Беҙҙең мәнфәғәтте яҡлаусыРәфит ЗӘЙНИШЕВ,
Башҡортостандың атҡаҙанған ауыл хужалығы хеҙмәткәре:
— “Башҡортостан” гәзитен 50 йылдан ашыу алдырып уҡыйым. Унда һирәкләп мәҡәләләрем дә баҫылып тора.
“Башҡортостан” — республикабыҙ халҡының, милләтебеҙҙең мәнфәғәтен ҡыйыу сағылдырған һәм яҡлаған абруйлы баҫма. Гәзит хеҙмәткәрҙәре уның йөкмәткеһен төрләндереү, яҡшыртыу йәһәтенән күп көс һала. Бигерәк тә халыҡ араһында йөрөп, уларҙы борсоған мәсьәләләрҙе күтәреп, хәл итеү юлдарын эҙләү ыңғай һөҙөмтәләр бирә.
Һуңғы ваҡытта гәзит күҙ алдында үҙгәрҙе. Уның биттәрендә баҫылған бер генә мәҡәлә лә иғтибарҙан ситтә ҡалмай, уйланырға мәжбүр итә. Яңынан-яңы рубрикалар барлыҡҡа килеүе лә ҡыуаныслы күренеш. Ҡыҫҡаһы, “Башҡортостан” халыҡҡа йөҙ менән боролдо, ысын мәғәнәһендә халыҡ гәзитенә әйләнә бара.
Ком: 0 // Уҡынылар: 743 тапҡыр // Тотош уҡырға
Роналду Сибайға йыйынаПортугалияның билдәле футболсыһының Башҡортостанға килеүе ихтимал. Бында уның һөйгәне Ирина Шейктың өләсәһе йәшәй. Был көндәрҙә футбол һөйөүселәр “зәңгәр экран”дарҙан Европа чемпионатын ҡыҙыҡһынып күҙәтә. Сибайҙарҙы Рәсәйҙең йыйылма командаһының уңышһыҙлығы бер аҙ көйөндөрһә лә, улар телевизор янынан әлегәсә китергә ашыҡмай.
Хәҙер Сибай халҡын Португалия командаһының капитаны Криштиану Роналду нығыраҡ ҡыҙыҡһындыра. Ни өсөнмө?! Сөнки донъяға билдәле футболсының һөйгән ҡыҙы Ирина Шейктың бала сағы таусылар ҡалаһында уҙа. Уның өләсәһе Ғәлиә Шәйхисламова — Сибайҙың арҙаҡлы ҡатын-ҡыҙҙарының береһе, Бөйөк Ватан һуғышы ветераны, “Фронтовик әхирәттәр” клубының иң әүҙем ағзаһы. Һуғыш йылдарында ул өсөнсө Украина фронтында разведчик була, Бөйөк Еңеүҙе Австрияла ҡаршылай. Ҡайтҡас, оҙаҡ йылдар Сибай элеваторында эшләй. Бөгөн 88 йәшен тултырыуға ҡарамаҫтан, Ғәлиә Ғәйнислам ҡыҙының хәтере яҡшы, ейәнсәре менән көн дә тиерлек телефон аша һөйләшеп тора.
Ком: 0 // Уҡынылар: 895 тапҡыр // Тотош уҡырға
Сәбәп эҙләмәйек, ярҙам итәйек!(“Мәктәпте һаҡлап ҡалырға ярҙам итегеҙ!” йәки мөхәмәттәрҙең нимәгә йәне әсей?” 2012 йыл, 13 июнь, №114).

Был мәҡәләне тулҡынланып та, тетрәнеп тә уҡыныҡ. Бында күтәрелгән көн үҙәгендәге мәсьәләләрҙе хуплайбыҙ һәм редакцияға рәхмәт белдерәбеҙ.
