Хеҙмәттә тыуған бәхетГеройымдың ата-әсәһе Орҡоя менән Әйүп Ғәббәсовтарға йәш саҡта белем алырға тура килмәй. Ҡул араһына инеү менән Әйүп Хызыр улы Инйәр урман эшкәртеү предприятиеһында ағас ҡырҡа, күмер яндырыу өсөн ат менән бүрәнә ташый. Ул йылдарҙа Белорет металлургия комбинаты ағас күмере менән эшләй ине.
1941 йылдың 22 июнь таңында фашистар илебеҙҙе баҫып ингәс, Әйүп Ғәббәсов фронтҡа китә. Ул Тыуған иле өсөн үҙен аямайса һуғыша. Дошманға ҡаршы ҡаты алыштарҙың береһендә батырҙарса һәләк була.
Ауылда уның ҡатыны Орҡоя менән өс йәшлек улы Мәсәғүт ҡала. Яңғыҙ әсәгә улын аяҡҡа баҫтырыуы еңелдән булмай. Мәсәғүт ауылдағы башланғыс мәктәпте, тырышып уҡып, яҡшы билдәләргә генә тамамлағас, малай Инйәр урта мәктәбендә уҡыуын дауам итә. Ләкин, әсәһенең һаулығы ҡаҡшағас, уҡыуын ташлап, уға ярҙамлашырға ҡайта.
Ком: 0 // Уҡынылар: 899 тапҡыр // Тотош уҡырға
“Еңмәйенсә, тыныслыҡ тапмайым”Әбйәлил районының Урал урта мәктәбендә тиҫтә йылға яҡын бокс һәм кикбоксинг түңәрәктәре уңышлы эшләй. Уларҙа шөғөлләнеүселәр араһында республикала ғына түгел, Рәсәйҙә танылыусылар бар.
Тап шундайҙарҙың береһе, Әлмөхәмәт ауылы ҡыҙы Алина Йәғәфәрова спортҡа осраҡлы килә. Ике туған апаһы Илсиәнең күнекмәләрен күҙәтеп ултырған ҡыҙыҡайҙа кикбоксинг менән шөғөлләнеү теләге тыуа. Башта үҙе өсөн генә йөрөргә ҡарар итһә лә, бер аҙ күнекмә алып, ярыштарҙа ҡатнаша башлағас, күңелендә ҡомар барлыҡҡа килеүен һиҙемләгән Алина V кластан алып әлегәсә (ул X класты тамамланы) Әлмөхәмәттән күрше Урал ауылына көн дә йәйәүләп күнекмәләргә йөрөй.
Буй-һыны, төҫ-ҡиәфәте менән сәнғәт кешеләренә тартым һөйкөмлө ҡыҙҙың спорттың ауыр төрөн һайлауы ғәжәпләндерҙе. Кикбоксингта бит йәрәхәт алыу ихтималлығы ҙур, хатта бит-йөҙөңдө ғүмерлеккә ғәрипләү осраҡтары ла юҡ түгел.
Ком: 0 // Уҡынылар: 656 тапҡыр // Тотош уҡырға
Бер йылы һүҙ етә кешегәХәтер һандығына асҡыс яратып, күңелемә иң яҡын кешеләрҙе күҙ алдынан үткәргәндә, мөләйем йөҙлө, йөрәгендә һәр саҡ изгелек йөрөткән, ярҙамсыл, иҫ киткес ябай замандашым, коллегам Наилә Ғәтиәтуллинала туҡталам. Ижад юлыбыҙ бынан байтаҡ йыл элек “Кызыл таң” гәзите редакцияһында йәшен тиҙлегендә киҫешкән дә шаҡтай алыҫ йылдарға айырылған икән. Уның хозур тәбиғәтле, илгә танылған ҡаһарман Ғәҙи Заһитовты, донъяны шаулатҡан спортсыларҙы, республикабыҙға билдәле сәнғәт һәм ҡәләм оҫталарын биргән бәрәкәтле Мишкә районынан икәнлеген, мәктәп йылдарында уҡ мәҡәләләр яҙғанын ишетеп белә инем...
