16 ИЮЛЯ
ПОНЕДЕЛЬНИК
ПЕРВЫЙ КАНАЛ


05.00 — 12.00 — профилактические работы
12.00 Новости (с субтитрами)
12.25 “Сердце Марии”. Сериал.
13.20 “Смак”
14.00 “Другие новости”
14.25 “Понять. Простить”
15.00 Новости (с субтитрами)
Ком: 0 // Уҡынылар: 1135 тапҡыр // Тотош уҡырға
Күңел яраларын уңалтып...Хәрби хеҙмәткә саҡырыу буйынса Башҡортостан инде нисәнсе йыл алдынғылыҡты бирмәй. Яҡташтарыбыҙҙың намыҫлы хеҙмәте тураһында яҡшы хәбәрҙарбыҙ. Һалдаттарҙың төрлө наградалар менән бүләкләнеүе, ғәскәри частарҙан ата-әсәләренә һәм туғандарына рәхмәт хаттарының килеүе – шуға асыҡ миҫал. Был ғорурлыҡ түгелме ни?! Ҡыҙғанысҡа ҡаршы, Ватан алдында изге бурысын үтәгәндә һәләк булыусылар ҙа юҡ түгел... Мәҫәлән, Афғанстандағы ҡан-ҡойошта бихисап аҫыл егеттәребеҙҙең ғүмере өҙөлдө, ә хәбәрһеҙ юғалыусыларҙы ла иҫәпкә алһаң... Чечнялағы һуғыш та күпме ғаиләгә ҡайғы килтерҙе...
Аҡкүл буйында ойошторолған (Ғафури районы) хәрби хәрәкәттәр ветерандарының һәм уларҙың ғаиләләренең төбәк-ара слетында ҡораллы бәрелештәрҙә һәләк булғандарҙың исемен мәңгеләштереү һәм йәш быуын күңелендә илһөйәрлек тойғоһо тәрбиәләүгә баҫым яһалды.
Ком: 0 // Уҡынылар: 703 тапҡыр // Тотош уҡырға
Яңы урынбаҫар һайландыБашҡортостандың дүртенсе саҡырылыш Дәүләт Йыйылышы – Ҡоролтай депутаттары үҙҙәренең илле дүртенсе ултырышы менән яҙғы эшен тамамланы. Көн тәртибендә утыҙҙан ашыу мәсьәлә торһа ла, сара оҙаҡҡа һуҙылманы, сөнки уларҙың яртыһынан күбеһе вазифаларға тәғәйенләү тураһында булды. Республиканың Контроль-иҫәп палатаһы рәйесе урынбаҫары, аудиторҙар, бер нисә ҡала һәм райондың мировой судьяларын тәғәйенләү буйынса тауыш бирҙе депутаттар.
Дәүләт Йыйылышы – Ҡоролтай рәйесе урынбаҫарын һайлау мәсьәләһенә ентекләберәк туҡталайыҡ. Башҡортостан парламентарийҙары КПРФ төркөмө етәксеһе Вадим Старовты төп эшенән айырмайынса Дәүләт Йыйылышы – Ҡоролтай рәйесе урынбаҫары вазифаһына һайланы. Ул кандидатураһын хуплағандары өсөн депутаттарға рәхмәт белдерҙе:
Ком: 0 // Уҡынылар: 661 тапҡыр // Тотош уҡырға
Башланды. Уңыштар һиңә, игенсе!Кисә Башҡортостан Президенты Рөстәм Хәмитов рәсми рәүештә ураҡҡа старт бирҙе. Ул Благовар районында уҙған Баҫыу көнөндә ҡатнашты һәм барлыҡ райондарға ла тиҙ арала ураҡҡа төшөргә ҡушты.
Баҫыу көнө үҙенсәлекле ауыл хужалығы байрамына әүерелде. Әммә бер кемдә лә күңел асыу ҡайғыһы юҡ: алда етди осор һәм көсөргәнешле эш көтә. Шунда уҡ Благовар районы баҫыуҙарының береһендә семинар-кәңәшмә булды. Унда республиканың Ауыл хужалығы министрлығы хеҙмәткәрҙәре, район хакимиәттәре башлыҡтары, ауыл хужалығы идаралығы начальниктары, агросәнәғәт предприятиелары етәкселәре, финанс-кредит ойошмалары вәкилдәре ҡатнашты.
