28 июндә Башҡортостан Республикаһы Дәүләт Йыйылышы — Ҡоролтай йортонда (Өфө ҡалаһы, Зәки Вәлиди урамы, 40) Башҡортостан Республикаһының дүртенсе саҡырылыш Дәүләт Йыйылышы — Ҡоролтайҙың илле өсөнсө ултырышы була.
Ултырыш иртәнге сәғәт 10-да, теркәү 9-ҙа башлана.
Ком: 0 // Уҡынылар: 467 тапҡыр // Тотош уҡырға
Башҡортостан Республикаһы Дәүләт Йыйылышы — Ҡоролтайҙа республиканың аҙыҡ-түлек баҙарына мониторинг үткәреү буйынса эш төркөмөнөң сираттағы ултырышы үткәрелде. Мәктәптә туҡланыу кәңәшмәлә тикшерелгән төп мәсьәлә булды.
Ултырышты асып, Дәүләт Йыйылышы — Ҡоролтай депутаты, эш төркөмө етәксеһе Елена Родина, республика мәктәптәрендә туҡланыуҙы ойоштороу мәсьәләләре буйынса фекер алышыу осраҡлы түгел, тип билдәләне. Быға ата-әсәләрҙең республика парламентына күпләп мөрәжәғәт итеүе йоғонто яһаны. Һөҙөмтәлә депутаттар район һәм ҡала мәктәптәрендә булды, рейдтар үткәрҙе, министрлыҡтар һәм ведомстволарҙың аңлатмаһын тыңланы, ошо өлкәләге хәлгә анализ яһаны.
Ком: 0 // Уҡынылар: 689 тапҡыр // Тотош уҡырға
Һуңғы ике тиҫтә йыл эсендә ил күләмендә киң тамыр йәйгән наркомания — кешенең тәнен һәм рухи донъяһын, аңын емереп, уны ҡыҫҡа ваҡытта ҡәбергә илтеүсе иң мәкерле, аяуһыҙ сирҙәрҙең береһе. Әфиун менән “дуҫлашыуҙың” үлемесле икәнлеген белмәүсе юҡтыр бөгөн. Был хаҡта телевидение, гәзит-журналдар тарафынан бай белешмә бирелә, йәш быуынды ошо ҡурҡыныс сирҙән ҡурсалау саралары күрелә, аңлатыу эштәре йәйелдерелә. Әммә был мәкерле күренеште юҡ итеүе, ай-һай, анһат түгел икән шул!
Наркоманияның үҫеш башланғысы уҙған быуаттың туҡһанынсы йылдар башына барып тоташа. Тап ошо осорҙа ил өҫтөнә яуған реформалар шауҡымы наркомания, токсикомания кеүек ғибрәтле күренештәргә юл асты.
Ком: 0 // Уҡынылар: 578 тапҡыр // Тотош уҡырға
Шулай итеп, райондағы ике Көсөк бер-береһе менән ҡәрҙәш булып сыға. Уҡыусыларға шуны ла әйтергә кәрәк: Көсөк Мортазин Салауаттың атаһы Юлай Аҙналин менән Ҡатау заводына һөжүм итеүҙә ҡатнаша. Был — тарихи факт. Бәлки, ул Лугниндарҙың Көсөк ерен талап алыуына яуап та булғандыр.
Хафиз Ҡушаевтың да нәҫел-нәсәбе инәһе яғынан Көсөковтарға барып тоташа. Был турала шәжәрәләр, тарихи мәғлүмәттәр бар.
Ҡолой кантонды ла бай, тиҙәр, тип йыр сығарғандар. Әммә тарихи хәҡиҡәт улай түгел. Ул тик хеҙмәт ҡеүәттәрен берләштереп, кантон буйынса дөйөм ҙур бер хужалыҡ ойошторған.
Матди байлыҡ кантон начальнигыныҡы ғына түгел, ә кантондыҡы булып иҫәпләнгән.
Ком: 1 // Уҡынылар: 1055 тапҡыр // Тотош уҡырға
Әсәйем Рәйфә Әбделсәлих ҡыҙы оло йәшенә етһә лә, ҡул ҡаушырып ултырырға яратмай. Бер минут ваҡытын да әрәм итмәй, таяҡҡа таянып булһа ла йөрөп, баҡсаһын утай, сәскәләренә һыу ташып һибә, һуған, кишер, сөгөлдөр түтәлдәре бер сүпһеҙ үҫеп ултыра. Ағастары, балтырғаны, андыҙы ла бар.