Йылдар ағышы беҙҙе йырлы-моңло шишмәләргә бай, гүзәл Йәрмәкәй яҡтарында күрештерҙе. Наилә Мәғдән ҡыҙының был ергә килен булып төшөүенә, район гәзите редакцияһында тәржемәсе, хаттар бүлеге мөдире булып эшләгәненә лә 35 йыллап ваҡыт үткән икән.
Ком: 0 // Уҡынылар: 702 тапҡыр // Тотош уҡырға
Халҡы өсөн янды йөрәгеБынан 20 йыл элек “ХIХ–ХХ быуаттарҙа башҡорттарҙа ғаилә тормошо” тигән китап донъя күргәйне. Был үҙенсәлекле баҫманың беренсе өлөшөн — йәш этнограф Флизә Фоат ҡыҙы Фәтихова, икенсеһен билдәле ғалим Наил Вәли улы Бикбулатов яҙғайны. Китапта һүҙ тәүҙә башҡорттарҙа ауырлы ҡатынға бәйле йолалар, ҡағиҙәләр һәм тыйыуҙар, бала табыу, уны тәрбиәләү һәм үҫтереү, был эшкә бәйле ғөрөф-ғәҙәттәр тураһында бара.
Автор шулай уҡ мәрхүмде тәрбиәләү йолаларына туҡтала, һәр күренеште ентекләп тикшерә. Китаптың икенсе өлөшө башҡорт туйына арналған. Наил Бикбулатов, күбеһенсә үҙе йыйған материалдарға таянып, туйға бәйле тормош күренештәрен тикшерә, борондан килгән һыҙаттарҙы билдәләй, тик башҡорт халҡына хас булған үҙенсәлектәргә туҡтала.
Ком: 0 // Уҡынылар: 691 тапҡыр // Тотош уҡырға
Таҫмаларҙан – мөғжизәТуймазының тарих-тыуған яҡты өйрәнеү музейында таҫма менән сигеү эштәре күргәҙмәһе асылды.
Район хакимиәтенең мәҙәниәт бүлегенән хәбәр итеүҙәренсә, күргәҙмәгә ҡуйылған 55 картинаны Балалар һәм үҫмерҙәр ижад һарайы уҡытыусыһы Әлфиә Лагода һәм “Оҫталыҡ дәрестәре” берекмәһендә шөғөлләнеүселәр төшөргән.
— Эштең тәүге этабында эскиз яһала, нигеҙ әҙерләнә, — ти Әлфиә Лагода. — Ебәк туҡыма рамға кейҙерелә, уға махсус буяу менән артҡы фон төшөрөлә. Буяу кипкәс, эскиз туҡымаға күсерелә һәм сигеү башҡарыла.
Туҡымалағы һүрәт менән таҫма ярҙамында сигеүҙе берләштереү һөҙөмтәһендә йәнле картина килеп сыға.
Ком: 0 // Уҡынылар: 759 тапҡыр // Тотош уҡырға
Күлдә ятып... китап уҡы!Был күлдә көн һайын иҫәпһеҙ-һанһыҙ кеше һыу инә, әммә берәүҙең дә батҡаны булмаған. Хатта донъянан ваз кисеп, бер минут та йәшәгем килмәй, тип иҫереп һыуға ташланған әҙәм дә иҫән-һау өҫкә ҡалҡып сыҡҡан икән. Бының сере нимәлә тиһегеҙме? Хәҙер барыһын да аңлатып үтәм.
Ҡурған өлкәһенең күпселек ерҙәре — аҫаба башҡорт төйәге. Сафакүл, Әлмән райондарында әле булһа ла саф башҡорт ауылдары бар. Нәҡ Сафакүл районындағы Шамилә исемле үҙенсәлекле күл хаҡында яҙмаҡсымын. Халыҡта уны Сульфатлы тип тә йөрөтәләр.
Ҡурған ерендә аҙым һайын тиерлек күлдәр осрай, әммә Шамилә кеүектәр — Рәсәйҙә һирәк күренеш. Уның төп үҙенсәлеге — ныҡ тоҙло булыуы. Шуға ла кеше һыуға сумам тиһә, кире өҫкә ҡалҡып сыға.
