Тырышлыҡ менән алдыралар– Шәкәр сөгөлдөрө баҫыуында булып көйөнһәм дә, көнбағыштың матур булып үҫеүенә һөйөндөм әле, – тип ҡаршы алды беҙҙе "Бүздәк" агрофирмаһы яуаплылығы сикләнгән йәмғиәте директоры урынбаҫары Илдар Вахитов. – Быйыл тәбиғәт шарттары аяуһыҙ булды, ямғыр бөтөнләй яуманы тиерлек. Шулай ҙа уңышты баҫыуҙа ҡалдырманыҡ, мал аҙығын да етерлек әҙерләнек. Әле ужым культураларын сәсеү менән мәшғүлбеҙ.
Ысынлап та, хужалыҡтың шәкәр сөгөлдөрө баҫыуында эштәр хөрт, япраҡтары күптән һарғайған, дым етмәгәнлектән йүнләп үҫмәгән, тамыры бик бәләкәй. Әлбиттә, хужалыҡ эшсәндәре былтырғы уңышҡа өмөт итә алмаһа ла, һуңғы көндәрҙә яуып үткән ямғырҙың шифаһы бер аҙ булыр тип, “татлы тамыр”ҙы сентябрь урталарында йыйырға иҫәп тота. Әммә көйөнөс менән бергә һөйөнөс тә бар – көнбағыштың уңышы ҡыуандыра. Сентябрҙә 400 гектарҙа шәкәр сөгөлдөрө, 2 мең гектарҙан ашыу майҙанда көнбағыш йыйып алыу бурысы тора.
Ком: 0 // Уҡынылар: 907 тапҡыр // Тотош уҡырға
Ҡуянтауҙа — яңы мәктәпҠуянтау ауылы халҡы уҡыу йылын күтәренке кәйеф менән ҡаршы алды. Ҡыуаныстың да ниндәйе бит — көтөп алынған өр-яңы мәктәп!
Башҡортостан Президенты Рөстәм Хәмитов күптән түгел Баймаҡ районына килгәндә, Ҡуянтау мәктәбен дә ҡарап, төҙөлөш менән ҡәнәғәт булғайны. Эш майҙа ғына башланыуға ҡарамаҫтан, ауыл халҡына Белем көнөнә ҙур бүләк яһалды. Заманса мәктәп 108 балаға иҫәпләнгән. Кабинеттарҙа — өр-яңы парта, ултырғыстар. Иркен ашхана, спорт залы, китапхана ла тейешле йыһаз менән тәьмин ителгән. Компьютер класы, инглиз телен өйрәнеү өсөн лингофон кабинеты, ҡыҙҙар һәм малайҙар өсөн айырым хеҙмәт дәресе бүлмәләре бар.
Ком: 0 // Уҡынылар: 550 тапҡыр // Тотош уҡырға
Мәртәбәле исемгә күптән лайыҡ
Хәсән Назар! Уның менән осрашһам йә иҫкә килеп төшһә, күңелде үкенес тойғоһо семетеп алғандай. Ғүмере буйы халҡым, илем, телем тип янып йәшәгән һәм ижад иткән, Салауат Юлаев исемендәге дәүләт премияһы лауреаты булған атаҡлы шағирыбыҙға әле булһа “Башҡортостандың халыҡ шағиры” тигән мәртәбәле исем бирелмәүенә үкенес тойғоһо ул!
Хәсән ағай Назарҙың шиғриәте тураһында яҙып тороуҙың кәрәге юҡ, минеңсә: был ижад күптән инде халҡыбыҙҙың аҫыл хазинаһына әйләнгән, уның исеме “халыҡ шағиры” булып кешеләрҙең йөрәгенә һеңгән, әҫәрҙәрендәге шиғри юлдар һеңгәҙәтә бәрер һүҙ ҡоралына әүерелгән. Ә инде Башҡортостандың халыҡ шағирҙары Мостай Кәрим, Назар Нәжми, Рауил Бикбаев кеүек әҙәбиәтебеҙҙең аҡһаҡалдары Хәсән Назар ижадын юғары баһалаған тос һүҙҙәрен күптән әйтте.
