Һеҙгә аптырағандан мөрәжәғәт итәм. Улыма кисекмәҫтән ярҙам кәрәк! Биш кенә йәштә булыуына ҡарамаҫтан, ҡаты ауырый. Врачтар балалар церебраль фалижы тигән диагноз ҡуйҙы. Уның йәшендәге ҡыҙ һәм малайҙар йүгерешеп уйнай, шаяра. Ә Артем йөрөй ҙә, хатта үҙаллы ултыра ла алмай.
Балаңа ярҙам итә алмауҙан да ауыр хәл юҡ! Табиптарҙың әйтеүенсә, улымдың хәлен яҡшыртырға мөмкин. Әле ул дауа ала, массаж, рефлекс терапияһы саралары файҙаланыла, логопед шөғөлләнә. Әммә әллә ни алға китеш күҙәтелмәй. Ҡытайҙа 21 көн дауаланыу ғына һөҙөмтә бирҙе. Баланы һауыҡтырыу өсөн Ҡытай табиптарында икешәр ай буйына кәм тигәндә дүрт тапҡыр дауаланыу талап ителә.
Ком: 0 // Уҡынылар: 484 тапҡыр // Тотош уҡырға
Илебеҙҙәге сәйәси-иҡтисади үҙгәрештәр әҙәби процесҡа ла йоғонто яһамай ҡалмай. Шуның һөҙөмтәһе булып яңы типтағы тәрән психологизм менән һуғарылған күләмле проза әҫәрҙәре ижад ителде. Был һүҙҙәрҙе киң билдәле яҙыусы Ринат Камал ижадына ҡарата ла әйтергә мөмкин.
Яҙыусының “Ағиҙел” журналының 2008 йылғы 9-сы, 10-сы һандарында баҫылып сыҡҡан “Талаҡ!” романы — ҡатын-ҡыҙ менән ир-ат араһындағы мөнәсәбәтте яҡтыртыуға ҡоролған психологик әҫәр. Унда кешеләр араһындағы мөнәсәбәттәр һүрәтләнә, геройҙар йәшәү мәғәнәһен эҙләй.
“Талаҡ!” романында әхлаҡи-этик күренештәр — төп проблема. Сөнки әҫәрҙең күп темалары һәм мотивтары кешеләр араһындағы ҡатмарлы мөнәсәбәттәрҙе, тәрбиә нигеҙҙәре тирәһендә тупланып, идеяны асып бирә.
Ком: 0 // Уҡынылар: 593 тапҡыр // Тотош уҡырға
Рамаҙан

Донъя буйлап йырлап киләм,
Йәнгә мең өмөт һыйған.
Йырҙарыма яҡты моң бир,
Бир, Хоҙай, беҙгә иман.
Ком: 0 // Уҡынылар: 638 тапҡыр // Тотош уҡырға
Ҡотлайбыҙ!Ҡырмыҫҡалы районының Түбәнге Төкөн ауылында йәшәүсе ҡәҙерлебеҙ Әлмөхәмәтов Фән Ҡорбанғәле улы 75 йәшлек юбилейын билдәләй.
Ул 1937 йылдың 25 июлендә ошо ауылда уңған ғаиләлә тыуған. Атаһы Бөйөк Ватан һуғышында һәләк була, әсәһе ике баланы яңғыҙ тәрбиәләй. Мәктәпте тамамлағандан һуң Фән Ҡорбанғәле улы Стәрлетамаҡ мәҙәни-ағартыу техникумын тамамлай, Әбйәлил районының Ташбулат ауылында клуб мөдире булып эшләй.
1959 йылда Совет Армияһында хеҙмәт итеп ҡайта. Ҡатыны Фәриҙә Мәҡсүт ҡыҙы менән татыу ғаиләлә өс ул һәм бер ҡыҙ үҫтерәләр, уларға юғары белем бирәләр, аяҡҡа баҫтыралар.
Фән Ҡорбанғәле улы — районда хөрмәт ҡаҙанған ихтирамлы кеше. Оҙаҡ ваҡыт Ҡырмыҫҡалы районының Ҡамышлы ауыл Советында эшләне, депутат итеп һайланды.
Ком: 0 // Уҡынылар: 458 тапҡыр // Тотош уҡырға
– Беҙ бында бөгөн йыйылып киткән көнүҙәк мәсьәләләрҙе көн ҡаҙағына сығарырға, киләсәктә ниндәй йүнәлештә эшләйәсәгебеҙ тураһында һөйләшергә йыйылдыҡ. Эшҡыуарҙарға ярҙамға килә алған хоҡуҡи механизмдарҙы аныҡ билдәләү мөһим, – тине Башҡортостан Президентының инвестицион хеҙмәттәшлек мәсьәләләре буйынса махсус вәкиле Андрей Назаров республика йүнселдәренең хоҡуғына арналған "түңәрәк өҫтәл"де асып.