Ком: 1 // Уҡынылар: 1141 тапҡыр // Тотош уҡырға
Ғүмер йомғағымды һүтә-һүтә...Тарих яҙыр инем ташына
Халыҡ йырынан

Баҡсамдағы эреле-ваҡлы
Баҡса ташты йыйып алам.
Хәтеремдә һәр береһе —
Тотамын да уйға ҡалам...

Бик ваҡ ҡына бынауынан
Иртәләне тәүге ҡарҙар.
Ком: 0 // Уҡынылар: 709 тапҡыр // Тотош уҡырға
Уның маҡсаты — көньяҡ-көнсығыш райондар халҡының тормошон яҡшыртыу

Көньяҡ Урал райондарын 2011 – 2015 йылдарҙа иҡтисади үҫтереүҙең урта сроклы комплекслы программаһы Башҡортостан Президенты Рөстәм Хәмитовтың 2010 йылдың
16 сентябрендәге ҡарарына ярашлы тормошҡа ашырыла башланы. Уға тиклем Президент көньяҡ-көнсығыш төбәктә булып, былай тигәйне: “...Уникаль төбәк. Ул бай потенциалға эйә һәм Башҡортостандың сәйәси, ижтимағи һәм иҡтисади тормошо өсөн ғәйәт әһәмиәтле. Әммә ресурстары менән дан тотҡан төбәктең халҡы бай йәшәмәй. Тимәк, был йүнәлештә аныҡ саралар күреү һәм уны үҫтереү юлдарын табыу зарур”.
Ком: 0 // Уҡынылар: 702 тапҡыр // Тотош уҡырға
Ҡотлайбыҙ!Быйылғы йәй беҙҙең ғаилә өсөн айырыуса иҫтәлекле һәм матур, сөнки йәмле миҙгелдә ҡәҙерле ҡатыным, һөйөклө әсәйебеҙ һәм иң яҡшы өләсәйебеҙ, Ишембай районының Этҡол ауылында йәшәүсе Нәсимә Ғайса ҡыҙы ӘЙҮПОВА оло байрамын — 50 йәшлек күркәм юбилейын билдәләй.
Ҡәҙерлебеҙ Ишембай районының Һайран ауылында ишле ғаиләлә тыуа, белем алғас, ғүмере буйы дәүләт хеҙмәтендә эшләй. Бөгөн дә ул ауыл хакимиәтендә алмаштырғыһыҙ эштәр идарасыһы. Егәрлелеге, булдыҡлылығы, ғәҙеллеге менән хеҙмәттәштәре, ауылдаштары араһында абруй яуланы. Уның хеҙмәте республика кимәлендә юғары дәүләт наградаһы менән дә билдәләнде. Яҡыныбыҙҙың ҡулдары алтын, ул бешергән аштар телде йоторлоҡ була, йортобоҙҙағы бөхтәлек, зауыҡ та — тап уның тырышлығы һөҙөмтәһе.
Ком: 0 // Уҡынылар: 522 тапҡыр // Тотош уҡырға
Ишембайҙа ҡотҡарыусылар биш ҡатлы йорттағы ут эсенән туғыҙ кешене алып сыҡты. Рәсәй Ғәҙәттән тыш хәлдәр министрлығының Башҡортостан буйынса баш идаралығының матбуғат хеҙмәте хәбәр итеүенсә, был йортта йәшәүселәр төтөн еҫе сыҡҡас янғын һүндереүселәрҙе саҡыра. Һуңыраҡ асыҡланыуынса, өсөнсө ҡаттағы ике бүлмәле фатирҙа янғын сыҡҡан була. Утты һүндереү менән бер үк ваҡытта тәртип һаҡсылары йорт хужаларын эвакуациялай.
Янғын һүндереүселәрҙең йылдам эш итеүе һөҙөмтәһендә ут тарала алманы. Фатирҙағы аш бүлмәһе, стеналар һәм йыһаз ғына зыян күргән. Янғын сыҡҡанда хужалар өйҙә булмаған. Әле фажиғәнең сәбәбе асыҡлана.
Ком: 0 // Уҡынылар: 573 тапҡыр // Тотош уҡырға
Артҡа 1 2 3 4 5 6 7 8 9 10 ... 44 Алға
Бит башына