Башҡортостан Президенты Рөстәм Хәмитов Һиндостан Республикаһының Рәсәй Федерацияһындағы Ғәҙәттән тыш һәм Тулы хоҡуҡлы илсеһе Аджай Малхотра менән осрашыу барышында Башҡортостан менән Һиндостан араһында иҡтисади һәм мәҙәни өлкәлә үҙ-ара хеҙмәттәшлек мәсьәләләре тураһында фекер алышты.
Рөстәм Хәмитов илсенең беҙҙә алты йыл элек булыуын билдәләне.
— Башҡортостан Республикаһының Рәсәй составында ҙур, етди биләмә булыуын иҫәпкә алғанда, был ярайһы уҡ ҙур арауыҡ, — тине Президент. — Беҙҙең республиканың ил иҡтисадында тотҡан урыны һиҙелерлек икәнен аңлайбыҙ. Быйыл апрелдә Рәсәй менән Һиндостан араһында дипломатик мөнәсәбәттәр урынлаштырыуға 65 йыл тулды.
Ком: 0 // Уҡынылар: 752 тапҡыр // Тотош уҡырға
2 ИЮЛЯ
ПОНЕДЕЛЬНИК
ПЕРВЫЙ КАНАЛ


05.00 “Доброе утро”
09.00 Новости
09.05 “Контрольная закупка”
09.40 “Женский журнал”
09.50 “Жить здорово!”
10.55 “Модный приговор”
12.00 Новости (с субтитрами)
12.25 “Женский доктор”. Сериал.
Ком: 0 // Уҡынылар: 1326 тапҡыр // Тотош уҡырға
"Супер килен"Юмореска
Тәғзимә үҙен Өфөнән алып ҡайтҡан машинанан төштө лә тура магазинға ҡарай юртты. Бындай эште йыумайса булмаҫ. Магазин ябылмаҫ элек өлгөрөп ҡалырға кәрәк, һуң булып бара. Ҡатын кәстүмендәге миҙалды йәнә бер тапҡыр һыйпап-һыйпап ҡараны. Ауылға ошо миҙалды тағып ҡайтып инһен әле! Барыһының күҙҙәре туҫтаҡ кеүек булыр. Тәғзимә үҙенең уйҙарынан үҙе ҡыуанып, бына күрегеҙ, мин кем тигәндәй, күкрәктәрен алға кирә биреберәк атланы. Әтеү анау бер бөртөк балалы Сара гелән генә теге лә был тип аҡыл һатып маташҡан була. Хәҙер бына һөйләшеп ҡараһын. Уның һымаҡ Өфө һынлы Өфөгә барып миҙал алып ҡайтһа, нишләр ине икән, ә?
Тәғзимә ике йыл элек күрше Мырҙаҡайҙан килен булып төшкәйне. Бер көндө беҙҙең ауылда йәшәүсе апаһына ҡунаҡҡа килгән ҡатын өс балаһы менән үҙенән ун дүрт йәшкә оло Ғәйнисламда торған да ҡалған. Кемделер туҡмаған өсөн төрмәгә ултырған ире хаҡында:
Ком: 0 // Уҡынылар: 1266 тапҡыр // Тотош уҡырға
Һәр кемгә уңайлы үҙәкӨфөлә, Башҡортостан Республикаһы Хөкүмәте ҡарарына ярашлы, Дәүләт һәм муниципаль хеҙмәттәр күрһәтеү буйынса күп функциялы үҙәктең Үҙәк офисы асылды. Ул Яңы Күпер урамының 8-се йортонда урынлашҡан. Тантанала Башҡортостан Президенты Рөстәм Хәмитов, республиканың иҡтисади үҫеш министры Евгений Маврин, яңы асылған үҙәктең директоры Руслан Усманов һәм башҡа рәсми кешеләр ҡатнашты.
Дәүләт һәм муниципаль хеҙмәттәр күрһәткән үҙәктә граждандарҙың һәм ойошмаларҙың документтары “берҙәм тәҙрә” принцибында ҡабул ителә, теркәлә һәм тапшырыла. Хеҙмәттәр алыу өсөн граждандарға үҙәккә ике тапҡыр ғына килергә тура киләсәк: тәү килеүҙә ғариза яҙып ҡалдыраһың һәм ҡануниәткә ярашлы документтар тапшыраһың, икенсе килеүеңдә әҙер документты йәки тейешле яуап алаһың. Үҙәк белгестәре төрлө ойошмаларҙың барлыҡ кәрәкле документтарын үҙҙәре туплай.
