ХАЛЫҠТЫ ҠАБУЛ ИТЕҮ
30 августа иртәнге сәғәт 11-ҙән көндөҙгө сәғәт 1-гә тиклем Борай районы хакимиәте бинаһында (Борай ауылы, Ленин урамы, 66) Рәсәй Социаль страховкалау фондының Башҡортостан буйынса төбәк бүлексәһе идарасыһы Марат Мөьмин улы Латипов граждандарҙы ҡабул итә.
Ком: 0 // Уҡынылар: 691 тапҡыр // Тотош уҡырға
Бөтә донъя башҡорттары ҡоролтайы башҡарма комитеты 112-се Башҡорт кавалерия дивизияһының 70 йыллығына арналған Халыҡ-ара автоуҙыш ойоштороу башланғысы менән сығыш яһағайны. Был тәҡдимде Башҡортостан Республикаһының Мәҙәниәт, Йәштәр сәйәсәте һәм спорт министрлыҡтары дәррәү күтәреп алды. Шулай уҡ Дим биҫтәһендәге 112-се Башҡорт кавалерия дивизияһы музейы етәкселеге лә сараны ойоштороуға ҙур көс һалды.
Ком: 0 // Уҡынылар: 993 тапҡыр // Тотош уҡырға
Ҡулға һоҡланғыс китап эләкһә...Прозаик Камил Йыһаншиндың “Алдан алтыны” романы — яҙыусының ябай уңышы ғына түгел, Рәсәйҙең заманса нәфис әҙәбиәтенең ысын ҡаҙанышы ла ул. Хәҙер беҙҙә кеше тормошоноң асылын — йәшәү мәғәнәһен, иманға килеүҙе, шәхес төшөнсәһенең тәрәнлеген, яҡындарыңа һәм Тыуған ереңә тоғролоҡто юғары рухи кимәлдә сағылдырған китаптар бик аҙ.
Әле Рәсәйҙә йәнле тәбиғәт хаҡында барлыҡ нескәлектәрҙе белеп, төшөнөп яҙыусылар юҡ тиерлек. Йыһаншин был йәһәттән иҫ киткес талантҡа эйә. Тайга, йәнлектәр һәм ҡоштар хаҡында яҙғандарын йотлоғоп уҡыйһың. Күп йылдар тайгала йәшәүе, геолог һәм һунарсы булып эшләүе быға ҙур йоғонто яһағандыр, моғайын. Ул бик бай материал туплаған һәм әле уны уҡыусылары менән уртаҡлаша.
Ком: 0 // Уҡынылар: 632 тапҡыр // Тотош уҡырға
ИҒТИБАР!
Рәсәй Ғәҙәттән тыш хәлдәр министрлығының Башҡортостан буйынса Баш идаралығы, 30 августа иртәнге сәғәт 10-дан 12-гә тиклем республикалағы электр сиреналарын һәм радио, телевидение каналдарындағы тапшырыуҙарҙы йәлеп итеп, халыҡҡа хәбәр итеү системаһына техник тикшереү үткәрелә, тип белдерә. Хөрмәтле гәзит уҡыусылар, тикшереү барышында тәртип һәм тыныслыҡ һаҡлауығыҙҙы һорайбыҙ.
Ком: 0 // Уҡынылар: 776 тапҡыр // Тотош уҡырға
“Һалҡын һуғыш”та еңелгән Советтар Союзын тарҡатҡастар, яңы баҙар иҡтисады төҙөү көнүҙәк мәсьәлә булараҡ алғы планға сыҡты. 70 йыл капитализмға ҡаршы көрәш алып барған дәүләт үҙ биләмәһендә баҙар иҡтисады тигән йәмғиәт, йәғни шул уҡ капитализмды төҙөргә мәжбүр булды.