Атайым Фәхрәзей Әғлетдин улы менән бер ул һәм дүрт ҡыҙға ғүмер бүләк иткәндәр. Хәҙер инде барыбыҙ ҙа үҙаллы донъя көтә, атай-әсәйгә лә ярҙам итергә онотмайбыҙ.
«Заман ауыр, тиҙәр. Юҡ, йәшәүҙәре еңел хәҙер. Беҙ бына һуғыш ваҡытында ерҙе көрәк менән ҡаҙып, бәрәңге ултырта инек. Ҡышын сана, йәйен арба менән утын ташыныҡ. Кейергә кейем, туйғансы ашарға ризыҡ булманы. Ярай беҙҙең һыйыр бар ине, аҡтан өҙөлмәнек.
Ком: 0 // Уҡынылар: 519 тапҡыр // Тотош уҡырға
Академик Марат Илһамовҡа

*Әйүкә лә тигән һырт өҫтөндә
Өйкөм-өйкөм үҫә алтын тамыр, —
Кемдер белә быны, кемдер белмәй,
Белгән кеше барыр, эҙләр, табыр.
Ком: 0 // Уҡынылар: 924 тапҡыр // Тотош уҡырға
Көнсығыш телдәре берләшәМ. Аҡмулла исемендәге Башҡорт дәүләт педагогия университетының башҡорт филологияһы факультетында Көнсығыш телдәре кабинеты асылды. Тантанала “ТӨРКСОЙ” халыҡ-ара ойошмаһының генераль секретары Дюсен Касеиновтың ҡатнашыуы сараның мәртәбәһен тағы ла арттырҙы.
Аҡмулланың васыятына тоғролоҡ һаҡлап, педагогия университетында элек-электән телдәрҙе өйрәнеүгә ҙур иғтибар бүленә. Мәҫәлән, унда үткән быуаттың 90-сы йылдарында башҡорт-төрөк бүлеге булдырылып, уңышлы эшләгәйне. Төркиәнән килгән йәштәр биш йыл буйына башҡорт тиҫтерҙәре менән бергә белем алды, йәмәғәт эштәрендә ихлас ҡатнашты. Һөҙөмтәлә улар беҙҙең телде, мәҙәниәтте, йолаларҙы, тормош шарттарын үҙенекеләй ҡабул итеп, һәр яҡлап һәләтле белгес булып сыҡты. Башҡорт студенттарын Төркиәгә сәйәхәткә алып бара торғайнылар.
Ком: 0 // Уҡынылар: 1356 тапҡыр // Тотош уҡырға
Рөстәм Хәмитов иҡтисади форумда ҡатнаштыХәбәр итеүебеҙсә, Башҡортостан Президенты Рөстәм Хәмитов республиканың рәсми делегацияһы етәксеһе сифатында Санкт-Петербургта үткән халыҡ-ара иҡтисади форум эшендә ҡатнашты.
Төбәк етәксеһе Куба Республикаһының Рәсәй Федерацияһындағы Ғәҙәттән тыш һәм Тулы хоҡуҡлы илсеһе Хуан Вальдес Фигероа менән эшлекле осрашыу үткәрҙе. Унда иҡтисад өлкәһендә мөнәсәбәттәр булдырыу мөмкинлеге тикшерелде. Илсе Рөстәм Хәмитовты 4 – 10 ноябрҙә Гаванала үткәреләсәк халыҡ-ара “FIHAV-2012” йәрминкәһендә ҡатнашырға саҡырҙы.
Республика Президенты ла Куба делегацияһын Башҡортостанда көтәсәктәрен белдерҙе.
— Берлектәге проекттарҙы башлау өсөн был яҡшы аҙым буласаҡ, — тине Рөстәм Хәмитов.
Ком: 0 // Уҡынылар: 797 тапҡыр // Тотош уҡырға
Күҙ табиптарына ышаныс ҙурОшо көндәрҙә Өфө күҙ ауырыуҙары ғилми-тикшеренеү институтында айырыуса йәнлелек — абруйлы медицина учреждениеһы 85 йыллығын билдәләне.
