәйтеп, кемдеңдер үҙенән алда үтеүен көтә. Руфинаны был ниңә борсой һуң әле?
— Серемде кемгәлер асҡым килә.
Ком: 1 // Уҡынылар: 1167 тапҡыр // Тотош уҡырға
Басайҙар мәсетле булдыҺуңғы йылдарҙа Баймаҡ районының һәр ауылында тиерлек иман йорттары ҡалҡты, ҡайһыларында әле күмәк көс менән төҙөлөш эштәре бара. Ошо көндәрҙә Басай ауылы халҡы ла мәсетле булды.
Теүәл бер йыл элек улар иман йорто төҙөү мәсьәләһен күтәрә. Ауыл старостаһы Илдар Йосопов, мулла Салауат Яхиндарҙың башланғысы менән мәсет иҫәбенә аҡса туплайҙар һәм төҙөлөштө башлайҙар. Барыһы ла дәррәү ҡатнаша: кемдер бура күтәрә, икенселәре ҡыйығын яба, өсөнсөләре ишек-тәҙрәләрен ҡуя. Ҡатын-ҡыҙҙар ҙа ситтә ҡалмай: буяу һәм һылау эштәрен атҡаралар. Район хакимиәте лә, ҡырҙа йәшәүсе ауылдаштары ла басайҙарҙың изге ниәтен хуплап, ҡулынан килгәнсә ярҙам күрһәтә.
Мәсетте асыу тантанаһында район хакимиәте башлығы Илшат Ситдиҡов, имам-мөхтәсиб Хөрмәтулла хәҙрәт Буранбаев, Сибай ҡалаһындағы “Тәҡүә” мәсетенең имам-хатибы Әғләмитдин хәҙрәт Ғәзизов һәм башҡалар ҡатнашты.
Ком: 0 // Уҡынылар: 753 тапҡыр // Тотош уҡырға
Тырышып тамыр йәйә бер үҫентеБаймаҡ ҡалаһы мәктәптәрен тамамлаған, балалыҡтан сығып та етмәгән Айя менән Владислав 17 йәштә саҡта уҡ атай-әсәй буласаҡтарын аңлап ҡабул итә.
— Был яңылыҡҡа беҙ бик ҡыуанһаҡ та, атай-әсәйҙәребеҙ, әлбиттә, баштан һыйпаманы. Шулай ҙа уларға сабыр һәм тыныс булып ҡала белеүҙәре, яман һүҙ менән күңелебеҙҙе яраламауҙары өсөн гел рәхмәтлемен, — ти Айя, кескәй генә иркә ҡыҙын күкрәгенә ҡыҫып.
Студент йылдары Никифоровтар өсөн бала үҫтереү мәшәҡәттәренән башлана. Сабыйҙы алмаш-тилмәш бәүетеп уҙғарған йоҡоһоҙ төндәр, оло тормоштағы тәүге ҡаршылыҡтар, сессия артынан сессия... Йәш үҫенте сибек олонон ел-дауылдан һаҡлауға, тамырҙарын көслөрәк итер өсөн һыу ҡойоп тороуға мохтаж булғандай, йәш ғаиләләргә лә ныҡлап аяҡҡа баҫып китеү өсөн күптәрҙең ярҙамы кәрәк.
Ком: 1 // Уҡынылар: 1064 тапҡыр // Тотош уҡырға
Мосолман ҡатынына мөнәсәбәтФәҡәт юғары әхлаҡи сифаттары һәм яҡшы мөғәмәлә итә белеүе менән генә мосолманға ҡатынының йөрәген яулау бурысы ҡуйыла, шул саҡта ҡатын иренең ихтыярынан тыш бер нәмә лә эшләмәйәсәк. Дине бүләкләгән ошондай сифаттары, ҡиммәттәр, күрһәтмәләр һәм ҡанундар ярҙамында мосолман хәләл ефетен тейешле кимәлдә баға-ҡарай ала. Ә шәриғәт ҡанундарын үтәү ирҙең бурысына инә. Аллаһы Тәғәлә әйткән: “Ирҙәр — ҡатындарын бағыусы, сөнки Аллаһы Тәғәлә берәүҙәре өҫтөнән икенсеһенә өҫтөнлөк бирҙе, һәм тағы ла шуның өсөн улар үҙ малдарынан сығым яһай”.
