Мигранттар үҙ иленә оҙатылаРәсәй Федераль суд приставтары хеҙмәтенең Башҡортостан буйынса идаралығы республикала законһыҙ йәшәгән һәм миграция ҡануниәтен боҙған мигранттарҙы тыуған яҡтарына оҙатыу буйынса эште дауам итә.
Идаралыҡтың матбуғат хеҙмәте хәбәр итеүенсә, быйыл алты ай эсендә 150-нән ашыу кеше мәжбүри оҙатылған. Ундайҙарға нигеҙҙә Үзбәкстан, Тажикстан, Азербайжан, Төркмәнстан, Әрмәнстан һәм башҡа дәүләттәрҙән килеүселәр инә. Суд приставтары хатта Сенегал гражданын да тыуған яғына ҡайтарып ебәргән.
Депортацияланырға тейешле мигранттарҙың күбеһен Тажикстан менән Үзбәкстан кешеләре тәшкил итә.
Әле махсус изоляторҙа тотолған 76 кеше, шул иҫәптән биш ҡатын-ҡыҙ тыуған иленә юлланырға тейеш.
Ком: 0 // Уҡынылар: 580 тапҡыр // Тотош уҡырға
Бындай ойошмалар Рәсәйҙә аҙБашҡортостан предприятиелары араһында бөгөн донъя кимәлендә билдәле компаниялар бар. Улар сәнәғәттең төрлө өлкәһенә ҡарай. Шуларҙың береһе – юғары етештереүсәнле быраулау, скважиналарҙы йүнәтеү ҡорамалдары сығарыуға махсуслашҡан “Буринтех” предприятиеһы. Ул быйыл Өфөлә уҙған “Ҙур химия” Халыҡ-ара күргәҙмәһендә лә ҡатнашты. Кисә Башҡортостан Президенты Рөстәм Хәмитов ойошманың эшмәкәрлеге менән яҡындан танышты.
Предприятиеның генераль директоры Ғиниәт Ишбаев тәүҙә яуаплылығы сикләнгән йәмғиәттең ҡасан барлыҡҡа килеүе, ниндәй йүнәлештә эшләүе тураһында һөйләне, күргәҙмәгә ҡуйылған ҡорамалдар менән таныштырҙы. “Буринтех” – сағыштырмаса йәш ойошма, ул 1999 йылда төҙөлгән. Хәҙерге көндә был предприятие – быраулау ҡорамалдарын эшләү буйынса Рәсәйҙә иң ҙурҙарҙың береһе.
Ком: 0 // Уҡынылар: 537 тапҡыр // Тотош уҡырға
Эше ҡаты — икмәге татлыТуймазы районының “Эдельвейс-Агро” йәмғиәте баҫыуҙарында ла бөгөн хеҙмәт ялҡыны көндән-көн ҡыҙа. Бында арыш урағын тиҙ арала теүәлләп, иген комбайндарын арпа баҫыуҙарына төшөргәндәр.
— Тәбиғәттең көйһөҙлөгөнә беҙ артыҡ зарланмайбыҙ. Быйылғы йылда ла уңышһыҙ ҡалмаясаҡбыҙ, — ти хужалыҡтың баш агрономы Рәзит Ҡунафин. — Арыш сәселгән майҙандар һәр гектарҙан 16-шар центнер төшөм бирҙе. Бына кисә һоло баҫыуына инеп ҡараныҡ. Уның да уңышы һәйбәт кенә. Ара-тирә яуып үткән ямғырҙар ғына урып йыйыу эштәрен бер аҙға тотҡарланы.
— Үҙебеҙҙең эшкәртеү ҡеүәттәрен булдырҙыҡ, былтыр Туҡтағолда ярма ярғыс линияһын эшкә ҡуштыҡ, — тип һөйләй Рәзит Сабирйән улы. — Уны иген технологияһы буйынса Мәләүездән килгән белгестәр ҡорҙо. Ҡыш буйы ярма етештерҙек. Баҙарҙа был төр продукцияға һорау ҙа яҡшы.
Ком: 0 // Уҡынылар: 843 тапҡыр // Тотош уҡырға
Ауырымай йәшәүҙең сереБалтас районының Юғары Ҡанһөйәр ауылында йәшәүсе 90 йәшлек Рәсүл Хәсәнов быны үҙ миҫалынан сығып әйтә.
Пенсия фондының район идаралығы мәғлүмәттәре буйынса, Балтас районында йөҙ йәшен тултырған ике әбей йәшәй, ә өсөһө бер быуатлыҡ юбилейын билдәләй. 90 — 100 йәштәге өлкәндәрҙең һаны — 99, 80 — 90 йыл ғүмер итеүселәр — 1020 кеше.
Күптән түгел оҙаҡ йәшәүселәрҙең береһе Рәсүл Хәсәнов менән осраштыҡ. Ғилемгә ынтылышы көслө була уның. Башланғыс класта Ҡанһөйәр мәктәбендә, артабан Һәйтәк тулы булмаған урта һәм Тусыбай урта мәктәбендә белем ала. Уҡытыусы булырға хыялланһа ла, медицина техникумына уҡырға инергә тура килә.
— Уҡыу еңел бирелде, “өслө” билдәһе алғанымды хәтерләмәйем. Биш һум стипендия бирәләр ине, ошо аҡса ҙур ярҙам булды, — тип иҫкә ала ул үткәндәрен.