Мөхәмәт ауылының ҡайһы бер проблемалары тураһында шул уҡ “Башҡортостан” гәзитендә (2008, 23 сентябрь) донъя күргән “Мөхәмәткә сәйәхәт” материалында ла яҙылғайны (авторы — Вил Өмөтбаев). Бында ауылдың туғыҙ йыллыҡ мәктәбен һаҡлап ҡалыу, халыҡты эсәр һыу менән тәьмин итеү, эш урындары булдырыу тураһында уйланыуҙар бар ине. Шул уҡ йылдың июлендә мәсет асыу тантанаһында Белорет районы етәкселәренең иғтибарын ауылға йүнәлтеү кәрәклеге тураһында ла һүҙ булғайны.
Мөхәмәт ауылы — 270 йыллыҡ оло тарихҡа эйә, ябай, эшсән, ҙур йөрәкле кешеләре, мөғжизәле һәм бай тәбиғәте менән айырылып торған төбәк ул.
Ком: 0 // Уҡынылар: 815 тапҡыр // Тотош уҡырға
Эйеккүлгә кем эйә?Әбйәлил исемле егет күл буйына барып ултырған да арҡан ишергә тотонған, ти. Шул саҡ Һыу эйәһе килеп сыҡҡан икән.
— Нимә эшләйһең? — тип һораған ул егеттән.
— Бына хәҙер арҡан ишеп бөтәм дә күлде һауаға аҫып ҡуям, — тигән Әбйәлил.
Һыу инәһенең ҡото осҡан:
— Зинһар, теймә күлгә! Әжеренә нимә теләйһең — шуны бирәсәкмен, — тип үтенгән. Әбйәлил күп уйлап тормай, Һыу эйәһенән затлы ат һораған. Шулай итеп, күлде тыныслыҡта ҡалдырып, ажғырып торған айғырға атланып егет ҡайтып киткән...
Был әкиәт менән күптәр бала саҡтан таныш. Ошондай хәлдәр беҙҙең көндәрҙә лә осрамай тиһегеҙме? Әбйәлил батыр кеүектәр арабыҙҙа ла бар бит ул.
Ком: 0 // Уҡынылар: 662 тапҡыр // Тотош уҡырға
Аҡса иҫәп яратаДәүләт ҡаҙнасылығы — илдең ышаныслы терәге
Халыҡ араһында йыш ҡына “Атай — еҙнә, инә — ҡаҙна”, “Әндрәй ҡаҙнаһы бар тип беләһеңме әллә?” тигән кинәйәле һүҙҙәрҙе ишетергә тура килһә лә, ғәрәп теленән килеп ингән “ҡаҙна” һүҙенең мәғәнәһе төрлөлөгө һәм уның беҙ уйлағандан күпкә ҡатмарлыраҡ булыуы менән таң ҡалдырҙы. Беҙ бөгөн уҡыусыларыбыҙҙы Рәсәй Федераль ҡаҙнасылығының Башҡортостан буйынса идаралығы эшмәкәрлеге менән таныштырыр алдынан аҙ ғына тарих төпкөлөнә сәйәхәт яһамаҡсыбыҙ.

Һандарҙың да теле бар
Башҡорт теленең аңлатмалы һүҙлеген ҡулға алып, тәүҙә һүҙҙең мәғәнәһенә төшөнәйек. “Ҡаҙна 1. Дәүләттең бөтә булған байлығы, дәүләт милке. 2. Шул милеккә эйә булған дәүләт һәм ошо милекте тотонған дәүләт ойошмаһы. 3. Тупланған аҡса, байлыҡ”.
Ком: 0 // Уҡынылар: 857 тапҡыр // Тотош уҡырға
“Ере юҡтың — иле юҡ”Арыҫлан Мөбәрәков исемендәге Сибай башҡорт дәүләт драма театры Наил Ғәйетбайҙың пьесаһы буйынса ҡуйған спектакле шулай тип атала.
