Көршәккә һыу кәрәкБашҡортостан Президенты Рөстәм Хәмитов Иглин районында булды. Сыуаш-Ҡобау ауылында республика етәксеһе урта мәктәпте ҡарап сыҡты, урындағы халыҡ менән аралашты.
Көршәк ауылында йәшәүселәр газ һәм һыуҙың булмауына зарланды. Ҡоролоҡло йәйҙән һуң ҡоҙоҡтарҙа һыу ҡалмаған тиерлек. Әле уны йылғанан ташыйҙар, эсәр һыуҙы район үҙәгенән һатып алалар. Рөстәм Хәмитов мәсьәләне тиҙ арала хәл итергә вәғәҙә бирҙе.
209 уҡыусы белем алған Сыуаш-Ҡобау мәктәбендә Рөстәм Хәмитов ирекле көрәш секцияһындағы күнекмәлә булды. Әле секцияға 63 уҡыусы йөрөй. Улар иҫәбендә донъя һәм Европа чемпионаттары призерҙары ла бар. Иҫке спорт залын ҡарап сыҡҡандан һуң, республика башлығы мәктәпкә яңы төкәтмә төҙөргә тигән күрһәтмә бирҙе.
Белем көнө айҡанлы Башҡортостан Президенты 2002-2004 йылдарҙа тыуған балалар араһында ирекле көрәш буйынса республика беренселегендә еңеп сыҡҡан өсөнсө класс уҡыусыһы Августина Ивановаға иҫтәлекле бүләк, ә мәктәпкә мультимедиалы проектор һәм экран тапшырҙы.
Ком: 0 // Уҡынылар: 759 тапҡыр // Тотош уҡырға
"Салауат"ты ... "Торос" ҡотҡарҙы"Салауат Юлаев" быйылғы миҙгелдә тәүге еңеүен яуланы. Башҡортостан Республикаһы кубогына турнирҙың һуңғы көнөндә уның еңеүсеһе асыҡланды: Өфө клубына "Торос" ярҙамға килде.
Тәүге уйында Чехияның "Энергия"һынан еңелеүҙән һуң, юлаевсылар тәүҙә "Торос"ты ҡыйратһа, аҙаҡ Новокузнецкиҙың "Металлург"ын баш эйҙерҙе. Ә Нефтекама хоккейсылары беренселеккә дәғүә иткән Чехия командаһының бер мәрәйен тартып алып, уларҙың тәүге урынға өмөтөн селпәрәмә килтерҙе. Һөҙөмтәлә "Салауат Юлаев" турнирҙың еңеүсеһе тип табылды. Кубок менән бер миллион һум күләмендә приз – уларҙа! "Металлург"ка иһә икенсе урын һәм 750 мең һум менән мөрхәтһенергә ҡалды. Ә Чехия клубына 500 мең һум күләмендә аҡсалата бүләк тапшырылды.
Ком: 0 // Уҡынылар: 576 тапҡыр // Тотош уҡырға
Аҡмулла исемендәге майҙанда, педагогия университеты корпустарының береһенең алдында, яңы уҡыу йылы башланыу айҡанлы тантана үтте.
Илдәге педагогия вуздары араһында өсөнсө урынды яулаған университет студенттарын ҡотларға Башҡортостан Республикаһының Дәүләт Йыйылышы — Ҡоролтай Рәйесе Константин Толкачев, республика Президенты Хакимиәте етәксеһе урынбаҫары Марат Мәрҙәнов, баш ҡаланың Киров районы хакимиәте башлығы Динар Хәлилов, республиканың мәғариф хеҙмәткәрҙәре профсоюзы рәйесе урынбаҫары Наил Нурмөхәмәтов килде.
Ком: 0 // Уҡынылар: 736 тапҡыр // Тотош уҡырға
Республика парламенты депутаттары көҙгө сессияла эш башланы. Уларҙың алдында ҙур бурыстар тора. Ҡабул ителәсәк һәм эшләргә кәрәкле закондар тураһында Башҡортостан Дәүләт Йыйылышы — Ҡоролтай Рәйесе Константин Толкачев һөйләне.
Иң мөһимдәренең береһе — киләһе йылға республика бюджеты. Закон 1 октябргә тиклем ҡабул ителергә тейеш.
Ком: 0 // Уҡынылар: 629 тапҡыр // Тотош уҡырға
Белем көнөнә ҡарата яңы мәктәп асыу — республикабыҙҙың матур йолаһы. Быйыл да унан ситләшеү булманы — баш ҡаланың Дим районында 101-се мәктәп ишектәрен асты. Уҡыусыларҙың, уҡытыусыларҙың һәм ата-әсәләрҙең шатлығын уртаҡлашырға Башҡортостан Президенты Рөстәм Хәмитов та килде.
Ком: 0 // Уҡынылар: 782 тапҡыр // Тотош уҡырға
1 сентябрь кисендә Өфөнөң Рус дәүләт драма театры алдындағы майҙан гөрләп торҙо. Йәшлек дәрте ташып торған студенттарыбыҙ яңы уҡыу йылын шулай ҙур байрам менән башлап ебәрҙе.
“Белем марафоны”нда республика Президенты Рөстәм Хәмитов сығыш яһаны, йәштәрҙе Белем көнө менән ҡотланы.