Ком: 0 // Уҡынылар: 705 тапҡыр // Тотош уҡырға
Башҡортостан диңгеҙселәренең төп сифаты — тоғролоҡКем хәрби флотта хеҙмәт иткән, шул бик яҡшы белә: унда Хәрби-Диңгеҙ флоты көнөнән дә нығыраҡ көтөп алынған байрам юҡ. Был көндә хәрби званиелар күтәрелә, отпусктар бирелә, караптар өҫтөндә, базаларҙа, ай-йондоҙҙарҙы көнләштереп, меңдәрсә уттар тоҡана, иң тәмле аштар бешерелә... Ул тантаналар, ул күтәренкелек ғүмергә онотолмай. Ул артабанғы төрлө океан-диңгеҙҙәге оҙайлы походтарҙа бөтмәҫ-төкәнмәҫ көс-ҡеүәт тыуҙыра. Мин был һүҙҙәрҙе, үҙ елкәмдә татыған кеше булараҡ, ысын күңелдән әйтәм. Ҡара диңгеҙ флотындағы дүрт йыл хеҙмәт осоромдо иң ҙур тормош мәктәбе тип иҫәпләйем.
Башҡортостан диңгеҙселәре — адмирал, беренсе, икенсе, өсөнсө ранг капитаны булһынмы, мичман, старшина, матросмы — төрлө флоттарҙа хеҙмәт иткән урындарҙа өлгө күрһәтә. Башҡортостандан тигән һүҙ үҙе үк был булдыра ала торған ышаныслы егет тип ҡабул ителә.
Ком: 0 // Уҡынылар: 815 тапҡыр // Тотош уҡырға
Хәҙерге йәмғиәттә онкологик сирҙәр — иң көнүҙәк һәм мөһим проблемаларҙың береһе. Бөтә донъя һаулыҡ һаҡлау ойошмаһы мәғлүмәттәренә ҡарағанда, донъяла яман шеш сирҙәре һәм унан үлеү осраҡтары артҡандан-арта.
Организмдағы күҙәнәктәрҙең сифат йәһәтенән үҙгәреп, бүленеү һәләтен юғалтыуы һөҙөмтәһендә туҡыманың патологик йылдам үҫеүен шеш тип атайҙар. Шеш хәүефһеҙ һәм хәүефле (яман) була. Хәүефһеҙ шеш әкрен үҫә, йылдар буйы үҙгәрешһеҙ ҡалыуы ихтимал, уларҙың үҙ тиресәһе бар. Хәүефһеҙ шеште тиресәһе менән бергә алып ташлайҙар. Яман шеш йылдам үҫә, уның тиресәһе юҡ.
Ком: 0 // Уҡынылар: 1042 тапҡыр // Тотош уҡырға
(Булған хәл)
“Әсәй, бәлки, һин был хатты уҡығанда, мин булмам инде яҡты донъяла. Юл һәләкәтенә осраным, дауаханала ятам, хәлем насар, иҫән ҡалыуыма ышанысым юҡ. Асыуланмағыҙ, мин ғәйепле. Балаларымдың, Иректең рәнйеше төшкәндер инде миңә. Күҙ нурҙарымды ташлап киттем, хәҙер бик үкенәм, тик һуң инде, һуң…”
Фәниә инәй дерелдәгән ҡулдары менән район үҙәге дауаханаһында эшләүсе күршеһе индергән хатты асыуға, йөрәге “жыу” итеп китте. “Йөрөй торғас, тәки тапҡан, шуға ашҡынған икән!” – тип уйлап ҡуйҙы. Балалар ғына түгел, үҙе лә бик рәнйегәйне ул юлдан яҙған килененә.
Ком: 0 // Уҡынылар: 1056 тапҡыр // Тотош уҡырға
Киләһе йылдың көҙөндә Өфөнөң Киров урамында мәшһүр әҙип, Башҡортостандың халыҡ шағиры Мостай Кәримгә һәйкәл ҡуйыласаҡ.
Мостафа Сафа улының образын мәңгеләштереү бәхете Мәскәү скульпторы Андрей Ковальчукка тейҙе. Башҡортостандың Мәҙәниәт министрлығы үткәргән конкурста тап ул еңеп сыҡты.
Мостай Кәримдең һыны бронзанан яһаласаҡ. Уның артында ҡулъяҙмалары композицияһы һүрәтләнәсәк. Ижад итеүселәрҙең фаразлауынса, был ҡулъяҙмалар ҡош ҡанаттарын хәтерләтергә тейеш.
Ком: 0 // Уҡынылар: 688 тапҡыр // Тотош уҡырға
Башҡортостан Хөкүмәте ҡарары менән республикала йәшәү минимумы дәүмәле билдәләнде. Быйыл II кварталда уның уртаса кимәле йән башына иҫәпләгәндә 5 558 һум, эшкә һәләтле халыҡ өсөн — 5 940, пенсионерҙарға — 4 526, балаларға 5 454 һум тәшкил итә.
Ком: 0 // Уҡынылар: 484 тапҡыр // Тотош уҡырға
Эшләүсе пенсионерҙарҙың хеҙмәт пенсияһы күләменә 1 августан төҙәтмә индереләсәк, тип хәбәр иттеләр Рәсәй Пенсия фондының Башҡортостан бүлексәһендә.
Былтыр 1 августан төҙәтмәләр индерелгән хеҙмәт пенсияларын ҡайтанан иҫәпләү өсөн 2011 йылдың II — IV кварталдарындағы һәм быйылғы I кварталдағы страховка иғәнәләре иҫәпкә алынасаҡ.
— Башҡортостанда 1 августан пенсия күләмен арттырыу буйынса эш тулыһынса башҡарылды. Республикалағы 246 мең эшләгән пенсионер хеҙмәт пенсияһын яңыса аласаҡ, финанслау тулыһынса тәьмин ителде, — тине Башҡортостан бүлексәһе идарасыһы Фоат Хантимеров.
Ком: 0 // Уҡынылар: 911 тапҡыр // Тотош уҡырға
Артҡа 1 2 3 Алға
Бит башына