Ысынлап та, ер мәсьәләһе беҙҙең халыҡты ғүмер буйы борсоған, хатта ҡан ҡойорға мәжбүр иткән. Бөгөн дә ошо проблема башҡорт халҡын, бигерәк тә ауылда йәшәүселәрҙе уйландыра. Һәр кешегә бушлай тиерлек ер бирелергә тейеш, ә уның менән ни эшләргә? Эшкәртеп, файҙаһын күрерҙәр ине, бөтәһенең дә хәленән килмәй, техника һатып алырға, кеше ялларға аҡсаһы юҡ. Ҡуртымға бирһәң, ерҙе эшкәртеүселәр тиҙ арала мул уңыш алам, аҡса эшләйем тип, химия менән ағыулап, ерҙе ике-өс йылда харап итеүҙәре бар. Һатып ҡына ҡуйырҙар ине, уның яңы хужаһы урманға, тауға, күлгә үткәрмәй башлаһа?..
Сибай театры “Ере юҡтың — иле юҡ” спектакле менән ошо һорауҙарға яуап эҙләй, улар хаҡында тамашасыларҙы уйланырға мәжбүр итә.
Ком: 0 // Уҡынылар: 1546 тапҡыр // Тотош уҡырға
Яңы алымдар ҡулланылаXII “Мәғариф. Фән. Карьера – 2012” махсуслаштырылған күргәҙмәһендә ҡатнашыусылар республикабыҙҙың уҡыу йорттары тураһында бай мәғлүмәт алды. Айырыуса Өфө статистика, информатика һәм иҫәпләү техникаһы колледжы бындай сарала йыл да ҡатнаша, иң ҡыуаныслыһы: “Алтын өкө” конкурсында бер нисә йыл буйы I урынды яулайҙар.
– Беҙҙең педагогтар иҡтисад, хоҡуҡ һәм социаль тәьминәт, информатика һәм иҫәпләү техникаһы, ер-мөлкәт мөнәсәбәттәре йүнәлешендә студенттарға төплө белем бирә, – тип һөйләй педагогия фәндәре кандидаты, Өфө статистика, информатика һәм иҫәпләү техникаһы колледжы директоры Сәйфетдин Ҡунысбаев. – Уҡыу йортоноң 80 йыллыҡ тарихының булыуы күп нәмә тураһында һөйләй, тимәк, бай тәжрибәгә эйәбеҙ. Яңы алымдар буйынса уҡытыуға күптән күстек. Федераль дәүләт белем биреү стандартын, бәлки, тәүге тапҡыр ишетмәйҙәрҙер. Егет һәм ҡыҙҙар әле үк ҡайһы предприятиеға эшкә барасаҡтары хаҡында алдан белгәс, һәр береһе үҙендә оло яуаплылыҡ тоя, шуға ла бөтөн көсөн уҡыуға бирә.
Ком: 0 // Уҡынылар: 1094 тапҡыр // Тотош уҡырға
Әбйәлилдең данлы улыКүренекле шағир Әсхәл Әхмәт-Хужаның 70 йәшлек юбилейы айҡанлы байрам кисәләре дауам итә. Әҙиптең тыуған ауылы Амангилделә иһә сара айырыуса күңелле ойошторолдо. Әҙәби осрашыуға шағирҙың ҡәләмдәш дуҫы Венер Йәнбәков, шулай уҡ шағир Ғәле Ильясовтың тормош иптәше Шәрифә ханым, Башҡортостандың атҡаҙанған йырсыһы Сәйҙә Ильясова, шағир Мәхмүт Һибәттең тормош иптәше Хәмдиә апай һәм башҡалар килде.
Осрашыу яҙыусының шәжәрәһе менән танышыуҙан башланды. Әхмәтҡужиндар шәжәрәһе быуаттар төпкөлөнә барып тоташа, илебеҙгә данлы улдар һәм ҡыҙҙар бүләк иткән затлы тоҡомдарҙың береһе. Фойела Әсхәл Әхмәт-Хужа ижадына арналған күргәҙмә эшләне, түрҙән уның китаптары урын алды.
