Алдынғылыҡ еңел бирелмәйҺуңғы арала яуған ямғырҙар баҫыу эштәрен теүәлләргә бер аҙ ҡамасаулаһа ла, ауыл халҡының күңеле барыбер күтәренке. Хоҙайҙың шифалы ямғыры киләһе уңышҡа нигеҙ һалған осорҙа бик файҙалы булыр, моғайын.
"Россия" яуаплылығы сикләнгән йәмғиәтенә ҡараған Боғҙан һәм Тимкә бүлексәләре эшсәндәре 500 гектарҙа арыш, 300 гектарҙа ужым культуралары сәсеп, көҙгө баҫыу эштәрен тамамларға йыйына. Бында бөгөн ерҙе парға һөрәләр, химик эшкәртеү бара. Республиканың күп кенә райондарында тиреҫ сығарыу бөтөнләй алып барылмаған саҡта "Россия" хужалығы үҙ баҫыуҙарына 70 гектарҙа тиреҫ сығарған да инде.
Ком: 0 // Уҡынылар: 929 тапҡыр // Тотош уҡырға
Салауат Низаметдинов: “Айырмағыҙ йырҙарымдан...” “Ашығамын — кешеләргә
Әйтә торған һүҙҙәрем бар,
Ашығамын — алдарымда
Артылаһы үрҙәрем бар”, —
Салауат Низаметдиновтың популяр йырындағы был һүҙҙәре уның тормошона, ижадына тап килә, сөнки, берҙән, композиторҙың һис кемде ҡабатламаҫ үҙ һүҙе, үҙ йөҙө бар, икенсенән, уның артылаһы үрҙәре, ижад көмбәҙенең сиктәре юҡ кеүек.
Салауат Низаметдинов — республикабыҙҙа ғына түгел, Рәсәй кимәлендә лә, сит тарафтарҙа ла танылыу яулаған шәхес. Уны үтә лә емешле ижадсы — ете опера, симфониялар, хор һәм бихисап йыр авторы, Рәсәйҙең һәм Башҡортостандың атҡаҙанған сәнғәт эшмәкәре, Ғ. Сәләм исемендәге республика премияһы, Халыҡ-ара конкурстар, Рәсәй Композиторҙар союзының Дмитрий Шостакович исемендәге премияһы лауреаты булараҡ беләләр.
Ком: 0 // Уҡынылар: 1350 тапҡыр // Тотош уҡырға
Ысынбарлыҡҡа әйләнгән аманатҺуңғы йылдарҙа һәр төбәктә халыҡ үҙ шәжәрәһен өйрәнә, нәҫел-нәсәбен барлай, өҙөлгән туғанлыҡ ептәрен ялғарға тырыша. Был хаҡта ваҡытлы матбуғатта күп яҙыла, радио һәм телевидение тапшырыуҙарында даими телгә алына. Бер ҡараһаң, Интернет киң ҡулланыу алған заманда йәшәгәс, был эш менән шөғөлләнеү әллә ни ауырлыҡ та тыуҙырмай кеүек, сөнки кемде эҙләйһең, шуны табырға була тиергә лә мөмкин. Әммә ошо изге эште концепцияға һалып, еренә еткереп башҡарыу – ай-һай еңелдән түгел, минеңсә. Нимә генә тимә, архив документтарын барларға, тәртипкә килтерергә, туған-тыумасаның исемлеген даими тулыландырып торорға кәрәк. Йәнә лә бер көндә, бер айҙа башҡарып сыға торған хеҙмәт түгел был.
Тыуған төйәгем – Дәүләкән районының Мәкәш ауылы хаҡында күптәрҙең мәғлүмәт туплауын ишетеп кенә түгел, күреп беләм.