— Уҡыуығыҙҙа уңыштар, ныҡлы әҙерлекле белгес булып етешеүегеҙҙе теләйем, — тине Рөстәм Зәки улы. — Беҙ һеҙгә ышанабыҙ. Яҡшы уҡыу өсөн дәүләт тарафынан барлыҡ мөмкинлек булдырыласаҡ.
Ком: 0 // Уҡынылар: 862 тапҡыр // Тотош уҡырға
“Йөҙҙән – шеш, күҙҙән күк китмәй”...Хәбир Сөләймәновтың спорттағы карьераһы кик-боксингтан башлана: игеҙәге Сабир менән студент саҡтан уҡ Бөтә Рәсәй ярыштарында байтаҡ уңышҡа өлгәшә. Һуңыраҡ Америкаға юлланалар. Бер аҙ ваҡыттан Сабир, тыуған яғына ҡайтып, эшҡыуарлыҡ менән шөғөлләнә башлай, ә Хәбир океан аръяғында төпләнеп, профессиональ бокс буйынса яңынан-яңы үрҙәр яулауын дауам итә. Бөтә Рәсәй бокс ойошмаһы рейтингында иң көслө 15 кеше араһында урын алыу, чемпион билбауына эйә булыу уның иң ҙур ҡаҙанышы иҫәбенә инә.
Талантлы боксер Рәсәйгә һирәк ҡайта. Хәбир менән 21 августа, тыуған яғы — Арғаяш районына ҡайтыуының өсөнсө көнөндә осраштыҡ.
— Хәбир, тормошоғоҙҙо бокс менән бәйләргә ҡарар иткән мәлде хәтерләйһегеҙме?
Ком: 0 // Уҡынылар: 755 тапҡыр // Тотош уҡырға
Башҡортостан Президенты Рөстәм Хәмитов, яҡташыбыҙ Алексей Лабзинға шылтыратып, Паралимпиадалағы оло еңеүе менән ҡотланы.
"Көмөш миҙалым менән ҡәнәғәтмен. Маҡсатым — 2012 йылда алтын алыу", — тигәйне Башҡортостан спортсыһы Алексей Лабзин 2008 йылда Пекинда уҙған Паралимпия уйындарынан һуң. Яҡташыбыҙ, ысынлап та, маҡсатына өлгәште: Лондондағы уйындарҙа 400 метр араға йүгереүҙә беренсе булды һәм Паралимпиада рекордын ҡуйҙы!
Ком: 0 // Уҡынылар: 540 тапҡыр // Тотош уҡырға
Бер яҡшыға — бер яҡшы...Был мәҡәләне ун ете йыл элек үк яҙғайным. Ниндәй ниәттән яҙғанмындыр, бәлки, яҡындарымды һағыныуыма түҙә алмайынса, хис-тойғомдо ҡайҙа итергә белмәй йөҙәгән саҡта ҡәләм алғанмындыр.
Ул ваҡытта үҙем дә бик йәш инем, шуға ла хәҙерге Гүзәлиәгә әлеге мәҡәләм балаларса ихлас та, эскерһеҙ ҙә тойола. Ун ете йыл эсендә ни генә булмаған да ни генә кисермәгән яҡындарым! Атайым менән инәйем дә (әсәйгә беҙ инәй тип өндәшәбеҙ) хәҙергегә ҡарағанда йәш ине, ағайҙар ҙа икәү, ейәндәренән әлегә бер Ләйсән. Яҙмыш шатлығын-бәхетен услап-услап өләшһә, шулай уҡ ҡайғы-хәсрәтен дә бирергә онотмай яҡындарыма. Гөлназ, Салауат Айгизә, Мансур исемле ейәндәренең тыуыуы оло бәхет булһа, балаһының ваҡытһыҙ мәңгелеккә китеүе — үҙе бер уңалмаҫ яра. Шулай ҙа атайым менән инәйем элеккесә бергә, татыу, түҙемле, бер-береһенә иғтибарлы һәм мөхәббәтле.
Ком: 0 // Уҡынылар: 904 тапҡыр // Тотош уҡырға
Игенгә ихтыяж ҙур“Селена-Агро” компаниялары төркөмөндә эшмәкәрлек алып барған “Илеш элеваторы” йәмғиәте, һуңғы йылдарҙа ыңғай үҙгәрештәр кисереп, яңы ашлыҡты ҡабул итеүгә ныҡлы әҙерлек менән килде.
Йәмғиәттең төп эшмәкәрлеге — ашлыҡты ҡабул итеү, киптереү, һаҡлау. Әлеге маҡсатта бында дөйөм һыйҙырышы 117 мең тонна булған биш ҡабул итеү пункты, сәғәтенә 32 тонна иген культуралары киптереү көсөнә эйә булған өс ашлыҡ киптергесе урынлаштырылған. Директор Валерий Иванов әйтеүенсә, предприятие тәүлегенә 500 тонна бөртөклө, 250—300 тонна техник культура ҡабул итә ала.
Йөк бушатыусы механизмдарҙы, киптереү агрегаттарын әҙерләүгә айырыуса ҙур иғтибар бирелгән. Шулай уҡ 60 тоннаға тиклем ауырлыҡ үлсәү ҡеүәтенә эйә автоүлсәгестәр электрон үлсәгестәргә алмаштырылған һәм улар метрологик хеҙмәт тикшереүе үткән.
Ком: 0 // Уҡынылар: 866 тапҡыр // Тотош уҡырға
Артҡа 1 2 3 Алға
Бит башына