Дәрт тә бар, дарман да. Яғыулыҡ та булһа...Яманғол бригадаһында арыш урағының ҡыҙған мәле. Ике комбайн, бер-бер артлы төшөп, икһеҙ-сикһеҙ диңгеҙ иңләгән караптар һымаҡ, иркен баҫыуҙарҙы гиҙә. Көндәр яҡшы торған саҡта урып йыйыу эштәрен тиҙерәк теүәлләргә кәрәк. Шуға ла сәмләнеп, ҡара тиргә батып эшләй комбайнсылар.
Хужалыҡтың баш агрономы, Башҡортостан Республикаһының атҡаҙанған ауыл хужалығы хеҙмәткәре Рәмил Туҡаев беҙҙе баҫыу янында ҡаршы алды. Күренеп тора: кәйефе бер ҙә шәптән түгел.
— Утыҙ йыл агроном булып эшләйем инде, — тип һөйләй ул. — Еңел ураҡ булмай. Төрлө йылдарҙы күрергә тура килде: бәрәкәтлеһен дә, уңышһыҙырағын да. Быйылғы хәл 2010 йылдағынан әллә ни айырылмай. Ҡоролоҡ сәбәпле көткән, өмөтләнгән уңышҡа иҫәп тота алмайбыҙ. Һәр гектарға 80 килограмм иҫәбенән минераль ашлама ла индергәйнек.
Ком: 0 // Уҡынылар: 1195 тапҡыр // Тотош уҡырға
Тәжрибә йәшлекте еңдеӨфөнөң “Динамо” стадионында район һәм ҡала һабантуйҙарында еңгән көрәшселәр араһында чемпионат уҙҙы. Майҙанға төрлө ауырлыҡтағы 18 йәштән алып һәм унан өлкән йәштәгеләр, ветерандар сыҡты. Стәрлетамаҡтан Алик Яҡупов абсолют чемпион исемен яуланы.
Бихисап көйәрмәндәр араһында республиканың йәштәр сәйәсәте һәм спорт министры Андрей Иванюта, мәғариф министры Әлфис Ғаязов, Көрәш федерацияһы рәйесе Вәкил Искәндәров бар ине. Андрей Иванюта ҡотлау телмәрендә спортсыларға таһыллыҡ, сәм, уңыш теләне.
Ярыш ҡыҙыу башланып, аҙағынаса көсөргәнешле барҙы. Көрәшселәрҙең һәр береһе турнирҙың төп призы – автомобилгә эйә булырға тырышты. Ҡатнашыусылар ҙа көслө ине шул: донъя чемпиондары Альберт Рәхмәтуллин, Рәдиф Аҡсурин, өс тапҡыр донъя чемпионы Юрий Сабанов һәм башҡалар.
Ком: 0 // Уҡынылар: 712 тапҡыр // Тотош уҡырға
Ерҙең ырыҫы — хужананҒафуриҙарҙың агросәнәғәт комплексын үҫтереүҙәге уңыштары һәм проблемалары менән яҡындан танышыуҙы беҙ иң тәүҙә Үтәш, Үзбәк яҡтарындағы “Ағиҙел” ауыл хужалығы предприятиеһынан башларға булдыҡ. Ни тиһәң дә, райондың башҡорт халҡы тупланып йәшәгән төбәгендә ул ҡырыҫ баҙар шарттарында ла етештереү базаһын һаҡлап ҡалған, һуңғы йылдарҙа тотороҡло үҫеш юлына баҫҡан берҙән-бер хужалыҡ һанала.

Иген баҙарында тәртип юҡ
— Еҙем, Мәндем йылғалары буйындағы ауылдарҙа колхоздар күптән таралып бөттө. Ә һеҙ нисек хужалығығыҙҙы һаҡлап ҡала алдығыҙ? — “Ағиҙел”дең алыштырғыһыҙ етәксеһе, Башҡортостандың атҡаҙанған ауыл хужалығы хеҙмәткәре Тимерйән Кинйәбаев менән аралашҡанда, тәүге һорауым шул булды.
Ком: 0 // Уҡынылар: 1021 тапҡыр // Тотош уҡырға
Туғаным кеүек яҡын1952 йыл. Яҡын-тирәләге һигеҙ ауыл Советынан йыйылған малай һәм ҡыҙҙар 2-се Түбә башҡорт урта мәктәбенең VIII класына уҡырға килгәнбеҙ. Аҙ ғына ваҡыт эсендә танышырға өлгөрҙөк. Ул ваҡытта урта мәктәптә 500-ҙән ашыу уҡыусы белем алды. Балалар күп булғас, уҡыу ике сменала ойошторолдо, ә беҙҙең һигеҙенселәр өс класс ине. Һәр береһендә кәмендә 25 – 30 бала. Беҙҙең һуңғы төркөм класында башлыса II Этҡол, Муллаҡай, Күсей, Таһир, Бетәрә ете йыллыҡ мәктәбен тамамлаусылар уҡыны.