Ком: 1 // Уҡынылар: 785 тапҡыр // Тотош уҡырға
Пекиндан — МәскәүгәсәҠытайҙың баш ҡалаһы Пекиндан юл алған автосәйәхәттә ҡатнашыусылар, туғыҙ мең километр самаһы ара үтеп, Өфөгә килде.
Рәсәй туризмы йылына арналған “Пекин — Мәскәү-2012” автосәйәхәтендә Ҡытайҙан — 16, беҙҙән 15 журналист ҡатнаша. Улар, руль артында бер-береһен алмаштырып, Great Wall автомобилдәрендә 3 июлдә Мәскәүҙә буласаҡ. Ҡытайҙың “Синьхуа” мәғлүмәт агентлығы, халыҡ-ара радио, үҙәк телевидение, “Рәсәй тауышы”, “Маяҡ” радиолары, “Яңылыҡтар” агентлығы, “Московский комсомолец”, “Коммерсантъ” гәзиттәре вәкилдәре ҡатнашҡан автосәйәхәттең төп маҡсаты — Ҡытай йәмәғәтселегенә Рәсәйҙә туризмдың үҫешен күрһәтеү, был илдән туристарҙы беҙҙең төбәктәргә ылыҡтырыу.
Автосәйәхәттә ҡатнашыусылар Өфөнөң “Амакс-Турист отель” ҡунаҡханаһында матбуғат конференцияһы үткәрҙе.
Ком: 0 // Уҡынылар: 644 тапҡыр // Тотош уҡырға
Теләк булһа, әмәле табылаХалыҡтың байтағы үҙ телендә нәшер ителгән матбуғат баҫмаларын алдырып уҡымай йәки, төрлө сәбәп табып, уға яҙылыуҙы кисектерә. Шуныһы һөйөнөслө: был мәсьәлә гәзит-журнал редакциялары хеҙмәткәрҙәренән тыш, ҡайһы бер зыялыларыбыҙҙы ла борсой.
Ошо көндәрҙә шундай милләттәштәребеҙҙең береһе үҙенең тыуып үҫкән төбәгендә “Башҡортостан” гәзитен нисек итеп таратыуы тәжрибәһе менән ихлас уртаҡлашты. Ҡулланған алымы һис тә ҡатмарлы түгел, уның өлгөһөнә күптәр эйәрә ала.
Гөлфинә Юламанова тәүге ярты йыллыҡта ун ауылдашына “Башҡортостан” гәзитен бүләк итеп яҙҙырған. Һөҙөмтәлә Балаҡатай районының Айҙаҡай ауылындағы күрше-күләне алты ай буйы кинәнеп гәзит уҡыған.
Ком: 0 // Уҡынылар: 745 тапҡыр // Тотош уҡырға
Рауил кеүектәр Ер шарын әйләндерә“Кешегә аҡыл һәм йәшәү көсө үҙендә булған бөтә яҡшы нәмәне үҫтереү өсөн бирелгән”.
(А.П. Чехов).
Илеш яғы өйҙәрҙең ҙур һәм матур, ҡапҡа-ҡураның биҙәкле булыуы менән айырылып тора. Былар халҡыбыҙҙың ижадҡа маһир, хеҙмәт һөйөүсән икәнлеген күрһәтә. Матурлыҡҡа ынтылыу һәр кемгә хас: үҙе йәшәгән йортон, кейгән кейемен, баҡсаһын, ҡойма-ҡапҡаһын биҙәкләп, зауыҡлы итеп эшләргә ынтыла.
Бер көн әхирәтем Фаягөлгә барһам, матур ҡапҡа, ҡойма эшләткән. Иҫем китеп, аптырап торҙом. “Ауылда Рауил тигән бер егет бар, элекке уҡыусым, үлсәп кенә алды ла килеп бөтәһен дә үҙе эшләне”, — ти.
Телефон номерын алып шылтыратҡайным, егет машинаһында елдереп килеп тә етте. Үлсәне, хаҡын әйтте, аҙна-ун көн дә үтмәне, ҡапҡа, ҡойма, мунса мейесе, тимер ишекте килтереп ҡуйып та китте. Күҙ ҡамаштырырлыҡ был мөғжизә минекеме икән, өнөммө, әллә төшөммө тип һоҡланып ҡарап торҙом.
