Лондон. Еңеү! Өфө!Йөҙләгән кешенең шатлыҡ ауазы, сәскә гөлләмәләре, алтын һәм көмөш миҙалдар сыңлауы... "Өфө" аэропортында бындай оло байрамдың булғаны юҡтыр. Кисә төндә Башҡортостан көйәрмәндәре Лондондағы XIV Йәйге паралимпия уйындарында ҡатнашҡан 16 яҡташыбыҙҙы шулай ҙурлап ҡаршыланы.
Ҙурламаҫлыҡ та түгел! Рәсәй йыйылма командаһы иҫәбендәге 36 алтын миҙалдың һәр өсөнсөһөн Башҡортостандыҡылар яуланы, тағы ла биш көмөш миҙалға эйә булды. Хәтерегеҙгә төшөрәбеҙ: алтын миҙалдар һаны буйынса Рәсәй Ҡытайҙан һуң икенсе урынға сыҡты.
Ком: 0 // Уҡынылар: 722 тапҡыр // Тотош уҡырға
Башҡортостан Президенты Рөстәм Хәмитов Өфөнөң “Полигон” фәнни етештереү предприятиеһында булды. Республика етәксеһе телефонияла һәм мәғлүмәт селтәрҙәрендә файҙаланылған радиоэлектрон ҡорамалдар һәм микроэлектрон компоненттар етештереү технологияһы менән танышты.
Ком: 0 // Уҡынылар: 645 тапҡыр // Тотош уҡырға
Ҡанат ҡуйҙы был сәфәрҺәр спектаклдең үҙ яҙмышы була. Уның ғүмере, бәхете тамашасыларҙың сәхнә әҫәрен нисек ҡабул итеүе менән баһалана.
Ике-өс йыл элек беҙ, Туймазы дәүләт татар драма театрының ижади төркөмө, Николай Коляданың пьесаларын күмәкләп “түңәрәк өҫтәл” янында уҡығайныҡ. Күптәр оҡшатты уның драмаларын. Артистарыбыҙ араһында ҡайһы бер әҫәрҙәрҙәге ҡыҙыҡлы геройҙар итеп үҙҙәрен күҙ алдына килтереүселәр ҙә булды. Театрыбыҙҙың баш режиссеры Башҡортостандың һәм Татарстандың атҡаҙанған сәнғәт эшмәкәре Байраc Ибраһимов Николай Коляданың “Тауыҡ” комедияһын, бер ни ҡәҙәр ваҡыт күңелендә йөрөткәндән һуң, Милли йәштәр театры режиссеры Илнур Муллабаевҡа беҙҙең театрҙа сәхнәләштерергә тәҡдим иткән.
Ком: 0 // Уҡынылар: 678 тапҡыр // Тотош уҡырға
Дәғүәләшеүсе партиялар күбәйгән— Урындағы үҙидара органдарына депутаттар һайлау бөгөн йәмғиәттә айырыуса ҙур ҡыҙыҡһыныу тыуҙыра. Көҙгө тауыш биреү кампанияһында республика буйынса 10 сәйәси партияның һәм 1200-гә яҡын үҙаллы кандидаттың ҡатнашыуы — бының асыҡ дәлиле, — тине Башҡортостандың Үҙәк һайлау комиссияһы рәйесе Хәйҙәр Вәлиев "Башҡортостан", "Республика Башкортостан", "Кызыл таң" гәзиттәре һәм "Башинформ" мәғлүмәт агентлығы хәбәрселәре менән осрашыуҙа.
14 октябрҙә, йәғни Берҙәм тауыш биреү көнөндә, төбәктең 54 районында, бер нисә ауыл биләмәһендә, шулай уҡ Туймазы һәм Дүртөйлө ҡалаларында һайлау үтәсәк, һөҙөмтәлә 1115 мандат тапшырылырға тейеш. Хәйҙәр Арыҫлан улының күҙаллауынса, әүҙемлек бынан алдағы сараларҙағынан һис тә кәм булмаясаҡ.