Бына ошо уҡыусылар араһында урта буйлы, бер аҙ шаяныраҡ та, уҡыуға зирәклеге менән айырылып торған Вәкил исемле малай ҙа бар ине. Етмәһә, беҙҙең күрше Байым ауылынан икән.
Түбә урта мәктәбендәге өс йыл уҡыу һиҙелмәй ҙә үтте. Өлгөргәнлек аттестаты алған 18 егет һәм ҡыҙ төрлө ауылдарға таралышты.
Ком: 0 // Уҡынылар: 668 тапҡыр // Тотош уҡырға
Спорт һөйөүсе ғаиләРайон үҙәге Асҡарҙа йәшәүсе Наилә менән Фәнил Ғарраповтар хаҡында әбйәлилдәр тап шулай ти. Спорт менән дуҫ ғаиләнең уңыштары республикала ғына түгел, хатта Рәсәй күләмендә лә киң билдәле. Шуныһы иғтибарға лайыҡ: Ғарраповтар — икеһе лә Асҡар дауаханаһының тәжрибәле табибы, үҙ эшенең оҫтаһы. Наилә һәм Фәнил сәләмәт тормошто йәшәү девизы итеп алған, йүгереү һәм саңғы спорты менән даими шөғөлләнә.
— Ваҡытыбыҙ тығыҙ булыуға ҡарамаҫтан, район, республика буйынса ярыштарҙан тыш, күрше Магнитогорск, Силәбе ҡалаларында үткән марафондарҙа, кростарҙа йыш ҡатнашырға тырышабыҙ, — ти Наилә Салауат ҡыҙы. — Спорт йәшәүгә дәрт, көс бирә. Ярыштарҙа үҙебеҙ кеүек ғаиләләр менән яҡындан аралашып, танышыу мөмкинлеге лә бар.
Ком: 0 // Уҡынылар: 891 тапҡыр // Тотош уҡырға
Бөйөк Болғарға сәйәхәт21 августан 27 авгусҡа тиклем “Ғабдулла Туҡай” теплоходында Өфө—Сергеевка—Түбән Кама—Болғар — Ҡазан — Алабуға—Өфө маршруты менән Татарстандың халыҡ шағиры, күренекле йәмәғәт һәм дәүләт эшмәкәре Рәзил Вәлиев ижадына бағышланған, ғүмерҙә онотолмаҫлыҡ “Болғарға сәйәхәт” ойошторола. Тәрән эстәлекле программала Рәзил Вәлиев, Филүс Ҡаһиров, Резеда Шәрәфиева, Фән Вәлиәхмәтов, Фәүҙәт Ғиләжев, Илһөйә Бәҙретдинова, Фәнир Ғәлимов, Венера һәм Марат Шәриповтар, Сулпан Ғафурйәнова, Альберт Салауатов, Нәзирә Яппарова, Илнур Ғәзизов, Фәнис Рәхмәтуллин, Миҙхәт Әбделмәнов һәм башҡалар ҡатнашасаҡ.
Уникаль программала — көндәлек концерттар, ҡыҙыҡлы осрашыуҙар, ижади кисәләр, тарихи урындар буйынса экскурсиялар, һабантуй, балалар өсөн “Рамазан” мәҙрәсәһе, йәштәр өсөн дискотека һәм башҡа мәҙәни саралар буласаҡ.
Ком: 0 // Уҡынылар: 653 тапҡыр // Тотош уҡырға
Шатлыҡ тейәп аҡ пароход килә...Минеңсә, теләһә ҡайһы милләтте милләт иткән ике төп нәмә бар. Уның беренсеһе — туған тел, икенсеһе — милли музыка, милли көй, милли моң...