Шағир өсөн үҙе тәпәй баҫҡан ере, тыуған ауылы иң изгеләрҙән һанала. Бала саҡҡа йәнә бер тапҡыр әйләнеп ҡайтырға ярҙам иткән төрлө хәтирәләр, күңел кисерештәре, ауылдаштар менән йылы осрашыуҙар — быларҙың барыһы ла шағирҙың күңелендә тыуған ауылы өсөн ғорурлыҡ хисе уятмай ҡалманы.
Ком: 0 // Уҡынылар: 1295 тапҡыр // Тотош уҡырға
Айнур (исеме үҙгәртелде) ҡараңғылыҡ шаршауы төшә башлаған тәҙрәнән күҙен алмай. Бына нисәнсе көн инде ул тилмереп әсәһен көтә. Бөгөн уның тыуған көнө, әсәһе, һәр саҡ һөйләшеп торорбоҙ, тип кеҫә телефоны алып килергә вәғәҙә бирҙе, ә үҙе һаман юҡ. Иң мөһиме – Айнур әсәһен бик-бик һағынды, уның тауышын ишетеп, ҡуйынына һыйыныу, ҡәҙерле кешеһе менән аралашыу ине теләге.
Тәрбиәселәр балаларҙы йоҡларға әҙерләй башланы, ә әсәһе һаман юҡ... Ун йәшлек был малай — Шулған приютында йәшәүсе 25 баланың береһе.
...Айнур ғәҙәти ғаиләлә, ата-әсәһенең берҙән-бер балаһы булып иркәләнеп кенә үҫеп килә ине. Яҡындары эргәһендә үткән тыуған көндәре әле лә күҙ алдында. Уйынсыҡтар, матур-матур кейемдәр, өҫтәлдәге тәмле-татлы кәнфит-торттар. Быларҙы нисек онотаһың?!
Ком: 0 // Уҡынылар: 623 тапҡыр // Тотош уҡырға
Яңыраҡ һабан байрамы Сорғотта йәшәүсе милләттәштәребеҙҙе лә тупланы. Нефтселәр ҡалаһына республиканың мәҙәниәт министры урынбаҫары Рәнис Алтынбаев етәкселегендәге ҙур делегация юлланды. Уның составында Ишембай районы вәкилдәре лә булды. Улар Сорғотҡа ҙур тирмә алып килде, 50-ләп кешенән торған ижади коллектив та ҡатнашты.
Тәүге көндө Башҡортостан менән Татарстандан килгән делегацияны Сорғот ҡалаһы хакимиәтендә рәсми ҡабул итеү тантанаһы булды. Йылы, дуҫтарса осрашыу барышында бында йәшәүсе әүҙем башҡорт һәм татар вәкилдәренә наградалар тапшырылды.
Сорғотта уҙғарылған быйылғы һабантуй байрамы үҙенсәлекле юбилейын да билдәләне. Уның ойошторолоуына — 25 йыл.
Ком: 1 // Уҡынылар: 701 тапҡыр // Тотош уҡырға
24 июндә Ленинград өлкәһендә һабантуй үтте. Унда Рәсәйҙең төрлө төбәктәренән, шул иҫәптән Башҡортостан Республикаһынан байтаҡ халыҡ йыйылды. Байрамда Ленинград өлкәһе губернаторы Александр Дрозденко, Санкт-Петербург башлығы Георгий Полтавченко һәм башҡа рәсми кешеләр ҡатнашты.
Башҡортостан делегацияһына Дәүләт Йыйылышы — Ҡоролтай Рәйесе урынбаҫары Лилиә Ғүмәрова етәкселек итте. Делегация составына шулай уҡ ижади интеллигенция вәкилдәре, артистар, музыканттар инде.