Ҡатындарын бағыу ирҙәр өҫтөнә аныҡ бурыстар ҡуя, йәғни, ир ҡатыны өсөн тулыһынса яуаплы. Мөхәммәт пәйғәмбәр әйткән: “Һеҙҙең һәр берегеҙ — көтөүсе һәм һеҙҙең һәр берегеҙ үҙ көтөүе өсөн яуаплы.
Ком: 0 // Уҡынылар: 1067 тапҡыр // Тотош уҡырға
Һәр дәресе тормошcанУчалы районының Ҡобағош ауылы клубында ветерандар менән осрашыу кисәһе бара. Һүҙ хеҙмәт ветераны, төбәктең абруйлы шәхестәренең береһе Ғәмбәр Суфияноваға бирелде.
— Мин VII класты 1941 йылдың майында тамамланым, ә июндә һуғыш тоҡанды, — тип башланы ул. — Яңы уҡыу йылында күп мәктәптәр уҡытыусыһыҙ ҡалды, шул сәбәпле Әбйәлил районының Яйҡар ауылына башланғыс кластар уҡытыусыһы итеп тәғәйенләндем. Аслы-туҡлы йәшәгән балаларҙы мәктәпкә йыйыу бик ауыр, шуға күрә өлкәнерәктәрен баҫыуға башаҡ йыйырға сығара инем. Мәктәп йыйыштырыусыһы бешергән бутҡаны ашарға йыйылған балаларҙың өҫтәл артында оло ҡыуаныс менән ризыҡланып ултырыуы әле лә күҙ алдымда...
84 йәшен тултырған Ғәмбәр Ҡәмәретдин ҡыҙының 40 йыл ғүмере мәктәп балаларына ғына түгел, халҡына аң-белем һәм тәрбиә биреүгә бағышланған.
Ком: 0 // Уҡынылар: 727 тапҡыр // Тотош уҡырға
ФотоғәйепләүАлтаҡта, урам исемдәрендә генә түгел, аҙыҡ-түлектең ярлығында ла хаталы яҙмалар йыш осрай. Һуңғы ваҡытта республикала сыҡҡан ҡайһы бер продукцияның тышында башҡортса бөтөнләй яҙмайҙар тигән хәбәр ҙә бар. Дәғүә белдерерлек осраҡҡа тап булһағыҙ, фотоға төшөрөп, редакцияға ебәреүегеҙҙе һорайбыҙ.
Ком: 0 // Уҡынылар: 859 тапҡыр // Тотош уҡырға
Торлаҡ алыуға сиратҡа ҡуймаһалар...

— Һаумыһығыҙ! Ирем менән бюджет өлкәһендә эшләүсе йәштәр өсөн ҡаралған программа буйынса торлаҡ алырға сиратҡа баҫырға ниәтләгәйнек. Урындағы хакимиәт беҙҙе иҫәпкә ҡуйырға теләмәй һәм ғаризабыҙҙы ҡабул итмәй. Сәбәбен минең Бүздәк районында йәшәүсе атай-әсәйем янында, ә иремдең үҙе тыуып үҫкән Белоретта теркәлеүенә бәйләп аңлаттылар. Беҙҙең бергә теркәлерлек мөмкинлегебеҙ юҡ. Тағы шуныһы аяҡ сала: атайымдың йорто иркен һәм, документ буйынса ҡараһаң, мин торлаҡҡа мохтаж түгел кеүек. Тик ул өй аҙаҡ мираҫҡа ағайыма ҡаласаҡ. Ни эшләргә икән беҙгә? Иҫәпкә торор өсөн ниндәй документтар тупларға кәрәк?
Ком: 0 // Уҡынылар: 673 тапҡыр // Тотош уҡырға
Артҡа 1 2 3 4 Алға
Бит башына