Дуҫлыҡ күпере нығындыСиләбе өлкәһенең Дубровка ҡасабаһында III Бөтә Рәсәй ауыл һабантуйы уҙҙы
Милләттәштәребеҙҙе берләштергән тәрән тамырҙарыбыҙ, мәҙәниәтебеҙ, ғөрөф-ғәҙәттәребеҙ бар. Шундай күркәм, уртаҡ байрамдарыбыҙҙың береһе — һабантуй. Силәбе өлкәһендә уҙған III Бөтә Рәсәй һабантуйы милләттәр араһындағы туғанлыҡ ептәрен, дуҫлыҡ күперен нығытты ғына.
Силәбеләр ҡунаҡ ҡаршылауға яҡшы әҙерләнгән. Байрамға килгән халыҡтың күңеле көр ине. Башҡортостандың умартасылыҡ һәм апитерапия буйынса ғилми-тикшеренеү үҙәге, “Китап” нәшриәте, “Ағиҙел” берекмәһе продукцияһы ла үҙ һатып алыусыларын тапты.
Майҙанда мыжғыған халыҡ көндөҙгө сәғәт 11-гә ҡапҡа янына йыйылды. Бына байрамға оло ҡунаҡтар: Башҡортостан һәм Татарстан Президенттары Рөстәм Хәмитов менән Рөстәм Миңлеханов, Силәбе өлкәһе губернаторы Михаил Юревич килде.
Ком: 0 // Уҡынылар: 603 тапҡыр // Тотош уҡырға
“Төньяҡ амурҙары” — кәштәлә...Ата-бабаларыбыҙҙың Рәсәй ерен һаҡлап, француздарға ҡаршы азатлыҡ өсөн һуғыш осоронда батырҙарса көрәшеүе, 28 башҡорт полкының халыҡ намыҫына тап төшөрмәй данлы юл үтеүе күңелдә ғорурлыҡ тойғоһо уятмаҫлыҡмы ни?! Француздарҙың башҡорт хәрбиҙәренә биргән “төньяҡ амурҙары” тигән атамаһы халыҡ күңелендә мәңгелеккә тамырланды. Ләкин...
Баш ҡалабыҙҙың спиртлы эсемлектәр һатыу магазиндары кәштәләрендә батырлыҡ, ҡаһарманлыҡ символы булған ошо исемде йәһәт кенә ялтыр ҡорһаҡтарына йәбештергән араҡы шешәләрен күреп аптырашта ҡалдыҡ. Берәүҙәр аҡыл һатҡансы, йылғырҙар яңғырауыҡлы, бәҫле исемде эләктерә һалып, иҫерткес зәм-зәм һыуын “ысын ирҙәр өсөн лайыҡлы эсемлек” тип тәҡдим итә башлаған. Башҡорт брендтарының бик перспективалы, уңышлы булыуы бәхәсһеҙ, улар республиканы башҡалар өсөн билдәлерәк, ылыҡтырғысыраҡ, ҡыҙыҡтырғысыраҡ итеү һәләтенә эйә.
Ком: 0 // Уҡынылар: 921 тапҡыр // Тотош уҡырға
Владимир Чуров: “Программабыҙ — эшләргә, эшләргә һәм эшләргә”
Рәсәйҙең Үҙәк һайлау комиссияһы рәйесе Владимир Евгеньевич Чуров Башҡортостан Республикаһына килеп, төбәгебеҙҙәге Үҙәк һайлау комиссияһының тәүге ойоштороу ултырышында ҡатнашты. Ошо саранан һуң ул республика киң мәғлүмәт сараларына интервью бирҙе.
— Башҡортостан Республикаһының әүәлге составтағы Үҙәк һайлау комиссияһы эшен нисек баһалайһығыҙ?
— Уҙған дүрт йыл эсендә Башҡортостан Республикаһының Үҙәк һайлау комиссияһы эшендә байтаҡ ыңғай үҙгәрештәр булған. Рәсәйҙең Үҙәк һайлау комиссияһы 2011—2012 йылдарҙағы федераль кампанияға әҙерлек һәм уны үткәреү һөҙөмтәләрен юғары баһалай.
— Республика Үҙәк һайлау комиссияһының яңы составы алдына ниндәй бурыстар ҡуйыла?
Ком: 0 // Уҡынылар: 651 тапҡыр // Тотош уҡырға
Ырымбур өлкәһенә — дүрт сәғәттә7 июлдә “Өфө — Абдулла” электр поезы тәүге рейсҡа сыҡты. Был ваҡиғаны халыҡ күптән көтә ине. Электр поезына конкурс нигеҙендә атама ла табылған — ул ике тапҡыр Советтар Союзы Геройы Муса Гәрәевтең исемен йөрөтә.