Ком: 0 // Уҡынылар: 1432 тапҡыр // Тотош уҡырға
Мөхәббәтле өйҙә ҡояш көләБәхетле йылмайып, һөйләшә-көлөшә икәү килә. Алдараҡ һикерешеп уйнаған малайҙар уларҙы етәкләп алды. Матур ғаиләгә һоҡланып, туҡтап ҡалдым. Улар яҡынайғас, Эльвираны таныным. Ҡатындың гел йылмайып йөрөүенә күнеккәнмен. Ә ғаиләһе янында ул айырыуса балҡый. Бәхет шишмәһе бына ҡайҙа ул!
Башҡорт дәүләт университетының филология факультетында ситтән тороп уҡып йөрөгән Гәрәбаш ауылы ҡыҙы Эльвираны Үрге Тәтешлегә башҡорт теле һәм әҙәбиәте уҡытыусыһы итеп ебәрәләр. Сит ерҙә уңышлы эш башлаған йәш белгес бында ғүмерлек йәрен дә таба: Силантий менән яратышып өйләнешәләр. Балаһының яҙмышын икенсе милләт кешеһе менән бәйләүенә йәштәрҙең ата-әсәһе ҡаршы килмәй. “Күңелдең, холоҡ-фиғелдең яҡшы булыуы мөһим”, — тип иҫәпләй улар.
Ком: 0 // Уҡынылар: 814 тапҡыр // Тотош уҡырға
Умартасылыҡ серҙәре. 24-се дәрес“Умартасылыҡ серҙәре” дәрестәрен уҡыусылар ҡыҙыҡһынып уҡып бара. Күбеһе уны ҡырҡып алып, айырым дәфтәргә лә туплай. Ләкин шул уҡ ваҡытта дәрестәрҙең айына, миҙгеленә (бал йыйыу осоро, айырыу ваҡыты һ.б.) тура килмәүе хаҡында ла әйтеүселәр бар. Улар — башлыса әле умарта тотоп, күптән умартасылыҡ менән шөғөлләнеүселәр. Хөрмәтле уҡыусылар, дәрестең күпселек тәжрибәһе булмаған, яңы эшкә тотонғандар өсөн үткәрелгәнен дә онотмайыҡ. Нәҡ һуңғыларынан ошондай теләк килде лә инде. Рафиҡ Ноғомановтың хеҙмәтен тулыһынса баҫһағыҙ ине, башҡортса матур, ентекле яҙылған әсбаптар бик аҙ, булһа ла килеп етмәй, райондарҙа китап магазиндары юҡ... Шуға ла, урталыҡты табып, беҙ ауыл хужалығы фәндәре кандидатының хеҙмәтен мөмкин тиклем тулыраҡ баҫырға тырышасаҡбыҙ.
Ком: 0 // Уҡынылар: 925 тапҡыр // Тотош уҡырға
"Фрунзе дәүере" һаман һағындыра1979 йыл. Октябрҙең 50 йыллығы исемендәге колхоздың отчет-һайлау йыйылышы бара. Бынан алда колхозға өс тиҫтә йылдан ашыу етәкселек иткән Хәбибхәжәр Халиҡов хаҡлы ялға китә. Хужалыҡ дилбегәһен артабан кемгә ышанып тапшырырға? Барыһын да ошо һорау борсой. "Сибай" совхозының үҙәк бүлексәһе идарасыһы Фрунзе Исрафиловтың исеме яңғырағас, бер тауыштан уны һайлайҙар. Шул мәлдән колхозда "Исрафилов дәүере" башлана.
Көслө, дәртле йәш етәксе тәүге көндәрҙән үк эшкә ең һыҙғанып тотондо. Тәжрибәле белгестәр, хеҙмәт ветерандары менән кәңәшләшеүҙән һис тартынманы.
Колхоз иҡтисади яҡтан үҫешһә лә, хеҙмәткә түләү күрше хужалыҡтарға ҡарағанда күпкә түбән ине.