Ком: 0 // Уҡынылар: 899 тапҡыр // Тотош уҡырға
Ер мәсьәләһенең бер ҡасан да иғтибар үҙәгенән ситтә ҡалғаны юҡ. Был аңлашыла ла: ерһеҙ халыҡ халыҡ түгел. Башҡортостан Президенты ҡарамағындағы дәүләт аҡсаһын файҙаланыуҙың һөҙөмтәлелегенә йәмәғәт контроле буйынса Советтың сираттағы ултырышы ла ошо мәсьәләгә арналды.
Ком: 0 // Уҡынылар: 631 тапҡыр // Тотош уҡырға
Стәрлетамаҡ ҡалаһындағы “Сода” асыҡ акционерҙар йәмғиәтендә ултырыш үтте. Унда Рәсәй һәм Беларусь союздаш дәүләтенең Дәүләт секретары Григорий Рапота йәмғиәттең Директорҙар советы рәйесе итеп һайланды.
Ком: 0 // Уҡынылар: 589 тапҡыр // Тотош уҡырға
Хыялдар ҙа, маҡсаттар ҙа бер. Киләсәктә Башҡортостандың аграр сәнәғәтен үҫтереп, ит-һөт етештереү буйынса илдә тәүге урындарҙы яулайһы, һөт бренды булдырып, республиканы ысын мәғәнәһендә һөт иле итеп күрге килә. 8 сентябрҙә Өфөнөң Ленин майҙанында үтәсәк “Һөт иле-2012” фестивален ойоштороусылар ошоларҙы күҙ уңында тота ла инде.
Ком: 0 // Уҡынылар: 810 тапҡыр // Тотош уҡырға
Иман булды миңә туған моңдарБашҡортостанға өндәшеү

Ғүмерҙәрем буйы ҡәләм эше
Ил юлында мине йөрөттө.
Башҡортостан! Әҫәрләнеп һәр саҡ,
Йөрәк һиндә аҙмы ер үтте.

Шул уҡ фиҙалыҡта — минән ҡала
Шиғырҙарым гиҙер юлдарҙы.
Ил хәстәре, тел хәстәре менән
Рухланып мин яҙҙым уларҙы.
Ком: 0 // Уҡынылар: 631 тапҡыр // Тотош уҡырға
Шишмәлә өлкәндәргә һәм балаларға айырым поликлиникалар төҙөлә. Эш ыңғай бара, өҙөклөк юҡ.
Ә бына 110 урынлыҡ балалар баҡсаһын ваҡытында сафҡа индерә алмағандар. Әле унда эш туҡтап ҡалған.
Ком: 0 // Уҡынылар: 491 тапҡыр // Тотош уҡырға
6–13 сентябрҙә Өфөлә “Туғанлыҡ” V Халыҡ-ара төрки телле театрҙар фестивале үтәсәк. Уникаль ижади проект 1991 йылдан башлап республикабыҙҙа ойошторола. Ошо ваҡыт арауығында төрки телле илдәрҙең мәҙәни бәйләнештәре нығытылды, бер-береһен рухи яҡтан байытыуҙа мөһим аҙым яһалды.
Ком: 0 // Уҡынылар: 589 тапҡыр // Тотош уҡырға
Башҡортостан Хөкүмәтенең матбуғат хеҙмәте хәбәр итеүенсә, “Урал” хәйриә фонды Башҡортостан етәкселегенә “Салауат Юлаев” хоккей клубы идараһында үҙенең вәкилдәрен арттырыу тәҡдиме менән мөрәжәғәт итте.
Ком: 0 // Уҡынылар: 438 тапҡыр // Тотош уҡырға
Артҡа 1 2 Алға
Бит башына