Яҡуттар беҙҙең менән ҡыҙыҡһынаБашҡортостанға Саха (Яҡут) Республикаһының Хангаласский олоҫо (районы) вәкилдәре килде. Алты кешенән торған вәкиллекте район хакимиәте башлығы Юрий Зайцев етәкләй. Башҡортостан менән Саха (Яҡут) Республикаһын күптәнге дуҫлыҡ ептәре бәйләй. 2011 йылдың октябрендә ҡул ҡуйылған сауҙа-иҡтисади, фәнни-техник, социаль һәм мәҙәни хеҙмәттәшлек тураһындағы ике республика араһындағы килешеү быға яңы этәргес бирҙе.
Иртәгәһенә ҡунаҡтар Өфө районының исеме илдә билдәле "Алексеевка" совхозына барҙы. Бында улар голланд технологияһы буйынса төҙөлгән заманса теплица менән танышты. Йыл әйләнәһенә йәшелсә үҫтереү, уны һеркәләндереү өсөн иңкеш үрсетеү Саха (Яҡут) вәкилдәрендә ҙур ҡыҙыҡһыныу уятты. Ҡунаҡтар мең башҡа яҡын һыйыр малы аҫралған, бар яҡлап ялт итеп торған һөтсөлөк комплексы, һөт эшкәртеү цехы, бында етештерелгән ике тиҫтәнән ашыу продукция менән танышты.
Ком: 0 // Уҡынылар: 746 тапҡыр // Тотош уҡырға
Ялҡын яр һалғанды көтмәйУттың ҡойроғо юҡ! Хәтерегеҙҙәме, 2010 йылда Рәсәйҙең әле был, әле икенсе төбәгендә ҡот осҡос янғындар тиҫтәләгән ауыл-ҡасабаны ер йөҙөнән юйып ташлағайны. Быйыл да йәй ҡоро, эҫе килде. Шулай ҙа бер ауыҙ бешкәс, өрөп ҡабырға өйрәндек, ахыры – күләмле, ҙур ҡорбандарға килтергән фажиғәләргә, шөкөр, юл ҡуйылманы. Әммә тынысланырға иртәрәк: белгестәр белдереүенсә, августа Башҡортостанда ғәҙәттәгенән эҫерәк буласаҡ, тимәк, хәүефһеҙлек сараларын кәметергә ярамай.
Ошоно иҫбатлағандай, һуңғы көндәрҙә республиканың матбуғат саралары оран һалды – Баймаҡ районында ҙур янғын ауылдарға янай, халыҡ ярҙам һорай икән... Был хәбәрҙе ҡеүәтләп, йәнә кисә иртәнге сәғәттә үк Баймаҡ төбәгендә төшөрөлгән телесюжет күрһәтелде: хәүефте сағыу итеп һүрәтләгән геройҙарҙы йәлләмәү мөмкин түгел ине...
Ком: 0 // Уҡынылар: 669 тапҡыр // Тотош уҡырға
Ҡайҙа етте шунда сауҙа итеү тыйылаӨфөлә рөхсәтһеҙ, ҡайҙа етте шунда һатыу итеү тыйылырға, ә сауҙа ҡағиҙәләрен һанламаусылар яуаплылыҡҡа тарттырылырға тейеш. Был хаҡта баш ҡала урамдарында сауҙа итеү мәсьәләһе ҡаралған кәңәшмәлә әйтелде.
Ҡала хакимиәтендә ошо мәсьәлә тәүге тапҡыр ғына күтәрелмәй. Урам сауҙаһы айырыуса йәйге айҙарҙа әүҙемләшә. Эске эштәр министрлығы хеҙмәткәрҙәре һәм баш ҡала райондары хакимиәттәре белгестәре тарафынан саралар күрелеүгә ҡарамаҫтан, рөхсәт ителмәгән урындарҙа һатыу итеү туҡталмай. Етмәһә, уларҙың һаны Затон биҫтәһендәге һәм вьетнам баҙарҙарындағы тауарҙы тәҡдим итеүселәр иҫәбенә лә арта.
Мәҫәлән, 6 авгусҡа ҡарата мәғлүмәт буйынса, Өфөлә сауҙа итеүгә рөхсәт бирелмәгән урындарҙың һаны 105-кә еткән һәм 421 кеше кәсеп иткән. Уларҙың 48 процентын баҡсаларында үҫтергән еләк-емешен һәм йәшелсәһен һатҡан пенсионерҙар тәшкил иткән.
