Ҡыҙыҡлы проекттар барЕтеҙ метробустарҙа елдерәһе ине!
Ай үҫәһен көн үҫкән тигәндәй, баш ҡалабыҙ ҙа күҙгә күренеп үҙгәрә, үҫә, матурлығы менән үҙенә күптәрҙе тарта. Бер нисә йыл Өфөгә аяҡ баҫмаған кешенең хатта таныш урамдарҙы, йорттарҙы таба алмай албырғап ҡалыуы бар. Йәнгә тейгән тығындар, машиналарҙың көнө буйы геүләгән тауышы, көндәлек ығы-зығы ла тыуған ҡалабыҙға булған һөйөүҙе һүрә лә, һүндерә лә алмай.
Урамдарҙы киңәйтеү, водителдәр һәм пассажирҙар өсөн уңайлыҡ тыуҙырыу йәһәтенән башланған эштең оҙаҡҡа һуҙылыуы һәм һаман да осо-ҡырыйы күренмәүе халыҡта ризаһыҙлыҡ тыуҙырыуы сер түгел, әммә “башланған эштең бөткән эш” булыуы, бындай ҡырҡа үҙгәрештәрһеҙ имен, уңайлы мөхит булдырыу мөмкин түгеллеге бәхәс тыуҙырмай.
Ком: 0 // Уҡынылар: 563 тапҡыр // Тотош уҡырға
Һаумы, Сочи-2014!Сочиҙа үтәсәк ҡышҡы Олимпиада уйындарына теүәл 500 көн ҡалды. Ошо айҡанлы “Сочи-2014” ойоштороу комитеты барлыҡ илдә ҙур байрам үткәрҙе. Рәсәйҙең 17 ҡалаһында спорт һәм мәҙәни саралар гөрләне, волонтерҙар ҡатнашлығында ярыштар йәнле барҙы.
Акцияға Өфө йәштәре лә әүҙем ҡушылды. Был көндә баш ҡаланың Ленин исемендәге майҙаны күңелле ауаздарҙан гөрләп торҙо.
Эстафета ярыштары ҡышҡы спорт төрҙәренән ғибәрәт ине. Башҡорт дәүләт медицина университеты, “Индиго” үҙәге волонтерҙары 500 метр алыҫлыҡҡа коньки урынына ролик кейеп, шайба урынына туп менән таһыллыҡта көс һынашты.
Республикабыҙҙа спортҡа етди иғтибар бирелә. Йыл һайын Өфөлә 12 спорт төрө буйынса уҡыусылар спартакиадаһы үтә.
Ком: 0 // Уҡынылар: 552 тапҡыр // Тотош уҡырға
Хәйбулла районында — яңы хакимиәт башлығыХәйбулла район Советының 25 сентябрҙәге ҡарарына ярашлы Раил Ибраһимов контракт буйынса район хакимиәте башлығы итеп тәғәйенләнде.
Раил Хажиморат улы Ибраһимов 1957 йылдың 12 майында Хәйбулла районының Оло Әбеш ауылында тыуған. Юғары белемле — Башҡортостан ауыл хужалығы институтын тамамлаған.
Хеҙмәт эшмәкәрлеген 1974 йылда “Һаҡмар” совхозында башлай. Төрлө йылдарҙа “Башкирсельхозхимия” етештереү берекмәһе етәксеһе, Хәйбулла районының халыҡ контроле комитеты инспекторы, КПСС-тың Хәйбулла райкомы секретары, “Аҡъяр” совхозында баш иҡтисадсы, Хәйбулла районы башҡарма комитеты рәйесе, милеккә идара итеү буйынса район комитеты рәйесе, хакимиәт башлығының беренсе урынбаҫары, “Аҡъярһөт” йәмғиәте директоры урынбаҫары була.
Ком: 0 // Уҡынылар: 553 тапҡыр // Тотош уҡырға
Башҡортостан — туристар өсөн көрәш майҙанында1979 йылдан алып билдәләнеүсе Бөтә донъя туризм көнөнөң маҡсаты — кешеләрҙе сәйәхәткә, туризмдың донъя иҡтисадына ыңғай йоғонтоһон аңлатыу, халыҡ-ара бәйләнештәрҙе нығытыу. Рәсәй етәкселеге табышлы тармаҡҡа, ниһайәт, йөҙ менән боролдо — “2011 — 2018 йылдарға Рәсәй Федерацияһында эске һәм ситтән килеүселәр туризмын үҫтереү” федераль маҡсатлы программаһы бойомға ашырыла башланы. Уның өсөн дәүләт бюджетынан 100 миллиард һум бүленә, төбәк аҡсаһы йәлеп ителә. Программа уңышлы үтәлһә, Рәсәйгә сит ил туристары алты тапҡырға күберәк киләсәк, илебеҙ туризм мәккәһенә әүереләсәк тип көтөлә.