— Бөгөн беҙ республикала ҡала яны тимер юл хеҙмәтенең яңы үҫеш этабына баҫыуына шаһит булдыҡ, — тине составтың беренсе рейсы тантанаһында Башҡортостан Президенты Рөстәм Хәмитов. — Алда уңайлы, матур, заманса тимер юл вокзалын булдырыу бурысы тора. Яңыртып ҡороу эшен тиҙерәк тамамлау зарур. Вокзалды ғына түгел, станцияларҙы, платформаларҙы халыҡ өсөн уңайлы итергә тейешбеҙ.
“Өфө — Абдулла” поезына ултырыу иғлан ителгәс, республика етәксеһе, “Дим” станцияһына тиклем барырға билет алып, яңы составта ҡуҙғалып китте. Ул вагондарҙы ҡараны, пассажирҙар менән аралашты, хеҙмәт күрһәтеүҙең сифатына күҙ һалды. Машинистар кабинаһында ла булып, транспорттың техник үҙенсәлектәре менән танышты.
Ком: 0 // Уҡынылар: 654 тапҡыр // Тотош уҡырға
Беҙҙән ниндәй ҡомартҡы ҡалыр?!Салауат ҡалаһының 14-се урта мәктәбе музейына күп кенә ҡала һәм район музейҙары ла көнләшерлек. 1 300-ҙән ашыу ҡомартҡы араһында мамонт һөйәктәре лә, боронғо скиф һәм сармат ҡәбиләләренең тимер әйберҙәре лә бар. Улар ҡала төҙөлгән саҡта табылған һәм элекке тарих уҡытыусыһы Геннадий Лобанов тарафынан тупланған. 1812 йылғы Ватан һуғышы башланыуға 200 йыл тулған мәлдә "Наполеон" тигән яҙыулы ҡалай ҡумта уҡыусыларҙа айырыуса ҙур ҡыҙыҡһыныу уята.
— Был әйберҙе музейыбыҙға ҡалала йәшәүсе бер кеше бүләк иткән, — ти мәктәп уҡытыусыһы Юрий Романов. — Ул — Ватан һуғышының 100 йыллығына арнап сығарылған шоколад һауыты.
Ҡумтаның ҡапҡасына 1804 — 1815 йылдарҙағы Франция императоры, 1812 йылда илебеҙгә яу менән килгән полководец Наполеон Бонапарт төшөрөлгән.
Ком: 0 // Уҡынылар: 657 тапҡыр // Тотош уҡырға
Ергә эйелһәң, байлыҡ килә“Ерҙе бер ҡат туйҙырһаң, ул һине ун ҡат туйҙырыр”. Туймазы районының Япраҡ ауылында йәшәүсе Зөлфиә менән Илгизәр Мөхәмәтйәновтар ошо хәҡиҡәтте яҡшы аңлай. Улар байтаҡ йылдар инде ерҙә үҙаллы хужалыҡ итеү менән шөғөлләнә. Ә баҙар ихтыяжы өсөн эшләү ауыл уңғандарына ярайһы ғына табыш килтерә.
— Яңыраҡ Мөхәмәтйәновтарҙың оло шатлығын бүлештек. Улар районда үткәрелгән конкурста еңеп, һөт етештереү буйынса иң яҡшы шәхси хужалыҡ булып танылды, — ти Илсембәт муниципаль берәмеге хакимиәте башлығы Илгизә Ниғмәтуллина.
Булдыҡлы ер хужаларының ике ҡатлы күркәм йорто бөтә ауылға йәм биреп ултыра. Дөйөм майҙаны 150 квадрат метр булған өйҙө улар 10 йыл буйы төҙөгән. Һарайҙай иркен йорттоң эске биҙәлеше лә матур. Уның икенсе ҡатында ял минуттарында тәнде яҙыу өсөн тренажер залы ла бар.
Ком: 0 // Уҡынылар: 828 тапҡыр // Тотош уҡырға
Бейеү сәхнәһенең ҡабатланмаҫ йондоҙоСал Ирәндек ҡуйынындағы йәмле Күсей ауылында, уның Төпкөл һәм Аҡма шишмәләренең шифалы һыуын эсеп, Күрән йылғаһында ҡолас ташлап йөҙөп, Йәнтәл тауҙарында уйнап үҫкән мәшһүр ауылдаштарым аҙ түгел. Шуларҙың береһе — һоҡланғыс балетмейстер, Башҡортостандың атҡаҙанған сәнғәт эшмәкәре Йәүҙәт Бикбирҙин. Тап ошо көндәрҙә уға 60 йәш тулған булыр ине. Ә ул арабыҙҙан ни бары 44 йәшендә генә китте...