Ком: 0 // Уҡынылар: 799 тапҡыр // Тотош уҡырға
Һауа шарҙарынан — ракеталарғаДонъяла осорға яраҡлы иң беренсе самолетты эшләүселәр — Америка авиаконструкторҙары һәм осоусылары бер туған Уилвер һәм Орвил Райттар. 1903 йылдың 17 декабрендә үҙҙәре эшләгән самолетта һауаға күтәрелгән туғандар 59 секунд дауамында осош ләззәтен кисерә. Шунан һуң Францияла, аҙаҡ Европалағы башҡа илдәрҙә лә самолет етештереү башлана.
Рәсәйҙә беренсе самолеттар 1909—1914 йылдарҙа Д. Григорович, И. Сикорский һәм башҡа авиаконструкторҙарҙың проекттары буйынса эшләнә.
Август айына бәйле йәнә ике ваҡиғаны иҫкә алыу кәрәк булыр. Рус хәрби летчигы штабс-капитан Петр Нестеровтың 1913 йылда “үлем элмәге” (йәки “Нестеров элмәге”) яһауы авиацияла ҙур яңылыҡ була. Был ваҡиға юғары пилотаж менән осоуға нигеҙ һала.
Ком: 0 // Уҡынылар: 902 тапҡыр // Тотош уҡырға
Продюсер “тере тауар” менән эшләйКүҙәтеүемсә, эшҡыуарлыҡ менән шөғөлләнә башлауҙың, шәхси эш асыуҙың сәбәптәре төрлө. Кемдер уға хыял аша килә, башҡаны байлыҡ ылыҡтыра, берәү сараһыҙлыҡтан тотона, ә кемделер, үҙе генә белгән юлдар аша, яҙмыш сығарып ҡуя.
Өфөлә 15 йылдан ашыу продюсерлыҡ, концерттар ойоштороу өлкәһендә эшләгән Резида Ҡалмырҙина-Зарипова һуңғылар исемлегенә инәлер. Ул Ғафури районының Ҡауарҙы ауылы мәктәбендә, аҙаҡтан Р. Ғарипов исемендәге республика мәктәп-интернатында уҡыған йылдар илдә “коллектив милек” төшөнсәһе өҫтөнлөк иткән, кооперативтар саҡ ойошторола башлаған мәлгә тура килә. Резида үҙен киләсәктә юрист, хоҡуҡ һаҡлау хеҙмәткәре итеп күрә. Шулай ҙа мәктәпте тамамлағас, ниәтен ҡырҡа үҙгәртеп, бер төркөм класташы менән бергә Башҡорт дәүләт университетының филология факультетына уҡырға инә.
Ком: 0 // Уҡынылар: 1121 тапҡыр // Тотош уҡырға
Тарихты тупраҡтан таҙартып...Археология – үткәнебеҙҙең ваҡыт шаршауын асҡан, тарихыбыҙ серҙәре менән таныштырған, ҡайһы саҡта иҫ китәрлек асыштар яһаған фән. Археологтар булмаһа, Боронғо Рим, Греция, Һиндостан һәм башҡа бихисап дәүләттәр тураһында донъяла бөгөн белерҙәр инеме икән? Сер түгел, һуңғы мәлдә беҙҙең Башҡортостанда ла ысын мәғәнәһендә тарихи асыштар яһала. Өфө II ҡаласығында табылған ҡомартҡылар ҙа шулар иҫәбендә. Уларға ярашлы, Өфө – Рәсәйҙәге иң боронғо ҡалаларҙың береһе һәм уға нигеҙ һалыныуға кәмендә 1500 йыл.
Археологтарҙың һөнәри байрамы алдынан беҙ бөтә ғүмерен ошо эшкә арнаған һәм үҙ ғүмерендә байтаҡ тарихи серҙәрҙе асҡан Башҡортостан Фәндәр академияһы академигы, профессор Нияз МӘЖИТОВ менән осраштыҡ.
Ком: 0 // Уҡынылар: 1790 тапҡыр // Тотош уҡырға
Туғанлыҡ ептәрен нығытыпЙәмле йәйҙең бер шәмбеһендә Сәғит ауылында Ғүмәровтар шәжәрә байрамы үткәрҙе.