Хәҙер Рәсәй төбәктәре туристар өсөн үҙ-ара сәмле көрәш алып барырға өйрәнә: тармаҡҡа тос өлөш индерерҙәй инвесторҙар эҙләй, милли мәҙәниәтен һәм тарихи ҡомартҡыларын тергеҙә, күмәк халыҡты йәлеп итерҙәй ҡоролмалар төҙөй...
Ком: 0 // Уҡынылар: 608 тапҡыр // Тотош уҡырға
“Ғәлиә” фирмаһы сит илдәрҙә лә билдәлеҮҙ эшеңде асып ебәреү өсөн һинең маҡсатың булырға тейеш. Ул ҙур булған һайын эшең дә, дәртең дә ташып торасаҡ. Эшҡыуарлыҡ кешенән ҙур тәүәккәллек талап итә. Өфөләге “Ғәлиә” химик таҙартыу хужабикәһе Ишембай районының Әптек ауылында тыуып үҫкән Рәйлә Фәсхетдинова миҫалында ла шуны раҫларға мөмкин.
Рәйләнең атаһы иң беренселәрҙән булып һуғышҡа оҙатыла. 1945 йылда бер нисә көнгә генә ауылға ҡайта, шунан яңынан китә. Ошо иң бәхетле минуттарҙа бүләк булып ҡалған ҡыҙ ул. Шуға күрә лә уның исеме лә икәү: Рәйлә-Бүләкбикә.
Етемлектә үҫкән ябай башҡорт ҡыҙы — бөгөн республикала ғына түгел, Рәсәй, сит ил күләмендә лә билдәле эшҡыуар.
Ком: 0 // Уҡынылар: 746 тапҡыр // Тотош уҡырға
Нисек йәшәргә?Зәйнәб Биишева исемендәге Башҡортостан “Китап” нәшриәтендә Гөлсирә Ғиззәтуллинаның “Йәшәргә ваҡыт” исемле китабы донъя күрҙе. Башҡорт телендәге әҙәби-художестволы баҫмаға хикәйәләр, повестар, эссе тупланған.
Яҙыусының геройҙары тормош, бәхет, изгелек төшөнсәләре хаҡында уйлана. Прозаик Ғиззәтуллинаның әҫәрҙәре күңел нескәлеге, фажиғәле характерҙар, донъяға фәлсәфәүи ҡараш менән һуғарыла.
Гөлсирә Мирза ҡыҙы Ғиззәтуллина Ейәнсура районында тыуған. Башҡорт дәүләт университетының филология факультетын тамамлаған.
Ком: 0 // Уҡынылар: 1403 тапҡыр // Тотош уҡырға
Ашығыс ярҙамИптәшем Артур менән “Мир” фирмаһы” туҡталышынан болоҡһоп ҡына ҡайтып киләбеҙ. Ҡояш түҙгеһеҙ итеп ҡыҙҙыра, тын алырлыҡ әмәл юҡ, күкрәк ситлегендә әллә йөрәк, әллә күңел сәбәләнә. Мин өндәшмәйем, Артур алға һонолоп атлаған арала ауыҙ эсенән мығырҙанып һөйләнеп килә:
— Эштәгеләрҙең кемеһе — көньяҡта, кемеһе Европала ял иткән. Минән, ҡайҙа ял иттең, тип һорағас, ҡапыл ғына, һис уйһыҙ: “Ауылда, бесән саптым...” — тинем. Өндәшмәнеләр. Уларға рәхәт, улар ҡарт, барыһы ла бар, донъялары бөтөн, төҙөк, ә беҙҙең, йәш булғас, бер нәмәбеҙ ҙә юҡ. Их, ҡасан ғына ҡартаябыҙ инде!
Үҙем иремдең һүҙҙәрен бүлдермәй генә тыңлап киләм, үҙемдең көлгө килә. Былтыр ғына вуз бөтөрөп өйләнешкәс, Өфөлә йәшәргә тәүәккәлләгәйнек шул.
