“Алтын һуҡмаҡ”ҡа аяҡ баҫтыларБөгөн республика мәктәптәре еҙ ҡыңғырау сыңына, шат тауыштарға күмелде. Йәйге ял мәлендә белем усағын, бер-береһен һағынып өлгөргән уҡыусылар өсөн айырыуса ҡыуаныслы көн. “Алтын һуҡмаҡ”ҡа тәүге тапҡыр аяҡ баҫҡан балалар иһә ғүмеренең иң иҫтәлекле, сағыу мәлен кисерә. Республикала быйыл улар — 44 мең ярым тирәһе.
Баш ҡалабыҙҙың Фатима Мостафина исемендәге 20-се башҡорт гимназияһына тәүге тапҡыр юлланған ҡыҙҙар һәм малайҙарҙың да күңеле көр, аҙымдары ышаныслы. Сәскәләй матур игеҙәктәр — Фәриҙә менән Мәликә Түрәйәновалар тик “бишле”гә уҡырға вәғәҙә итә. Ҙурайғас, шәп табип булырға теләйҙәр. Ә Азалиә Кәлимуллинаға бейеүсе һөнәре яҡын. Башҡортса шундай матур һөйләшкән ҡыҙсыҡ, “Һаумы, һаумы, Әкиәт!” бәйгеһендә өс йыл рәттән ҡатнашып, еңеү яуларға ла өлгөргән.
Ком: 0 // Уҡынылар: 895 тапҡыр // Тотош уҡырға
Бөркөтоя бөркөтө112-се Башҡорт кавалерия дивизияһы музейына килеп ингәс, йөрәк өҙҙөргөс ҡурай моңон ишетеп шаңҡып ҡалдыҡ. Фойела йыйылған ҡунаҡтарҙың берәүһе һыҙҙыра икән. Легендар дивизияның сәйәси бүлек начальнигы, генерал Миңлеғәле Шайморатовтың уң ҡанаты Әхмәҙулла Абдуллиндың тыуыуына 100 йыл тулыуға арналған сараға килеүселәр моңланып “Урал”ды тыңлай…
Сарала Әхмәҙулла Абдуллиндың яҡташтары булыуы ҡыуандырҙы. Гәзитебеҙҙең әүҙем авторы — ауылдашы тураһында партия өлкә комитеты архивында оҙаҡ йылдар сер булып һаҡланған тарихи материалдарҙы өйрәнеп, халыҡҡа еткергән уҡытыусы-ветеран Искәндәр Миһранов:
– Бөгөнгө тарихи ваҡиға юғары әхлаҡлы, легендар командир һәм етәксе, иленә һәм халҡына йәнен аямай фиҙаҡәр хеҙмәт иткән шәхескә бағышланған, – тине. – Яңыраҡ Әхмәҙулла Абдуллиндың исемен мәңгеләштереү маҡсатында яҙылған китабымды тамамлап, типографияға тапшырҙым. “Бөркөтоя осорған бөркөттәр” тип аталған яҙмам тиҙҙән нәшер ителәсәк. Яҡташтарыбыҙ уны уҡып, беҙҙең аранан ошондай шәхес сығыуы менән ғорурланһын ине.
Ком: 0 // Уҡынылар: 665 тапҡыр // Тотош уҡырға
Өфө студенты "алтын" яуланы!Йондоҙҙарға ҡара, ә аяҡ аҫтына түгел! Лондондағы уйындарҙың девиздарының береһе шулай яңғырай. Тәүге еңеүҙәр һәм рекордтар, ысынлап та, кешенең ихтыяр көсөнөң, мөмкинлектәренең сикһеҙлегенә инандыра.
М. Аҡмулла исемендәге Башҡорт дәүләт педагогия университеты студенты Оксана Савченконың уңышы ғына ни тора! Ул 400 метр араға ирекле стилдә йөҙөү буйынса алтын миҙал яуланы. Оксана тағы ла дүрт бәйгелә "алтын" өсөн көрәшәсәк.
Паралимпиаданың тәүге көнөндә Рәсәй иҫәбенә йәнә бер алтын миҙал өҫтәлде. Уны йөҙөүсе Сергей Пунько яуланы.
Башҡортостан Президенты Рөстәм Хәмитов Оксана Савченко менән телефон аша һөйләште һәм уны ҙур еңеүе менән ҡотланы.
Ком: 0 // Уҡынылар: 791 тапҡыр // Тотош уҡырға
Боҙҙа "осҡондар" сығарып...Ниһайәт, хоккей миҙгеленә аяҡ баҫтыҡ. Көйәрмәндәр ҙә, уйынсылар ҙа оҙон йәй буйына яңынан-яңы еңеүҙәргә "һыуһап" өлгөргән. Башҡортостан Республикаһы кубогына уйындар быға тамам инандырҙы.