— Сығышымды ике яҡшы яңылыҡ менән башларға теләйем, — тине Рөстәм Зәки улы. — Беренсеһе, бөгөндән арзан хаҡҡа яғыулыҡ һата башлайбыҙ.
Ком: 0 // Уҡынылар: 770 тапҡыр // Тотош уҡырға
Ашығыҙ тәмле булһын!Быйыл баш ҡаланың Сипайлово биҫтәһендә пенсионерҙар, инвалидтар, ауыр хәлдә ҡалған, аҙ тәьмин ителгән һәм күп балалы ғаиләләргә тәғәйенләнгән социаль ашхана асылғайны. Ошондай уҡ ашхана Йәшел сауҡалыҡ биҫтәһендә уңышлы эшләй. Бында көн һайын 60 кешене төшкө аш менән һыйлайҙар. Бындай учреждениены булдырыу күптән көнүҙәк мәсьәлә булып тора ине. “Берҙәм Рәсәй” партияһы ла башланғысты хуплап сыҡты. Программа бағыусылар ярҙамында тормошҡа ашырыла.
Октябрь районында әле социаль пособие алыусылар һаны 1677-гә еткән. Шуларҙың 205-е — күп балалы ғаилә, ауыр тормош хәленә юлыҡҡан ғаиләләр һаны — 139.
Ашханаға бәлиғ булмаған өс балаһы менән яңғыҙ атай Александр Алешин да йөрөй. Ирен һәм балаларын ташлап киткән әсәйҙең ҡайҙа, нимә менән шөғөлләнгәнен алты йыл буйы асыҡлай алмайҙар.
Ком: 0 // Уҡынылар: 654 тапҡыр // Тотош уҡырға
Хеҙмәт пенсияһының төрҙәреХеҙмәт пенсияһы — граждандарға пенсия йәшенә етеү йәки инвалидлыҡ һөҙөмтәһендә эшкә һәләтһеҙлек тыуыуға бәйле юғалтылған эш хаҡын йәки башҡа килемдәрҙе, шулай уҡ ғаиләнең эшкә яраҡһыҙ ағзаларына ҡараусыһының үлеменә бәйле юғалтылған эш хаҡын һәм башҡа килемдәрҙе ҡаплау маҡсатында бирелгән айлыҡ аҡсалата түләү.
Хеҙмәт пенсияһы өс төргә бүленә: ҡартлыҡ буйынса хеҙмәт пенсияһы; инвалидлыҡ буйынса хеҙмәт пенсияһы; ҡараусыһын юғалтыу буйынса хеҙмәт пенсияһы.
Ҡартлыҡ буйынса хеҙмәт пенсияһының страховка һәм тупланма өлөштәрҙән тороуы мөмкин.
Страховка өлөшө 2002 йылдың 1 ғинуарына тиклемге аҡсалата пенсия хоҡуғынан һәм әлеге датанан һуң хеҙмәт хаҡына эш биреүселәр күсергән страховка иғәнәләре суммаһынан барлыҡҡа килә.
Ком: 0 // Уҡынылар: 716 тапҡыр // Тотош уҡырға
Ваҡытынан алда хаҡлы ялғаМәшғүллек хеҙмәте органдары эшһеҙ граждандарға пенсияны ваҡытынан алда тәғәйенләй ала. Уның төп шарттары:
- граждандың билдәләнгән тәртиптә эшһеҙ булып танылыуы;
- мәшғүллек хеҙмәте органының эшкә урынлаштырыу мөмкинлеге булмаған осраҡта;
- ойошманы тарҡатыу, хеҙмәткәрҙәр штатын ҡыҫҡартыу менән бәйле эштән бушатылғанда;
- эшһеҙ граждандың страховка стажы ирҙәр өсөн кәм тигәндә — 25, ҡатын-ҡыҙ өсөн 20 йыл булыуы;
- ҡартлыҡ буйынса хеҙмәт пенсияһын срогынан алда тәғәйенләүгә хоҡуҡ биргән стажы булыуы;
Ком: 0 // Уҡынылар: 672 тапҡыр // Тотош уҡырға
Ҡартлығыңды үҙең хәстәрләргә өйрәнПенсия мәсьәләһенең йәштәрҙе ҡыҙыҡһындырыуы хәҙер сәйер тойолмай
Уҡыусыларыбыҙҙың һорауҙарын, үтенестәрен иҫәпкә алып, “Башҡортостан” гәзите редакцияһы Рәсәй Пенсия фондының идара ағзаһы, Башҡортостан буйынса идарасыһы Фоат Ғәләүетдин улы ХАНТИМЕРОВ менән “тура бәйләнеш” ойошторҙо. Өҙлөкһөҙ шылтыратыуҙарҙан телефон сымдары ҡыҙҙы, билдәләнгән бер сәғәт эсендә бөтөн һорауҙарҙы ла ҡабул итергә өлгөрмәүебеҙ өсөн уҡыусыларыбыҙҙан ғәфү үтенәбеҙ һәм был көнүҙәк мәсьәләгә яңынан әйләнеп ҡайтырбыҙ, тип вәғәҙә бирәбеҙ.