Ауылдан әсәйем кеше аша ебәргән күстәнәсте йөкмәп, тауыҡ кетәгендәй генә торлағыбыҙға ҡайтып киләбеҙ.
Ком: 0 // Уҡынылар: 601 тапҡыр // Тотош уҡырға
Атай-әсәй наҙы ғына етмәй...Был балалар — “йәшел йылан” ҡорбаны
Бында бер генә бала ла үҙ теләге менән килмәй. Хатта өҫтө бөтөн, тамағы туҡ, ә тәрбиәселәрҙең барыһы ла алсаҡ йөҙлө булғанда ла. Ни тиһәң дә, Ер йөҙөндә әлегә ата-әсә наҙын, йылыһын алмаштырырлыҡ көс табылмаған. Шуға күрәлер, Бөрйән районының Ҡурғашлы ауылындағы балалар һәм үҫмерҙәр өсөн социаль приютҡа аяҡ баҫҡанда, күңелде ниндәйҙер әйтеп аңлатып булмаҫлыҡ моңһоулыҡ биләп ала...
Хужаһыҙ бесәйҙәр, эттәр өсөн приюттар барлығын беләбеҙ. Уны мәрхәмәтле кешеләр ойоштора. Ә бына ғүмер юлына яңы аяҡ баҫҡан бала көндәрен приютта үткәрергә тейешме ни?! Юҡ, әлбиттә. Әммә ни эшләйһең, аяуһыҙ яҙмыш уларҙы һис йәлләп тормаған.
Ком: 0 // Уҡынылар: 1066 тапҡыр // Тотош уҡырға
Бөгөнгө әҙәбиәтебеҙҙең ағинәһеТаңсулпан Ғарипова — башҡорт прозаһына һәм драматургияһына тос өлөш индергән әҙибә. Ҡайһы ғына әҫәрен алып ҡарама, унда яҙыусының ихлас ижадын күреп ҡыуанаһың. Ихласлыҡ, әүҙем ижади эшмәкәрлек ҡайҙан килә һуң? Минең уйымса, үҙ халҡыңа выжданың, намыҫың менән бирелеп хеҙмәт итеүҙәлер.
Таңсулпандың хикәйәләрендә, повестарында, романдарында, драма әҫәрҙәрендә халыҡтың йәшәү рәүешенең төрлө төҫтәре, биҙәктәре ята. Заман сәйәсәтенә, тормош ҡанундарына дөрөҫ, ғәҙел баһа биреү ҙә әҙибәне, уның абруйын күтәрәлер. Туған халҡы, йәғни меңәрләгән уҡыусыһы уны үҙ итте. Башҡортостанда ғына түгел, Ырымбур, Һамар өлкәләрендә йөрөгәндә лә “Таңсулпан Ғарипованың “Бөйрәкәй”ен почта аша алдырып булмаймы?” тигән һорауҙарын да ишетергә тура килгәйне. “Бөйрәкәй” романдар сериалы бер-бер артлы ике тапҡыр нәшер ителһә лә, китап кәштәләрендә бигүк торламаны.
Ком: 0 // Уҡынылар: 3046 тапҡыр // Тотош уҡырға
Бынан дүрт-биш йыл элек Әбйәлил районының Рысҡужа ауылынан Миңлебикә һәм Хәлфетдин Яҡуповтарҙың ғаиләһе менән танышыу насип булғайны. Дөрөҫөн әйткәндә, ул яҡтарға үҙемдең әҡрәбәмде эҙләп табыу маҡсатында барғайным (әсәй яғынан олатайымдың атаһы — Рысҡужанан). Шуларҙың береһе Хәлфетдин Ғималетдин улы булып сыҡты.
Миңлебикә еңгәй менән Хәлфетдин ағай тиң-тигеҙ ғүмер итеп, матур ғына йәшәп ята ине. Дүрт балалары ла уҡытыусы һөнәрен һайлаған: Рәжәп Яҡупов — эргәләге Ҡаҙмаш мәктәбе директоры, Сәлимә Баймаҡ районында Татлыбайҙа уҡыта, Фәрит нигеҙ йортта ата-әсәһе менән бергә йәшәй, Ҡаҙмаш мәктәбендә эшләй, Вәлимә иһә Өмөтбайҙа балаларға белем бирә.
Ком: 1 // Уҡынылар: 992 тапҡыр // Тотош уҡырға
Артҡа 1 2 Алға
Бит башына