Ә ғилми-тикшеренеү институты менән ентекле таныштырып тороу кәрәкме икән? Юҡтыр, моғайын. Республикабыҙҙа йәшәүселәр генә түгел, илдең башҡа төбәктәренән дә уның тупһаһы аша атлап ингәндәр байтаҡ. Һәр кемде һауығыуға өмөт һәм ышаныс әйҙәй. Шуныһы һөйөндөрә: өмөттәре аҡлана, ышаныстары нығый. Шуға ла институт поликлиникаһына йылдың барлыҡ миҙгелендә лә иртә таңдан ашығыусылар бихисап. Элегерәк күҙ сирҙәренән нигеҙҙә өлкән йәштәгеләр яфаланһа, һуңғы осорҙа йәштәр араһында ла насар күреүселәр ишәйә. Ә был ғалимдарҙы айырыуса хәүефләндерә. Шуға ла дауалауҙың һөҙөмтәле алымдарын йылдамыраҡ табырға ынтылалар, ә эҙләнеүҙәре офтальмология өлкәһендәге яңы асыштарға килтерә. Мәҫәлән, былтыр Рәсәй клиникаларында ҙур ҡыҙыҡһыныу тыуҙырған нанотехнология, йәғни күҙ мөгөҙсәһендәге сирҙәрҙе дауалауҙа ҡулланылған “УФалинк” аппараты менән “Декстралинк” препараты сираттағы ҙур ҡаҙаныш булды.
Ком: 0 // Уҡынылар: 1161 тапҡыр // Тотош уҡырға
Почта эше камиллашаЗаман заңы башҡа – ҡосаҡ тултырып гәзит-журналдар, ҡалын хаттар ташыған осор тарихта ҡалды тиеүселәр хаталана. Ауыл тормошон почтальонһыҙ әле лә күҙ алдына килтереп булмай, ҡалала ла уларҙың хеҙмәтенә ихтыяж ҙур. Әммә заман талаптарынан артта ҡалырға ярамай – “Рәсәй почтаһы”ның Башҡортостан филиалы етәксеһе Ирек Миңлевәли улы Ғәлимов менән ошо хаҡта ғына түгел, ә хеҙмәттең үҙенсәлектәре, көндәлек проблемалар, уларҙы хәл итеү юлдары һәм башҡа һөнәри ғәмәлдәр тураһында әңгәмә ҡорҙоҡ.
– Дөйөм дәүләт сәйәсәте – оптимизация һеҙгә лә ҡағылды: райондарҙың почта бүлексәләре берләште. Был төбәктәрҙә уларҙың һаны кәмей тигәнде аңлатамы, кешеләрҙең көндәлек ғәмәлдәрендә сағыламы? Ниндәйҙер мәсьәләне хәл итеү өсөн күрше районға, ҡалаға барып йөрөү бәғзеләрҙең тормошон ҡатмарлаштыра түгелме?
– Почталарҙы ҡушыу, тәүге сиратта, административ аппаратты тотоуға киткән сығымдарҙы кәметеү һәм бер үк хеҙмәттәрҙе ҡабатламау йәһәтенән тормошҡа ашырыла.
Ком: 0 // Уҡынылар: 969 тапҡыр // Тотош уҡырға
Йөрәктән сыҡҡан ғына йөрәккә етәМәҙәниәтебеҙ күгендә «Ҡош юлы»ның барлыҡҡа килеүен беҙ, йәш быуын вәкилдәре, ҙур ваҡиға булараҡ ҡабул иттек. Гитарала уйнап йырлаусыларҙың республика күләмендәге беренсе асыҡ конкурсы, өс ай самаһы элек кенә иғлан ителеүенә ҡарамаҫтан, бөгөн халыҡ араһында яҡшы билдәле. Бүтән бәйгеләрҙән ҡайһы яғы менән айырылып тора ул, уңыш сере ниҙә икән?
Шуныһына иғтибар итәйек: «Ҡош юлы» башланғанға тиклем унда үҙенең һәләтен, ижади ҡеүәтен һынап ҡараған алтмыштан ашыу егет һәм ҡыҙҙың бер-икәүһе генә киң йәмәғәтселеккә ниндәйҙер кимәлдә таныш ине. Ейәнсура районының Һүрәм йылғаһы буйына республиканың төрлө ауыл һәм ҡалаларынан, күрше өлкәләрҙән ике меңдән ашыу кешене йыйған гала-концертҡаса бәйгеселәрҙең күптәре йөрәктәрҙе әсир итеп, «йондоҙ»ға әйләнеп өлгөрҙө.
“Шоңҡар” журналы редакцияһы менән Башҡортостан радиоһының “Юлдаш” мәғлүмәт һәм йыр-моң каналы ойошторған бәйгенең шарттары ябай ғына: гитарала уйнап, башҡортса йырлағаныңды видеоға төшөрәһең дә Интернеттағы «Бәйләнештә» сайтында урынлаштыраһың.