Мәжбүр булды тип әйтеүемдең сәбәбе — совет халҡының был реформалар менән башлыса риза булмауынан. Ни эшләйһең, һуғышта еңелгәс, еңеүселәрҙең ихтыярын үтәргә тейешһең. Әлбиттә, быны аңлаған дәүләт етәкселәре албырғап төшкән халыҡты баҙар иҡтисадына әйҙәне: йәнәһе, шәхси инициатива ғына иҡтисадты алға сығара ала, дәүләт органдары иҡтисадҡа бер нисек тә ҡыҫылырға тейеш түгел. Ошо маҡсатта дәүләт милкен тиҙерәк шәхси ҡулдарға таратып бирергә тигән идея өҫтөнлөк алды. Бының өсөн бөтөн пропаганда, киң мәғлүмәт саралары эшкә егелде.
Ком: 0 // Уҡынылар: 795 тапҡыр // Тотош уҡырға
Тамырын белгәндәр тыуған ергә тартылаЙәрмәкәй районындағы йәмле Ыҡ йылғаһы буйына һыйынып ултырған Исламбахты ауылы төҙөклөгө менән күңелдәрҙе үҙенә тартып тора. Был төбәктә көн күргән эшсән халыҡ үҙенең тарихи тамырҙары менән дә хаҡлы ғорурлана ала. Профессор Әнүәр Әсфәндиәровтың тикшеренеүҙәренә күҙ һалғанда, ауыл хаҡында тәү тапҡыр 1742 йылда телгә алына. 1795 йылда һәм артабанғы ревизиялар бында күпселек эре ер биләгән башҡорттар йәшәгәнлеге тураһында хәбәр итә.
Исламбахтыла булғанда, беҙ дөйөм белем биреү мәктәбендәге тыуған яҡты өйрәнеү музейына инеп сыҡтыҡ, ҙур ҡыҙыҡһыныу менән ауылдың тарихын яҡтыртҡан материалдарҙы ҡараныҡ... Шуны әйтергә кәрәк: ауылдың зыялылары ла төбәктең тарихын өйрәнеүҙә күп кенә асышҡа юлыҡҡан. Улар араһынан танылған библиограф Рифмир Гәрәев тыуған ауылының үткәненә ҡағылышлы очерктар йыйынтығын мәктәпкә бүләк иткән.
Ком: 0 // Уҡынылар: 880 тапҡыр // Тотош уҡырға
Бүребайҙыҡы — тимәк, шахтерһың!Хәйбулла районының Бүребай ҡасабаһын халыҡ шахтерҙар төйәге тип атай. Был юҡҡа түгел, сөнки унда элек-электән ер аҫты ятҡылығында эшләп, мәғдән табыуҙа үҙ өлөшөн индергән ғаиләләр күп. Дөрөҫөрәге, һәр өйҙә тиерлек. Тотош быуындар сылбырын дауам иткән шахтерҙар династияһының барлыҡҡа килеүе лә быға асыҡ миҫал. Шуға күрә бүребайҙар боронғо һөнәр эйәләре — шахтерҙарҙы хөрмәтләп, улар менән хаҡлы ғорурлана.
“Ниндәй һөнәр һайлау тураһында уйлап та торманым, һин Бүребайҙыҡыһың икән, тимәк, шахтер булырға тейешһең”, — тине “Бүребай тау-байыҡтырыу комбинаты” ябыҡ акционерҙар йәмғиәтенең иң тәжрибәле шахтерҙарының береһе Шәфҡәт Ишемғолов. Уның һайлаған һөнәренә әлегәсә хыянат итмәүе һоҡландыра. Хатта ситтә йәшәргә тура килгәндә лә, үҙ һөнәренә тоғро ҡалып, Ҡаҙағстандың Турғай боксит шахтаһында эшләй. Әммә тыуған яҡ үҙенә тарталыр, күрәһең, йәнә Бүребайға ҡайтып, Октябрь ер аҫты ятҡылығында эшләүен дауам итә.