Ком: 0 // Уҡынылар: 888 тапҡыр // Тотош уҡырға
“Тәүҙә үҙебеҙҙең фатирҙы һаттыҡ”Бизнес-проектын ғәмәлгә ашырыу өсөн ауыл эшҡыуары бер ниндәй ҡаршылыҡтар алдында ла туҡтап ҡалмаған
Шаранда эшҡыуар, дөйөм туҡланыу предприятиеһы директоры Илүсә ханым Сәғәҙиева менән ихлас һөйләшеп ултырырға тура килгәйне.
— Мин эшемә тотонғанда әллә ни ҙур табыш алыуҙы маҡсат итеп ҡуйманым. Ризыҡ тәмле, хаҡтар арзаныраҡ булһын, кешеләр рәхмәт әйтеп яҡшы кәйеф менән китһен — минең өсөн шуныһы мөһим, — тине ул. — Беҙҙең ашхананы ит менән ауыл эшҡыуары Динар Ғәлимов тәьмин итә. Заказ буйынса ул йәш малдың түшкәһен әҙерләп ҡуя. Яңы һуйылған итте уларҙың магазинында ғына һатып алырға мөмкин. Районда шәхси хужалыҡтар ит етештереүҙе арттыра икән, бында уларҙың да тос өлөшө бар тип әйтергә була.
Ком: 0 // Уҡынылар: 698 тапҡыр // Тотош уҡырға
Ҡурай яһай РәмилЮлдыбай ауылынан Рәмил Хөснуллинды Күгәрсендә генә түгел, башҡа райондарҙа, хатта күрше өлкәләрҙә лә яҡшы беләләр. Кем һуң ул сит тарафтарҙа танылыу яулаған егет? Йырсы ла, ҡурайсы ла, бейеүсе лә, шағир ҙа түгел Рәмил. Ул ҡурай яһау менән шөғөлләнә.
Рәмил тәүҙә өлкән улы Урал менән йорт өсөн йыһаз эшләй. Ауылдаштары ла оҫтаның һәр әйберен яратып ала, заказдар бирә. Әммә 2004 йылда Рәмил, кәсебен ҡапыл икенсе йүнәлешкә үҙгәртеп, ҡурай яһау буйынса шәхси предприятиеһын булдыра. Күптәр, әлбиттә, уның яңы шөғөлөн аңлап та бөтмәй. Шулай ҙа ул башҡорт халҡының милли ҡоралын яһауҙы һайлап яңылышмай. Хөснуллиндарҙың кәсебе хаҡында районда ла ишетеп-белеп ҡалалар.
Аҙаҡ уның оҫталығы хаҡында йыраҡҡа ла тарала.
Ком: 0 // Уҡынылар: 663 тапҡыр // Тотош уҡырға
“Үҙемдә бөтмәҫ көс тоям...”Маңлайына ни яҙылһа, кеше шуны күрә, тиҙәр. Ысынлап та, Хоҙай Тәғәлә әҙәм балаһына фанилыҡта үтәсәк һынауҙарҙы бирә, ниғмәттәрен өләшә. Ләкин тормошта инҡар итмәҫлек тағы бер нәмә бар: бирелгән ғүмерҙе нисек, һынауҙарҙы ҡайһылай үтеүең тап үҙеңә бәйле. Түбәгә ҡарап заман ауырлығына һылтанып ятаһыңмы, әллә, һәр осраҡты файҙаланырға тырышып, теҙгенде үҙ ҡулыңа алаһыңмы — һәр кемдең шәхси эше, тимәк, яҙмышыңды нисек көйләп, ҡайһы һуҡмаҡҡа бороп ебәрәһең, артабан да шулай була.
Миңғәзим Буранбай улы был хәҡиҡәткә тормошонда әллә нисәмә тапҡыр инана. Мәктәпте уңышлы ғына тамамлап, тура юғары уҡыу йортона ла юлланыр ине. Юҡ, ул башҡа юлды һайлай: тәүҙә әрмегә барып, һалдат һурпаһын эсеп, ысын ир-егет булырға тейеш. Алыҫ Көнсығышта хеҙмәтен тултырғас, Туҡ йылғаһы буйы, тыуған ауылы Егәнәк үҙенә тарта.
Ком: 0 // Уҡынылар: 827 тапҡыр // Тотош уҡырға
Артҡа 1 2 3 Алға
Бит башына