Президент Рөстәм Хәмитов Рәсәй Президентының эшҡыуарҙар хоҡуғы буйынса вәкиле Борис Титовтың яңы вазифала иң тәүҙә тап Башҡортостанға килеүен юғары баһаланы.
Ком: 0 // Уҡынылар: 475 тапҡыр // Тотош уҡырға
Янғын һөҙөмтәһендә зыян күргән Бүздәк ауылы халҡы өй туйланы. Хәтерегеҙгә төшөрәйек: быйыл 25 мартта ҙур янғын арҡаһында 14 ғаилә йорт-ерһеҙ тороп ҡалғайны. Республика Президенты Рөстәм Хәмитовтың ҡушыуы буйынса 2,5 ай эсендә төҙөүселәр Титов урамында яңы йорт һалды.
Ике ҡатлы 18 фатирлыҡ йорттоң заказсы-төҙөүсеһе — Башҡортостан Республикаһының Торлаҡ төҙөлөшө фонды, ә генераль подрядсыһы — “КапиталСтрой” яуаплылығы сикләнгән йәмғиәте. Йорт төҙөлөшөн һәр кем онлайн режимында күҙәтеү мөмкинлегенә эйә булды, төҙөүселәр өс сменала эшләне.
Ком: 0 // Уҡынылар: 523 тапҡыр // Тотош уҡырға
“Уфа губернская” сайтында экстремистик мәҡәләләр урынлаштырған өсөн баш ҡалабыҙҙан биш кешене суд шартлы рәүештә иркенән мәхрүм итте. Башҡортостан Прокуратураһы вәкиле ошо хаҡта белдерҙе.
Суд билдәләүенсә, Николай Швецов, Сергей Орлов, Игорь Кучумов, Илдар Ғабдрафиҡов һәм Константин Нестеров “Уфа губернская” сайтында экстремизм билдәләре булған мәҡәләләр, дошманлыҡ һәм нәфрәт тыуҙырыуға, кешене милли, тел үҙенсәлектәренә ҡарап кәмһетеүгә йүнәлтелгән комментарийҙар урынлаштырған.
Ком: 0 // Уҡынылар: 567 тапҡыр // Тотош уҡырға
Ошо көндәрҙә Стәрлебаш район Советы ултырышы булды. Унда хакимиәт башлығы вәкәләттәрен ваҡытынан алда туҡтатыу мәсьәләһе ҡаралды.

Совет ҡарары менән Фәнил Ҡаҙаҡбаев, үҙ теләге менән отставкаға сығыу сәбәпле, хакимиәт башлығы вазифаһынан бушатылды.
Депутаттар конкурс һөҙөмтәһе буйынса башлыҡ тәғәйенләнгәнгә тиклем уның вазифаһын ваҡытлыса Вәзир Йәнбирҙинға йөкмәтте.
Ком: 0 // Уҡынылар: 464 тапҡыр // Тотош уҡырға
26 июлдә көндөҙгө сәғәт 2-нән 4-кә тиклем Хәйбулла районы хакимиәте бинаһында (Аҡъяр ауылы, Салауат Юлаев урамы, 45) Рәсәй Социаль страховкалау фондының Башҡортостан буйынса төбәк бүлексәһе идарасыһы Марат Мөьмин улы Латипов граждандарҙы ҡабул итә.
Ком: 0 // Уҡынылар: 461 тапҡыр // Тотош уҡырға
Башҡортостан Республикаһы Президенты указдары менән “Башнефтегеофизика” асыҡ акционерҙар йәмғиәте филиалдары хеҙмәткәрҙәре: Октябрьский геофизика эштәре идаралығы машинисы Хәбибуллин Рәсил Әмир улы, Урал сейсмология экспедицияһы механигы Хәмәҙиев Нурихан Бәҙертдин улы Башҡортостан Республикаһының Почет грамотаһы менән бүләкләнде;
“Геофизика” фәнни-етештереү фирмаһының генераль директоры Әҙиев Айрат Радик улына, Арлан геофизика эштәре идаралығының комплекслы партияһы начальнигы Мамаев Александр Сергеевичҡа, “Геостра” фәнни-етештереү үҙәгенең баш геологы Киселев Валентин Васильевичҡа, Өфө геофизика эштәре идаралығының комплекслы
Ком: 0 // Уҡынылар: 448 тапҡыр // Тотош уҡырға
Артҡа 1 ... 5 6 7 8 9 10 11 12 13 ... 44 Алға
Бит башына