Эйе, таланттар күктәге йондоҙҙар кеүек гөлтләп балҡый ҙа ҡапыл юғала. Бәғзеләре кешеләр күңелендә мәңгелек бер яҡты йондоҙ булып ҡала.
Йәүҙәт Зәйнулла улының да яҙмышы тап шулай булды. Ижадының күкрәп сәскә атҡан, сәхнәләрҙе дер һелкетеп бейеп йөрөр мәлендә арабыҙҙан китеп барҙы. Әммә үҙенән һуң мәңгелек мираҫын ҡалдырҙы...
Ком: 2 // Уҡынылар: 1981 тапҡыр // Тотош уҡырға
Күңелде нурлар ҡояшМиңлегөл Хисамованың “Ҡайҙа ҡастың, ҡояшым?” исемле китабын ҡулға алғас, ҡояшта ҡара янып, ялан тәпәй йүгергән бала саҡтар иҫкә килеп төштө.
Китаптың тышын да, эсен дә рәссам Майя Зыяи матур-матур һүрәттәр менән биҙәгән. Уларҙан бала саҡ донъяһы бөркөлөп тора. Ә инде баҫманы уҡый башлау менән күңелле мажараларға бай, йәнле тәбиғәт күренештәре, хайуандар, бөжәктәр донъяһы тураһындағы шиғырҙар, ҡыҙыҡлы йомаҡтар, мауыҡтырғыс әкиәттәр әсир итә.
Китап “Гөлдәй матур тыуған илем”, “Миҙгелдәр биҙәй ерҙе”, “Бала саҡ — тылсымлы өн”, “Яңы йыл килә беҙгә”, “Мәктәп — ғәжәп серле донъя” кеүек бүлектәрҙән тора.
Шулай итеп, күгебеҙҙә йөҙгән ҡояш йә болоттар араһына, йә тауҙар артына инеп юғалып торһа ла, “Ҡайҙа ҡастың, ҡояшым?” китабы балалар күңелен һәр саҡ яҡтыртып, нурлап торасағына шигебеҙ юҡ.
Ком: 0 // Уҡынылар: 760 тапҡыр // Тотош уҡырға
Күҙ ҡыҫҡанда яҡты йондоҙ...Ирина Нуриева (Мусина) — Илеш районының Иҫке Татыш ауылы ҡыҙы. Тыуған яғында урта мәктәпте тамамлағас, республикабыҙҙың “Йәншишмә”, “Йәшлек”, “Башҡортостан” гәзиттәрендә эшләй. Әлеге көндә Салауат районының “Йүрүҙән” гәзитендә хаттар һәм мәғлүмәт бүлеге мөдире вазифаһын башҡара.
Ул — Иҙел һәм Наҙгөл исемле балаларҙың әсәһе.
***
Был бит минең ғәзиз тыуған ерҙәр —
Алтын баҫыу, хәтфә болондар.
Ерем, һиңә тик тыныслыҡ теләп,
Туғайҙарҙа саба ҡолондар.
Ком: 0 // Уҡынылар: 893 тапҡыр // Тотош уҡырға
“Берҙәм Рәсәй” партияһының Башҡортостан төбәк бүлексәһе Краснодар крайында һыу баҫыуҙан зыян күреүселәр өсөн аҡса һәм гуманитар ярҙам йыя башланы. Тәүге кәрәк-яраҡ әйберҙәрҙе партияның төбәк башҡарма комитетына (Өфө ҡалаһы, Цюрупа урамы, 17) тапшырырға мөмкин. Өфө халҡы бында кейем-һалым, аҙыҡ-түлек килтерә башланы.
— Краснодар крайында һыу баҫыуҙан зыян күреүселәр иң элек кейем-һалымға, балалар әйберҙәренә, аяҡ кейемдәренә, аҙыҡ-түлеккә, шәхси гигиена әйберҙәренә мохтаж. Хәлгә битараф булмағандарҙың барыһын да ошо төбәк халҡына гуманитар ярҙам йыйыуҙа ҡатнашырға саҡырабыҙ. Әйберҙәр “Берҙәм Рәсәй”ҙең һәр ҡалала, районда урынлашҡан бүлексәһендә йыйыла, — тине партияның төбәк башҡарма комитеты етәксеһе Альберт Мифтахов.
Ком: 0 // Уҡынылар: 545 тапҡыр // Тотош уҡырға
Артҡа 1 2 3 Алға
Бит башына