Ком: 0 // Уҡынылар: 726 тапҡыр // Тотош уҡырға
Эш һөйгәнгә уңыш юлдашИнйәр участка дауаханаһы мөдире Зариф Миңлебай улы Суфияновтың “Иң яҡшы һаулыҡ һаҡлау хеҙмәткәре” тигән маҡтаулы исемгә лайыҡ булыуы осраҡлы түгел. Үҙ эшенә етди, талапсан ҡараған табиптың абруйы Инйәрҙә генә түгел, тотош районда яҡшы билдәле.
Зариф Миңлебай улы Стәрлетамаҡ медицина училищеһын тамамлағас, хеҙмәт юлын Ғафури районында башлай. Тиҙҙән медицина университетында уҡыуын дауам итә. Белорет бала табыу йортонда интернатура үткәс, Инйәр участка дауаханаһына акушер-гинеколог булып эшкә килә. 2006 — 2012 йылдарҙа ошо дауахананың баш врачы вазифаһын башҡара. Модернизация елдәре арҡаһында дауалау учреждениеларын берләштереү башланғас, ул үҙе эшләгән дауахананың мөдире итеп тәғәйенләнә.
Ком: 0 // Уҡынылар: 886 тапҡыр // Тотош уҡырға
Совет осоронда илдәге барлыҡ нефть, газ һәм продукт үткәргестәрен төҙөүҙе көйләгән махсус министрлыҡтың юбилейы, шулай уҡ тармаҡ эшселәре союзының ун йыллығы айҡанлы Башҡортостанға ошо өлкәлә хеҙмәт итеп хаҡлы ялға сыҡҡан ветерандар йыйылды.
— 1972 йылдың 20 сентябрендә нефть һәм газ буйынса махсус министрлыҡ ойошторола. Быйыл беҙ был көндө Төмәндә булдыҡ, сөнки унда ойошмаларыбыҙ бик күп. Яғыулыҡ-энергетика комплексы йәһәтенән икенсе төп төбәк — ул Башҡортостан, — тине союз етәксеһе Владимир Чирсков.
Ком: 0 // Уҡынылар: 747 тапҡыр // Тотош уҡырға
Баҡса эштәре тынып ҡалды. Шуға ла сентябрҙә редакция почтаһы һәлмәкләнә төштө: йәмғеһе 200-ҙән ашыу хат алдыҡ. Уларҙың бер өлөшө гәзит биттәрендә донъя күрҙе, ярҙам һорап яҙғандары хәл итеү өсөн тейешле ойошмаларға ебәрелде.
Бынан 95 йыл элек сыға башлаған “Башҡортостан” әле лә үҙ йүнәлешенә тоғро ҡала: уҡыусыларҙың теләгенә, үтенесенә ҡолаҡ һалып эш итеү — беҙҙең күптәнге матур йола. Ғафуриҙан Рәфис Байбулдин: “Ҡорт тотоу элек-электән табышлы шөғөл һаналған.
Ком: 0 // Уҡынылар: 791 тапҡыр // Тотош уҡырға
Нефтекамала экологик өмә уҙғарҙыҡ, ҡаланың уртаһындағы күлде лә таҙарттыҡ. Һуңынан шундай һығымтаға килдек: сүп-сарҙың күпселек өлөшө – араҡы, һыра менән күңел асыуҙарҙың “емеше”.
Быға ҡаршы нисек көрәшергә? Өмәләр, ҙур штрафтар ярҙамында был мәсьәләне тулыһынса хәл итеп булмаясағы көн кеүек асыҡ. Тирә-йүндең таҙалығы өсөн үҙебеҙ яуаплы булғанлыҡты һәр кем аңларға бурыслы. Араҡы менән тәмәкегә кешенең ихтыяжы булмаған, шуға күрә уларҙан бер ниндәй үкенесһеҙ баш тартһаҡ та, бер еребеҙ ҙә кәмемәйәсәк.
Ком: 0 // Уҡынылар: 796 тапҡыр // Тотош уҡырға
Артҡа 1 2 Алға
Бит башына