— Алло, алло! Тура бәйләнешме? Фоат Ғәләүетдин улына бер нисә һорауым бар. Ишембай ҡалаһынан Рәфҡәт Сәғәҙиев булам. Ғүмер буйы яуаплы вазифаларҙа, йәмәғәтселек эшендә йөҙөп хеҙмәт иттем. Намыҫлы хеҙмәттең ғәҙел баһаланмауын пенсияға сыҡҡас яҡшы тойҙом. Ни өсөн пенсия күләмен билдәләгәндә кешенең йәмғиәткә индергән өлөшө лайыҡлы баһаланмай?
Ком: 0 // Уҡынылар: 677 тапҡыр // Тотош уҡырға
Юл бирегеҙ, “Ашығыс ярҙам” килә!Ҡала урамы буйлап “Ашығыс ярҙам” машинаһы елә. Уның геүләүе күңелгә һәр ваҡыт шом һала. Өлгөрөрҙәрме икән, ҡотҡарырҙармы? Өлгөрөр, ҡотҡарыр, шуның өсөн ашығыс ярҙам бит! Бында эшләүсе табиптар тылсым эйәләре кеүек күҙ алдына баҫа. Хәҙер килеп етерҙәр ҙә ауыртыу-һыҙланыуҙы ҡулдары менән һыпырып алырҙар төҫлө.
Журналист һөнәре еңел булмаһа ла, уның ыңғай яҡтары бихисап. Хәбәрсе танытмаһы күптәр инә, күрә алмаған ергә үтергә, сит күҙҙән йәшерелгән тормошҡа күҙ һалыу мөмкинлеге бирә. Шуға күрә “Ашығыс ярҙам” хеҙмәтенең нисек ойошторолоуы, табиптарҙың эше ҡыҙыҡһыныу тыуҙырғас, туп-тура уларға мөрәжәғәт итергә булдым. Аҡ халатлыларҙың һүҙ һөйләп ултырырға ваҡыты юҡ, шуға ла барыһын да “үҙ елкәмдә” һынап ҡарарға тәҡдим иттеләр. Бына, ниһайәт, мин бер көнгә “Ашығыс ярҙам” табибы!
Ком: 0 // Уҡынылар: 1089 тапҡыр // Тотош уҡырға
Иң яҡшы төркөм – журналистарБашҡорт дәүләт университетында үҙенә күрә бер матур йола бар. Йыл һайын факультеттар араһында "Иң яҡшы төркөм" конкурсы үткәрелә. Быйыл был исемгә башҡорт филологияһы һәм журналистика факультетының IV курсынан журналистика бүлеге студенттары лайыҡ булды.
Еңеү яулауҙа төркөмдөң старостаһы Гөлназ Хәйбуллинаның тырыш, оҫта ойоштороусы булыуы ла тос өлөш индергәндер, моғайын. Мәҫәлән, "Иң яҡшы староста" бәйгеһендә Гөлназ тапҡыр яуаптары менән алдынғылыҡты бирмәне.
Конкурс алты этапта үтте. Журналистар "Нимә? Ҡайҙа? Ҡасан?" викторинаһында физика, химия, юридик факультет студенттарына һис һыр бирмәне.
"Таланттар йәрминкәһе"ндә төркөмдөң дөйөм сығышы күрһәтелде.
Ком: 0 // Уҡынылар: 622 тапҡыр // Тотош уҡырға
Артҡа 1 2 3 Алға
Бит башына