— Республика байрамда үҙен лайыҡлы күрһәтте. Лилиә Ғүмәрова Башҡортостан Президенты Рөстәм Хәмитовтың сәләмләү һүҙҙәрен уҡып ишеттерҙе.
Ком: 0 // Уҡынылар: 593 тапҡыр // Тотош уҡырға
27 июндә Өфө ҡала хакимиәтенең йәштәр комитеты бар халыҡты «Аҡбуҙат» ипподромында уҙасаҡ йәштәр һабантуйына саҡыра. Программала мини-футбол, гер күтәреү, ат сабышы, төрлө уйындар, конкурстар, бүләктәр, байрам концерты ҡаралған.
Байрам 13-00 сәғәттә башлана. Инеү бушлай.
Ком: 0 // Уҡынылар: 541 тапҡыр // Тотош уҡырға
Хөрмәтле гәзит уҡыусыларыбыҙ!
Икенсе ярты йыллыҡҡа яҙылыу осоро тамамланыуға һанаулы көндәр ҡалды. Кем дә кем 27 июнгә “Башҡортостан” гәзитенең аҙнаһына биш тапҡыр сыҡҡанына яҙылып өлгөрә, улар “Тианде” халыҡ-ара косметика компанияһының бүләктәренә лайыҡ буласаҡ. Ә бының өсөн квитанцияғыҙҙың күсермәһен, “Тианде” тип яҙып, 8 июлгә тиклем редакцияға ебәрергә кәрәк.
Бүләктәр һеҙҙе көтә, дуҫтар!
Ком: 0 // Уҡынылар: 486 тапҡыр // Тотош уҡырға
Быйыл августа универсаль электрон карталар тапшырыла. Уларҙың тәүге тиҫтәһе Татарстанда, Башҡортостанда, Әстрханда һәм Краснодарҙа таратыла. Был эш киләһе йылдың 1 ғинуарында ғына рәсми башланырға тейеш. Тимәк, билдәләп үтелгән дүрт төбәк ошо йәһәттән тәүгеләр буласаҡ.
Универсаль электрон карта кешене идентификациялау мөмкинлеге биргән документ, йәғни “электрон паспорт” бурысын үтәй. Тиҙҙән уның менән сит илдәргә лә юлланып буласаҡ.
Һаулыҡ һаҡлау, мәғариф, социаль яҡлау, торлаҡ-коммуналь хужалыҡ, ер-мөлкәт мөнәсәбәттәре, шулай уҡ башҡа дәүләт, коммерция хеҙмәттәре банкоматтар, терминалдар, шәхси компьютерҙар аша ошо карта ярҙамында күрһәтелә. Һөҙөмтәлә дәүләт менән аралашыуға сығымдар кәмейәсәк.
Ком: 0 // Уҡынылар: 624 тапҡыр // Тотош уҡырға
29 июндә сәғәт көндөҙгө 12-лә Нуриман районы хакимиәте бинаһында (Красная Горка ауылы, Совет урамы, 64) Башҡортостан Республикаһы Хөкүмәте Премьер-министры урынбаҫары, Хөкүмәт Аппараты етәксеһе И.А. Тажетдинов,
29 июндә көндөҙгө сәғәт 4-тә Бүздәк районы хакимиәте бинаһында (Бүздәк ауылы, Ленин урамы, 4) Башҡортостан Республикаһының мәғариф министры Ә.С. Ғаязов,
29 июндә көндөҙгө сәғәт 3-тән 5-кә тиклем Хәйбулла районы хакимиәте бинаһында (Аҡъяр ауылы, С. Юлаев проспекты, 45) Башҡортостан Республикаһының сәнәғәт һәм инновация сәйәсәте министры урынбаҫары И.Е. Карепанов,
Ком: 0 // Уҡынылар: 454 тапҡыр // Тотош уҡырға
Артҡа 1 ... 3 4 5 6 7 8 9 10 11 ... 30 Алға
Бит башына