Шағир Рәзил Вәлиевтең “Бер алманы бишкә бүләйек” исемле йырҙар китабын ҡулға алған һайын, мин был хәҡиҡәткә һаман нығыраҡ инана барам. Уйлап ҡарағыҙ әле: “Туған тел”, “Ҡарурман”, “Сарман”, “Бер алманы бишкә бүләйек” һәм тағы шундай тиҫтәләгән-йөҙләгән йырҙарынан башҡа, татарҙы, уның күңелен һәм рухын күҙ алдына килтереп буламы? Эйе, донъяла яҡшы йырҙан да олораҡ сәнғәт юҡтыр. Ни өсөн тиһәң, йырҙа туған телдең иң затлы, иң ғәмле, иң тәмле, иң хисле, иң моңло һүҙҙәре бергә йыйыла. Йырҙа халыҡтың быуаттар буйы күңеленә тупланып килгән хис-тойғолары, шатлыҡ-һөйөнөстәре, хәсрәт-ҡайғылары илаһи көйгә, музыкаға әүерелә лә моң шишмәһе булып тибә башлай. Йырҙа ике иң оло сәнғәт — музыка менән туған тел — бергә ҡушыла.
Ком: 0 // Уҡынылар: 854 тапҡыр // Тотош уҡырға
Һәр ғаиләнең нигеҙен атай-олатайҙар тәшкил итә. Ғаилә төбө ныҡ икән, уның киләсәк быуыны – ейән-ейәнсәрҙәре лә ырыҫлы, ҡотло булыр. Үҙ сиратымда мин ғаиләбеҙҙең нигеҙе булып торған, көслө рухы менән беҙҙе хаҡлаған олатайым Муллахәлитов Хөснөтдин Шәрәфетдин улы тураһында әсәйемдең хәтирәләрен бәйән итмәксемен.
***
“Хөснөтдин Шәрәфетдин улы Хәлитов Таналыҡ йортона ҡараған Буранбай ауылында 1881 йылдың көҙ айында донъяға килгән. Бөрйән ырыуының бер вәкиле булыуы менән ғорурланып, тамғаһын, ҡошон, оранын теҙеп сығырға яратҡан.
Ком: 2 // Уҡынылар: 1308 тапҡыр // Тотош уҡырға
Башҡортостан Республикаһы Хөкүмәтенең 2012 йылдың 20 июлендәге ҡарары менән “2013 — 2018 йылдарҙа Башҡортостан Республикаһында бәләкәй һәм урта эшҡыуарлыҡты үҫтереү һәм уға ярҙам күрһәтеү” айырым маҡсатлы оҙайлы республика программаһы раҫланды.
Был документ Башҡортостандың Эшҡыуарлыҡ һәм туризм буйынса дәүләт комитеты тарафынан республикала бәләкәй һәм урта эшҡыуарлыҡ субъекттарын үҫтереү өлкәһендәге ғилми-тикшеренеү эштәрен ойоштороу конкурсында еңеп сыҡҡан Өфө дәүләт иҡтисад һәм сервис академияһы менән берлектә эшләнде.
Эшҡыуарлыҡты үҫтереү — төбәк иҡтисадына йоғонто яһаусы мөһим фактор. Ул Башҡортостандағы социаль-иҡтисади үҫештең өҫтөнлөклө йүнәлеше рәүешендә ҡарала.
Ком: 0 // Уҡынылар: 682 тапҡыр // Тотош уҡырға
Күптән түгел ғүмер буйы тәрбиәсе булып эшләгән Хөснийыһан Ғәтиәт ҡыҙы Янышева менән һөйләшеп ултырҙыҡ. Ул элекке Бәләбәй өйәҙе, хәҙерге Йәрмәкәй районының Сөйәрмән ауылында тыуған. Хөснийыһан Ғәтиәт ҡыҙы Янышеваның (Кәлимуллина) бала сағы аслыҡ-яланғаслыҡ йылдарына тура килһә лә, уҡытыусы булыу теләге көслө була. Бөгөн ул Инйәр ҡасабаһында йәшәй. Хаҡлы ялда. Мәғариф өлкәһендә эшләү дәүерендә бихисап Маҡтау ҡағыҙына, ҡиммәтле бүләктәргә, миҙалдарға лайыҡ булған. Әммә уның өсөн иң ҙур бүләк — уҡыусыларының хаттары, фотолары, сәләмдәре.
Ком: 0 // Уҡынылар: 652 тапҡыр // Тотош уҡырға
Һеҙгә аптырағандан мөрәжәғәт итәм. Улыма кисекмәҫтән ярҙам кәрәк! Биш кенә йәштә булыуына ҡарамаҫтан, ҡаты ауырый. Врачтар балалар церебраль фалижы тигән диагноз ҡуйҙы. Уның йәшендәге ҡыҙ һәм малайҙар йүгерешеп уйнай, шаяра. Ә Артем йөрөй ҙә, хатта үҙаллы ултыра ла алмай.