Ком: 0 // Уҡынылар: 651 тапҡыр // Тотош уҡырға
Түбә ҡасабаһында Нәғимә Ғәбделлатиф ҡыҙы менән Ғәбиҙулла Хәмит улы Мөхәмәтрәхимовтар ғаиләһе йәшәй. Әлбиттә, уларҙы электән белһәм дә, яҙмыштары менән яҡындан танышырға форсат теймәне. Бына, ниһайәт, ыҡсым ғына йыйыштырылған ике бүлмәле өйҙәрендә уларҙың ғүмер йомғағын һүтәбеҙ...
Ком: 0 // Уҡынылар: 569 тапҡыр // Тотош уҡырға
Генералдың биографияһында асыҡланмаған урындар бар әле. Дәүләт архивында һаҡланған тыуыу тураһындағы таныҡлығынан алынған яҙыуға ҡарағанда, Биштәкә ауылының беренсе мәсетендә 1899 йылда тыуғандар араһында бишенсе булып Миңлеғәлим исемле ир бала теркәлгән. “Атаһы — башҡорт Минһажетдин Фәхрислам улы, әсәһе — башҡорт Бибитайфа Мөхәмәтгәрәй ҡыҙы”, тип яҙылған. Бында һүҙ генерал Миңлеғәле Минһаж улы тураһында барғанлығына шик юҡ.
Уның ҡайһы бер туғандары хәҙер Фәхрисламов фамилияһын йөрөтә. Атаһының исеме мосолманса тулыһынса яҙылған. Һуңынан ҡыҫҡартып Минһаж, урыҫса Минназ тигәндәр. Ә Миңлеғәленең исемендәге һуңғы “м” хәрефен 14 йәшендә Якимов пароходлығына эшкә урынлашҡанында, танытма алғанда ҡолаҡҡа ҡатыраҡ писарь төшөрөп ҡалдырғандыр. Йәшен ярты йылға кәметеүен аҡтар армияһына алыныуҙан ҡотолоу өсөн эшләгәндер, тип фараз итергә булыр.
Ком: 0 // Уҡынылар: 1298 тапҡыр // Тотош уҡырға
Күңелдә ҡалған сәфәрБашҡортостандың һәр төбәге, үҙәне, тауы, йылғаһы, туғайы, күле халыҡтың үткән тормошон сағылдырған легендаларға, йырҙарға, бәйеттәргә бәйле тарих һаҡлай. Борон-борондан өлкән быуын вәкилдәре тыуған ер, тыуған төбәк тураһында мәғлүмәт биргән, шул урынға ҡарата һөйөү тәрбиәләгән, һәр ерҙең үҙенә генә хас матурлығын күрергә өйрәткән. Бөгөн беҙҙең республикала тыуған яҡты, халыҡтың тарихын, туған телен, ғөрөф-ғәҙәтен өйрәнеүгә, милли рух тәрбиәләүгә иғтибар артҡандан-арта барып, маҡсатҡа ярашлы эштәр башҡарыла.
Күмертау ҡалаһындағы Республика политехник лицей-интернатында ла йәш быуында ватансылыҡ, батырлыҡ тойғоһо тәрбиәләүҙә күп эштәр башҡарыла. Йәйге йәмле көндәрҙең береһендә лицей уҡыусыларынан бер төркөм Башҡортостандың төньяғына — милли батырыбыҙ Салауат Юлаевтың тыуған төйәгенә, уның тураһында ҙур тарих һаҡлаған Салауат районына сәйәхәт ҡылып ҡайтты. Автобус менән Күмертауҙан Малаяҙға тиклем туғыҙ сәғәткә һуҙылған юл арытманы ла тиерлек. Көндәрҙең матур тороуы ла беҙҙең изге эш менән йөрөүебеҙҙе хуплағандай ине. Тәьҫораттар иҫ киткес! Һүҙ — уҡыусы балаларға.
Ком: 0 // Уҡынылар: 635 тапҡыр // Тотош уҡырға
Артҡа 1 2 3 4 5 6 7 8 9 10 ... 45 Алға
Бит башына