Был турнир быйыл бигерәк тә үҙенсәлекле: унда Чехияның “Энергия”, Новокузнецкиҙың “Металлург”ынан тыш, Өфөнөң “Салауат Юлаев”ы менән Юғары хоккей лигаһы чемпионы “Торос” та ҡатнаша. Әйткәндәй, Башҡортостандың был ике командаһы һиҙелерлек яңырҙы: байтаҡ яңы уйынсылар менән тулыланды. Мәҫәлән, Өфө клубына Томаш Ролинек, Александр Степанов, Никита Филатов, Денис Хлыстов кеүек һөжүмселәр, Иван Баранка, Виталий Шулаков, Андрей Зуборев кеүек һаҡсылар, Ииро Таркки һәм Вадим Тарасов кеүек ҡапҡасылар килде. Ә байтаҡ уйынсыларыбыҙ, киреһенсә, үҙҙәренә яңы команда тапты.
Ком: 0 // Уҡынылар: 630 тапҡыр // Тотош уҡырға
Юлдар, юлдар... Рәсәйҙең иң ҙур проблемаһының береһе ул. Кисә Республика йортонда ла һүҙ ошо хаҡта барҙы. Башҡортостан Президенты Рөстәм Хәмитов алып барған кәңәшмәлә “Рәсәй автомобиль юлдары” дәүләт компанияһы идаралығы рәйесе Сергей Кельбах та ҡатнашты.
Ком: 0 // Уҡынылар: 772 тапҡыр // Тотош уҡырға
Өфөлә үткән Рәсәй ислам университетын тамамлаусыларҙың беренсе Бөтә Рәсәй съезында 700-ҙән ашыу делегат ҡатнашты.
Сараға университетты тамамлаусылар, төбәк ойошмалары етәкселәре, Башҡортостандан, Татарстан, Мари Иле, Сыуашстан, Чечен республикаларынан, Ханты-Манси һәм Ямал-Ненец автономиялы округтарынан, Ҡурған крайы, Силәбе, Свердловск, Ырымбур, Һамар, Ульяновск өлкәләренән, шулай уҡ БДБ илдәренән мосолман руханиҙары вәкилдәре йыйылды. Уларҙы Рәсәй мосолмандарының Үҙәк диниә назараты рәйесе, Юғары мөфтөй Тәлғәт Тажетдин сәләмләне.
Ком: 0 // Уҡынылар: 622 тапҡыр // Тотош уҡырға
Хеҙмәтенә күрә — хөрмәте
Башҡортостан Республикаһы Президенты Указы менән Күгәрсен районы хакимиәте башлығы Мусин Фәрит Мырҙагилде улы “Башҡортостан Республикаһындағы фиҙаҡәр хеҙмәте өсөн” отличие билдәһе менән бүләкләнде.
Ком: 0 // Уҡынылар: 688 тапҡыр // Тотош уҡырға
"Өфө" халыҡ-ара аэропортының генераль директоры Рәмил Тимерғазинға терминалдағы эште тейешенсә ойоштора алмағаны өсөн эштән бушатыу ихтималлығы янай, тип гәзит битендә яҙып сыҡҡайныҡ инде. 30 августа йәмғиәттә шау-шыу тыуҙырған мәсьәләгә нөктә ҡуйылды: директорҙар советы ҡарары менән етәксе эшенән бушатылды.
Ком: 0 // Уҡынылар: 741 тапҡыр // Тотош уҡырға
Башҡортостанстат август айында төп аҙыҡ-түлеккә республика буйынса уртаса хаҡтарҙы асыҡланы. Сағыштырыу Өфө, Стәрлетамаҡ, Нефтекама һәм Сибай ҡалалары миҫалында үткәрелде.
Бер килограмм бойҙай ононоң уртаса хаҡы 19 һум 44 тин тәшкил иткән. Баш ҡалала ул 19 һум 14 тин торһа, Стәрлетамаҡта — 20 һум 70 тин. Шуға ярашлы бойҙай ононан бешерелгән икмәктең хаҡы ла төрлөсә: республикала иң ҡиммәтле икмәк Стәрлетамаҡта — 33 һум 98 тин, Өфөлә осһоҙораҡ — 28 һум 56 тин, Нефтекамала — 26 һум, Сибайҙа — 27 һум 95 тин. Уның ҡарауы, иң арзан сәй — Стәрлетамаҡта
Ком: 0 // Уҡынылар: 556 тапҡыр // Тотош уҡырға
Эшҡыуарҙарҙы борсоған көнүҙәк мәсьәләләр байтаҡ. Башҡортостан Республикаһы Президентының эшҡыуарҙар хоҡуғы буйынса вәкиле Рафаил Ғибаҙуллиндың халыҡты сираттағы ҡабул итеүе быны тағы бер ҡат раҫланы. Ул 14 эшҡыуар менән аралашты.
Ком: 0 // Уҡынылар: 627 тапҡыр // Тотош уҡырға
Артҡа 1 2 3 Алға
Бит башына