Балаңа ярҙам итә алмауҙан да ауыр хәл юҡ! Табиптарҙың әйтеүенсә, улымдың хәлен яҡшыртырға мөмкин. Әле ул дауа ала, массаж, рефлекс терапияһы саралары файҙаланыла, логопед шөғөлләнә. Әммә әллә ни алға китеш күҙәтелмәй. Ҡытайҙа 21 көн дауаланыу ғына һөҙөмтә бирҙе. Баланы һауыҡтырыу өсөн Ҡытай табиптарында икешәр ай буйына кәм тигәндә дүрт тапҡыр дауаланыу талап ителә.
Ком: 0 // Уҡынылар: 615 тапҡыр // Тотош уҡырға
Илебеҙҙәге сәйәси-иҡтисади үҙгәрештәр әҙәби процесҡа ла йоғонто яһамай ҡалмай. Шуның һөҙөмтәһе булып яңы типтағы тәрән психологизм менән һуғарылған күләмле проза әҫәрҙәре ижад ителде. Был һүҙҙәрҙе киң билдәле яҙыусы Ринат Камал ижадына ҡарата ла әйтергә мөмкин.
Яҙыусының “Ағиҙел” журналының 2008 йылғы 9-сы, 10-сы һандарында баҫылып сыҡҡан “Талаҡ!” романы — ҡатын-ҡыҙ менән ир-ат араһындағы мөнәсәбәтте яҡтыртыуға ҡоролған психологик әҫәр. Унда кешеләр араһындағы мөнәсәбәттәр һүрәтләнә, геройҙар йәшәү мәғәнәһен эҙләй.
“Талаҡ!” романында әхлаҡи-этик күренештәр — төп проблема. Сөнки әҫәрҙең күп темалары һәм мотивтары кешеләр араһындағы ҡатмарлы мөнәсәбәттәрҙе, тәрбиә нигеҙҙәре тирәһендә тупланып, идеяны асып бирә.
Ком: 0 // Уҡынылар: 724 тапҡыр // Тотош уҡырға
Рамаҙан

Донъя буйлап йырлап киләм,
Йәнгә мең өмөт һыйған.
Йырҙарыма яҡты моң бир,
Бир, Хоҙай, беҙгә иман.
Ком: 0 // Уҡынылар: 768 тапҡыр // Тотош уҡырға
Ҡотлайбыҙ!Ҡырмыҫҡалы районының Түбәнге Төкөн ауылында йәшәүсе ҡәҙерлебеҙ Әлмөхәмәтов Фән Ҡорбанғәле улы 75 йәшлек юбилейын билдәләй.
Ул 1937 йылдың 25 июлендә ошо ауылда уңған ғаиләлә тыуған. Атаһы Бөйөк Ватан һуғышында һәләк була, әсәһе ике баланы яңғыҙ тәрбиәләй. Мәктәпте тамамлағандан һуң Фән Ҡорбанғәле улы Стәрлетамаҡ мәҙәни-ағартыу техникумын тамамлай, Әбйәлил районының Ташбулат ауылында клуб мөдире булып эшләй.
1959 йылда Совет Армияһында хеҙмәт итеп ҡайта. Ҡатыны Фәриҙә Мәҡсүт ҡыҙы менән татыу ғаиләлә өс ул һәм бер ҡыҙ үҫтерәләр, уларға юғары белем бирәләр, аяҡҡа баҫтыралар.
Фән Ҡорбанғәле улы — районда хөрмәт ҡаҙанған ихтирамлы кеше. Оҙаҡ ваҡыт Ҡырмыҫҡалы районының Ҡамышлы ауыл Советында эшләне, депутат итеп һайланды.
Ком: 0 // Уҡынылар: 576 тапҡыр // Тотош уҡырға
– Беҙ бында бөгөн йыйылып киткән көнүҙәк мәсьәләләрҙе көн ҡаҙағына сығарырға, киләсәктә ниндәй йүнәлештә эшләйәсәгебеҙ тураһында һөйләшергә йыйылдыҡ. Эшҡыуарҙарға ярҙамға килә алған хоҡуҡи механизмдарҙы аныҡ билдәләү мөһим, – тине Башҡортостан Президентының инвестицион хеҙмәттәшлек мәсьәләләре буйынса махсус вәкиле Андрей Назаров республика йүнселдәренең хоҡуғына арналған "түңәрәк өҫтәл"де асып.
Президент Рөстәм Хәмитов Рәсәй Президентының эшҡыуарҙар хоҡуғы буйынса вәкиле Борис Титовтың яңы вазифала иң тәүҙә тап Башҡортостанға килеүен юғары баһаланы.
Ком: 0 // Уҡынылар: 611 тапҡыр // Тотош уҡырға
Артҡа 1 2 Алға
Бит башына