Ком: 0 // Уҡынылар: 571 тапҡыр // Тотош уҡырға
Матбуғат булды, бар һәм буласаҡБөгөн Өфө районында Рәсәй полиграфистары һәм нәшриәтселәренең “Тамға-2012” төбәк-ара форумы асыла. Унда Мәскәү, Санкт-Петербург, Свердловск, Силәбе, Ырымбур өлкәләре, Пермь крайы, Татарстан, Удмурт, Сыуаш республикалары һәм башҡа төбәктәрҙән ҡатнашыусылар килә. Йыйынды республиканың Элемтә һәм киң коммуникациялар министрлығы, Башҡортостан полиграфистары ассоциацияһы ойоштора.
“Тамға-2012” Рәсәйҙең Бөтә донъя сауҙа ойошмаһына инеүе шарттарында ватан полиграфистарының дәғүәселеккә һәләте, ғөмүмән, бөгөнгө полиграфия торошона арнала. Ике көн дауам итәсәк сарала тармаҡтың алдынғы эксперттары сығыш яһаясаҡ, фекер алышыуҙар, семинарҙар, “түңәрәк өҫтәл”дәр буласаҡ.
Ком: 0 // Уҡынылар: 721 тапҡыр // Тотош уҡырға
Рәсәйҙең ҡайһы төбәгендә туристарға барлыҡ ҡапҡалар ҙа асыҡ? Йәйге ялын тыуған ерендә үткәрергә теләүселәргә ҡайҙа юлланырға? Иң матур урын тип ҡайһы төбәкте атарға? Ялың онотолмаҫлыҡ, шул уҡ ваҡытта уңайлы шарттарҙа үтһен өсөн ни эшләргә? Был һорауҙарға яуапты ошо көндәрҙә Йошкар-Ола ҡалаһында үткән Волга буйы федераль округының “Волга буйын ас” тип аталған туристик мөмкинлек менән таныштырыу фестивалендә алырға була ине.
Ком: 0 // Уҡынылар: 591 тапҡыр // Тотош уҡырға
14 сентябрҙә көндөҙгө сәғәт 2-нән 4-кә тиклем Баймаҡ ҡалаһы хакимиәте бинаһында (Баймаҡ ҡалаһы, С. Юлаев урамы, 36) Рәсәй Социаль страховкалау фондының Башҡортостан буйынса төбәк бүлексәһе идарасыһы Марат Мөьмин улы Латипов граждандарҙы ҡабул итә.
Ком: 0 // Уҡынылар: 586 тапҡыр // Тотош уҡырға
Белорет ҡалаһында 13 бала тәрбиәләгән Ермиловтар ғаиләһендә ҡыуаныслы ваҡиға — Светлана Сучкова менән Валерий Ермилов 14 урынлыҡ “ГАЗель” микроавтобусына эйә булды.
Ком: 0 // Уҡынылар: 507 тапҡыр // Тотош уҡырға
20 сентябрҙә Дәүләт Йыйылышы — Ҡоролтай йортонда (Өфө ҡалаһы, Зәки Вәлиди урамы, 40) Башҡортостан Республикаһының дүртенсе саҡырылыш Дәүләт Йыйылышы — Ҡоролтайҙың илле бишенсе ултырышы була.
Ултырыш иртәнге сәғәт 10-да, теркәү 9-ҙа башлана.
Ком: 0 // Уҡынылар: 541 тапҡыр // Тотош уҡырға
Ирек Кинйәбулатовтың “Бородино” балладаһын уҡығас...
Мәҡәл инсаниәтселекте бәлә-ҡазанан ҡотҡарырға Алла алдында имтихан тотҡан Сәмреғош һымағыраҡ. Шул хозурлыҡ шәфәғәтлелеген иман иткән Хызыр Ильяс кеүек тә. Хоҙай юлсыһы Сәмреғош менән Хызыр Ильяс ҡайҙа, ҡасан, ҡайһы ерлектә, ниндәй илаһиәттә барлыҡҡа килгәнлекте самалау икеле булғандай, мәҡәлдең һүҙ-һүрәт, һүҙ-фекер, һүҙ-тойғо сифатында яралғанлығын да асыҡлау ситен. “Айбарлы ирҙәр бар сағында, баҙынмаҫ дошман илемә”, — ти башҡорт. Был — халыҡ ижады ынйыһы.
Ком: 0 // Уҡынылар: 930 тапҡыр // Тотош уҡырға
Артҡа 1 2 3 Алға
Бит башына