Тәүҙә ауылда ҡалған Ғүмәровтар алыҫтан ҡайтҡан туғандарын, килгән ҡунаҡтарҙы ҡымыҙ, самауыр сәйе менән ҡаршыланы, артабан халыҡ Бөйөк Ватан һуғышында мәрхүм булғандар иҫтәлегенә ҡуйылған обелискка йүнәлде, ырыуҙың иң өлкән кешеләренең береһе, Башҡортостандың атҡаҙанған уҡытыусыһы Ғәббәс Ғәфүрйән улына һәм уның улдарына венок һалыу хоҡуғы бирелде. Улар һәләк булған яугирҙәр, уларҙың ғаиләләре тураһында йылы һүҙҙәр әйтте. Был байрамға Өфөнән ашҡынып ҡайтып төшкән абруйлы ҡунаҡ, филология фәндәре кандидаты, Башҡорт АССР-ы мәктәптәренең атҡаҙанған уҡытыусыһы, РСФСР-ҙың халыҡ мәғарифы отличнигы, Башҡортостандың мәғариф отличнигы, Рәсәй педагогия йәмғиәтенең почетлы гражданы, 34 йыл “Башҡортостан уҡытыусыһы” журналының баш мөхәррире булып
Ком: 0 // Уҡынылар: 940 тапҡыр // Тотош уҡырға
Теленең байлығы — күптәргә өлгөТанылған яҙыусы һәм ғалим Суфиян Поварисов башҡорт һәм татар яҙыусыларының әҙәби телен ғилми яҡтан өйрәнеүсе булараҡ киң билдәле. Йәнә ул бик күп хикәйә, повесть, тиҫтәнән ашыу роман ижад иткән әҙип. Ә үҙенең әҙәби теле ниндәйерәк, ҡайһы яғы менән үҙенсәлекле? Ошондай һорау тыуҙы миндә, Поварисовтың данлыҡлы Ғәлимйән Ибраһимов һәм башҡа яҙыусыларҙың әҫәрҙәренең теленә арналған китаптары менән танышҡас. Ул иһә, пьесаларымдың теле хаҡында мәҡәлә баҫтырып, үҙем дә иғтибар итеп еткермәгән үҙенсәлектәрҙе асыҡлағас, был уй тағы ла нығына төштө.
Суфиян Поварисовтың әҫәрҙәрем телендә ҡыҙыҡлы күренештәр табыуы, бигерәк тә пьесаларымда “иҫәр” һүҙенең 60-тан ашыу синонимы файҙаланылыуы хаҡында фекере ныҡ ғәжәпләндерҙе. Мин ул синонимдарҙы махсус эҙләп ултырмағайным. Нисек улай килеп сыҡҡан икән? Ҡайҙан эҙләп тапҡан быны ғалим?
Ком: 0 // Уҡынылар: 845 тапҡыр // Тотош уҡырға
Һандуғасҡа серҙәш булдымКәрим Булат шиғриәт һөйөүселәргә яҡшы таныш. Әҫәрҙәре республикабыҙҙың гәзит-журналдарында әленән-әле донъя күреп тора, бер нисә китап авторы.
Ул — Башҡортостаныбыҙҙы, халҡыбыҙҙы йәне-тәне менән һөйөп йәшәүсе, изгелекле, яҡты күңелле, тәрән тойғоло шағир. Халыҡсанлыҡ менән һуғарылған байтаҡ шиғырҙарына композиторҙарыбыҙ көй яҙҙы, уларҙы йыр-моң һөйөүселәр йылы ҡабул итте.
Әле һеҙҙең иғтибарға тәҡдим ителгән шиғырҙар ҙа көй һорап тора кеүек. Улар композиторҙарыбыҙҙың иғтибарынан ситтә ҡалмаҫ, моғайын.

Эй, дуҫтарым

Эй, дуҫтарым, йәшәнегеҙ
Күңелем түрендә һеҙ,
Ком: 0 // Уҡынылар: 1172 тапҡыр // Тотош уҡырға
“Росавтодор” менән республика араһындағы килешеүгә ярашлы, быйыл Башҡортостандың һигеҙ районындағы ун объектты төҙөүгә федераль ҡаҙнанан 213,5 миллион һум аҡса бүлеү ҡарала, был былтырғыға ҡарағанда ике тапҡырға күберәк. Республика бюджетынан финанслау 97,8 миллион һум тәшкил итә. Башҡортостандың Транспорт һәм юл хужалығы буйынса дәүләт комитетында үткән кәңәшмәлә ведомство башлығы Ильяс Мөниров ошо хаҡта хәбәр итте.
Ултырышта “2010 — 2015 йылдарҙа Рәсәйҙең транспорт системаһын үҫтереү” айырым маҡсатлы федераль программаһына ярашлы ауылдарға юл һалыу мәсьәләләре ҡаралды, бурыстар ҡуйылды. Ильяс Мөниров әйтеүенсә, ҡалған 13 объектҡа республика ҡаҙнаһынан 213,1 миллион һум аҡса бүленгән.
Ком: 0 // Уҡынылар: 720 тапҡыр // Тотош уҡырға
Бал ҡорто ауырыуҙары
Барлыҡҡа килеү сәбәптәре буйынса ике төркөмгә: йоғошло һәм йоғошһоҙҙарға бүләләр. Йоғошһоҙ ауырыуҙар бер ғаиләнән икенсеһенә күсмәй.