Ком: 2 // Уҡынылар: 1178 тапҡыр // Тотош уҡырға
22 июндә Республика йортонда Башҡортостан Президенты Рөстәм Хәмитов “ТӨРКСОЙ” халыҡ-ара ойошмаһының генераль секретары Дюсен Касеинов менән осрашыу үткәрҙе. Унда мәҙәни хеҙмәттәшлек мәсьәләләре, атап әйткәндә, Башҡортостанда төрки телле халыҡтар сәнғәте фестивалдәрен үткәреү, әҙәби әҫәрҙәрҙе тәржемә итеү мөмкинлектәре тикшерелде.
Ошо уҡ көндө Башҡортостан Президенты Рөстәм Хәмитов Рәсәй Фәндәр академияһы академигы, Донъя әҙәбиәте институты директоры Александр Куделин менән осрашты. Ул Өфөгә Рәсәй Фәндәр академияһының Өфө ғилми үҙәге Тарих, тел һәм әҙәбиәт институтының 80 йыллыҡ тантанаһына килгән.
Ком: 0 // Уҡынылар: 698 тапҡыр // Тотош уҡырға
Быға тиклем әллә ни ишетелмәгән, үҙенең барлығын белгертеп тә бармаған Тәүәкәс ауылы (Архангел районы) һуңғы ике-өс аҙна эсендә Интернет селтәрендә, матбуғатта йыш телгә алына. "Комсомольская правда" гәзитендәге "Өфө ҡалаһынан биш ғаиләне Инйәр йылғаһында урындағы халыҡ туҡмаған" тигән мәҡәләне (http://kp.ru/online/news/1170726) башҡа баҫмалар тағы ла ҡабартып ебәрҙе.
...2 июндә тәүәкәстәр һабантуйға йыйылған. Көн эҫе булғас, Илдар Усманов һәм уға ҡунаҡҡа ҡайтҡан Әбйәлил егете Иҙел Әхмәтҡужин йылға буйына төшә. Унда ситтән бер төркөм кеше ял иткән була, араларынан берәү кәмәлә балыҡ ҡармаҡлаған. Ошо урында ике яҡтың да һөйләгәндәре бер-береһенән ҡырҡа айырыла.
"Комсомольская правда" гәзитендә шулай тип яҙалар: "Беҙ, биш ғаилә, балаларыбыҙ һәм ҡатындарыбыҙ менән ял итергә килдек.
Ком: 0 // Уҡынылар: 1015 тапҡыр // Тотош уҡырға
Бер көнө йылды туйҙырған ҡыҙыу мәлдә сәйәсмәндәр ҙә тик ятмай. Яңыраҡ Мексикала “Ҙур егерме” сираттағы саммитҡа йыйылды. Эйе, иҡтисади йәһәттән алға киткән, сәйәси яҡтан тотороҡло, башҡа илдәргә йоғонто яһай алырҙай дәүләт етәкселәренең донъя күләмендәге проблемаларҙы уртаға һалып һөйләшеүе — бик тә кәрәкле һәм мөһим эш. Ә һорауҙар, ысынлап та, етәрлек. Европалағы финанс көрсөгө, Сүриә, Иран, Афғанстан, Ҡытай кеүек башҡаларға тыныс йәшәргә мөмкинлек бирмәгән илдәр етди уйланырға мәжбүр итә.
Ком: 0 // Уҡынылар: 662 тапҡыр // Тотош уҡырға
Аҙна һәр йәһәттән көсөргәнешле булыр. Эшлекле даирәлә лә, шәхси тормошта ла араларҙы көйләү өсөн ҙур тырышлыҡ һалырға кәрәк. Хис-тойғоларға ирек бирмәҫ өсөн үҙегеҙҙе ҡулға алығыҙ. Тормошҡа ашырҙай ғына эшкә тотоноғоҙ. Сәмләнеп башлаған проектығыҙ тәүҙә бик уңышлы барыр, ләкин хәл-ваҡиғаларҙың ҡапыл үҙгәреүе барлыҡ пландарығыҙҙы ла селпәрәмә килтерер. Шуға алдағы көндәргә план ҡорғанда тормошҡа ашыра алмаҫтайҙарына тотонмағыҙ.
Дүшәмбе – әүҙем көн. Ҡарашығыҙҙы үҙгәртеү, уйланыу өсөн уңайлы мәл. Көтмәгәндә хыялдарығыҙ тормошҡа ашасаҡ. Шишәмбе көндөң беренсе яртыһында хәл итәһе мөһим мәсьәләләрҙе кисектереп тороғоҙ, уларҙы төштән һуң хәл итеү хәйерлерәк. Электр йыһаздары һәм ут менән һаҡ булығыҙ.
Ком: 0 // Уҡынылар: 944 тапҡыр // Тотош уҡырға
Артҡа 1 ... 4 5 6 7 8 9 10 11 12 ... 30 Алға
Бит башына