Йоғошло ауырыуҙар бал ҡорто организмына ҡуҙғытҡыс килеп эләгеү арҡаһында башлана. Был ауырыуҙар сирле ғаиләләрҙән һауҙарына күсә. Сир, ҡуҙғытҡыс төрөнә ҡарап, инфекцион һәм инвазион ауырыуҙарға бүленә (быларҙың һуңғыһы хайуан паразиттарынан зарарланыуҙы аңлата). Инфекцион ауырыу ҡуҙғытҡыстары — үҫемлектәрҙәге микроорганизмдар: бактериялар, бәшмәктәр, вирустар, риккетсиялар. Бактериялар бактериаль ауырыуҙар — Америка һәм Европа сереген, бәшмәктәр — аскосфероз, йәғни эзбизлы үрсем кеүек микоздарҙы, вирустар ҡапсыҡлы үрсем кеүек вируслы ауырыуҙы, биҙгәктәрҙе барлыҡҡа килтерә.
Ком: 0 // Уҡынылар: 945 тапҡыр // Тотош уҡырға
Бер мәл көтмәгәндә телефон шылтыраны. Телевидениеның тәжрибәле хеҙмәткәре Сәрүәр Сурина ине.
— Инәй, инде байтаҡтан бирле уйланылған хыялыбыҙҙы тормошҡа ашырырға форсат сығырға тора. Ваҡытың булырмы икән? — тине.
Хыялыбыҙ Ҡыҙыл Мәсет яҡтарына барып, тыуған ауылыбыҙға ҡайтып, телефильм төшөрөү ине. Форсаттың изге Ураҙа айына тура килеүе лә бик отошло булды, сөнки кешеләрҙе ауыҙ асыу ваҡытында осраттыҡ. Һөйләшелгән тема ла “Тереләрҙең ҡәҙерен беләйек, үлгәндәрҙең ҡәберен беләйек” тип аталыуы ошо мәлгә тап килә.
Ком: 0 // Уҡынылар: 864 тапҡыр // Тотош уҡырға
Бюджет проекттары, һалымдар һәм йыйымдар тураһындағы ҡануниәтте камиллаштырыу һәм ҡулланыу буйынса ведомство-ара комиссияларҙың республика Хөкүмәтендә үткән берлектәге ултырышында 2013 —2015 йылдарҙа Башҡортостандың социаль-иҡтисади үҫешен күҙаллауға аныҡлыҡ индерелде.
Башҡортостан Финанс министрлығының матбуғат хеҙмәтендә хәбәр итеүҙәренсә, бюджетты төҙөгәндә донъя иҡтисадының үҫеш үҙенсәлектәре иҫәпкә алынған. Киләһе йыл республиканың йыйылма бюджеты килемдәре 126,3 миллиард һум, 2014 йылда — 135,9 миллиард, 2015 йылда 140,7 миллиард һум тәшкил итәсәк.
Ком: 0 // Уҡынылар: 704 тапҡыр // Тотош уҡырға
Биләмәләр буйынса бәхәс ҡуҙғатыу һуңғы арала бик көнүҙәк булып китте. Яңыраҡ ҡына АҠШ менән Ҡытай араһында булған ошондай бәхәс башҡа илдәргә лә тарала башланы.

Бәхәсле биләмәләр бәлә килтермәҫме?
Үткән аҙнала Көньяҡ Корея республикаһы президенты Ли Мен Бак эш сәфәре менән Токэсимо утрауында булды. Был утрау Корея республикаһыныҡы иҫәпләнһә лә, уға Япония ла дәғүә итә. Шуға ла Корея етәксеһенең был утрауға эш сәфәре япондар тарафынан ҡаты тәнҡиткә дусар булды. Улай ғына ла түгел, Япония протест белдереп Суэлдан үҙенең илсеһен саҡырып ҡайтартты.
Ком: 0 // Уҡынылар: 527 тапҡыр // Тотош уҡырға
Һунарсылар республиканың дөйөм һунарсылыҡ ерҙәрендә ҡабан тотоуға рөхсәт алыу хоҡуғы өсөн йәрәбә һалды.
Башҡортостан Экология министрлығының Йәнлектәр донъяһы объекттарын һаҡлау идаралығында билдәләүҙәренсә, ҡабан тотоуға 3260 ғариза килгән. Былтыр 265-кә кәм булған.
Министрлыҡтың матбуғат хеҙмәтенән хәбәр итеүҙәренсә, ҡабан аулау хоҡуғына йәрәбә Әлшәй, Баймаҡ, Балаҡатай, Белорет, Благовар, Бүздәк, Бөрйән, Ғафури, Дыуан
Ком: 0 // Уҡынылар: 473 тапҡыр // Тотош уҡырға
Артҡа 1 2 Алға
Бит башына